聊愉．味道

營業中

休息中

鬧市中的寧靜， 繁忙中的安息，原來是可遇可求！悠閒地落坐於【聊愉.味道】，一杯凍印度香料茶鮮奶咖啡，一件藍梅芝士蛋糕，聆聽著背後音樂詩歌，讓我忘卻了生活中的麻煩及繁瑣大小事！這一刻，細味著印度香料茶鮮奶咖啡停留在舌尖，甘香不澀，味道特別！藍梅芝士蛋糕，是店主親手主理，更是昨晚預先製作，冷藏一晚，令到味道提升，口感豐富！店內蛋糕都是店主親手製作，堂食未能滿足饞嘴的太太，所以外賣紅蘿蔔無麩質蛋糕和伯爵茶椰棗糖蛋糕歸家慢慢品嚐，好好味！想知有幾好味，快啲去【聊愉.味道】一嚐！

地段清靜, 環境舒適, 適合一家大細或良朋好友到此一聚, 共享美好時光！是日與朋友慶祝生日, 驚喜一浪接一浪！店主細心佈置, 掛上"HAPPY BIRTHDAY", 令壽星女驚喜萬分, 開心不已！午餐選了「韓式泡菜豬肉拌飯」, 泡菜配豬腩肉~不油不膩, 伴有新鮮菠菜、香菇和翠玉瓜~健康有益, 黃薑飯配香煎太陽蛋~蛋香提升味道一絕, 份量和味道配搭得剛剛好, 有驚喜！飯後慶生, 店主特意新鮮烤焗「流心果仁撻」, 驚喜的是流心, 是店主自家秘製糖漿, 不甜好香, 牛油曲奇撻皮, 酥香味美！值得推介必定要試！溫馨提示：如果想食新鮮烤焗「流心果仁撻」, 必須提早預訂！

地段靜中帶旺, 食物質素超乎想像, 驚喜一浪接一浪！先是主食「韓式泡菜豬肉拌飯」, 泡菜和豬腩肉非常可口, 不油不膩, 加上黃薑飯, 份量味道配搭得剛剛好, 確實是健康之選！是日同朋友慶祝生日, 店主特意準備果仁撻, 新鮮烤焗, 刀下即見流心糖漿, 糖漿是店主秘製的, 不太甜, 糖尿病者都可食！值得推介！如果想食新鮮出爐果仁撻, 記得要提前和店主預訂！聊愉.味道~~值得推介

#聊愉味道 #TasteOfHealing #尖沙咀美食入到嚟呢個地方，我感到很愉快！這店有個美麗嘅大自然環境，令我感到好舒服。又有寬闊嘅枱凳可以讓人們有個舒適地方在這裡聚會，自在休閒地聊天。而所提供食物嘅質數都有返咁上下。今次嚟到嗌左以下食品<日色燒汁牛舌薏粉> 有一片牛利，肉質軟腍。薏粉很滑，份量不多，但都夠飽肚。<Scone> 自家制嘅英式鬆餅奶油味香濃，非常鬆軟，上面有提子乾。📍尖沙咀 柯士甸道花園大厦地下 (近理工大學 Core A 出口)

呢間Cafe幾特別，租咗兩個細細相連既舖位，一個係廚房兼落單區，另一個係用餐區入到去嘅環境同音樂好柔和，令人好舒服👍👍Lunch有七個選擇，原本想食牛肋條但係未夠一點已經賣晒🥲👅韓式醬燒豬仔髀配蕃茄香草酸種包好彩呢個豬仔髀都幾入味幾好食，肉質又夠腍，塞翁失馬！😌個包烘到好脆，帶清新香草味，出色😋👅Mocha轉豆乳個餐本身包mocha，我加左$5轉soy milk豆乳味濃郁突出👍份量唔多但係高質，有機會會再嚟支持老闆咁用心嘅經營🫶🏻

咖啡店推薦‼️呢間係位於尖沙咀柯士甸道其中一間咖啡店☕️，佢呢間店舖好特別，係三間舖位連住，但係中間隔左一間舖位🤣，所以會係左邊鋪嗌完野食之後，店員會送餐去到右邊舖位🙈係出面門口已經可以見到裝修好精緻，好岩打卡📸，行到入去有各式各樣嘅咖啡用具，而且仲有好多植物俾人感覺好清新🪴-🍋檸檬葉香茅燴雞扒配酸種包套餐 $88一開始認為雞扒會食落好乾身，原來唔係，第一啖咬落去雞扒好嫩滑同埋好多汁，再加埋一啲蔬菜配搭🥦，令到香茅燴雞扒嘅味道好突出。而且佢仲有醬汁係度，仲要唔會好酸，再利用酸種包點啲汁黎食，好好食👍🏻👍🏻飲品——🍑蜜桃梳打雖然蜜桃梳打冇乜突出，但係加上薄荷葉🌱就令成杯飲品，感覺上好美觀🙈，味道唔錯，唔會太甜。加配甜品——🍫Brownie $28同🍯焦糖芝士蛋糕 $38，本身鍾意食Brownie嘅可以試下，佢入邊有果仁同埋好濃味嘅朱古力🍫，而焦糖芝士蛋糕唔會太甜，好適合做飯後甜品👍🏻，餅乾底加埋焦糖好夾😍，呢款蛋糕推薦✅-📍尖沙咀柯士甸道154-156號花園大廈地下78號舖 @taste_of_healing_

之前開車路過，已被這coffee shop 的木系外觀吸引。網上雖見食評不多，但口碑不錯，所以決定專門去試一試。由佐敦港鐵站D出口，行5分鐘左右，就會找到這看似平平的寶藏小店！有兩間地鋪，一邊是賣咖啡賣食品，落單後可以到另一邊慢慢品嚐。店內雖不算大，但空間感十足，播放音樂，好寫意。店員勁nice，好用心去介紹，好傾傾！環境靚之餘，食物都好高質，主食和飲品都非常值得一試！當天品嚐過紫薯解奶，蘋果豆腐沙拉，煙燻三文魚意粉：每一道都非常美味，但味道又唔會好重，口感清淡＆fresh ！甜點都有驚喜：雪花酥勁好味，濃濃的奶香，加上脆脆的乾草莓！大滿足　在繁雜的尖沙咀鬧市，有一間這麼用心經營的店，實在難得！！！

餐廳：聊愉．味道 (尖沙咀)地址：尖沙咀柯士甸道154-156號花園大廈地下7B號舖愉快嘅感覺，可以透過享用美食而得到🍽，亦都可以因著人與人之間嘅互動、閒談之間而獲得🗣，如果想搵一個療癒人心靈同心情嘅地方，或者尖沙咀柯士甸道呢間Cafe——聊愉．味道喺個唔錯嘅選擇🤓Cafe由兩個鋪位組成，一邊喺落單、廚房同埋有櫥櫃展示可以即場買嘅飲品、甜品🍰、咖啡同各樣手工精品嘅地方，另一邊就喺可以食嘢傾偈嘅座位空間，以木系同無數植物裝飾設計🪵，仿如置身喺一個小園林當中，加上我去嘅時段無咩人，可以喺到一邊做自己嘢，一邊嘆咖啡同食物，都幾舒服😌菜單喺由營養師建議設計而成，全日餐單有7款主菜提供，有幾款仲可以自選揀意粉🍝、雜穀飯或酸種包，亦有幾款素食菜式可以揀，另外亦有唔少小食同甜品，甚至嚟飲杯咖啡都一樣得☕️✝️檸檬葉香茅燴雞扒配酸種包 $68有少少似咖喱雞，不過以檸檬葉同香茅嘅香味為主🌱，雞扒份量唔多，預先切開3大件，勝在雞肉食起上嚟都幾嫩滑🐓，主食揀咗酸種包，即叫即烘烤咬落相當脆口💥，蘸埋燴雞啲醬汁一齊食就更有風味😋叫主食/小食可以用優惠價$30加購任何一杯飲品🍵，我要咗杯Latte，用咗一隻印有貓貓嘅

外賣 份量好足夠 好多餸 牛肉燘得幾淋 幾入味 蘿蔔都OK 但個人口味鐘意再淋d d飯都好味 唔係難食嘅飯 落order後店主會再煮 所以熱辣辣 調味啱啱好 唔會過濃 無味精 好舒服嘅味道 好有homemade feel 同店舖環境好襯 見到special menu 有普羅旺斯燉菜 要搵機會試下 同埋試下飲品加甜品 d甜品睇落都係店主自己手製 係一間用心經營嘅小店 而且定價好合理 希望做得住啦

今日經過一間不太起眼的小店 很有趣先在左邊鋪位落單 再過隔兩間的店舖內進食Menu都是一些頗為健康的食物我選了鮮茄大蝦蟹肉意粉🦐大蝦有先煎過 有挑蝦腸份量很足夠～味道都不錯加30元可加配飲品！環境舒服坐得舒適😜唯一美中不足是兩個店鋪都只有一位店員哥哥負責當天客人亦不多但食物等了差不多半小時🥲🥲如果趕時間就不推薦

同阿女係附近上堂，每次經過都會買野食同飲品，再行去佢地隔離間店舖坐低，休息下。我地每次都揀窗口位，一邊飲野，一邊望著街外情況，感覺時間停頓了，很舒服。佢地既曲奇餅係自家制，好味又健康。Brownie 好味，咖啡之外，試過玫瑰梳打水，好香好舒服👍🏻👍🏻

尖沙咀呢間隱世小店食物、甜品都係自家製😍啲人成日話健康嘅嘢通常都唔好食，但係呢度由營養師主理嘅菜單，健康得來味道好唔錯😳尤其是佢哋嘅酸種多士系列🤩附上自家製嘅熱情果醬，配埋咖啡就係個完美嘅下午茶😏仲有蘋果金寶甜品都係必試🥳配上雪糕食帶出酸酸甜甜嘅蘋果同肉桂香氣🥰而且佢哋有兩個鋪位，唔使驚嚟到搵唔到位～聖誕節裝飾得非常有氣氛，大大棵粉紅色聖誕樹超級靚呀！同朋友嚟聚聚會就最適合不過啦🎄🫡

上星期食左個紅酒牛肋肉意粉 ，牛肉夠“林”，紅酒汁好夠味無味精，感覺用料有質素👍🏻意粉質地都剛剛好，先$68🤩 食品絕對有心有誠意😌加杯凍朱古力，都算濃滑。見上次食過唔錯，今日路過附近又去買杯抹茶鮮奶，唔會太甜 又唔會太膩，平時怕飲甜野嘅我 都唔覺唔覺就飲晒😛主食之外, 好推薦個蘋果金寶🥰滿滿蘋果粒好香好足料😋presentation 唔算非常打卡able，但味道用料已經值得一試🫶🏻堂食之外，見佢外賣都好整齊方便呢個價錢，有呢個質素，我應該不時都會再都🤭

小店座落在兒時常到的柯士甸道 坐在高蹺凳上 吮著咖啡 看著窗霝外不息的交通 勾起不少回憶小店門前掛著一片帆布 上面寫著：「咖啡哪有上班苦」 這處的咖啡哪苦？ 濃香 襯上最愛的爵士樂 倍加味道 在這炎炎（嚴嚴）的夏日 躲在這裏嚐咖啡真好 或許苦也是甜了

好少喺市場搵到健康天然食譜嘅餐廳，味道好好之餘又多纖維多營養少鹽少糖亦都不失去放棄咗味道嘅要求。份量適中，環境都幾好適宜三五知己一齊傾吓偈食吓嘢。悠悠閑閑過一日。咖啡嘅味道都幾好幾濃郁，但係除咗咖啡之外，仲有好多冇咖啡因嘅選擇。有天然嘅食材啦菊花茶又有薏米水，啱晒夏天。另外仲有啲雪糕都幾好味個喎，有芝麻雪糕又有蘋果雪糕冇添加糖個喎，用返食材本身嘅甜味。仲有一個草莓雪糕原來係素菜嚟㗎冇牛奶冇雞蛋，清新高纖因為係用香蕉同新鮮草莓做好好味。