老點里 (已結業)

最近見到好多小店都不再，真係唔想見到咁樣‼️所以我要支持返本土美食，今日就去食車仔麵🍜呢間車仔麵有著新穎嘅設計，個名都好有噱頭，即刻舉步入店～～除咗有車仔麵，仲有日式拉麵，我要左3個餸，其中一款係「和風煮豬軟骨」，呢個真係推薦，煮得好入味，軟骨軟硬非常適中，骨&肉之間有少少脂肪，令到成件事唔會乾爭爭❤️「咖哩牛柏葉」食車仔麵必點嘅一個餸，咖哩汁好香下次可以直接要咖哩汁今次我要左腩汁+秘製辣汁🌶️辣汁一啲都唔野少，我只係叫小辣，但個辣度都好足夠，同埋唔係死辣，係辣得有層次，仲好香好惹味「酸齋」有一點要欣賞的，就係酸齋會分開上❤️酸甜度岩岩好，好入味，味道唔會only流於表面‼️湯底清而帶有啲甜味～～呢度仲有好多款小食，炸韮菜餃係即叫即炸山楂檸檬茶估唔到有驚喜喎味道好夾，而且好fresh，仲有啲薏米

剛才和老婆去咗依家小店＇食物質素幾好＇靚女老闆又有禮貌＇價錢算平（有良心）＇今時今日我哋真係要多多支持好味小店，我哋兩個人都係食咗130蚊到＇我覺得豬紅和雞翼好味😋

女侍應服務非常好，又幫我哋改單又送炸魚皮，會再幫襯嘅主要原因，除咗係好味都係因為佢服務態度十分好，＄38就有4餸， 簡直係糧尾恩物， 最貴都係＄58 有八個餸， 好痴線😅 仲有佢啲特飲係非常好飲，只係加十蚊一杯， 絕對係超值👍

我是一名車仔麵控今次哩間 很推介唔好睇個湯色咁淺色但其實佢好夠味 ！😋又唔會好味精～如果食得辣 一定要加佢哋個秘制辣醬炒得好香辣惹味絕對係有畫龍點睛嘅效果餸方面唔係hea你例如魚餅即叫即炸香、雞翼滷得好入味咖哩豬皮非常香、辣辣地、入味我哋仲加點多一碟嚟食❤️炸物都好推👍🏻👍🏻超酥脆唔油膩韮菜餃好好食 韮菜好鮮新又爽又香另外蘿蔔清甜、豬紅好滑又係好入味小店仲有一些特飲當中我推介自家煲嘅檸檬薏米水非常足料 有大量薏米還有山渣 酸酸甜甜好清新解渴🍹環境方面 好簡潔乾淨又有電視睇 獨L食都唔會怕悶🤓

差d錯過咗，因為門面菜單無咩吸引到我，但行咗一個圈都係想食車係面，就試試佢，好彩無老點我😆餐廳環境乾淨，坐位都舒適，老闆娘服務態度有禮！👍🏻點了五款淨餸，蘿白/豬皮/咖哩魷魚/麻辣雞尖/菜芯，蘿白入味帶甜，刨皮夠深無渣，夠淋仲保持到型狀👍🏻～豬皮淋滑入哂咖喱味；魷魚要讚，雖然切條分量少，但有咖喱味之餘仲有魷魚味，口感實淨；麻辣雞尖分開上所以係凍食，咁唔會俾湯沖淡辣味，皮滑帶肉保留到雞味，辣味亦剛好，分量足有8隻！👍🏻菜心唔會大大碌，但比較老身。飲品加$10有特飲，點了山楂檸檬茶，酸酸甜甜，正常發揮。我覺得一間好食嘅車仔麵係睇有無用心做好每款餸嘅味道，唔會單一化調味，咁先有車仔麵嘅精髓，食到變化，滿足都貪心嘅我！總結十幾數個餸唔算好平，但味道同分量是可以的，誠意製作，推介雞尖同蘿白！

閨密今日帶我到廟街觀光一翻，再去佐敦一帶搵野食，原來都有好多種類，今次我地揀左車仔麵😊 「老點里」 搞笑的店名🤣😂「車仔麵-蘿蔔，咖喱魷魚」車仔麵必叫的☺️蘿蔔好甜，又淋又甜，而魷魚切條、好咬口，分量都多，咖哩又夠惹味。揀左米粉做麵底，比較幼身唔會食落有哽胃感覺。「酸齌」車仔麵痴這款等別野味👍🏻「炸墨魚春卷」即炸出來的，配上雞醬，絕配！「炸雞翼」本來上台見到以為炸生蠔😂😂 內裡是滑溜的雞翼「麻辣雞翼尖」是冷盤一款，麻辣味十足😋「凍檸茶」不是普通港式檸茶，檸檬是榨出來的，檸味十足喔😌「杏仁芝麻霜」唔會好甜，好香芝麻味，飲落又似凍杏霜，而且重有杏仁片食，正，推薦～

位於佐敦的老點里，係食車仔麵，裝潢現代有玩味，而且座位舒適。價錢相當經濟，車仔麵餸款式夠多，也有炸物小食，特式飲品等。青檸薏米水，味道清新山楂檸檬茶，有山楂的酸幾開胃韮菜餃、咖哩魷魚、蘿蔔配粗麵韮菜餃大大隻夠飽滿，餡料豐富、蘿蔔入味，粗麵夠腍酸齋、溏心蛋、雞翼配米粉流心溏心蛋好香、酸齋美味、雞翼肉嫩，米粉夠腍炸魚皮 $18，咬的時候發出清脆「卡擦」聲，又薄又脆，又炸得乾身。墨魚卷 $17/2條質感彈牙

最近同朋友到佐敦食飯，去到餐廳不需要等位就可以入座 。我們點了些小食和特飲，包括了章魚燒、六餸牛腩汁車仔麵以及抹茶紅豆冰和凍曲奇朱古力。首先上的是章魚燒。咬下去時，鮮嫩的章魚和糯米糕口感完美結合，帶來愉悅咀嚼感。外皮酥脆內餡柔軟。接下來，六餸牛腩汁車仔麵。這碗麵配料豐富，包括魚餅、蟹柳、蘿蔔、豬紅、魚腐和雞翼。每種配料經精心烹調，散發豐富味道。牛腩汁醬汁濃郁，讓麵更香濃美味。麵條彈牙，與配料結合完美。最後，抹茶紅豆冰和凍曲奇朱古力是餐廳特飲。抹茶紅豆冰帶濃郁抹茶味和甜滋滋紅豆，清涼爽口，回味無窮。凍曲奇朱古力融合香濃朱古力和脆口曲奇，呈現層次口感。冰冷特飲舌尖溶化，帶來甜蜜享受。整體而言，味道不錯，性價比高 。

佐敦內街呢間港式車仔麵，個名好得意，叫"老點里"，搞笑又吸引。餐廳裡面有好colorful嘅名人壁畫畫像，好吸睛，裝修又簡潔。我叫左1個麵餐+1個小食+1杯特飲🥣六餸麵 $48- 有魚餅,蟹柳,蘿蔔,豬紅,魚腐,有6個餸，配河粉，大大碗，每個餸都好入味，湯底又好飲🍡小食章魚燒 $25- 章魚小丸子一份有5粒，粒粒都大大粒。🍵特飲青檸薏米水 $16- 青檸薏米水係自家製，清甜又健康整體成間餐廳，充滿港式風味，最重要食物質素吾錯，價錢非常優惠，性價比真係好高。大家行過佐敦，都可以試下👍🏻

今日去佐敦嘅老點里食車仔麵，由小炒轉型為車仔麵，環境乾淨衛生，有小食有車仔麵，仲有各色特飲例如山楂檸檬茶，青檸薏米水比你揀。我哋點咗一碗八餸麵同一碗三餸(豬紅，豬腸，蘿蔔)車仔麵八餸麵有魚餅、蘿蔔、豬紅、魚腐、雞翼、豬腸和時菜。啲配料味道唔差，豬紅入味又軟滑，豬腸肥美富彈性冇異味，蘿蔔冇渣，味道清甜。揀了麻辣微辣的湯底，麻辣味道很正，鐘意辣嘅必食。整體口感味道都唔錯。淨韭菜餃 $38 餃子粒粒飽滿，皮薄餡多，最愛韭菜的香氣🫶菠蘿特飲 $10清涼可口，有粒粒菠蘿，如果有汽就perfect 喇。

今晚去左佐敦拎野，一個人晚餐當然搵間環境好，又快靚正地方，行到間叫老點里，名吸引就去食啦，望望餐牌，價錢同其他店一樣，但裝修見到有落本，又搵到間飯堂。嘻嘻小食-麻辣雞翼尖 味道香濃，上枱麻香味濃，雞翼尖入晒味，又易咬，小食不錯之選六餸麵-小辣 上枱時跟相一樣🥰先飲啖湯，真心好甜豬骨味，一問之下，不加味精湯底。讚羅白-冇喳，好清甜，入味魚餅-不太厚身，但魚肉味香濃魚腐-比較淋身，索左豬骨湯味道，不錯豬紅-夠晒彈牙，入口柔軟，無腥味😍蟹柳-夠大條雞翼-滷水雞翼，至愛酸齋-分開上，味道夠晒酸，夠入味，必點小辣配豬骨湯岩岩好，整碗湯差點飲清山渣檸檬茶-加入山渣味道更酸更開胃，真材實料，解渴又醒胃。我又幾鐘意

一間唔顯眼但又幾好食的車仔麵.本來想搵個靜靜地的地方同個老友吹下水, 求其搵間食市....見到有間小店又有位, 於是入去歇息一下. 望望餐牌, 老點(你)里..... 今次伏喇......不過都價錢合理, 環境乾淨, 又坐得舒服呃都係一次啦..... 算啦 飲第一啖湯時, 就覺得和平時食的車仔麵有點不一樣.一問之下, 原來小店不是用味精湯底。比較出色餸有: 咖哩魚旦、咖哩魷魚、牛腩、魚餅、蘿蔔、雞翼不過醬汁選擇不多, 只有秘製辣汁 和 麻辣汁如果有D 再港式的食物就更加好了.EG. 生菜魚肉、碗仔翅和煎釀三寶等等。希望小店會有進步空間, 都睇得出小店係用心經營, 加油.

最近佐敦一帶，多了很多新開食店，而這間店名很有趣，老點里，是吃車仔麵，於是今個午餐又去試新嘢。牆壁上很多漫畫，有李小龍、Hello Kitty，還有瑪麗蓮夢露，很有趣⋯⋯點餐紙很簡單，每人一張，方便快靚正⋯⋯蘿蔔、咖哩魷魚、魚蛋、牛肚麵~由於朋友點餐，這碗筆者不作任何評論。蘿蔔、豬大腸、魚腐粗麵~筆者點這碗，對比朋友那碗，應該點有咖哩汁的項目，比較惹味，今次真係隔離飯香。酸齋~這裡點酸齋有個好處是分開上，一讚。墨魚春卷$32~即叫即炸，熱騰騰上枱，很惹味，但小心熨咀。

響佐敦返左幾年工，試過晒咁多間嘅車仔麵麵係一般般，呢排發現咗有呢間車仔麵，仲好近自已公司，於是就同同事去試下，點知一試就上癮，日日lunch都走去食，老闆娘好好人，招呼好好又好有禮貌不在話下，D味道真心唔錯秘製辣汁夠晒辣👍🏻有小、中、大同魔鬼辣選擇但最好嘅係..當你有兩款麵都想食嘅時候，可以揀兩種麵鴛鴦咁食魚皮好脆好好味，酸齋麻辣雞翼尖係必食😍薏米紅豆冰必飲老闆娘好肯聽食客意見，好進取環境非常好..梳化坐得好舒服，乾淨企理良心小店極力推介

今日星期六由於公司都多嘢做所以一朝早已經開工，不過我呢的work-life balance嘅點樣都要休息下，收工後都係一如以往咁約朋友打波，話晒依家玩得都買少見少，所以都要好好珍惜。呢度始終係講食嘢嘅地方，所以都係講下今日食咗啲乜嘢，打完波之後大家都各自離開。由於今晚一個人食，返去途中經過吳松街見到間新派個名又幾得意鋪頭叫做「老點厘」既車仔麵，咁耐無食車仔麵心思思梗係要幫襯下啦。入到舖頭見下午茶時間未算好多人，搵到個靚位再睇下餐牌， 呢間餐廳主要都係做車仔麵，除此之外都有啲小食都幾適合大人細路，車仔麵款式都有三十幾款，望咗一輪之後嗌咗四款餸：雲吞、牛腩、牛肚同埋豬腸，呢幾樣都係我食車仔麵其中必食幾款，另外小食就有炸魚皮同埋墨魚春卷。落單時候店員都有提議我可以試下杯新款薏米菠蘿冰，消暑一流~~~等咗大約十分鐘左右，所有食物都陸續上枱啦~ 上枱啦~ 首先就係呢碗四餸車仔麵，  佢嘅份量都正常而擺碟都精美，每款食物嘅份量都算好足夠，喺其他嘢上枱前就試一試個車仔麵先，雲吞餡係豬肉，入口好新鮮而且大大粒非常飽滿。牛腩鹵得好香肉質亦鮮嫩，同出面嘅牛雜鋪有得媲美。到呢款牛肚，佢個牛肚係我最鍾意嘅毛肚