老馮茶居 (海寶花園)

假日諗住悠悠閒閒飲個早茶，點知遇著幾個沒禮貌的員工，滿肚子一肚氣！！😤首次，排隊拎飛時，員工語氣奇差！！等了十分鐘後，被安排在水吧（！）的位置，一邊飲茶，右手一邊要讓位置給大動作的員工沖飲品和開雪櫃！！除了坐得唔舒服，更要擔心熱飲會倒在自己身上！！超級危險⚠️最後受不了，食得太不舒服，提出想調位，卻被員工大聲疾呼的拒絕！做生意還做生意，根本沒可能在水吧放張枱讓客人坐！如貴公司負責人看到此留言，煩請貴公司作出檢討！！！

今天簡直一肚氣。原先屋企人介紹話去老馮飲茶，就去。去到就取四人票，問取票哥哥話還有三張枱，咁0k等⋯因前面有四位後生仔也等緊，一心諗住四位後就差不多到我地，怎不知在等15分鐘，就發覺安排座位有問題。眼見卡位有二位走，另二位應該飲多陣也會走，點不知他們安排排係我後面兩位入了座，另外兩個走之後，又安排令一個人入去座。這時我入去理論時，他竟然說還有一張枱，才到我。這樣服務態度，就算免費！我覺得也不值得去。佢哋梗係唔睇劉德華嘅廣告啦，今時今日咁嘅服務態度係咪要檢討一下呢？

元朗分店就成日食，質素一向唔錯，價錢又親民，今日去大尾篤踩單車之前就尼試下大埔分店，等frd之餘又醫下肚仔。比元朗大間好多，坐又舒服啲自己一個人食叫左 5 個點心，一個女仔絕對係食唔曬，又眼闊肚窄左😂😂😂埋單百零蚊，仲打包左啲做下午茶，唔錯唔錯！個春卷同蘿蔔糕真心好食😍😍😍春卷夠脆，點埋喼汁一流👍🏻👍🏻蘿蔔糕好香，唔會一咬落去成舊粉咁，有蘿蔔味😋😋😋如果將來會有埋流沙奶黃包就完美啦😳另外啲店員好funny，可能唔係坐爆曬，所以有時間講下野，幾吹得，後生仔女多，講野夠大喇喇，岩我😎😎😎下次有機會再入大埔再過尼幫襯😋

同朋友午市時經過見到間裝修極具懷舊風情的港式茶店，就打算入去試下，點知唔試還至可，一試難忘！店內裝潢超適合打卡，枱同枱中間的空間都幾大，唔會好窄，坐得幾舒服。基本茶樓點心佢都有，仲有d 自家推出的特色點心，例如金沙紅米腸，蝦醬蒸腩仔飯。超推金沙紅米腸，佢有d 像炸兩，我地食完好食到再叫多份！蝦醬蒸腩仔飯就有d 太鹹，唔落豉油都鹹，同埋蝦醬味唔係話超濃，如果唔鍾意食肥肉的可能都唔係好啱，因為都幾肥，不過整體點心水準都唔錯。價錢適中，我地4個人食，2個飯，6個點心，加埋茶介，每人都係60蚊左右，食到超飽

一向有幫襯開元朗老馮茶居，今日假期專程入大埔試一下分店食物，果然冇令我失望🥰點心即叫即蒸夠新鮮👍🏻今次最驚喜係試咗元朗無既頭湯灌湯餃同金沙紅米腸❤️金沙紅米腸係用紅米磨成米漿，入面包住油炸鬼😍好味👍🏻X.O醬蘿蔔糕每次去係我必點既點心，用老馮自家製嘅XO醬，外脆內軟好好味最後再試埋芒果布甸再加上淡花奶，童年回憶返晒黎🥰大埔分店比元朗分店大，座位比較舒適，裝修特別👍🏻不枉我專程到大埔一試😍有下次

點心味道的確不錯。食了幾天都不錯，但今日去食就令我太失望了。今日叫了糯米雞，黎到時見到整集糯米雞是㱘平凹陷了的（吃了幾天都有叫，不是凹的是飽滿的）。打開一看見到中間有個圓形的㱘痕，入面醤汁爆開到外面。見到這情況我當然要求更換，但最失望是那個男的不知是店員還是老闆不給換，他的說法是：糯米雞味道沒問題不能換，貌相如何沒關係，別的糯米雞一樣是這樣。開店做生意、做飲食的，味道當然重要，但貌相不重要嗎？人人都說料理要色、香、味，三要素。來到老馮茶居卻只要味道沒問題別的就不重要了？那隻糯米雞明顯是受重物㱘力，導致中間有圓形凹痕、整個扁平了的。那個店員/老闆態度真的令我很失望，他如果態度好一點說一句：很抱歉製作時出了問題，但味道是沒問題的一樣很好吃。這樣我可以接受，不會感到失望和一略憤怒。我在這裡只是想分享我的情況，希望老馮會有改善。

裝修好有誠意，有陣舊香港味。食物方面，叫左幾款試試，價錢不貴。蝦餃味道正常，紅米腸值得推介，一層紅色腸粉包住熱辣辣既炸蝦膠，特別得黎唔奇怪。香芋流沙包做唔到流沙，但都好味。最差既係千層蛋黃糕，唔係一層層，好實仲爆甜！！入面有類似糖冬瓜既餡，甜到不得了！！依度最好食係蒸飯，叫左蒸雞飯，雞既份量多，飯蒸得靚，唔怕乾，有濕度。推介！

放假就係hea住過的節奏👆中國咁多嘢食入面，我最意就係飲茶，一盅兩件飲啖茶食個包，就已經可以好滿足😬😬 之前食過元朗嗰間，今次試下大埔新店睇睇有無分別~-☆ 鵪鶉蛋燒賣皇 HKD$28依家好多酒樓已經食唔到，哩度居然有得食，好驚喜即刻點！鵪鶉蛋雖然膽固醇較高，但啪一粒半粒無問題嘅😄 燒賣厚實豬肉份量多，食到有蝦肉，不錯的。-☆ 老馮流沙芋泥包 HKD$23芋泥包熱辣辣，裡面係較特派少見既芋泥，流心程度不算高，而芋泥好香芋頭味，粉粉地少少起沙，特別又好味👍-至於豉汁鳳爪、金錢肚同埋牛肉腸粉都係唔錯嘅，可以話比酒樓更好食😋 最驚喜嘅係鳳爪同金錢肚底下伴碟既係麵根，麵根索哂啲汁又夠淋超級好食🤩🤤 讚！-**溫馨提示茶居人流不絕，要搭枱。店員十分忙碌，所以加茶或執碟都要俾啲耐性等等啦。

這天坐晨早機由高雄返港，買了些當造的愛文芒果，便約了2位收貨人，放工到大埔領取。之前坐K12巴士路過，見到這間老馮茶居新開張，於是就約大家到老馮晚餐。老馮的門面不很顯眼，但內裡就是滿滿的懷舊裝修，令人彷如置身舊式屋村。食物方面也有些懷舊口味，如這次點的淮山雞札，雞札內除了雞件外，還有冬菇、魚肚和豬肚，當其他的酒樓是用炸腐皮、午餐肉、火腿甚至蟹柳包雞札時，老馮則選用了淮山和豬肚，除了有懷舊味道之餘，還更見健康。鳳爪以炸麵筋墊底，汁醬惹味，但較杰身，令上面的鳳爪很鹹，但墊底的麵筋卻淡而無味。灼菜心淋軟有菜味 ; 臘味蘿蔔糕煎得香口，質感不錯，還有胡椒粉香，可惜很鹹，影響了食味。蒸粉果外皮雖然厚，但不會乾硬，有炸花生、沙葛和韮菜等餡料，辛辣香口。八珍糯米雞很大隻足料，除了原隻雞翼外，還有臘腸、大量肉醬等做餡料，是飽肚之選。魷香肉餅飯的肉餅大件又厚身，除了魷魚，還有少計馬蹄粒，味道不錯。而金沙紅米腸，是紅米做的腸粉外皮，包著炸米網蝦春卷。外滑內脆，原隻蝦肉也鮮味彈牙，再沾上麻醬混豉油和辣醬，滋味非常呢。老馮的點心即點即蒸，熱辣辣，但選擇較少。且沖水和執碗很慢，服務一般般，希望可以有改善呢!

員工好少同游緊魂，搭枱對面d人走晒都唔執野，擺左係度勁耐d員工無野做都留意唔到，落完單成半個鐘先有野食，服務極差，以前係常客，轉左手差晒，唔會再食，重點係野食都好普通！

和朋友行完山，到大埔覓食，見到一間新開的點心店，以懷舊作主題，便決定四個人去嘆茶。主打特色裝修所以最初對其質素不會抱太大期望，試過以後覺得它算是不過不失啦，也有一些值得推介的。人多可以試到很多款式點心，最失望應該是鮮蝦腐皮卷，一上枱看見縮水的腐皮卷，是煎得香脆，可惜餡料實在太少了。叉燒包、腸粉、牛肉球則是普普通通。XO醬炒腸粉份量有點小，不過XO醬炒得很入味，也算有點小驚喜。鳳爪排骨飯份量卻很大，飯粒也不會很乾，還算不錯。另外菜單推介的沙嗲豬大腸、咖喱魷魚都真的非常不錯，醬汁入味。豬大腸香濃肥爽，與沙嗲汁很配；魷魚也很非常彈牙。最欣賞的是蜆芥鯪魚球，新鮮熱辣辣炸起，很香口感很Q彈，而且一客有五粒也很抵食。

見新開 諗住試下啦如果你好喜歡懷舊嘅風格 呢度係可以俾你影兩張相嘅 不過 兩張only! 因為樓底矮 你只會影到人頭同人頭嘢食選擇唔多 價錢正常但質素⋯⋯⋯⋯⋯⋯⋯⋯睇相啦我特別想提嘅係 呢間嘢明明係新開但佢啲茶壺好似全年都冇洗過咁 啲茶漬 污漬 超級誇張！仲有啲蒸籠 真係好得人驚 周圍都係食物殘渣咁食物我叫嘅明明係豉汁蒸排骨 豆豉一粒都冇 豉汁就更加冇 咁究竟呢碟係咩嚟？味道就唔洗問喇 睇相都知個叉腸上嘅時候 阿姐淋豉油嗰陣將啲豉油淋哂落佢隻拎住碟叉腸嘅膠手套上面再由膠手套流返啲豉油落碟叉腸上我見佢成隻膠手套都係豉油 我想嘔燒賣皇 啲肉好實淨⋯⋯⋯ 在場有兩個後生女做樓面 俾個收銀阿姐係咁叫 阿妹乜 阿妹乜 完全冇停過跟著仲有個中年男子 又係 叫個阿嬸 有咩就叫阿妹做啦！ 態度仲要唔多好眼見個兩個後生女忙都踢哂腳都仲好好笑容 咁有heart 其實我建議你地可以轉換下環境起碼唔洗俾人當驢仔

午市見舖外很多人等位，所以晚市再來。五點幾，不用等位直入，裝修見心思，走懷舊風。卡位坐得舒服，五蚊位茶位，點心款式可再多點，有蒸飯、有甜點，汽水支裝上。點了鵪鶉蛋燒賣王、蠔皇鮮竹卷、蜆介鯪魚球、金沙紅米腸、鳯爪排骨飯、古法千層糕。鵪鶉蛋燒賣王（$28）朋友每次見到必點的點心，因不是每間酒樓也有。蠔皇鮮竹卷（$20）食不到蠔油味，味淡，鮮竹硬。蜆介鯪魚球（$28）即炸，彈牙。金沙紅米腸（$32）跟之前在另一酒樓食的美道不一樣，腸粉皮比較實，中間的油炸鬼好脆，質感不像油炸鬼，比較像越南春卷，一般。鳯爪排骨飯（$35）飯比較淋身，鳯爪汁好杰身，排骨好香，如果個飯硬身點、豉油甜返點會好好多。古法千層糕（$22）奶黃糕味道，有蛋黃同椰絲香。上菜比較慢，嘆茶可以，返工午餐會太趕，茶葉質素靚返啲更好。在冰室林立的街道轉形為點心確明智。

呢間點心餐廳新開左之後，都見到好多人排隊食，好奇心重同為食既我就緊係出動啦我攞左飛都係等左一陣，就可以入座喇。嘩，一入到去成陣舊香港既味道出晒黎，首先佢d燈係用左以前街市果d筲箕燈；而牆身都用左以前舊香港格調既店鋪。入到間鋪既感覺就好似走進左時光隧道咁，回到從前。再望望枱面上既餐具都別出心裁，用返傳統既公雞碗、杯、茶壺、匙更。所以舊香港既野全都擺埋一齊，風格真係好有一致性。咁我地坐定定之後，就開始叫點心，呢間鋪真係好環保，因為佢將所有既點心紙都過晒膠，俾埋枝可以擦得甩色既筆我地寫點心。每個食客寫完之後，又可以重用點心紙，值得一讚（可惜我忘記左影低張點心紙）我地叫左幾樣點心，講講食物先😊炸芋頭酥就係睇呢個賣相就已經好殺食，炸得好靚之餘都大大件。咬落去之後，覺得外脆內軟，而且裡面都好多肉碎、芋頭，的確好足料。混醬腸粉起初以為係普通腸粉落返甜醬、芝麻醬、同鼓油。點知係落XO醬既腸粉，仲有少少花生🥜粒。食落去辣辣地，不過，腸粉略嫌唔夠滑身。牛肉球牛肉球剛剛蒸起好大粒，不過咬落去冇乜牛肉味，亦冇好多馬蹄，比起其他茶樓食落去既味道差少少鳳爪排骨飯我地12:00入座，要成12:45呢個蒸飯先整好，等

真小店介紹之前係茶餐廳，小菜常餐為主，附近同時間開左金記，紅磡冰室最近直接改名，轉戰點心為主既茶居主打點心，款式亦未算多，之前茶餐廳就認真麻麻先點一客叉燒腸粉，再來高清生菜，咖哩蒸魷魚與招牌鮮蝦餃最貴蝦餃一客４隻$28咖哩魷魚$23,叉燒腸粉$22,生菜$18價錢合理,附近無同類對手,客似雲來都相當人來試先講蝦餃,餃身飽滿有光澤,餃皮未算厚身,咬開蝦身爽甜彈牙,用上不錯的蝦肉朋友也大讚不錯咖哩魷魚,已經少見,即時點了一客,咖哩汁夠香,夠濃郁,底下豬皮吸盡湯汁,一字!讚!魷魚份量亦相當多,大件又入味生菜就試唔出有高湯味道,當係燙生菜也OK啦,沒特別,PASS最後一款上菜是叉燒腸粉一客三條,用上公雞圖案既碟上菜,配上甜豉油腸粉尚算薄身,叉燒餡料也多,加上蔥花,食起來也唔錯整體水準比以前茶餐廳時明顯進步價錢亦合理,由$18至28,唯上菜速度有待加快加油!