聚華餐廳

營業中

休息中

【黃大仙區】【聚華冰室】又到黃大仙區嘅時間，不過可能會令各位黃大仙友失望嘅就係我又係講新蒲崗。畢竟黃大仙真心難做，我之前喺 1am0910 寫過和氣食堂，係私底下好幾個朋友走嚟同我討論間嘢，可見黃大仙嘅朋友都非常重視食物質素。不過今次又係寫新蒲崗，個迴響就應該冇咁大嘅。呢邊確實係好多選擇，可以話係豐儉由人。我作為茶餐廳 Foodie，就走嚟一間呢啲新派嘅冰室食吓嘢。先食個常餐，主食係「金牌沙嗲牛肉出前一丁」，碗嘢水準都幾一般吓。配菜方面有「火腿炒蛋」同「蒜蓉厚多士」，前者隻蛋都炒得 okay，啲火腿就正常，後者就略嫌淡味咗些少。嘢飲係飲「凍奶茶」，可能影響到價錢，畀咗 $51 嘅。不過就咁樣我又邊會滿足，就叫多份「精選下午茶餐」啦。揀嘅時候都未見到，到最後一吓臨叫嘢食之前先見到有「特色蝦多士」，咁梗係叫吓佢，唔係度度有嘅嘢。本身佢係配沙律嘅，我問吓可唔可以轉配薯條，侍應話可以喎，就轉薯條啦。飲埋「凍華田」，呢份價錢係 $43 嘅。個蝦多士好似西多士咁整，麵包夾住塊炸蝦餅拎去炸，同我想像中嘅蝦多士好似有些許落差，味道上正正常常，啲薯條都係。咁樣夾埋食咗 $94，其實唔係好似我咁癲食兩個餐

食過咁多間餐廳嘅蛋治，呢次外賣嘅蛋治蛋嘅份太少。下次同事話再叫呢間餐廳，我唔會再叫三文治。好失望。希望店方好好改善下。偷工減料得好離譜。正常蛋嘅份量都無。失望失望。

當坊間茶餐廳的出品每况愈下，早餐閒閒地都三四十，食晏起碼五十，兩餸飯在經濟不景下像雨後春筍般出現，證明一般市民對於相對廉價嘅飲食，仲係有一定嘅要求。代表着港式茶餐廳早餐icon嘅沙爹牛，在過去幾年間亦好難揾到出色的味道，今日在聚華幸運地不需久候便入座，沙爹牛和麵嘅融合(相比於灣仔春園街某老字號嘅預先淥起),聚華出品實在出色，並且嚐到坊間沙爹久違但又不喧賓奪主嘅花生味。多士，煎蛋一般水準，係茶記應該有嘅基本質素。鴦走亦不失禮，綜合以上更加覺得應該支持這街坊小店多於商場內某燒臘連鎖旗下冰室。

有天在九龍塘搞工程之後，據稱晚黑會到樂富有事幹，因此就到了新蒲崗吃東西。看看有什麼特別，我現想起了低俗頻道西吱的美食家的推介，就是這間餐廳，於是看看餐牌，試試它的滑蛋以及煉奶脆豬據知這美食家表示這兒的蛋比起大角咀的牧牛冰室更加美味，於是我在下午茶時間毅然一試炒蛋都挺滑溜，不過沒有比較之下，就不知道它的味道以及色水是不是比牧牛 冰室更為出色。沙嗲牛麵都不算太過特別，至少麵條來說不算格外出色，不過份量都夠多，而且夠爽口，雖然不太彈牙，不過份量夠多；牛肉嘅份量不太少，雖然牛肉醬不算太熱，不過都最少不屬於放到非常冷凍的沙嗲醬。奶油脆豬的包包夠大，切開一半之後，份量仍然非常大，畢竟它都是在常餐之外再加$8的；脆香，煉奶加添甜香，好吃茶味夠濃香，不太澀口，茶味夠厚身，相當不俗的。

搬咗黎新蒲崗都四年幾，試過好多茶記，都仲係未搵到一間覺得滿意嘅常餐，但就響今日俾我食到啦，仲要響樓下好近，點解我唔早啲試呢😭話說今日又係一個唔知食乜好嘅WFH中午，本身諗住唔用腦去mos算啦，去到聚華門口，見到係後生仔嗌人入去食啦，睇門口我一直以為呢間野啲樓面係啲好兇惡嘅大叔而唔敢行埋去，原來又唔係喎，見到常餐第一個choice有奶油豬，就決定入去試吓。叫咗個常餐係蕃茄牛肉米、奶油豬、熱奶茶。個蕃茄牛肉米唔講得少呀，個湯唔係hea用茄膏，飲得出係有用蕃茄、紅蘿蔔、西芹煲，仲有少少八角味，完全無味精，個面有幾舊大大舊紅蘿蔔，啲牛肉係放響碗底倒入熱湯浸熟，係爽口個喎（我覺得應該係有用鬆肉粉但應該唔多），米粉亦彈牙，總之成件事食味清新又夠味，我成碗清晒飲埋個湯呀，已經好耐無試過會飲晒啲湯。個奶油豬更加不得了呀，圓果面係脆皮，平面係軟，牛油係有心機咁搽到適量平均，練奶亦係淋到好均勻，咬落去入面係鬆軟而濕潤！而個奶茶係茶味奶味均衡無澀味！天呀！成個常餐天衣無縫，好好味呀~~~~~~~埋單係個有style嘅肥仔戴黑石耳環都幾型。雖然個環境唔係靚仔同有啲逼，不過我一定會encore架！

新蒲崗茶記早餐首選雖然環境係逼啲 但食物質素真係幾好叫咗1號餐，炒蛋夠滑多士夠脆奶茶香濃通粉又足料唔係間間有鮑片😂佢呢間仲要有埋菜當然湯底就唔夠mikiki入面間敏x好 但平過佢$35埋單 最重要係服務都ok

在新蒲崗吃飯，這邊的工廠區午飯時間真的很多餐廳選擇，但是為了快靚正，便選了一間茶餐廳。有時候，會有怕茶餐廳的質素參差，但今次有朋友推介這家，便試試看。午市套餐的選擇也頗正路的，而且價錢適宜，全都是$50以下。叫了一個干炒豬扖河，也很滋味，麵底炒得很乾爽，不是那種軟腍腍的河粉，而且最意外的是十分有鑊氣，所有材料也很入味。黑咖啡一般，可能下次叫奶茶會更好，而例湯是羅宋湯，別看小它碗盤小，卻是十分足料! 

今早本來打算到Mikiki文華茶餐廳吃早餐，大排長龍，不是辦法。行出來，看到聚華餐廳門面都頗｢企理｣，就去試試。我和Honey叫了兩個餐，單看餐單文字，已非常豐富。Honey叫了3號餐：火腿炒蛋 / 牛油厚多士 / 沙爹牛肉出前一丁(已經是出前一丁，不需加錢)材料豐富得很！只$33我就叫了C餐：香肉丁出前一丁/ 煎蛋豬扒 / 厚多士如此豐富的早餐，只$37！實在童叟無欺！茶餐廳最重要的是奶茶，這杯奶茶，茶濃奶滑，好味。唯一美中不足的是：出前一丁雖然不需要加錢，但麵質非常稔！看來是預先處理了，而不是即刻煮的。所以，一點都不像出前一丁的麵質爽滑，而是淋淋的。還有，無論豬扒、牛肉、湯麵…都很鹹，需要改善。