而今小棧

營業中

休息中

驟眼睇餐廳名以為係食中菜~ 原來係一間好靚既CAFE!!終於等到有間cafe開喺粉嶺中心❤️由天橋進入商場便見到 非常方便易找! 木系小清新 開揚既設計 令人耳目一新!⭐招牌煙肉芝士牛肉漢堡 (+$28要多一塊自家牛肉餅) 小店人氣之選 好吸引 即時Order 一個Burgar 試下! Size都幾大! 自家牛肉餅都好夠份量!!牛味濃 肉質Juicy又吾會覺得混入左好多肥膏!麵包鬆軟 加入煙肉蔬菜、芝士醬汁 真係好食又邪惡!⭐卡邦尼意粉 意粉拿捏得剛好 保持了彈牙 配料有煙肉、蘑菇、芝士夠豐富 忌廉相當柔滑!⭐香脆小食拼盤 拼盤有雞鎚、蝦多士、魷魚圈 各2件，炸至金黃色脆卜卜! 我最鐘意個雞鎚 外脆但入面保持肉汁! ⭐柚子咖啡湯力 – 味道好驚喜! 我都係第一次飲呢種Fruity味既咖啡! 推介!⭐龍鳳可樂 – 檸檬 + 鹹檸七 合併可樂! 非…常…爽! 大推!下次黎要試下呢個二人餐，非常抵食！！❣️❣️

今晚吃在「而今小棧」，新店鋪專營多國菜、漢堡包和全日早餐。我們的精選晚餐：黑毛豬滑蛋飯~黑毛豬肉片烹調得剛剛好，呈粉嫩色，十分鮮嫩可口，配合自家制醬油，越吃越開胃。 酥炸魷魚~熱騰騰又香脆，挺滿足的！香脆薯條 ~熱騰騰又香脆，很滿足。白咖喱香脆雞扒滑蛋飯~白咖喱味道帶微酸少辣，雞扒外脆肉嫩，滑蛋甘香滑捋捋。焦糖芝士蛋糕~經典芝士蛋糕的濃郁口感和焦糖的甜美風味。tiramisu ~口感細膩、幼滑。西多士配雪糕芒果~西多士裏有忌廉芝士，口感絲滑清新，也令西多士口感不會太油膩。 凍柚子檸檬茶~冰凍夠味道，非常消暑。凍抹茶鮮奶~有濃郁的抹茶香氣，口感順滑，牛奶有豐富的蛋白質和鈣質，是美味又營養價值豐富的飲料。芒果梳打~冰凍消暑。

最近同朋友係一間cafe品嚐左幾個菜式同大家分享一下~😆😆.💎$88 野菌黑松露意粉好有驚喜意粉既口感彈牙充分吸收左黑松露既芳香搭配各式野菌既鮮味每一啖都令人陶醉🫶🏻黑松露既獨特香氣彌漫係整道菜中好好食🤣.💎$96 和風明太子意粉明太子既鮮甜同清新既海味係奶油醬汁中交融令呢道意粉既濃郁又不油膩另加一碗超滑既蕃茄忌廉湯🔥質地綿密，味道清新.💎$28 黃金炸蝦多士炸蝦外脆內嫩搭配金黃的吐司口感層次分明份量適中作為開胃小菜再合適不過🥳.💎$40 凱撒沙律沙律既生菜新鮮爽口搭配香脆既麵包丁同濃郁既沙律醬每一啖都好清爽😎😎

最近去咗粉嶺探朋友～喺附近發掘咗一間抵食cafe，如果住得近嘅話都可以去食下！我哋食晚市二人精選套餐，主食、小食、飲品每樣兩份，仲要免收加一，兩個人最平$155就有交易，食物賣相整體都靚，味道雖然唔算好驚艷，但都真係幾抵食！😚。白咖哩脆雞滑蛋飯個飯係珍珠米，而且白咖哩好香，個蛋同雞都整得滑，全部餸夾埋都好啱送飯，賣相好睇得嚟味道都唔錯，不知不覺就食到勁飽啊🤣。雞肉磨菇長通粉通粉份量好多，而且仲有一片蒜香多士，一定會飽！啲雞肉都算大嚿，味道唔錯～不過食到中後段就覺得個通粉有少少乾身🫣但都屬於可接受範圍以內的。番薯條小食可以揀番薯條！！係我嘅最愛之一🥹呢間嘅番薯條係幼身的，都ok脆但唔知點解味道唔算好出🥲好似爭咗少少咁。炸魷魚（+$12轉配）套餐小食包咗嘅只有薯條／番薯條，其他選擇都要加少少錢，但感覺都幾抵加🫣魷魚圈幾好食，外層夠脆，入面彈牙但唔韌，表現唔錯！。凍檸檬茶

粉嶺向來有美食沙漠之稱，無論是連鎖品牌抑或是坊間小店甚少會選擇粉嶺作為經營首間店舖的地帶，所以美食的選擇會較其他地區為小，然而今天我在粉嶺中心休息時找到了間小店，便進去一試究竟。店舖以文青木系風格打造，選用木頭原色及竹等不同的大自然材料作裝飾，令人有種放鬆的感覺，作為普通小店，座位的數量不算多，大約可容納30至40人左右，繁忙時間時可能需要稍為等候。先點了份店員推薦的新品—和風原條鰻魚滑蛋飯，鰻魚鮮嫩多汁，伴著淡淡的和風醬汁，口感鮮甜且配上層次分明的鰻魚肉，絕對有加分。而半熟的滑蛋則帶來柔和的口感，與鰻魚相互融合，半熟的滑蛋令整個配搭昇華的感覺。而家人則點了份極級軟殼蟹意粉，本來炸軟殼蟹與意大利麵已是絕配，店家再先用上香濃的蕃茄醬把意粉炒開，使我在品嚐意粉時有種淡淡的番茄香味，配著軟殼蟹的香脆和嫩滑的肉香，形成了出色的口味對比。

約好在粉嶺附近工作的朋友吃晚飯就見到這間 cafe都好多人就餐咁我哋決定食呢間🥰🫧大啡菇牛油果漢堡配薯條大啡菇炸得剛剛好薯條🍟比較幼身炸到香脆可口🫧野菌黑松露意粉充滿黑松露的香味有10分多的野菌意粉都10分夠味🫧蜂蜜檸檬梳打清新味的蜂蜜檸檬梳打是夏天的飲品🫧龍鳳檸樂有新鮮檸檬🍋和醃製檸檬🍋🫧法式西多士配椰子雪糕法式西多士裏邊有豐富好多的忌廉芝士喜歡cream cheese嘅你啱哂🥰🥰推薦🫧大啡菇牛油果漢堡配薯條🫧野菌黑松露意粉

粉嶺中心新開的輕食Cafe，木系配上白色裝修，富小清新感覺，環境舒適。而且餐點選擇不少，有多款滑蛋飯、意粉、全日早餐、漢堡、熱狗、窩夫、沙律、甜品等，更可單點或升級為套餐，另外還有優惠二人餐選擇，加上價錢合理，難怪深受街坊喜愛。.🥗凱薩沙律 （升級套餐$54）沙律菜好新鮮爽脆，入面還有不少煙肉碎和麵包粒，配上凱薩沙律醬好開胃。.🥣餐湯（升級+$4）蕃茄湯好香濃，飲到蕃茄肉，好足料。.🧇比利時窩夫配香脆炸雞、芝士醬、太陽蛋 （升級套餐$86）窩夫厚身，口感外脆内軟，味道香甜，配上香脆可口的炸雞和太陽蛋 ，口感和味道層次豐富，咸甜交織。伴碟還有新鮮沙律菜，中和油膩感。.🥔吞拿魚粟米沙律焗薯 （升級套餐$54）焗薯口感綿密，富牛油香，上面有不少吞拿魚、粟米粒，十分豐富。伴碟還有新鮮沙律菜很健康。.🥭芒果梳打 （升級+$4）充滿芒果果香，配上梳打，感覺清爽。.🍹草莓荔枝綠茶 （升級+$4）冷泡茶包裝可愛，綠茶配上草莓、荔枝，感覺清新。.🍫朱古力心太軟配雪糕 $48心太軟焗得剛好，一切流心，朱古力味香濃。雪糕有多款口味選擇，而且是Haagen-Dazs雪糕，有雲尼拿、士多啤梨、朱古力、芒果味選

今日我和女朋友在粉嶺中心享用她從英國回來的第一次晚餐，這裡的餐飲性價比極高，簡直是街坊價卻有酒店水準。開胃菜我們首先點了煙肉薯沙律。這道沙律的薯仔帶有濃郁的蜜糖芥末味，搭配香脆的煙肉碎，味道非常惹味，開胃之選。主菜接下來是煙三文魚長通粉，炒得非常香，忌廉的份量恰到好處，淡淡的煙三文魚香味與洋蔥的搭配，讓整道菜充滿了鑊氣，鹹香適中，令人回味無窮。然後是脆雞芝士窩夫，賣相非常吸引，真有酒店的FEEL。雞扒炸得外脆內嫩，窩夫則充滿蛋香，甜度剛好，搭配蜜糖蛋黃醬，既不膩又添了層次感。甜品和飲品最後，我們點了雪糕紅豆冰和一杯咖啡。雪糕紅豆冰十分有誠意，紅豆煮得香甜，口感滑溜。而咖啡則中規中矩，略帶朱古力的味道，令人感到清新提神。總結整體而言，這次的用餐體驗讓我們驚喜不已。每道菜的質素和價格都讓人感到物超所值，粉嶺中心的這家餐廳絕對值得推薦給所有喜愛高性價比美食的朋友！PS佢O地既炒蛋類菜式都好吸引, 臨走前都買左一份做早餐, 排常推介大家試試

樓下粉嶺中心開左新輕食Cafe 「而今小棧」，今日終於有時間去食啦。餐牌有招牌滑蛋飯、意粉、全日早餐、窩夫、熱香餅、沙律、漢堡、熱狗、三文治、小食、甜品可以選擇，可以單點或跟套餐。蒜香蜆肉意粉套餐配可樂蜆肉份量都夠多，如果不夠，亦可以+$50 有雙倍份量蜆肉，蜆肉大大隻，處理得好好，沒有沙，蜆肉飽滿新鮮，意粉火喉剛剛好，軟硬適中，蒜香味濃郁，而且配菜還有蒜香麵包，麵包外脆內軟，蒜香味突出。卡邦尼意粉配抹茶牛奶好耐冇食過卡邦尼意粉啦，意粉火喉軟硬適中，非常掛汁，汁非常濃厚好Creamy ，好軟滑，每啖都充滿蛋香味，再配上煙肉、雜菌，口感層次更豐富。黃金炸蝦多士蝦多士炸得香脆，外層炸得脆脆的，蝦肉彈牙，沾上辣醬，味道更惹味。朱古力心太軟配雪糕香濃的朱古力蛋糕，裡面是暖暖流心的朱古力漿，配埋朱古力雪糕一齊食，一冷一熱，冰火交融，才是最享受。

粉嶺中心有一家新開的輕食cafe有套餐附送飲品，晚餐約$70不等這個價錢cafe來說是不錯的開放式的環境，晚上人流是挺繁忙的餐廳滿座但也沒有特別限制入座時間感覺還是可以慢慢吃也ok的煙三文魚長通粉餐牌的名字似乎有點太謙虛實際是三文魚親子忌廉長通粉配吐司三文魚是熟的，份量不俗配上三文魚子很有驚喜有我喜歡的紫洋蔥忌廉汁味道不錯，不多也不少煙肉芝士牛肉漢堡配薯條這個名字就差不多了吧配料還有生菜和蕃茄厚厚的一個漢堡，牛肉爆汁的薯條有一點炸太過，少許油膩感另外點了一客甜品（因為今天其實是慶祝生日的晚飯）最近熱香餅大熱就想吃它熱香餅配芒果雪糕有雜果伴碟和芒果醬賣相滿不錯的黑牛朱古力雪糕配汽水，經典組合看著半溶的雪糕真治癒柚子咖啡湯力有漂亮的漸層效果我覺得出品是ok的但也有空間可以做得更好整體而言值得一試唷

我尋日同另一半去呢間餐廳食飯，叫咗卡邦尼意粉同埋黑毛豬滑蛋飯，個滑蛋飯同埋啲黑毛豬都好嫩好好食，啲醬汁甜甜地好入味，嗰陣時我嘅卡邦尼意粉仲未上我仲喺度諗緊點解等咁耐嘅，結果佢上到嚟我覺得值得，撈嗰個意粉嘅時候啲芝士拉絲，食到落口好香芝士嗰個味，啲醬汁包住每一條意粉，超滿足，而且份量一個人食啱啱好，而且價錢都唔算貴，兩個煮食+2杯嘢飲都係$162，仲要食到咁高質素嘅食物，而且店員嘅態度都非常良好，希望可以繼續保持

今日黎到粉嶺中心見到開左呢間餐廳自己又未試過 見到枱上客人點既餐賣相好吸引 無理到咩價錢直接坐底試試呢間個侍應哥哥都幾友善和好有禮貌照顧到客人需要呢間餐廳環境算乾淨但地方比點細 所以想係道食飯都唔容易需要等坐位 我點左個漢堡扒滑蛋飯 個滑蛋煮得真係好靚 扒都煎到好香 整體賣相真係好正 但份量就偏小 另外我比較期待呢間餐廳既咖啡所以我加左8蚊點左杯咖啡 但咖啡真係令我好失望因為咖啡味道非常淡 比一般茶餐廳更淡呢下令我好失望

晚飯時間去，見仲有張吉枱就叫咗堂食。埋到張吉枱先發現兩張櫈比隔離左右兩枱客各自搬咗去擺手袋，叫個職員嚟處理，佢望咗眼就話冇位，理都唔想理。唯有轉外賣走人囉。呢間都開咗段時間，唔應該再因為試業或員工經驗淺而接受如此差劣既服務態度。

Cafe Memo📌粉嶺新運路333號粉嶺中心1樓219-221號舖煙三文魚長通粉 $74仲有塊餐包 味道正常水平🙋🏼‍♀️是日餐湯 $12係南瓜湯好濃好creamy👍🏻凍靜岡抹茶牛奶 $18茶味較重有少少澀食物質素正常但餐廳配套要改善下因為係開放式鋪位再加上喺出入口位置🔥d熱空氣衝曬入餐廳勁焗有加吹風機但略遜一籌冇咩太大幫助😅⭐️Rumple港女評分⭐️味道: 3/5環境: 2.5/5服務: 3.5/5抵食: 3/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 #香港平食 #香港平民美食 #香港平價美食 #平民小食 #週末好去處 #粉嶺美食 #粉嶺美食推介 #粉嶺好去處 #粉嶺餐廳 

下午去食，無咩人，得兩枱。叫左$108 All day breakfast，食物質素一般，食物唔係好熱，不過算係區內一間位置方便既cafe（係Starbucks隔離）。但係可能間野新開，全部服務員都好新，比較混亂。佢地自己都唔太清楚店內有咩，要問唔同人。簡單一條問題：杯野飲可唔可以外賣攞走都決定唔到😅 問咩都話唔太清楚，走左去問直頭無埋影個場都算無咩人，都可以呈現到咁混亂建議可以等間野開耐d再去幫親。。。