肥仔海南雞專門店 (福康工業大廈)

營業中

休息中

難得黎九龍灣緊係要試下依間傳聞好好味既海南雞店，50$一碟海南雞飯連湯感覺性價比好高，湯就係普通例湯類，而雞出奇地鮮滑，最意外係個凍啡原來係好好飲，但一定要小甜！多甜反而係蓋過左個咖啡味，58$埋單感覺性價比好高，下次會再黎

次次買都喺比激素雞翼,如圖.......而幫襯多次，無論係口水雞定係海南雞，每一次都比激素雞翼尖當餸........仲要唔比走雞翼尖，服務員態度極差，會同你講已經一早一份份pre-packed, 無得走雞翼，而“巧合地”每一份都係雞翼......明明雞翼來貨平好多...... 因健康理由，唔食得激素雞翼，丟曬啲餸頭餸尾雞翼尖後，其他餸所剩無幾......Stuffed with hormonal chicken wings, not recommended

第一次幫襯之下抱住一試無妨的心態。午餐時間叫左份海南雞飯$48外帶，轉雞脾加$6, 雖然油飯配海南雞係最好味，但因為最近唔想食得太油膩要左白飯，跟餐有碗冬瓜湯送。冬瓜湯熱辣辣，清清喉嚨都幾好。海南雞脾肉好嫩滑帶有雞味，配上薑蓉同2款雞醬料入口好惹味，對本人黎講係有驚喜的。

午飯買了個海南雞飯包個湯，出餐好快，基本係整定，個湯沒什麼特別，雞件有八件左右，雞唔夠滑，油飯唔夠油，有啲乾。48元午餐在九龍灣算中下水平，但個人覺得性價比好一般。

無骨海南雞飯 雞既份量適中 而且啲雞肉係新鮮既 唔會隔夜堂食好快有得食 姐姐好快手 枱面有醬 任你自己加如果趕時間 或者 唔知食咩好絕對係一個好嘅選擇但隻堂食碟既造型就差緊啲啦

經開九龍灣上堂，見到這條街很多食肆，這晚見到很多人外賣這間的海南雞飯，於是便試一試～他們家的雞雖然未算超級滑，但是雞肉已尚算滑溜，份量足料，最緊要配上他們家的醬汁，酸酸的很開胃。也可以選配黑醬油，也隨碟附上大量薑蓉👍🏻他們家的飯油香不算太出，所以兩個人食，可以選一隻雞，加一份上湯娃娃菜，就已經很夠飽肚了👍🏻👍🏻👍🏻很適合低碳人士喔。冬瓜雞湯喝下去也不會口渴～埋單兩人才一百幾，抵食👍🏻👍🏻

第二次黎幫襯,貪佢夠快,平靚正! 兩次都係外賣, 今日一落單就已經有得拎走. 招牌無骨海南雞飯都只係$44咋,個飯已經係油飯黎, 正!海南雞飯梗係要配油飯先開心,唔會dry. 雞肉上面鋪左好夕蒜茸, 佢勝在只得兩三塊青瓜墊底( 佢D青瓜都好好味).第一次黎食果時肉比較多,但係今日有兩件係雞翼黎, 所以變左有骨呀! LOL 但價錢咁平喎, cp值已經好高啦! 絕對係慳錢飽肚食個lunch既好選擇! 佢飯量都好多,如果你係食飯比較少既OL既話, 可以留番半個飯晚餐再食! 我呢D大食既就一個lunch已經食哂d飯lol雞皮爽脆唔會油, 但為健康著想,我通常都唔會食哂d雞皮.連飯仲有送一杯冬瓜湯,湯底唔肥膩,我都會飲哂. 

見到這麼多好評所以幫襯，但真心失望。買午市套飯，$44無骨海南雞飯送一杯冬瓜湯，價錢尚算合理。不過，雞無味而且韌，油飯無味唔熱兼乾硬，冬瓜湯都係唔熱，仲要得半杯...... 無下次。

肥仔海南雞飯出晒名平靚正❤️❤️❤️啲雞完全無雪味，好滑，仲要唔係得幾舊😋好似食極都仲有咁。點埋佢個蒜茸汁，又另一個味道，飯係油飯，仲送一杯湯。大滿足！下次試佢其他嘢。

放工後好肚餓，就黎咗九龍灣搵朋友一齊食飯。我地叫咗半隻口水雞，轉套餐，再叫咗個燉湯飲。口水雞有好多辣椒係面，辣得好過癮岩曬無辣不歡既朋友，雞肉好滑，真係無乜骨，唔怕食到好麻煩，雞皮都厚，如果唔係減肥我都想食曬佢啊套餐既飯都好多，我都食唔曬啊。雞肉下面有唔少青瓜鋪底，食雞食到膩既時候可以食返幾舊酸酸地好開胃既青瓜中和一下。另外，跟餐既雞湯都唔錯，唔會太油，仲有d冬瓜清熱。跟餐既娃娃菜都算鮮甜，不過我個人就中意再淋d入味d。最後叫咗個燉湯，有羅漢果、松草花、豬肉、雞腳同龍眼等，飲落喉嚨即刻舒服曬，唯一缺點就係比較油。以為會好鞋既豬肉反而幾淋，仲幾好味，而雞腳都好滑。

由於太肚餓嘅關係，即使明知lunch time時間周圍都好多人要等位，但都唔餓得啦😅😅之前經過好多次都話去幫襯💛💛，今日終於一齊同同事試咗啦入到去坐低，自行去收銀先落order收錢，之後攞住飛仔坐定定等送餐過嚟肥仔海南雞果然唔止抵食💛💛，啲雞嘅份量仲要夠晒多🤩🤩分別叫咗海南雞同花雕醉雞飯個 花雕醉雞都好入味 但個人鐘意重花雕味，所以再醉啲就更正啦😋另外個海南雞飯，雞嘅份量真係好多，啲雞亦都夠晒滑👍🏻位置雖然坐得迫少少，但等位唔算太耐

今日收工有啲夜所以決定喺附近食咗飯先返屋企，平時返工經過呢都已經聞到佢陣香味，今日收工又見到都幾多人買外賣出來， 有咁多人買佢即係證明佢啲嘢都幾好食啦，所以我就去試下佢啲嘢。44蚊一份海南雞油飯連湯。海南雞好滑， 本身唔食皮嘅我，今次真係連皮都食曬，但系雞的份量就有啲少，搞到我意猶未盡甘。油飯的份量就ok, 加上佢枱面有海南雞飯的醬，唔似出邊淨係得少少醬，可以自己任加，用來點雞同送飯真係一流。佢個餐仲有杯湯送，裏面有啲瑤柱絲，飲落都足料的。

肥仔海南雞一向係九龍灣LUNCH之選,味道真係好好味,$44海南雞  D飯係有D椰子味,唔係平時黃色既油飯D海南雞都好滑 不過D雞有D少佢仲有D泰式海南雞Source ,sweet soy source and 薑末咁,點埋黎食都幾正,唔同你出面D海南雞醬不過$44算係咁 女人應該夠食既 男人會差少少總結Lunch之選 都唔錯😋

在九龍灣返工的打工仔，大家都知道九龍灣工貿區附近是沒有幾間好味的餐廳，中/西/泰/越/台/日/素/墨西哥等等款式九龍灣工貿區也有，理論上一個星期內是不會重複味道的，但是在抗疫期間唯有多叫外賣或外賣自取，對味道的要求再向下調節，估唔到也有例外，肥仔海南雞飯$42~，絶對出色有誠意，很用心在於醬汁~ 薑蓉/黑豉油/酸汁飯~ 有椰香/不油雞肉~ 皮或肉嫩青瓜~ 有醃過夠入味湯~ 冬瓜粒加瑤柱香甜和最重要一件事「 不是用發泡膠飯盒」。

超好味既海南雞，好滑好有水準，扺食我一直無發現呢間鋪，原來係新店，只開了4個月。仲要有湯飲 可以添。 湯入面，仲有乾瑤柱冬瓜好正😍💕店員姐姐熱情有禮，服務超好。客氣又有禮貌。我會比好多個like🙌👍👍👍走時 仲讚姐姐 煲湯好正，雞又好滑。如果再 經過九龍灣嘅，會再嚟食嘢姐姐話佢哋個咖哩都好正 叫我下次試下✨仲有其他客人問佢哋有冇分店。一路食，一路有幾個客人，都讚不絕口。 Haha.我好鍾意你啲民生得黎，又有溫情嘅感覺。