肚餓了串燒烤焗專門店 (已結業)

今個Happy Weekend約左啲中同聚舊，咁多年冇見，梗係要搵間餐廳可以傾耐啲，又可以啤啤佢，最好仲要交通方便到咁多個人，於是搵嚟呢間係尖沙咀嘅人氣串燒店～《自家製黃金醬燒廣島蠔(兩雙) - $68》🧀🦪小編覺得呢個自家製黃金醬類似白汁芝士焗蠔，加少許粟米粒，令口講更豐富。廣島蠔嘅特點就係肥美飽滿而鮮甜，夠大大隻，小編食落相信餐廳係用上真材實料～呢個錢性價比不俗～《微辣肉碎原條燒茄子 - $49》🍆🌶微辣肉碎好足料，啖啖都食到，而且非常惹味，燒茄子係原條開邊上菜，大大份可以兩個人share食～美中不足就係油膩咗少少🤏《自家製惹味燒雞肉串 - $39》🐔🍗雞肉串大大串，而且好厚肉，估唔到可以保持到咁Juice，小編都好奇係咪先焗後燒所以做到呢個效果🧐佢嘅自家製調味亦非常惹味，小編再加少量嘅孜然粉🙈，味道超有驚喜～🔹香燒金菇肥牛卷🐮 $39 👍🏻🔹牛乳蟹肉餅(一件)🦀 $22👌🏻🔹惹味汁燒雞泡魚干🐡 $49👌🏻🔹川式燒韭菜🥬 $25 👍🏻🔹芝士蟹子玉子燒🍳 $38 👌🏻總括而言，以尖沙咀地段嚟講，交通位置方便，而且環境舒適，方便約三五知己小聚啤啤佢，食質素屬中上，整體性價比仍算高！😆🍻

個日同朋友出街講開想食串燒，之後就book左呢間。好彩book左位咋，當日去到見倒已經滿座唔接受walk in。餐廳裝修以工業風為主，有幾張檯，餐廳都無限制用餐時間，好岩同朋友食住串燒吹下水😎整體都好滿意，特別推介幾下幾款⭐️冬陰公焗蜆｜好小見焗蜆有冬陰公味，食落酸酸辣辣，好過癮🤤蜆既份量好多仲粒粒都好肥美，又無咩沙👍🏻個底仲放左啲菇，索哂湯汁超惹味！芝士燒廣島蠔｜超多芝士😍😍😍蠔肉飽滿肥美👍🏻蒜蓉燒原條茄子｜一送黎就聞倒好香蒜蓉味，茄子燒到好淋，簡直係入口即溶😋餃子雞翼｜雞翼去骨釀入明太子，風味十足，食落啖啖肉🤤層皮燒至微脆帶有蜜糖味！燒牛舌｜牛舌有五大粒，肉厚而且入口軟腍有嚼勁👍🏻仲有呢下呢啲🤤🤤

放咗工之後同朋友一齊諗住飲杯嘢食少少野傾吓計，所以就去試吓依間串燒啤酒，好彩有book位，平日夜晚去其實都幾full下今次我哋就叫咗牛舌，羊仔柳，雞腎，原條燒鰻魚，汁燒雞泡魚乾，燒蒜蓉燒茄子，燒蘆筍，最後叫咗兩支手工啤，食食吓傾吓計都好飽🤭由於串燒都係即叫即燒，所以都要啲時間等待，有幾款串燒都可以推介：鹽燒厚切牛舌🐮，真心真係覺得幾厚，而且都幾有口感川式爽彈火雞腎🐔，食落去唔係好辣，而且都好爽，佢都幾大粒蒜蓉燒原條茄子🍆，呢個一上到黎就見到爆多蒜蓉，超重口味😜，如果鍾意食蒜蓉嘅人一定要試吓汁燒BB 露荀，蘆筍都好大條，而且燒出黎都唔係好乾，充滿水份，我怕食到有啲燒出嚟好乾😚香燒日本原條鰻魚🐟，本身小編係鰻魚迷，一見到係鰻魚所以都有叫，食落去鰻魚都係食唔到有骨嘅，另外都有啲鰻魚汁係上面，唔會太乾至於手工啤酒🍺，就叫左一支係「9」🤣同埋另一支係「柒」😅「9」手工啤酒，有淡淡的花香味，至於「柒」仲有啲果香味，兩支啤酒都容易入口，仲要好快飲晒添🤣🤣🤣

比呢間串燒店個名吸引左，肚餓了。位於尖沙咀地鐵站A出口附近既樓上店，雖然餐廳唔算大，但每張枱都好寬敞，可以叫到成枱野食都夠位放。佢既串燒種類都好多，有幾個食完覺得係必點。原條鰻魚，$62，出面食個鰻魚飯都要成百蚊，呢到成條先$62，出到黎都冇失望，都幾大條，怕骨既人都唔洗驚，冇乜骨，個燒汁又幾好味。翠玉瓜，$22，好難得食到唔乾既翠玉瓜，燒完個瓜水份仲好多。茄子，$49，價錢算唔平，但佢有啲碎肉係茄子上面，配搭住食，都幾特別。

今年食過最難食的一餐飯😐😐😐本身朋友睇到700likes 同堆人均消費唔算貴揀左依間，食完我地兩個都後悔到爆……所以好希望大家食之前睇一睇，絕對唔好中伏😔首先，未食野，一入去d staff 態度好差，態度唔客氣，連水都無一杯，仲要收加一服務費，最後比錢嘅時候，真心心諗憑咩？？？叫野食啦，食物價錢一d都唔平，我唔係期望食珍饈百味，淨係想食d對得住價錢嘅食物，但坦白今日無一樣合乎水準😟😟 第一串黎嘅雞軟骨，39蚊兩串，正正常常，完全唔特別，但邊個會知成餐飯最擺得入口已經係依樣？？牛肉串好乾又少又唔係好嘅牛肉，收成80蚊一碟，坦白講80蚊兩個人都食到好多好食嘅嘢，洗咩食依舊牛？鹽燒牛舌仲大鑊，我期望只係用鹽黎調味，但係食到啲咖喱味，完全唔夾，搞到成舊嘢好難食😕😕魷魚就唔會掹咗啲唔食得嘅部份，仲要燒到過咗火😞嗰個廣島蠔真心極品，甚麼金黃醬就係沙律醬加芝士，到底係幾聰明先會諗到咁樣烹調？真心難食到飛起，正正常常應該唔會咁嬲🥵😕最難食係78蚊嘅黑松露薯條，我從來未食過黑松露嘅東西係咁難食㗎😐佢撈埋左啲好cheap嘅所謂黑松露粉，一上枱已經聞到好臭，擺到入口食咗幾條已經要放棄😇仲要黑松露薯條配茄汁，

又係時候跟黃店地圖搵野食😋呢個星期都係尖沙咀做野，晚晚都係尖沙咀搞掂，同事話想食串燒😂咁就唯有奉陪啦(其實我早兩日先食完).呢間串燒都出名既，都做左好多年👍🏻有咁上下質素。今晚2個人食串燒啤啤佢，鋪頭有手工啤賣。.🍢串燒京蔥五花腩$39羊仔柳$32雞肉串$39(2串)燒雞軟骨串$39(2串)勁辣跳舞雞翼$30(2隻)原條鰻魚$62微辣肉碎燒扇貝$68(2隻)燒韭菜$25芝士煙肉焗大啡菇$39勁辣虎皮椒$22..尖沙咀串燒黎講算幾抵食下，好多都係會包左2串，鍾意食辣既朋友更加要注意⚠️因為佢個「勁辣跳舞雞翼$30(2隻)」真心夠晒辣又好味，爆晒肉汁咁。抵食之選就一定要擇「雞肉串$39(2串)」2大串都係大大粒，雞肉嫩滑。「微辣肉碎燒扇貝$68(2隻)」就係我同事要叫既😅 扇貝本身明明夠晒鮮味，但加完個醬汁硬係覺得怪怪地，都係配返蒜蓉穩陣啲。「芝士煙肉焗大啡菇$39」芝士有拉絲，加埋煙肉粒好邪惡但係無法抗拒。.都係個句啦，黃店又好食，真係唔多選擇，同路人多多支持啦💪🏻

尖沙咀樓上串燒 必食惹味汁燒魷魚！——————————最近太多煩心事，加上身邊好友相繼移民，心情難免受影響。難得放假，還是與朋友好好一聚，吃些串燒，喝點小酒，聊聊天排解鬱結。有時候適當的放鬆還是有益的，Rest is for longer journey！——————————🔹燒玉子 (芝士蟹子) $38聽講燒玉子是舖頭招牌，今次就特地一試！玉子綿滑鮮甜，加上大量芝士及蟹子，口感層次更豐富！不過記得要趁熱食，芝士才會拉絲呀～～🔸香燒餃子雞翼 (兩隻) $48這款類似糯米釀雞翼，但裏面不是煙韌的糯米，而是炒香的泡菜，外層焦脆香滑，內裏酸辣刺激，配搭新鮮有趣。🔹柚子雞翼 (兩隻) $30
雞翼當然是串燒必點之選！火候燒得剛好，雞翼外脆內軟，加上表面大量的清新柚子醬，吃起來完全不覺膩。🔸微辣肉碎茄子 $49蒜茸燒茄子吃得多，配微辣肉碎的又吃過了嗎？肉碎惹味帶辣，與軟身淡味的茄子相當夾，不過個人比較重口味，還是覺得蒜味的更香口呢～🔹羊仔柳 $32羊仔柳燒得乾身香口，羊騷味重，羊控可以一試🐑🔸汁燒原隻魷魚 $69有驚喜！魷魚掃上燒汁再燒，惹味濃香，重點是魷魚一點都不韌，軟身得來依然有咬口，正！🔹

本人好少寫食評，但今次不愉快經歷，都係要寫出來！約咗好耐無見既朋友出來食飯，想食下串燒飲下啤酒，就試下呢間正評偏高既串燒店。環境似酒吧格局，高枱高櫈咁囉，但個紅酒架封晒塵，好影響，同冷氣唔夠要扣分！一開波叫左1 round 生啤 $78 仲有松露薯條$72蚊咁上下！松露薯條hea 到爆炸！ 是但沈d無味既松露粉+茶餐廳質素既螺絲形薯條配茄汁！完全係搵笨柒！一場黎到點都要試下佢d 串燒！ 叫左安格斯牛柳粒，牛舌，羊仔柳及玉子燒!以下逐一評論一下。1.安格斯牛柳粒一客一串有5粒，燒到過晒火！無牛味無肉汁！重調味遮晒d肉味又或者d原材根本就劣質啦！ 成20蚊一口，搵笨！2. 牛舌，都係一客一串5粒！同樣過火！乾晒！食柴咁，重調味！街邊檔可能仲好手勢過佢！3. 羊柳粒，一客一串有5粒，重孜然調味，好乾身無肉汁食湯渣咁囉！4.玉子燒（芝士蟹子），估唔到係5mm左右厚度既蛋皮，上面鋪上芝士及蟹子！ 試諗下咁既設定，蛋皮已經煎完再焗，熟到唔熟啦！ 完全跟玉子燒扯唔上關係！伏到一個點！總結！ 顏色概念店都應該要用心去處理食物及顧及環境質素！ 呢間顏色概念店真係名過於實！希望佢地可以做返好啦！唔好濫用顏

鋪嘅裝修風格係簡約木系，成間舖比較細，座位都比較窄，靠近廚房嘅座位觀感唔係幾好（有啲員工嘅鞋周圍擺）紫金甜薯串：燒得剛剛好，唔會乾，係幾甜芝士蟹籽玉子燒：上面蟹籽有啲苦自家製惹味燒雞肉串：好入味羊仔柳：冇羊騷味，外焦內嫩惹味黑椒牛仔骨：肉質好嫩好多汁，凍左啲肉就好難咬川式燒韭菜：個醬汁幾好味，韭菜有啲難咬肉汁香燒餃子雞翼：入面有滿滿嘅調味（微辣）蟹籽而且冇骨白酒焗蜆：冇腥味，冇咩味得酒味，酒味似米酒味，表面有啲蜆嘅肉有啲乾，可能係冇酒浸到焗個時，有啲蜆肉有沙仲有隻肉入面有隻蟹仔😖牛乳蟹肉餅：外皮好脆，食唔到有蟹肉香燒原條日本鰻魚：肉質好話，味道普通同外面食到嘅鰻魚冇唔同京蔥五花腩：多油，肥肉多最想食嘅茄子同金菇牛肉卷食唔到，已經冇曬😭Anyway⋯⋯初嚐體驗還👌🏻

本來見好多好評先去試，但係真係好唔掂，價錢唔係平，一杯asahi賣78仲要加一，算，睇睇menu，普普通通正常野，先叫左羊柳，牛脷，雞軟骨...好老實講，串燒都預左重味，但係係連味都無，你話你有調味料係枱自己調蘸碟去提升味道，注意係提升味道，喂！大佬你d野身本身都比d味黎先得嫁，連基本味都無, 升咩呢？食羊無羊味，食牛唔知自己食左牛，omg!好啦，第一round唔得比多次機會佢，再叫韮菜，白酒焗蜆，“勁辣跳舞雞翼”，大家留意係勁辣跳舞雞翼！係得個丁點辣味，勁辣跳舞雞翼？網名黎嫁？ 個白酒蜆先精彩，d蜆本身已經唔係大，你可想而知d肉有幾大，用酒煮好似好符合主題，但係成碟蜆係苦嫁！係苦嫁！係苦嫁！重要落埋d九唔搭八既c u tmr落去，鮮味就話姐，係苦嫁！實在太不得了要講4次！最後賣單成$12xx/3，平心而論，知道尖沙咀食野都有一定價位，希望一分錢都有8分貨無都有7分，但係呢間真係不知所謂，基本都做唔好就收你呢d價位，唉.....以上係個人意見感受，不喜勿擾！

👍🏻必點推介👍🏻🦑汁燒原隻魷魚 $69✔️一客有2條, 好滑, 好新鮮✔️鍾意佢啲肉比較實淨👍🏻✔️秘製醬汁好香，感覺有mix少少炭燒雞串個種醬😙😙🥩金菇肥牛卷 $39✔️肥牛醃料好入味✔️醬汁完美覆蓋每一條金菇，均沾上✔️略嫌金菇偏濕🤣 (但都ok嘅 致少唔會太乾👌🏻👌🏻👍🏻👍🏻)🍻 粗口啤 (撚) $78 ✔️勁濃味，重麥芽味✔️口感香滑✔️設計好玩味，Igable100分👀叫咗好多都Above Average👍🏻🥬燒韭菜好juicy、欣賞佢唔會太乾🐖豬肉半肥瘦，個肥膏好香，回味無窮🍗雞翼燒得好香, 皮脆，蜜糖唔會過多搶味👍🏻👍🏻🐚白酒焗蜆 (我酒量一般就麻麻🤣✔️蜆肉冇沙, 份量多✔️極重酒味, 建議酒量較好嘅人挑戰🤪✔️口味偏淡、重口味者，可以自己加鹽Overall Comment: 💬特色1 : 保留食材原汁原味唔會用調味料蓋過食物原本的鮮味👍🏻👍🏻💬特色2: 真係好黃💛大家必叫手工啤酒🍻💬特色3: 慢火燒。好處係keep到勁juicy，唔會太乾亦唔會over咗👍🏻點餐List~金菇牛肉卷 $39京葱五花腩 $39雞軟骨串 (@ 2) $39肉汁燒雞翼 (@ 2) $30 汁燒原隻魷魚 $69白酒焗

**肚餓了串燒烤焗專門店**串燒店位於一個唔多起眼既大廈,但就係因為咁而有驚喜我都係因為係呢座大廈做FACIAL而發現有串燒食一於約老公黎食,由於我地都屬於早段時間食,所以無咩人而台內既位置唔多,全部都係BAR台高櫈,老實說坐就真係一般樓面店員亦只有一個鹽燒牛舌 HKD 68 ; 好厚身啊 正 , 不過呢個厚到我有少少擔心裡面燒得夠唔夠熟燒黑豚肉 HKD49 不過不失啦, 無咩味 同埋比較乾香燒餃子雞翼 HKD49/2隻  一咬落去原來係明太子啊!!天啊 係我既至愛芝士廣島蠔 HKD68/2隻 燒到岩岩好! 新鮮 !! 安格斯牛柳粒 HKD79  都幾貴 但都係好食既微辣肉碎茄子 HKD49 加埋D辣辣地既肉碎一齊食都幾特別燒玉子 (芝士蟹籽) HKD38  大大份,甜甜地 本身唔太好玉子都會一啖接一啖牛油粟米 HKD38 唔會燒到乾哂水值得再ENCORE!!! 

喺香港真係好少去串燒專門店食串燒.咁啱今日我哋提早食完晚飯.所以就諗住食下串燒飲下酒🍻就搵左哩間樓上串燒店試下!!食物方面:⚪️燒玉子芝士蟹籽兩大舊玉子.上面放滿溶哂嘅芝士同蟹子.唔錯!⚪鹽燒牛舌呢個厚切牛舌有五粒.燒得唔乾啱啱好.加埋辣粉好惹味好好食😋⚪芝士薯波好脆口.送酒好味👍🏻⚪冬陰功錫紙包蜆冬陰功湯夠辣好香.加埋蜆好夾.蜆無沙都幾大份.正😬⚪蒜蓉扇貝好多蒜蓉好香.但係扇貝略嫌細粒!⚪蒜蓉茄子燒茄子真係必食👍🏻燒得夠香仲保留到好多汁🤗⚪蒜蓉焗金菇有少少乾.加埋辣醬粉都可以!⚪Asahi生啤整體方面:餐廳唔算好大但係都坐得幾舒服.全部食物即叫即整.想同朋友傾計食下串燒飲下酒真係唔錯.餐廳仲有好多香港製造嘅生啤但係我同男朋友都鍾意飲Asahi所以無試🤟🏻

又係一間食過之後會返轉頭嘅良心店早排同朋友嚟食過，然之後再Encore小店裝修簡單有粗口為名嘅啤酒😂😂如果大家有興趣真係可以試吓▫️秘製醬汁燒豬頸肉 $69燒得得爽口之餘唔油膩▫️冬陰功錫紙包蜆 $89絕對係低估左呢一個錫紙包蜆原來係超辣嘅🙃食慣咗之後就覺得佢嗰種酸辣係幾惹味蜆嘅份量都唔小▫️鹽燒厚切牛舌 $68呢個係勁多人推介，結果真係冇失望超！爽口得嚟重油香又唔膩▫️肉汁香燒餃子雞翼 $49超Juicy，有邊仲有明太子，Yummy▫️蒜蓉燒原條茄子 $49冇出邊食到嘅咁油，但係勁多蒜蓉勁重口味🤤▫️香燒原條日本鰻魚熱辣辣，有少少焦香勁好食

今日難得約了很久沒見的朋友見面，最適宜一邊食串燒🍢，一邊飲啤酒🍻，談談近況。這間位於尖沙咀亞士厘道的串燒店，旺中帶靜，岩哂同朋友輕輕鬆鬆傾下計。🍢鹽燒牛舌 $68小編最愛必吃串燒，牛舌👅切得夠厚，燒得剛剛好唔會過熟，口感十足。🍢蜜糖燒廣島蠔 $68廣島蠔🦪新鮮飽滿，沒有燒到乾哂身縮哂水，鮮味無窮。🍢蜜糖雞翼 $30雞翼加上蜜糖燒，燒得表面帶少少香脆，正。🍢燒雞腎 $32雞腎非常有口感，佐酒一流🍻。🍢汁燒娃娃菜 $22先將娃娃菜烚過再燒，保留住娃娃菜的水份，菜上面再灑上孜然粉，😋份外惹味。🍢汁燒秋葵 $29燒得一點都唔乾，保持秋葵的鮮嫩清脆，再配上香濃燒汁提升味道。🍢燒雞軟骨 $39串燒必吃之選，沒有食到雪味，香脆又有嚼勁。🍢原條鰻魚$62鰻魚入口啖啖肉，無細骨👍🏻。🍢珍寶帆立貝 $69帆立貝大大粒，味道鮮甜。🍢燒玉子(芝士蟹籽) $38略嫌芝士燒得唔夠軟身，玉子唔算太滑，蛋味不足。🍺粗口手工啤 $78 港產粗口手工啤，以香港人粗口定名，打卡一流。