肉餅哥小炒料理 (已結業)

一向以黎，覺得肉餅係最平凡既家常菜之一，沒什麼特別之處，亦覺得沒什麼大變化可言。 【肉餅哥】~久仰大名， 今晚特登前往品嚐一下，來證實一下是否名不虛傳一坐下，店員就會捧上熱熱的老火湯一碗，感受到店員熱情招待金沙蛋黃肉餅肉餅是熱燙燙上枱，新鮮煎好的。 肉餅邊煎得香脆， 內裡卻不會過硬， 配上金沙蛋黃， 令肉餅帶往另一個層次非常推介流心芝士肉餅 小店另一黃牌當然要一試 。肉餅同樣是剛剛煎好就捧上枱 ， 肉餅邊同樣是煎得香脆， 肉質鮮嫩多汁，不乾身 配上剛好溶化既芝士， 又是一種新的味覺衝擊 二款肉餅同樣配上大大碗香軟白飯， 與肉餅極為配襯

落雨唔想行太遠，所以揀左食肉餅哥，係自從轉左主打小炒後第一次黎，不過好失望。兩個人叫了兩個小菜，狗仔鴨第一次上菜時個心係凍...之後再上都只係暖啲鴨無乜肉，仲要俾埋鴨頭...味道偏咸涼瓜倉魚，條魚偏細，出面大圍其他茶記食大條好多。涼瓜真係比較苦，不過我食到無問題。原本落單時叫奶茶走甜，轉頭話無茶膽只可少甜，咁只好轉凍咖啡走甜，但係杯咖啡差唔多食哂野催左幾次先肯到...行多幾步出去食茶餐廳好過，短期內無下次。

今日係今晚上六點 一行七人 就到 美林 食肉餅哥 小菜 除咗雞同肉餅之外呢 其他菜色一般般 尤其是嗰個炸大腸 炸得過老啲夥記呢個風趣幽默嘅 久不久呢就行過嚟呢 查詢我哋嘅需要 係ok嘅

星期日夜晚諗住去附近出名嘅肉餅哥食小炒， 人多得濟要外賣走。原本收銀姐姐就話15-20分鐘，點知15-20分鐘又15-20分鐘， 再問仲有幾耐嘅時候有位好明顯特別話得事嘅哥哥就大聲話「我唔知肉餅幾時蒸熟喎！」 哥哥仔，你叫肉餅哥，最出名做肉餅，一日賣成一百幾十個肉餅你都唔知肉餅整幾耐？？之後我都算數唔要喇，佢就用大聲到全間餐廳都聽到嘅音量講話「肉餅唔要喇 記住找返錢畀人」 但係就一句唔好意思都唔識講 大家都係街坊 做街坊生意 但係就當客係搞事嘅，基本禮貌唔識，一副好行夾唔送嘅態度，我只可以講係心淡 好食極都無用！

呢間肉餅哥系Fatbrown 的to-eat-list 入面擺左好好好耐，Fatbrown 一路超級想試，但系又苦無機會，因為佢的位置真系十級偏遠，入到大圍都仲環行番十分鍾路程先到，真系少D腳力都唔得今日Fatbrown 去沙田考試，系去沙田考試呀，終於都的起心肝要去到呢間位於大圍的人氣小店肉餅哥一試佢個馳名肉餅飯先行左一輪又揾左一輪，終於系個舊或屋村仔入面揾到你喇除左肉餅，原來仲有好多唔同的小菜任君選擇店內環境比想象中好，座位都幾多下，裝修夠光猛Fatbrown 同友人每人叫左一客肉餅飯，可以交換試下唔同的口味<秘制蓮藕肉餅$62>Fatbrown 叫的秘制蓮藕肉餅真心幾好食，豬肉系半肥瘦的，加左蓮藕入去打，食緊肉餅之餘會咬到爽脆的粒粒，口感幾得意味道又配合的幾好<蝦膏蟹棒肉餅$72>友人叫左合蝦膏蟹棒肉餅，淨系聽合夠都覺到好邪惡，食落。。都真系幾邪惡肉餅一上台已經有好香的蟹膏味，食落第一啖就食到好香的蟹味，果然真材實料不過蟹膏始終有D膩，食完成合肉餅都真系幾口渴配菜飯加三蚊Fatbrown 加三蚊轉左個菜飯，正常茶記貨式

心血來潮，一種感覺湧上心頭，就是要吃肉餅，離家不遠有家叫肉餅哥的餐廳，叫哥的通常都是有過人之處，無錯這裡你平時吃慣的肉餅他有，你想像不到的他也有，舉凡好立克肉餅、咖啡煉奶肉餅、臘腸膶腸肉餅......太多不能盡錄。今晚我想食是比較普通的咸蛋肉餅，他的咸蛋肉餅叫金沙蛋黃肉餅，做法有兩種，一是蒸，二是煎。平常吃的肉餅都是蒸的，今次來一個煎的看看怎麼樣。約等了十數分鐘，我的肉餅來了，另有一碗白飯，肉餅呈圓形，表面金黃色，中間有一顆咸蛋黃。用筷子篤下肉餅，肉餅打得結結實實，表面上的金黃色就是搽上咸蛋黃醬而成，入口香脆帶咸蛋黃的起沙，煎得夠乾身，肉味香濃，撈白飯是最好味的食法，而煎比蒸又帶出肉餅另一種味道，我配上一罐可樂，又是一個快樂的晚上。

今日朋友介紹我去大圍一間出名食肉餅嘅餐廳一入到去，店員就上左湯先 我地再決定食物討論完一番後 ，決定食蓮藕肉餅 飯同吉列豬肉餅米粉蓮藕肉餅 調味做得出色 食到蓮藕之餘 又有豬肉加調味嘅味道吉列肉餅食落好似食緊吉列豬扒咁 不過就多左份鬆軟口感 配上醬汁 好好食值得一試

同朋友試下, 食物ok, 冇想像中咁好食, 但看似老闆既阿叔好串, 問佢蒸定煎肉餅好食d, 佢話咁問今晚都唔洗食。食飯中途問佢拎兩杯水, 食完都未有, 最後埋單先送到黎, 杯水仲要滾到辣手。呢間野可以唔洗再試

好耐無食肉餅哥啦！對上一次食已經差唔多兩年前 當時仲係紅極一時！ 上坐低，店員就上左兩碗老火湯比我地飲，仲有湯渣架！！叫左個煎蓮藕肉餅飯 ($59) 加 $3 轉菜飯，肉餅加蓮藕呢個組合真係好配呀，有一粒粒蓮藕，增加口感😋 煎雖然比較唔健康，但佢煎到個面脆卜卜，好吸引！！塊肉餅好大塊，飯既份量亦好多，細食既女仔兩個人share都夠呢！再叫多個上湯時蔬 ($58)，一上菜，大到嚇親！碟菜夠4個人食呀😳😳 但係有少少太油，如果少油d就100分啦！

慶祝周年紀念早餐同午餐都食咗我哋最想食嘅夜晚老公問我想食咩嘅時候大家都突然諗起好似好耐冇食過肉餅哥然後老公咁岩醒起大圍有一間唔使特登出去荃灣所以我哋就喺openRice search左佢嘅地址之後就由大圍搵路行過去啦原來位置係喺美林村入邊見到個鋪頭都幾大而且冇乜人排隊就即刻入去揀咗好耐都未諗到食咩肉餅嘅時候就發現除咗肉餅之外，佢呢度已經有好多其他嘅餸菜正當諗緊試其他餸嘅時候我同老公都覺得去肉餅哥梗係食肉餅啦所以我哋兩個都係揀咗肉餅肉餅味道不變我覺得我哋嘅鹹蛋黃肉餅都幾好食不過略嫌都係油咗少少不過炸就真係冇辦法㗎啦可能兩個都係炸嘅關係，有啲油膩所以建議大家如果一個炸，另一個蒸會好啲或者試吓轉下另一個叫菜啦😏

餐廳就在自己住的屋邨，地點一大優勢。更重要是，肉餅哥這地方還有素食肉餅，可煎可蒸，價值相宜。這地方實在太令我難以置信。我是很喜歡的呢。餐廳裝潢有點韓式風格。晚餐有湯飲，不過素食者不合。另外還有白飯或可加配菜飯。我叫了麻辣香菇素肉餅配加白飯。這個新素食豬肉，口感很接近真的肉。而且有麻辣的味道，不過越吃，的確是有點太辣，下次要選微辣。另外我今次是吃煎的，肉餅是比較乾身，而且有一點點硬的。我想如果想要吃比較軟身的，大家可選擇性蒸肉餅。這店真的是一大恩物，街坊價錢，還是素食。令到我很滿足

本身完全唔知呢間野, 咁啱上完朋友屋企介紹我地嚟嘅度dinner就試下啦, overall 燉湯 d餸係油左d, 不過都幾好食, 而且我好欣賞佢發揮創意將原本平平無寄嘅肉餅變成好in嘅菜式, e.g. 肉餅井字過三關將三款唔同口味嘅肉餅砌成"井字型"呢度值得再encore

聽肉餅哥個名就聽症好耐，今次終於試到！叫左兩個煎、一個炸、一個煎加一個菜！吉列肉餅 形式同吉列豬排有D 似，不過肉餅口感好食D ，佢唔會好多粉而係真材實料！黑椒薯仔肉餅咬落有薯仔粒，煎到香口，不過黑椒味濃，搶左其他味。黑松露煎肉餅呢個失色，普普通通，味道偏啖食唔到黑松露味...流心芝士肉餅👍🏻👍🏻👍🏻芝士控表示鍾意呢個😍，切左入面都有流士流出黎，勁好食！普通一個菜，細細味但價錢都幾貴（$108） ，唔抵食！整體黎呢到真係叫肉餅抵食又飽肚，可以Encore !

終於有機會黎食肉餅哥啦, 之前聽佢個名都聽唔少.前兩日剛好有機會同朋友一齊黎試下傳聞中的肉餅, 果然完全冇令我地失望!我人生中認識的 “肉餅” 都係得果4,5款.但原來老闆竟然創造出咁多唔同風格同特色味道的“肉餅”, 果然厲害!足三兩花膠肉餅 配 南瓜粥花膠份量好足好澎湃, 足足有三大舊! 而且燘得好腍好軟滑, 入口滑嘟嘟,膠質非常重非常黏稠，啖啖都好漿口, 感覺超養顏~而底下的蒸肉餅都一樣咁大件, 差不多有一吋厚. 肉餅的肥瘦肉比例配得剛剛好, 所以入口感覺好鬆軟，唔會硬實實地。可能因為沒有落太多的味精調味料的關係, 反而肉的甜味好突出. 而南瓜粥煲得好軟綿, 淡淡的南瓜味.

2月14號情人節抱住開心心情下午一點和女朋友兩位女士諗住食個肉餅午飯，叫了兩個菜飯，尼到時候係一款白飯一碗菜飯，與服務員講係兩碗菜飯，点知老女人服務員鬧我們兩個位，仲將單子掉落枱，嚇得我們驚惶失措，最最後唯有食碗白飯，永遠都不會再幫襯及會將此事宣揚！