影片
港鐵長沙灣站 A2 出口, 步行約5分鐘
繼續閱讀
電話號碼
56451954
營業時間
今日營業
14:30 - 23:45
星期一至日
14:30 - 23:45
公眾假期
14:30 - 23:45
公眾假期前夕
14:30 - 23:45
以上資料只供參考, 請與餐廳確認詳情
好耐冇試過咁正嘅炸雞啦！🍗 今次去咗肥仔炸雞，一試佢哋嘅招牌炸雞同韓式胖仔飯卷，真係冇失望！先講講個炸雞，炸到金黃色，一咬落去卜卜脆，啲肉又 juicy 😋，完全唔 dry。最正嘅係佢哋嘅炸雞醬，個醬真係靈魂所在！甜甜地又帶少少辣🌶️，點落啲炸雞度，簡直係 perfect match！我平時食炸雞最怕太油膩，但肥仔炸雞完全唔會，食完一舊又一舊，完全停唔到口！另外，個韓式胖仔飯卷都好出色！🍙 啲飯卷包得好實，入面啲料又夠豐富，有蛋、紅蘿蔔🥕、青瓜🥒，仲有蟹柳，食落好有口感。整體味道唔會太濃，啱晒唔想食太 heavy 嘅朋友。總括嚟講，肥仔炸雞嘅炸雞同飯卷都好有水準，尤其係佢哋嘅炸雞醬，真係必試！下次一定會再去 Encore！🥰
繼續閱讀
琴晚忍唔住衝咗入長沙灣間炸雞舖，個肥肥共享套餐$138咋，抵到爛啦!招牌肥仔炸雞一上枱就聞到陣邪惡嘅油香，咬落去（喀嚓聲）脆到癲啊！皮薄得嚟又夠晒金黃，啲肉juicy到爆汁，醃得又入味，唔係得個鹹字嗰種。黑松露薯條呢個真係有驚喜！薯條粗身夠薯味，炸到外脆內軟，成陣松露香衝上鼻哥窿！邪惡度爆燈。不過凍咗之後會變韌，記住趁熱隊晒佢！ 海苔飯兩個字：穩陣！飯粒夠暖又唔會太濕，紫菜碎同芝麻落得足，撈勻之後每啖都有「索索聲」，簡單但係好治癒。嫌炸雞太heavy嘅話，啪兩啖飯即刻平衡返，仲可以自己加辣醬玩混搭～ $138三樣嘢夠晒兩條友食到捧住個肚走，炸雞同薯條絕對係MVP，海苔飯就係忠心綠葉。肥仔炸雞 (長沙灣)長沙灣青山道142號順發居地下C號舖
繼續閱讀
【📍長沙灣｜即叫即炸韓式炸雞】🐨招牌肥仔炸雞餐 $58推薦度：⭐️⭐️⭐️⭐獨食難肥餐已經包括咗炸雞件、小海苔拌飯同埋嘢飲！！！第一次試呢間餐廳梗係似佢哋嘅招牌，招牌肥仔炸雞餐啦🤗有三種醬汁可以揀，今次揀咗肥蜜芥末醬。由於外賣所以其實個汁係分開上嘅，所以小編先試咗原味炸雞先，難得返到屋企都仲保持到炸雞嘅外脆內軟～仲要入邊係勁多汁爆出嚟！！如果熱辣辣食應該更有驚喜～點咗肥蜜芥茉醬，就會再多咗一份甜味同埋微微嘅刺激感，整體平衡配合得都好好👍🏻💕小海苔拌飯勁多海苔同麻油，食落去保持到濕潤而且又麻香味，又係會食極唔停嘅選擇～.🐨炸蝦飯卷 $48推薦度：⭐️⭐️⭐⭐️⭐韓國嘢好似一定要試吓佢哋嘅飯卷先至得～炸蝦飯卷比想像中長好多，性價比高！同埋外賣係會將蝦頭蝦尾分開盒裝，完全感受到店家嘅細心～中間部份就會捲好，食落都非常方便🍤飯卷有酸蘿蔔青瓜蘿蔔絲，用料豐富，而且麻香味濃，配合埋紫菜嘅薄脆同炸蝦嘅脆，食落口感一層層好豐富！——☼——☼——☼——☼——☼——肥仔炸雞📍地址：長沙灣青山道142號順發居地下C號舖🐨推薦度：😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類
繼續閱讀
招牌肥仔炸雞餐有三款醬（肥仔雞醬/山葵肥仔醬/肥蜜芥末醬），今次試左肥蜜芥末醬。蜜糖芥末醬同炸雞十分配合，甜甜地好開胃。炸雞外皮酥脆，內裏仲保留肉汁，啖啖肉，正。套餐仲有海苔拌飯，上面佈滿海苔碎，勁香。1人餐都好夠飽，仲有韓國牌子嘅飲品選擇，抵食。肥仔飯卷紫菜飯卷係即叫即做。入面有青瓜、蘿蔔絲、腸仔、蟹柳、醃青瓜等，包完仲會搽上麻油同灑上芝麻，增加風味。食落有多層口感，口味清新，紫菜香味令人一口接一口。炸雞口味選擇多，仲好創新，外賣返屋企都保持到酥脆口感。肥仔炸雞 (長沙灣)長沙灣青山道142號順發居地下C號舖#肥仔炸雞 #長沙灣 #炸雞 #韓式炸雞 #紫菜飯捲
繼續閱讀
📍肥仔炸雞 (長沙灣)街坊小店嘅炸雞質素竟然拍得住韓國過江龍！？二人餐先$138，呢個價錢真係茶記都未必食到。肥肥共享$138🍗半份芝味炸雞🍟薯條🍙小海苔拌飯x2🥤飲品x2半份炸雞都咁多😍，撈晒芝士粉勁香。有好香嘅脆雞皮，雞肉又嫩又多汁，就算係雞胸位都唔會嚡。估唔到薯條有得揀撈紫菜粉，紫菜粉落得夠多，仲好食過shake shake薯條。紫菜飯又係大大大量紫菜。紫菜香同麻油香加埋，唔使有餸都好食。
繼續閱讀