肥仔美食 (已結業)

好難想像同一個位置，經過幾首轉型都係做小食店，但今次呢個叫做肥仔小食，由起初慢慢守⋯到開始用誠意水準用心製作，性價比極高，價錢中等，但所有食物均有水準，包括小食店最難應付的（中西食飯類，值得推介經過的街坊朋友，如果試過應該都唔使睇我呢篇post，會自己返轉頭再幫襯你兩位肥仔老闆😏🙂👍🏻👍🏻💪🏻加油繼續保持水準，難得在深水埗區的一間（高水準小食店）～～肥仔美食👍🏻👍🏻👍🏻

平時好似冇見過哩間鋪，唔知係咪新開既呢，反正都經過就入去試試，叫左雞扒薯格漢堡包，一開始見到個包賣相唔錯，但雞扒唔掂太乾身，薯格都開始凍慢慢變腍，反而個包幾好，夠軟身。

話說我正正住喺呢度嘅樓上已經見咗呢間舖好耐好耐係我有個同事次次上嚟我屋企就喺下面買大鷄脾 🍗開頭都不以為意，但係發覺佢24蚊隻雞脾真係大到得人驚，咁有一次買雞髀就同老闆傾偈問佢送唔送外賣，佢話30蚊左右嘅話咪送囉有一天我同老婆都費事整嘢食，就叫咗佢嘅外賣老婆食薯格雞扒包我食肥仔頹飯，頹飯呢兩個字對我嚟講係有好深刻嘅回憶，因為呢個係我哋大學時候揸住十元八塊食飯嘅時光，我初次體會咩頹飯所以今次，我見佢有煎蛋有餐肉有腸仔有火腿咁決定叫頹飯但呢個頹飯一啲都唔頹有三隻太陽蛋，兩塊勁厚嘅餐肉，兩塊火腿同埋兩條腸，基本上啲餸多到兩個人食都夠而且加埋個豉油汁。 我老婆直頭見到放低佢個包，食我個飯而我老婆個包我就無試不過見佢拆到一層層咁食，成個餐咁拆咗出嚟佢都話好味嘅餐牌如下自己睇

小店一點也不馬乎，即叫即整，食材新鮮，價錢合理。有地道小食，漢堡包，車仔麵同飯。今日試左飯做晚餐。好好食😋，份量足，用料記真，仲有小小配菜。老闆好好人又得意😎

搬過黎深水埗原來已經有五個月失戀之後一直冇乜精神諗起我家女王成日話有間賣包既好食跟手就四圍行下揾下終於係十字路口角落揾到佢叫左個雞扒包拎走見佢真係即叫即整又好似好正咁包裝都幾有心，我鍾意個紙袋最後，主角出場勁多肉汁，超足料食得出真係有俾心去整好食過我去sxxwxx買個包見佢真係唔錯下次試第二樣先又多間小店收工揀