聰嫂私房甜品 (已結業)

去開寶琳食飯，食完飯點少得去聰嫂食甜品呢度地點方便，地鐵站一出就係～男朋友叫左個「開心樂園」，但同menu上個樣唔同既？下面係餐牌上既樣所以問左果度啲姐姐，但佢又話係開心樂園，咁就由佢啦！呢個甜品口感都幾豐富，上面係茫果冰+黑珍珠，下面就有涼粉+椰果～ 不過就普通，冇咩特別。我最愛就係龍眼冰依然係咁好食！有啲椰果+西米+龍眼冰～～周不時仲會食到龍眼肉好香既龍眼味～好清新！聰嫂甜品比起出面啲甜品鋪平，份量又唔少，飯後食岩岩好！誠意推介

同朋友仔難得聚會，食完豐富既晚餐，就直落食糖水，聰嫂一向好多人食，排隊都少不免，不過等左一陣就有位啦，打開餐牌，糖水款式花多眼前亂，諗緊食芒果冰好定芒果奶昔雙皮奶好，十五十六底下，最後都係揀左芒果奶昔雙皮奶。上甜品既速度都幾快，即使坐滿客，等左5-10分鐘就到左。芒果奶昔雙皮奶($35)份量都唔少，成碗滿，上層既芒果都算甜，而且好厚肉，芒果下面有一層薄薄既芒果奶昔，食落好似芒果沙冰，而且配埋雙皮奶一齊食，口感有多左一層，好味呀😍其實糖水黎講唔算貴，每人都係二三十蚊

今天去親友家拜年，食完午飯後，大家好還沒有滿足，很想吃點甜點才覺得完滿。表哥便提議去附近的聰嫂買外賣甜品，我當然舉腳贊成，一向都很想試傳說中甜品很美味的聰嫂，現在終於可以一嚐，真的很開心我點了網上很高評價的芒果雙皮奶，真的一試難忘! 芒果香甜，雙皮奶香醇幼滑! 兩者十分對味配合! 真是為今天的團拜午飯畫上完滿的句號!

冬天現在對我來說，已經不像以前秋天時那麼爽，完全是天寒地凍。今年冬天温度曾經降至攝氏十度以下呢，我每天出街幾乎着五件衫才能保護啊。礙於當時天氣的寒冷，也因為注重身體健康，氣管喉嚨不能再遇冷的問題，此時此刻我最需要吃温度較熱較暖的食品，甚至是甜品也不能例外。所以那些例如韓國刨冰、雪糕新地等冰凍甜品，不是說我不食，只是可以選擇的話就少吃為妙。甚至是我在年初七「人日」，在將軍澳「聰嫂私房甜品」，也遇上這個問題。「聰嫂」偏偏就有很多冰凍甜品，我想吃也不能放懷地享用，要很謹慎地選擇，才能放心食美味的甜品。我在「聰嫂」寶林分店內，看到牆上掛着一幅劉德華親筆簽名的「墨寶」，「聰嫂甜品」四個大字。我好奇問店員，店員說那個是「華仔」當年在「聰嫂」總店食甜品時留下的親筆真跡。不過當年「華仔」只是用原子筆，在普通紙上即席親筆書寫，普通大小字體，「聰嫂」後來才把「華仔」「墨寶」放大複製，放於其他分店店內，以作記念。由於「聰嫂」店內有太多凍食的甜品，結果搞到「雙皮奶」我也不能食，但是我又討厭榴槤，結果剩下適合我試食的暖熱甜品所餘無幾。我本來很想吃他們推薦的鎮店之寶「芒果奶昔雙皮奶」，可惜天意弄人，「芒果奶昔雙皮

雖然今個冬天不太冷，不過就變幻莫測，兩星期內可以經歷了一年四季。剛好，今日終於又到番冬天了，天氣又凍又乾，仲唔快啲藉此機會，大條道理的去補一補。杏仁雪耳白果，基本上我對於甜品的選擇就是榴槤同杏仁，天氣凍，榴槤就要讓一讓，俾吓杏仁系列上場。今天去咗坑口，搵咗價值連城的聰嫂，可能唔愁冇生意，入到去啲職員個個眼望手機，仲圍住吹水，企咗30秒，叫咗三聲，都係佢哋有佢哋hea，只好自己搵位。甜品上枱，用料十足，白耳雪耳好多，不過杏仁茶就變得好少，幸好水準還在。

食飽飽但仲想食甜品 好啦就去聰嫂啦好多人等位 好彩都係等左十分鐘左右叫既係清一色榴槤榴槤班戟($26)皮薄 脹卜卜但偏細餡就榴槤蓉同忌廉各半榴槤蓉食落一絲絲 落足料榴槤水晶珠($36)榴槤肉大大舊 好多水晶珠鋪面下面類似雪花冰 加入榴槤攪拌成冰 好綿滑成個甜品好香好濃榴槤味一個甜品有三重口感 正!榴槤黑糯米($36)同水晶珠差唔多 係有一半變左黑糯米甜度適中 口感煙煙韌韌呢個有四重口感既甜品仲可以去邊度搵大滿足呀！聰嫂無得輸呀！

是日與老朋友聚舊,多年沒有踏進寶琳,一切皆變了不少！短短的一條街眼見有三間甜品店,不過我們還是去以往的聚腳點聰嫂～天氣涼,叫一碗熱騰騰的甜品實屬不二之選,不過我突然想食冰凍的豆腐花！士多啤梨豆腐花 - 色澤粉粉,賣相不錯。頂層的士多啤梨甜甜多汁,粉紅色的雪芭質感軟綿易推,夠冰凍之餘還充斥著濃度適中的草莓味。豆腐花屬一般滑溜,而且挺易碎散！芝麻杏仁茶 - 暖暖的溫度易於入口！芝麻質感尚算滑溜,有著微微的香氣～杏仁茶質感不稠,味道帶丁點香濃,飲後喉嚨頓時變得舒暢。

聖誕節食完dinner唔多夠飽，自然就想食下甜品。10點幾超多人等位，不過好彩等幾張就到，算快。想有新嘗試，所以叫左碗士多啤梨涼粉，面頭係士多啤梨雪葩，唔會好酸，加埋涼粉味道幾特別！下次試埋芒果奶昔雙皮奶先

尋晚岩岩飲完宴，咪係九龍灣食完就去左觀塘行陣，突然心血來潮，發現都好耐冇食甜品，咁就拿拿臨入去寶琳食個聰嫂！其實觀塘都有間老字號食薑汁撞奶都唔錯，搵機會dee再介紹下黎到個時都差唔多10點 好好彩唔洗等位就有得入，因為發現好多人都嗌外賣，我地咁耐都唔去寶琳一定，梗係坐底食！一坐底舉頭就見到香港民間特首之一既墨寶，佢手字都幾靚，如果想睇多d藍田邨都有佢手字（好似因為佢個細個個到住）拿拿臨嗌個我飛佛蜜瓜豆花，實有人問呢d水果豆花來來去去都係水果係面，就咁淋上去，最多好似芒果豆花咁加芒果汁。少年你太年輕了蜜瓜豆花 26元佢呢個蜜瓜豆花就咁睇好似同平時一樣，蜜瓜碎粒舖係個面到，佢就係唔 係 咁 簡 單佢中間加多層蜜瓜味類似綿花冰既野，好凍但是好好味！一次過滿足晒三個願望:水果 綿花冰 豆花所以我次次黎親都一定食呢個，雖然食完會咳兩下，但係都值得！依加好多唔同豆花fusion野，好似旺角登打士街都開左檔，如果傳統豆花我一定揀何文田陳記，但是新式一定係聰嫂蜜瓜豆花。

本人住在馬鞍山，不時都會同朋友過將軍澳食飯傾計，在一次朋友介紹下去左聰嫂一試，味道相當美味，小弟一向小食甜品也迷上了，但人流也太多，好少機會再食，所以會臨走前買回家食

食左聰嫂好多年，一直都偏愛芒果系列！次次都係忍唔住叫芒果椰果冰同芒果燉雙皮奶今日就來個士多啤梨豆腐花豆腐花上的士多啤梨應該係打出來的雪葩，個口感同士多啤梨味都好great仲試埋朋友個蜜瓜冰同薑汁燉蛋白。薑汁燉蛋白係驅寒良品，秋冬佳品，再凍d既時候要叫了

星期六夜晚行過見到好多人排隊唔想等於是閒日夜晚先去食果然少人好多唔洗排隊就入得友人推薦芒果奶昔雙皮奶芒果好甜（友人話時酸時甜，話我好好彩）奶昔就係沙冰雙皮奶都好正堅係好食

是晚食完禮記, 有人提議到聰嫂糖水, 於是一行人就由九龍灣入黎食糖水...基於女生月事, 我唔可以食凍野 >.<入到黎都係11點幾左右, 已經乜都冇唒 =,=所有同芒果有關既野冇唒, 合桃糊芝麻糊又係...又唔食得凍野, 唯有揀呢味食...何解聽嫂熱食好似愈做愈差?一上黎, 已經聞到好甜既味...一擺入口, 果然係「糖水」!食唔到雪梨味, 只有冰糖既糖水味...好似嚴重偷工減料, 只係用大量冰糖黎覆蓋冇雪梨龍眼味...連本身既雪梨都因為吸引過多既糖水而無左本身既香味試完一次, 我諗之後都係食返凍野算...

食完蒸氣鍋個晚餐，順手去左聰嫂食糖水，選擇好多，不過食完個晚餐食清淡啲既香芋西米露佢個西米露既香芋係芋蓉所以無牙都食得，夠椰汁味，加上啲西米又無熔到一舊舊平平地ok啦

至從將軍澳開佐咁多間糖水鋪後 聰嫂糖水鋪就好耐無去食了 今日食完晚飯就去食返碗好耐無食既龍眼冰一如以往 都系用龍眼打成沙冰 頂頂放少少爆珠 可能宜家龍眼唔系時候 無之前食咁甜 但都keep到個水準 如果可以擺d完整既龍眼肉上去會更好呀