肥仔海南雞專門店 (福康工業大廈)

營業中

休息中

放工後好肚餓，就黎咗九龍灣搵朋友一齊食飯。我地叫咗半隻口水雞，轉套餐，再叫咗個燉湯飲。口水雞有好多辣椒係面，辣得好過癮岩曬無辣不歡既朋友，雞肉好滑，真係無乜骨，唔怕食到好麻煩，雞皮都厚，如果唔係減肥我都想食曬佢啊套餐既飯都好多，我都食唔曬啊。雞肉下面有唔少青瓜鋪底，食雞食到膩既時候可以食返幾舊酸酸地好開胃既青瓜中和一下。另外，跟餐既雞湯都唔錯，唔會太油，仲有d冬瓜清熱。跟餐既娃娃菜都算鮮甜，不過我個人就中意再淋d入味d。最後叫咗個燉湯，有羅漢果、松草花、豬肉、雞腳同龍眼等，飲落喉嚨即刻舒服曬，唯一缺點就係比較油。以為會好鞋既豬肉反而幾淋，仲幾好味，而雞腳都好滑。