聖安娜餅屋 (慈雲山中心)

營業中

休息中

見有張餅卡就黎過期 就用咗黎求其買咗件餅食～ 買咗舊Tiramisu 原價都只係$35 都冇抱咩期望 食落少少咖啡味 但cream cheese味唔算好重 稍為被可可粉味道蓋過 質感亦唔稱得上滑溜 呢個價錢黎講 整體上不過不失啦 但如果唔係有餅卡的話都唔會特登去試😂🙈

見到有8折discount code，就買個蛋糕來食下。無乜選擇之下，揀左呢個五層脆芒果甜心。鍾意食cream的我覺得呢個蛋糕的cream太多。大部分都liu走曬個蛋糕有三款唔同味的蛋糕，朱古力，綠茶同原味，仲有朱古力脆脆，有鮮芒果肉。芒果好酸，好在有啲cream夾埋一齊食je。朱古力脆脆增加左成個蛋糕的口感不過都係試一次就夠喇！

見到聖安娜推出左新蛋糕，仲要係D24榴槤蛋糕，我呢個榴槤控就梗係想試下佢啦，去到餅店，見佢寫原價要買$298，但如果係VIP就可以優惠價$253.3就可以買到一磅榴槤蛋糕，雖然感覺有點貴，但都係敵不過榴槤既誘惑，都係訂左個返屋企。但後來餅店話榴槤冇貨，所以整唔到蛋糕，叫我安排退錢，後來去到餅店佢又話返到貨，叫我明天可以取，咁我又等多一天，終於蛋糕到手了，真開心！一家人食完飯後就拎個榴槤蛋糕作甜品，一打開就已經聞到好大既榴槤香，當然快快地切餅可以品嚐一番啦。但係食落口又唔係想像咁好食，榴槤肉唔算好多，我覺得忌廉多過榴槤，榴槤味道亦唔係想像咁濃沃，都幾失望下，如果二百幾蚊咁既質素，我又覺得唔係太值，但如果只係想試下新口味既，都可以試下既。

自己本身幾鍾意食蛋糕咁諗住買定早餐啦見到今日毛巾蛋糕做特價$20有3個咁揀3個啦味道仲可以配搭，唔駛指定1隻味揀左朱古力，香蕉同杏仁蛋糕軟綿綿，中間D cream唔會太甜香蕉味又好香，唔會太甜最好仲係個別包裝添

家𥚃的聖誕派對⋯買來應節的聖誕＂小蛋糕＂⋯是今年新款式⋯一人一個⋯有聖誕老公公丶聖誕鹿和聖誕樹造型三款⋯全部係圓椎體⋯三款加埋構圖丶顏色好完整好吸睛⋯$63/三件⋯搶左小姨甥的聖誕老公公⋯想佢學習要禮讓不能太挑剔⋯聖誕老公公紅色的身體咬開是粉紅色的慕絲⋯係紅桑莓味⋯不太甜好清新⋯食到底部有一小層海綿蛋糕和紅桑莓果醬⋯最底是一塊餅乾⋯如果餅乾能保持脆囗⋯或貪心D是一塊牛油餅乾或牛油餅底⋯就無懈可撃了⋯總結⋯我要對設計這件聖誕老公公小蛋糕的甜品師致敬⋯真的好可愛又美味好滿足的感覺⋯

聖安娜產品時好時差，講賣相吸引好多時都比唔上美心，雖然整體感覺上又平過美心少少咁。今次訂左個壽桃蛋糕，三磅 ，壽桃一家親。賣相講真麻麻啦, 忌廉露出部份太多，老人家見到唔鐘意咁多白雪雪咁架嘛，而且咁大個蛋糕，搞到得中間部份位置有生果咁，應該成個蛋糕面位置都舖上生果。如果淨係側邊留白都接受到，平面位置都留咁多白色，完全唔明點解唔舖埋生果。搞到依家一望咁多白色忌廉好核突。食落味道方面，整體略嫌太厚忌廉。內裡都係普通的海綿蛋糕。

今日買左菠蘿火腿栗米pizza、海苔肉鬆包，西餅三件(椰絲lemon、芝麻，咖啡雲石)用埋$5現金卷，買左$20.7菠蘿火腿栗米pizza : 個pizza都幾大舊，包面脆脆地，入面鬆軟，中間d餡有ketchup、菠蘿、火腿同cheese，味道都幾濃，算唔錯ga喇，比方間麵包店d pizza包好食，起碼有pizza feel先啦海苔肉鬆包 : 呢個包有d驚喜，之前以為呢個包入面正係d乾爭爭ge肉鬆，第一啖咬落好鬆軟，再咬...以為自己買左吞拿魚包，因為d質感係濕濕地同埋有粟米粒，食落好香，又唔會乾，可能佢加左salad掛，overall唔錯西餅 : 我食左2件，芝麻果件d芝麻味唔係好夠，街坊鋪三井麵包店ge芝麻切餅就真係好濃滑><另外果件咖啡雲石，冇cream(除上面果層)，口感實實地，平野係咁ga喇

今日遲佐起身,食唔到早餐,只好去聖安娜買包返學校食.我買佐個芝士腸包,估唔到咁好味,有d辣,仲好香架!不過就貴佐d,賣成$6.5一個.之前我都好少食包,因為我覺得佢又乾又無咩味道,但係食完呢個之後,我就鍾意食啦.其實d包有好多味,只係我無咩去行包店,今日行完先知又有菠蘿包,腸仔包,餐蛋包,仲有d新野,大家不妨買個包食下!

買了一個提子包($3),我覺得無乜麥味,又唔夠提子皮腸包($5.5),芝士腸仔好好味,加埋個包有少少辣,好味道　

其實本來個包普普通通,有火腿有粟米,應該就無乜野好講,但係呢個包完全俾d沙律醬spoil晒!撈住粟米既沙律醬實在係太多喇,又唔見俾咁多粟米喎!唔係咁多沙律醬既話,個包應該幾好食!

要飽肚食藥, 走左去聖安娜買個包包食.之前睇食評, 有人話佢d豬扒包幾好食, 就買左一個試下. 另外有我0既至愛:椰絲奶油包. 豬扒包, 一個$9. 唔算太大個. 買0既時候仲有d暖暖地. 個包包係軟芝麻豬仔包, 幾好咪, 好軟熟~~豬扒都好林, 唔un, 幾有肉味. 不過最正都係個黑椒洋蔥汁. d洋蔥索晒d汁, 好好味. 而且一d都唔生. 辣辣地, 真係唔錯. 如果可以再熱d就更好!!椰絲奶油就唔掂啦. 本來我以為自己食唔晒2個包, 但係見個椰絲奶油都好吸引, 於是就食埋. 但係食左好似冇食咁, 一陣風咁. 個包包都ok. 椰絲唔係好多. 奶油唔好味, 一d都唔香滑. 唔係好得. 都係d舊式餅店0既出品好d.