影片
港鐵土瓜灣站D1出口, 步行約10分鐘
繼續閱讀
電話號碼
69391377
營業時間
今日營業
11:00 - 15:00
17:00 - 22:00
星期一至日
11:00 - 15:00
17:00 - 22:00
以上資料只供參考, 請與餐廳確認詳情
有關獎賞計劃
招牌菜
茶餐廳格局，酒樓級水準，價廉物美，甚有驚喜! 和家人路過此店，打算簡單食個午飯，點了星洲米，咕嚕骨，時菜魚肚。誰知午巿竟然有晚巿大廚級水準，星洲米用大隻的蝦，並非平日茶餐廳見慣的那種雪蝦仔，有鑊氣不油膩。咕嚕骨非常脆和香口，菠蘿是新鮮菠蘿。魚肚是一塊塊浸湯，清新又美味。雖然只有巿巿賺得不多，但每道菜無論用料還是烹調手法都充滿誠意。老闆娘態度殷勤，更是一般茶餐廳所不能比。在今日競爭激烈的環境，這些傳統靠實力而非花巧宣傳的小店買少見少，十分推薦!
繼續閱讀
放工同朋友食下野，黎左崇潔街揾食，本身都無諗過食咩架，行過聚興樓阿姐話二人餐$128 全包了，咁抵就試下啦😆個餐有海鮮X1，小菜X1，炒菜X1，白飯X2，例湯X2，無其他雜費了，呢個價平到笑啦，西餐廳食個意粉都唔止。🐓東江鹽焗雞小菜揀了鹽焗雞，餐牌上寫住半住，黎到又真係足料喎，雞件入味嫩滑，再點埋個沙茶醬就更香口🤤🥬蒜蓉炒菜心真係炒出黎唔係淥熟㗎，條條菜軟又翠綠，加上蒜香好吸引。🐟豉汁蒸鯧魚是日海鮮係鯧魚，都幾肥美，蒸得啱啱好鮮味肉嫩，都幾大條添。🍚白飯一大碗實夠飽😆🥣例湯紅蘿蔔粟米湯，好甜😋🍺啤酒咁高興開支啤酒啤啤佢～發覺全場都飲藍妹，我地都跟隊先。埋單真係無雜費，就收左二人餐錢同啤酒錢，抵食👍
繼續閱讀
如果你正在尋找午餐選擇，那麼有珍珠奶茶且不用加錢，豬扒份量又十足的餐點，CP值高的確是非常吸引人的選擇。可以享受到免費的珍珠奶茶。珍珠奶茶濃郁的奶香和Q彈的珍珠，可以讓你享受到美妙的口感。豬扒是份量十足，這個午餐絕對可以吃得飽飽的。建議搭配一些清爽的沙律或者蔬菜來平衡口感，這樣可以讓整個餐點更加豐富多樣化。綜合來看，這樣的午餐選擇無疑是CP值非常高的，免費的珍珠奶茶和十足的豬扒，可以讓你享受到美味的同時也不會花費太多的錢。如果這家餐廳的環境和服務也不錯，那麼這絕對是一個值得推薦的午餐選擇。
繼續閱讀
之前幫襯過兩三次都係食小菜,價錢公道食物質素唔錯。同老闆娘傾開偈,佢話可以來料加工海鮮,所以今年嘅舊同學聚餐就麻煩咗老闆娘幫我哋安排。完全冇諗過食乜搵佢幫手安排買海鮮,結果超出預期,掛住食唔記得咗影燉雞湯相。海鮮夠新鮮分量多，正常做法，唔使多講睇相都明白。小棠菜墨魚餅非常有特色，皮脆,入口彈牙,有墨魚味，堅。避風塘炒粟米亦都夠特別，避風塘炒鹹辣香味道加粟米甜，有趣。炆鮑魚花膠海參，非常有水準。埋單個個都話抵食，朋友仲以為我同老闆娘好熟，不過相信將來我會落多啲去。第一次寫食評，水平有限，識食嘅睇相明白。
繼續閱讀
上星期一同成班同事去左紅磡間聚興樓食生日飯，食完實在太喜出望外，我這個大懶鬼都忍唔住要上黎寫個食評表揚下佢地！ 話說我們一行8人去左呢間位於公司附近的小炒店度食海鮮， 之前中午幫襯過幾好食又幾抵食所以就諗住夜晚試下， 早一日打電話黎同老闆講定想食乜，佢地就入定貨等我哋黎，當晚我哋總共叫咗9個餸， 全部都出乎意料地好吃！好夠鑊氣，大排檔價錢但大酒樓水準！先上來的是水煮魚，魚片很鮮很嫩，不會很油但很夠味！ 之後的是辣子蝦，我們喜歡惹味些的所以挑了中辣，但原來比想像中還要辣些，建議不太能吃辣的朋友挑小辣好了，雖然辣但佢又真係辣得好過癮，最後因為這碟蝦我灌了3支啤酒 （搵個藉口先😆😆） 蒜蓉蒸扇貝都好正！ 蒜蓉好足，配合扇貝的鮮味一齊索晒入粉絲，我宜家睇返相都流口水！ 豉椒炒蜆好惹味！難得係蜆肉處理得很好，完全無沙，蜆肉又入味，超正！重點黎啦！上湯煨龍蝦真係必食！龍蝦爽甜，肉質鮮嫩，火候啱啱好，入口啖啖肉， 唔單止龍蝦，連麵都超好食，這是當晚我們最快秒殺的餸，最後清晒碟連汁都食晒😆😆 之後是金銀蛋菠菜同小炒皇，食得海鮮多要食返d菜中和下，雖然菜式普通但都好有水準👍其實我哋仲叫左條魚同生炒骨，但太心急食野影漏左 🙈🙈，都係好好食！ 基本上成晚d餸都無伏，樣樣都好正，價錢合理而且碟頭大，大家都食得好開心！呢間店應該係家庭式經營，好有人情味，老闆娘好talk得！（太子爺好靚仔！😆😆 ）老闆娘見我哋食得開心，仲主動打左折俾我哋又送左幾支啤酒，成晚大家都好盡興！下次再有機會都一定會再來這間聚興樓！！
繼續閱讀
您可能會有興趣的...