聰嫂私房甜品 (已結業)

食完飯一定要食甜品，好多年前黎過，今次黎發現店面擴充左，等位都快啲。叫左芒果椰果冰，上次食過龍眼冰，今次想試新野。感覺冇龍眼咁fresh，不過都唔錯。年初二好多鋪頭都冇開，呢度肯開，貴少少都要食。

星期日晚上9點鬆，離遠見到冇人等位，一眼已望到門口第一張枱有3個吉位，入到去阿嬸話最尾個張（收銀隔離），成張都冇人座，咪行過去，點知收銀阿嬸又話有8個人，但又唔見出面有人等喎，又點番我地出去門口，都算，行到一半另一個阿嬸又話唔得，想我地座一對似乎要走的一張枱，人地都仲未起身，你又唔係冇位，點解唔比人座番一入門口個張尼？係咁點我地行黎行去，嬲嬲地我最後冇食到，講真我都成日幫襯，食個糖水都知尼度唔座得耐，我兩個人食得幾耐呀！頂多咪15分鐘，不嬲佢地啲阿嬸一見你食完就崔人走架啦，做生意唔係咁呀馬！我決定以後都唔再幫襯，亦唔會再同朋友黎，又唔係平，啲員工可以做小啲野喇！

環境夠哂大，不過可能大得濟舉左好多次手都冇人理。嗌左個薑汁鮮奶燉蛋白，個人覺得甜左啲。薑味重，蓋過鮮奶味。蛋白燉得唔夠滑。而且係用膠碗上，感覺有啲麻虎，好似叮過咁。

今時今日的香港新年，都已經好少地方要加二丶加三丶加服務費，正正俾我們遇見。聰嫂甜好味係人都知，最記得佢d多元化的西米露。年初二，menu轉左，轉左個無乜野揀的新年menu, 好失望，甘少選擇仲貴左，原來新年附加費，本身都唔算平仲加埋附加費，一d都唔值。最好味蜜瓜豆腐花，好清甜，食落好清新，不要以為得豆腐，仲有層沙冰係面，食完成個人凍冰冰。

其實來這家店不是一兩次了 頭先兩次從服務到口味都很滿意～但後來每次遇到一個大嬸態度都超級差 不僅聽錯客人點的菜單 還怪別人沒說清楚 也超級沒有耐心。反正是不想再去tko這家了

大年初二，入將軍澳拜年，經過新都城中心聰嫂，甜引特起，所以入內試一試。裝橫平實，牆上掛上劉德華手寫的「聰嫂甜品」四字。我一坐下就叫了蜜瓜豆腐花，蜜瓜與冰攪上，只怪自己自作孽，冬天食蜜瓜冰，食到牙齒到痺，至於味道其實是好味的！蜜瓜配豆腐花，味道清香，適合對甜品有要求的人嘗試。

由初初開張食到而家， 好難得嘅係聰嫂仍然保持到水準， 佢嘅餐牌差唔多試過曬，最欣賞嘅始終係榴槤 嘅產品 同埋龍眼椰果冰 。而家冬天咁凍 ，所以想食熱嘢 ，今日冇叫到榴槤 黑糯米或者龍眼豆腐花今日同老公試咗 芋頭西米露同埋 薑汁 燉蛋白，芋頭西米露 一般般 ，唔係唔好食， 但冇乜記憶點， 可以話自己屋企都煮到。但係個薑汁燉蛋白就真係不得了， 佢薑汁 同埋燉蛋白嘅比例居然係一比一， 即係有3cm厚個燉蛋白， 就有3cm厚 嘅薑汁， 薑汁調味一流 ，夠曬薑味 ，加咗奶一齊煮，又有奶香味，互相平衡到，一絕！！！最後都忍唔住叫埋個榴槤班戟 ，唔錯。

同一班朋友打完邊爐，仲有下場！話食甜品，即刻醒起附近ge聰嫂，自從上次食完佢ge蜜瓜冰就念念不忘，想再食。六個人都好快安排到，門口位，可接受。六個人都揀冰，係我強大ge領導啊😂。今次我十分糾結，四款冰我只係唔想食龍眼冰，芒果、草莓同蜜瓜實在太難強擇，經過左10分鐘先揀到草莓🍓，甜而清爽，夠原味，d小珠同椰果增加口感又好味。係愛啊哈利。

終於一試聰嫂星級甜品 明明晚飯先打完邊爐 行左陣街就已經feel到肚餓😂 好想搵啲野咬下 點知就係寶琳見到聰嫂 好多人排隊本身我就好中意食甜野 見佢個士多啤梨豆腐花好似幾特別咁 佢有士多啤梨沙冰係豆腐花上面 甜同酸度十分適中 豆腐花晃豆味都好濃郁🤤😍 之後女朋友叫左個杏仁茶蛋白 暖粒粒 杏仁味勁香 蛋白又滑又好食 埋單都係$58 下次要試下佢個雙皮奶先得！

行完「小夏威夷徑」，嚟到寶琳，亦晌新都城嘅「OK德海南雞專門店」食埋晏，理應打道回府，不過，有人提議去「聰嫂」食埋碗糖水先走，咁……跟大隊啦，反正我都無所謂嘅。環境就唔多講，因為晌外邊已可以睇晒，再者，裡面真喺幾逼，我哋一行6人都喺啱啱好近門口有張枱拍埋夠我哋坐晒。有咩食？門口一大張餐牌已經印咗出嚟，亦可以晌店內慢慢睇佢個正式餐牌。杏仁合桃露 $22其實喺合桃露倒入杏汁，依家嘅中式糖水已經可以左溝右溝啦，杏仁配合桃，友人話味道有點怪，唔算難食，但覺得唔夾。芝麻合桃露 $22對比杏仁合桃露，友人就話呢個就夾好多，尤其兩款都喺糊狀物，質感較協調，但明顯啲芝麻糊就少得可憐，合桃香味佔晒上風。綠豆沙 $18其中一位朋友喺傳統派，海帶綠豆沙就啱晒佢喇，更好嘅喺無加香草（佢意思應該喺指臭草），佢話就仲合佢心水。啲綠豆沙煮得都算起沙，而且少甜，唔錯，亦喺最穩陣嘅一道甜點。鮮奶椰汁芋頭西米露 $22又鮮奶，又椰汁，印象中落後者嘅居多。芋頭入口都夠粉，椰汁就令個汁底更香甜，不過，老友就嫌西米手緊落得少，好似飲奶咁。薑汁鮮奶燉蛋白 $27燉蛋白一向都考功夫，所以，小弟就揀呢個熱食嘅薑汁鮮奶燉蛋白，一上到枱

已經聽過聰嫂甜品好正，當然事實上都真係好好食！但等位就幾耐，猶其係晚上9點幾乎10點，我同朋友都等咗二十幾分鐘！裹面好多人，位置坐得唔舒服，好迫同好迫。點餐時姐姐超級唔耐煩，態度非常一般。但食物係好食的，我同朋友點咗龍眼椰果冰同榴槤水晶珠 ，價錢都係正常的，30－ 32 左右。龍眼椰果冰好好食，好多果肉，但冬天食真係好凍。

早前係新都城中心睇完溏心大結局直播之後過左聰嫂食甜品，抱住期待既行過去！同朋友2人好快就被安排入座，勁開心！二話不說既刻叫左2款冰先！(龍眼冰同哈蜜瓜冰)諗諗下再叫多個糖不甩。甜品好快就到，真係好好味呀！大滿足~

聰嫂幾時都咁多人排，可能因為寶琳無咩好食😂冬天天氣凍最岩係繼續食凍野甜品真心抵食，大多為二十幾蚊價位，係甜水界黎講，係高質之選想坐耐少少又無趕我地走都幾好~ (可能因為太夜無咩人排緊)但服務就真心唔好諗太多話說今次我等位，想問佢拎飛，佢忙到叫我自助😂我真係自己撕飛仔，自己填返人數落張大紙🤦🏽‍♀

星期五夜晚排隊都只係等咗十分鐘，坐低叫嘢等咗五分鐘就上到甜品啦。薑汁芒果豆腐花，有芒果肉同芒果啫喱，仲要有幾多舊，豆腐花好滑。龍眼椰果冰好冰凍，龍眼好清甜，唔會太甜涸喉。楊枝甘露就正常水準，無走樣？

好耐之前已經聽過聰嫂甜品好正，琴晚終於的起心肝揸車入將軍澳試下，鋪頭就系大馬路邊，唔洗搵已經見到，當時8點半去到唔洗等位，聰嫂最正就係榴槤，一於叫哂三樣最想食既榴槤甜品榴槤水晶珠 HKD37黑糯米榴槤 HKD 37榴槤班戟 HKD 28/呢間既榴槤雪糕係我食過最濃味，濃味到口質唔似雪糕，榴槤肉都係好正，平時食其實甜品店都好失望，今次聰嫂真係會食過返尋味，三樣野加埋都係HKD102，好味夾抵食👍🏼環境好乾淨，食得好舒服