影片
港鐵灣仔站 B2 出口, 步行約4分鐘
繼續閱讀
電話號碼
24933349
營業時間
今日營業
13:00 - 00:00
星期一至四
13:00 - 23:00
星期五至六
13:00 - 00:00
星期日
13:00 - 23:00
公眾假期
13:00 - 00:00
公眾假期前夕
13:00 - 00:00
以上資料只供參考, 請與餐廳確認詳情
相關文章
餐廳：聰。C Dessert地點：灣仔莊士敦道菜式：甜品餐牌：有熱辣辣甜品，燉品，豆腐花，西米露，椰果冰，仙草凍+黑糖珍珠，特別推介，牛角窩夫。仲可以自選配搭配料。合桃露燉蛋白 $40今日天寒地凍，先黎個熱辣辣燉品。合桃露燉蛋白我第一次食，熱辣辣上枱，多到滿一滿。合桃露好滑，味道唔甜。底層就係蛋白，又滑又嫩，好養身。芝麻湯圓 加$8 另外加料加左湯圓。一客三粒，唔會太大粒，整得煙煙韌韌，入面有黑芝麻餡，唔會太甜。麻糬紅豆抹茶雪糕窩夫 $44麻糬紅豆抹茶雪糕窩夫賣相一流！一個熱辣辣既酥脆牛窩夫加上一球滑溜抹茶雪糕，上面再加上紅豆蓉伴半粒士多啤梨，食落口感係熱辣酥脆配滑溜香濃抹茶味，再加上香甜紅豆蓉，味道口感豐富。仲有唔少煙韌麻糬粒，絕對係一道出色西日fusion。芒芒麗莎 $48芒芒麗莎係楊枝甘露加多少少材料既演化版。有好多鮮芒果肉同芒果汁做底加上脆口西米，煙韌白色小丸子，爽口椰果，當然有芒果冰。味道十分清爽，芒果味好香濃而唔會過甜，而且口感豐富！榴槤黑糯米 $48榴槤黑糯米有唔少煙韌黑糯米做底，撈有粟米粒，好有咬口，加上冰凍滑溜榴槤蓉，新鮮榴槤果肉同脆口西米喺面，味道層次豐富。榴槤味好香，而榴槤蓉食極都有，味道香氣都好正，配搭黑糯米都唔會過甜。總括而言，今日所有甜品都好出色，揀一款自己鍾意就得，食得出呢度重視每款配料配搭同多重口感。糖水舖有呢個質素同材料，價錢抵食。入面乾淨企理，光光猛猛，用左淺木色枱凳，裝修唔錯。成日經過都有人龍等位，不過人龍去得快，唔洗等好耐。
繼續閱讀
這家甜品店前名是聰嫂甜品選址灣仔重開並再次回歸🥳提供多款經典及新派甜品選擇多元化🤩亦保留人氣龍眼椰果冰還有新推出牛角窩夫系列每一款甜品可額外自選配搭配料今次叫了四款甜品直接當正餐🙈布蕾醬焦糖脆脆雪糕牛角窩夫 (+黑糖珍珠) 🧇🍨牛角窩夫🧇外香脆內鬆軟，表面加上焦糖雪糕🍨，冰火交融，另加配$8黑糖珍珠，珍珠Q彈煙韌有嚼勁榴槤水晶珠 (凍) (+綠茶蒟蒻) 🍨有一球榴槤雪糕🍨，上面有榴槤果蓉，每一口都嚐到榴槤肉充滿濃郁香氣，配上晶瑩剔透的水晶珠入口爽脆，口感很特別，另加配$8綠茶蒟蒻增添口感，喜愛吃榴槤的我感到好滿足😋鮮雜果椰汁仙草凍 (凍) 🍓🥭🍌🍉突然好想吃水果就叫了這碗，用多款新鮮水果製作包括有士多啤梨🍓，西瓜🍉，芒果🥭，香蕉🍌，蜜瓜🍈及哈蜜瓜，底部有仙草配上椰汁，口感嫩滑清新合桃露燉蛋白 (熱) (+湯圓-芝麻味) 🧉香濃的合桃露覆蓋著底部的燉蛋白，蛋白細嫩幼滑，另加配$8芝麻湯圓，熱辣辣吃暖入心❤️，寒冷天氣下吃是超棒的選擇👍
繼續閱讀
享負盛名的將軍澳名物“聰嫂”甜品而家強勢回歸灣仔😍吸引咗唔少食客，當中更有大量遊客，就連正餐時間都滿座，人氣非常之旺盛（我在平日七點幾去都滿座🫨幸好座位流轉得快，我等咗5分鐘就入得）據聞老闆賣盤後不忍見到糖水店全線結業😖 就決定以「聰。C Dessert」之名重新出發🫡 店舖裝潢走簡約清新路線，甜品選擇有招牌款，更有時下流行的牛角窩夫等，相信大家總能找到一款心宜糖水❣️❣️龍眼椰果冰店舖打響名堂之作，再去食依然冇失望！最欣賞它用料實在，用咗60顆去籽嘅泰國龍眼😍冷凍後同奶油打成冰沙，仲加咗椰果同水晶粒粒龍眼香好清好正🥹❣️❣️椰汁燉雙皮奶懷舊經典之選，雙皮奶非常滑嫩 綿密椰汁同雙皮奶完美結合，奶香奶香的每一啖都係可以直接滑進喉🥭🥛芒果雙皮奶底層係凍雙皮奶，滑順程度稍降，但仍然唔會起粒，上層係一層類似芒果牛奶打成冰，細緻無粒粒粗冰，而且真係有淡淡芒果奶香，唔係香精/糖漿味！最面層係大大塊嘅鮮芒果肉😍 完全無渣😍🥭楊枝甘露新鮮嘅芒果+西柚當然係絕配加埋椰漿層次更豐富，如果想要多啲配料，可以叫升級版嘅 「芒果麗莎」，會多咗椰果、水晶珠、小丸子，目測都幾受歡迎🧇綠茶雪糕紅豆麻糬牛角窩夫將牛角包壓成窩夫，就算雪糕溶咗都唔會整到waffle 軟淋淋，反而仲keep到酥脆微苦嘅綠茶雪糕同紅豆麻糬巧妙結合，平衡到甜度又豐富咗口感，唔錯♨️南北杏雪耳燉木瓜怕食冰太寒就點碗熱騰騰嘅滋補甜品雪耳嘅清爽同木瓜嘅香甜相搭配，潤肺又有美容功效🥰
繼續閱讀
好耐以前食過聰嫂既龍眼冰勁驚艷😍知道灣仔開左由聰嫂主理既聰。C Dessert就去左試🫶🏻就算係晏就3、4點既時間去到都要排陣隊先入得，證明好有人氣😂💫 龍眼椰果冰 $46招牌龍眼冰依然係咁正🥳龍眼味道好清甜，加埋卜卜珠同椰果，口感層次豐富😚💫 榴蓮水晶球 $46榴蓮Fans絕對唔好錯過！！！面層係超大pat榴蓮肉👏🏿比得超大方👍🏻下面既榴蓮冰都混合左榴蓮肉一齊打，所以每啖都超重榴蓮味🫶🏻仲會咬到榴蓮肉添，夠真材實料❤️❤️💫 合桃露燉蛋白 $40合桃露味道超香！口感好綿密滿滿果仁香氣😝底層係滑溜既燉蛋白，有齊兩種口感😍熱辣辣超正
繼續閱讀
呢間甜品店之前開係將軍澳嘅時候我成日都去食㗎😌 佢啲甜品真係又好味又特別，價錢仲好抵，可惜將軍澳分店已經結業🥹 今日經過灣仔莊士敦道竟然發現咗佢嘅蹤影😍 下午茶時間都勁多人，好彩等得唔算好耐，好快就入得去🥰 呢間嘅裝潢小清新路線，非常適合打卡🫶🏻 🌟榴槤水晶珠 $48榴槤控一定要食😍 聽講係用泰國金枕頭榴槤，榴槤味超級濃郁😍 底下仲有自家製榴槤雪糕，簡直係雙重口感雙重滋味🤩 水晶珠脆脆地好特別，食落層次更加豐富🫶🏻 🌟原味燉雙皮奶 $38天氣凍凍地食呢個就啱啦😗 滑捋捋熱辣辣，奶味仲好香甜🥰 真心推介👍 灣仔呢間新舖都keep到水準😃 係以前食開嘅味道啊😇 一樣係咁高質咁好味，以後係灣仔又多一個甜品嘅好選擇啦🥰
繼續閱讀