老陳餅店 (已結業)

先說包裝，真係好有驚喜。密封膠袋衛生之餘，亦保持了戚風蛋糕的濕潤。蛋糕的底盤是一塊厚厚的硬卡，十分有誠意，亦都非常方便切蛋糕及保存吃不完的蛋糕 。蛋糕十分香，隔着盒子都聞到濃濃蛋味。口感細緻，棉密，不太甜。一個這麼認真的戚風蛋糕才$70，真替店家擔心。食物以外，店的服務也十分好，可以whatsapp 溝通及預訂，還會提醒客人那有齒刀。不過環保，還是用自家的据齒刀好了。下次再有機會入元朗，一定會再光顧。

前排睇雜誌見到介紹老陳，作為元朗人竟然未試過，真係講唔過去。呢度專賣戚風蛋糕，仲有幾款飲品，本來可以立食嘅，不過疫情關係，都係外賣算。印象中有7隻味，其實我隻隻都想試，$14一件，講真唔算平。我買咗朱古力同埋店長極力推介嘅伯爵茶，佢哋嘅蛋糕係即日出爐，所以我覺得都係即日食比較好～獨立包裝，拆開膠紙之後已經聞到香味喇。我就冇特登叮熱食，但我估熱食都會好唔錯嘅。大力鏈下佢，佢會彈番起身，真係好鬆軟！食落真係好重朱古力味，鍾意朱古力嘅人都唔會失望呀！而店長推介嘅伯爵茶，認真係正喎！好香茶味，用川寧茶葉，咁真係比起朱古力味更加有驚喜嘅。有機會真係想試埋其他味，我見到有柚子味同綠茶味！好似好吸引呀！

今日呢，又入了元朗，周圍去揾野食，其閒啦，到了呢間最近人氣好旺的蛋糕店買蛋糕，門口寫住有七種口味，但入到去已經差唔多賣曬。甘多種口味都想試試，先試下現在有買的啦。買左柚子同伯爵茶，一件14蚊，一個70蚊，買一個食唔曬，又想食多D，都係一件件甘買啦。柚子好香喔，竟然唔甜，平時飲柚子茶甜到爆加嘛，真意外。伯爵茶都好香，茶葉香來，同樣唔甜，好味喔。呢D蛋糕無忌廉，食多几舊都唔怕飽亦唔會濟，夠輕盈，有甜品食完可以無罪惡感，哈哈哈哈。

喺元朗打完邊爐，突然諗起之前經過一間很吸晴的餅店，於是就帶着朋友們陪我去買蛋糕，尼間戚風蛋糕裝修有年青品味，但店舖個名就好有懷舊感，兩者對比相映成趣買了這裏的招牌貨，伯爵茶蛋糕，採用Twining 伯爵茶來製造的，入口清新，但不會太濃茶味，茶香恰到好處，蛋糕內有一點茶葉碎，吃落更有層次感，口腔內留著茶香餘韻，另一賣點就是蛋糕質地柔軟，用手按落軟面得來有彈性，食落軟綿綿的，非常大愛，之前食過很多戚風蛋糕質地比較粗糙，所以不什愛吃戚風蛋糕，但這個蛋糕令我一試愛上，味道外型口感配合得天衣無縫除了伯爵蛋糕，還有芝麻，抹茶，朱古力，香蕉，不過今日太晚才來，大部份已經售罄，證明食物有水準，$14.一件的價錢，以此質素，簡直超值! 以後入元朗唔駛只係買老婆餅當手信啦！黎買戚風蛋糕比親朋戚友當早餐或下午茶，應該會更受歡迎👏🏻

戚風蛋糕專門店認真少見, 所以看報導後, 留下了印象。這是一間每日新鮮出爐, 只賣戚風蛋糕的小店, 非常有特色。來到店面, 發覺裝潢也很有心思, 小小的店舖, 卻滿有文青風。平日晚上七點多來到, 店舖快要關門, 可惜的是, 發現口味只剩下了香蕉和原味, 我想試的芝麻口味, 唯有下次再試。不過店員說原味是新出的, 質感更鬆軟。買回家待第二天早餐吃, 戚風蛋糕口感仍然鬆軟、綿密又帶濕潤, 小小的蛋糕, 令人有大大的滿足, 果然, 專注就是最美。配上了一杯玄米茶, 一個早餐, 享受了不一樣的滋味。有朋友來元朗玩, 也會推介他來買這元朗特色的戚風蛋糕。

這間店只售賣一種食物 - 戚風蛋糕! 味道都多選擇, 有伯爵茶、芝麻、咖啡、香蕉、抹茶、朱古力、柚子和原味!店員說柚子和原味是間中才會推出! 聽完店員解釋之後, 決定要伯爵茶、抹茶和柚子試試!原本以為只是一般的蛋糕, 沒想到口感是意料之外的好味!戚風蛋糕超級的鬆軟, 雖然蛋糕看似乾爽, 但入口會感覺到輕微濕潤, 軟軟的, 好易入口!個人喜歡伯爵茶、抹茶, 茶香十足, 帶點回甘, 但沒有蓋過蛋糕味道!柚子味好fresh, 咬到果肉好有柚子的甜香味, 好適合夏天季節食!!

戚風蛋糕之前一直好想自己整，但一直都好懶冇整，今日經過元朗一間小店，竟然只賣戚風蛋糕，岩晒我以D懶人。小店有7款口味，伯爵茶、柚子、芝麻、朱古力、抹茶、香蕉、咖啡，可以買一個或散買，我鐘意試多D味，所以買左朱古力、抹茶、伯爵茶戚風蛋糕每日新鮮製造，用上等材料，而且無添加，無色素，無防腐劑，無牛油，低卡路里，好健康。 每件戚風口感滋潤綿軟，濕潤而不甜，入口好輕盈，好鬆軟，愈食愈愛上朱古力戚風，選用日本可可，朱古力味濃，不會太甜抹茶戚風，選用日本龍膽宇治，抹茶香濃而回甘，這種抹茶味道就是正正我想要的伯爵茶戚風，選用英國川寧茶，清新的茶味，香味突出

元朗出名老婆餅係人都知，阿叔👨🏾初初聽呢間餅店，仲以為又係傳統舊式餅店賣老婆餅、嫁女餅等之類嘅中式餅家，但原來佢係一間戚風蛋糕🍰專門店，裝修唔單止唔老土，仲帶點文青feel。餅店出面更有一幅手繪壁畫牆，啱晒大家坐低慢慢食之餘兼順便打吓卡！📸.呢度只賣戚風蛋糕，口味有7款，包括伯爵茶、抹茶🍵、芝麻、朱古力🍫、香蕉🍌、咖啡☕️同柚子口味。餅店用料非常講究，蛋糕會採用日本麵粉、澳洲牛奶同韓國食糖，包保無添加同新鮮出爐，每日賣晒就無架喇！.每件戚風蛋糕$14，一個就$70，價錢非常大眾化👍🏼。阿叔今次買咗件抹茶口味試吓，比起阿叔早前食嘅古早蛋糕，呢款戚風蛋糕口感更鬆軟，少咗啲蛋香味但抹茶味就更香濃，絕對值得一試😊。阿叔今次嚟拎住太多嘢，下次嚟一定買多幾款口味返屋企做早餐。😆

走進元朗的大街小巷，追尋那股戚風的暖意。這次到訪元朗當然要幫襯一下最近開張的蛋糕小店。位於元朗西菁街的老陳餅店，主打七款不同口味的戚風蛋糕，全部即日新鮮製造，不添加任何防腐劑，給追求健康的都市人一種嶄新的糕點選擇。老陳餅店有著文青格調的門面，店外也有一幅可愛的貓咪圖畫牆壁，給人一種台式小店的親切小確幸感覺，討人歡喜。戚風蛋糕 $14這次選擇了柚子和抹茶味道的戚風蛋糕，蛋糕綿密鬆軟，入口輕盈，柚子味道清新甘香，抹茶口味則芳香甜蜜，一口吃下滿滿的幸福感。吃一口美味的蛋糕可以為人帶來簡單的幸福，最後當然也不忘買了數件作為給朋友的手信。願那股戚風所帶來的暖意，讓我們品嚐到生活的美好光景。

I found out this shop in openrice, but am not a big fan of chiffon cake. I waited for a while and one day with doubt I am going to give it a try. Mostly because they use high quality ingredients. They sell whole cake and also by pieces, it is better to reserve the cake in case they are sold out.I got whole cake and tried green tea flavor first time. It amazed me! The texture is just right, spongy smooth and fresh. My bambi even asked me why they put mousse in the cake so you know how smooth it i

見到上網有介紹呢間餅店不嬲都鍾意食戚風蛋糕，仲有我最愛既伯爵茶味！趁放假就去一探究竟去試試！去相先鋪頭充滿懷舊氣息，好寬敞同舒服店員都好落力介紹有唔同味伯爵茶味好香，好鬆軟！$70蚊一個都真係可以encore下次好想試其他口味，鋪頭出面仲有打卡位

戚風蛋糕有六款口味，伯爵茶、抺茶、朱古力、香蕉、芝麻、咖啡。尼間蛋糕店標榜無防腐劑+無精油+無色素+低糖，蛋糕空氣感十足，食落鬆軟可口，一啲都唔口乾，而且唔甜整體感覺真係幾健康。✨原個伯爵茶戚風蛋糕$70 推薦😍店舖用咗英國品牌Twinings 既伯爵茶，蛋糕入面仍有保留茶葉碎，聞落香氣十足，食落淡淡茶香，而且唔太甜又唔太過濕潤，所以好快食哂成個蛋糕🤤✨抺茶戚風件裝蛋糕$14尼款抺茶蛋糕選用宇治龍膽抺茶粉，所以聞落有徵微抺茶香味，亦都見到有抺茶粉粒，可惜食落抺茶味唔重，對於抺茶控黎講再濃厚啲會好食好多，而且抺茶味蛋糕入面質感濕潤好多相比另外兩款。✨咖啡戚風件裝蛋糕$14選用意大利Espresso，聞落幾香咖啡味，食落唔唔算太苦澀，甜度適中，食完之後口腔仍然留有咖啡的芳香味。

元朗有幾家老字號中式餅家，身為元朗友隨時可享用得到新鮮出爐的老婆餅！誰知新來的「老陳」虛有老套的名字，實不是售賣傳統中式餅食，反之賣的是源自老外，美國的戚風蛋糕！平日食雪糕比蛋糕還要多的我，看到「老陳」自家製作的戚風蛋糕，共有六款口味之多，且每件以獨立包裝出售，定能滿足心多的需要，於是決定一試！除了鬆軟如浮雲的質感討好外，我被戚風蛋糕選用天然食材、日本麵粉、澳洲牛奶和極度的低糖量吸引了！伯爵茶口味 — 英國川寧茶 香蕉口味 — 新鮮地捫香蕉 抺茶口味 — 日本龍膽抺茶 朱古力口味 — 日本可可 芝麻口味 — 高級黑白芝麻 咖啡口味 — 薏大利咖啡找到喜歡的口味後，大可預訂整個戚風享用，原個 HK$70，每件 HK$14。一次過買了六款口味回家嘗試。離開時，別錯過在外拍照，門外壁畫和花卉真是很好的拍點！最喜歡芝麻和香蕉既自然又突出的香氣，而招牌的伯爵茶則來得幽香柔和！平日不愛咖啡口味的食品，但最前面的咖啡戚風卻令我大為受落，大抵是選用自然食材，跟人工添加味素大不同的原因。中間抺茶口味也來得明顯，不過稍帶一點茶腥；最後面的朱古力戚風則偏向輕柔，不要以特濃朱古力來看侍便好了！其實六

平日下午4點去到，店入面有伯爵茶味，咖啡味，香蕉味，朱古力味及綠茶味蛋糕，每個蛋糕都標榜用上乘原料製造，但$14一件雪芳蛋糕，值唔值得就見人見智味道：蛋糕放到夜晚先食，但仲keep得好好蛋糕整體軟綿濕潤，但一啲都唔油膩。每一口都食到淡淡嘅綠茶味，而且食唔到蛋腥，甜味適中，我十分喜歡

今日去元朗覓食竟然有意外收穫，沿着條元朗大馬路都見到唔少人拎住個綠色盒子，裏面疑似是蛋糕的形狀，眼利的我望到盒上寫住「老陳餅店」，本身已經諗住搭車出市區回家，竟被呢個盒嘅設計吸引住，不到黃河心不死，經過九曲十三彎之後終於見到間鋪頭嘅真身！店舖裝修以綠色為藍本，設計清新，簡約風👍🏻👍🏻👍🏻講返主角戚風蛋糕先，黑板上寫着有不少味道，有伯爵茶，抹茶，香蕉，芝麻，咖啡味，我本身好鍾意伯爵茶的味道，於是就揀咗伯爵茶黎試試！返到屋企第一件事即刻開嚟試食，食落口感輕身，淡淡的伯爵茶香味，一啲都唔油膩感，食完一件又再想食多件，$70大大個真係好抵食！溫馨提示：買原個蛋糕抵過單買一件，食唔哂可留多一兩日的，我第二日食番味道還是一樣啊！以後入元朗唔係淨係買老婆餅喇，仲有戚風蛋糕可以做手信👍🏻👍🏻👍🏻