肥仔記麵家

營業中

休息中

到尖東覓食見到肥仔記粉麵從前沒有的新開吧？剛過午飯時間所以不用等位椅桌是中式木傢俬幾舒服看看粉麵飯價錢不貴喎我點了蒲燒汁鯛魚腩飯好大碟飯鯛魚柳肥美不過餸菜就不夠「送飯」食飯的話會送豆漿不過轉凍檸茶就加5元老公點雲吞麵套餐其實所謂套餐是加16元就有油菜和豆漿雲吞麵都幾大碗有四大粒雲吞我喝了湯幾香我又吃了一粒雲吞好大粒蝦仁在裏面幾爽口唔錯唔錯在尖沙咀吃飯大大碟只花了121元幾經濟實惠呀唔錯喎

剛好路經附近，攝時間前題下，想搵間粉麵舖幫襯，一條直路已經有三、四間可以選擇。今次以款式同定價作為考慮前題，加上其他店食評所影響，最終選擇咗呢間。星期六午市只得一兩枱客，奇怪全程唔閂埋的自動門，場內溫度明顯較熱。環境方面有落裝修，用餐接近大半小時下，場內員工由於冇乜嘢做口，不停的高談闊論夾雜大量粗口，浪費了店家的裝修。員工落單態度正常，佢問我答。食物質素上確實強差人意 - 柱侯牛腩麵 - 夾雜薄切乾柴與正常牛腩，味道非常大路就係平時食到嘅柱侯味，沒有特別。 麵質絕對不是爽彈的一種，若以麵家為名，難免令人有點失望。在如此戰爭激烈的環境下，建議店家必須優先提升品質，睇睇員工傾計還傾計，可以的話細聲少少。

🐷📌 #豬西食尖沙咀 #豬西食九龍.肥仔記麵家周圍都有，見到好多遊客食，不過身為香港人嘅我自己好耐冇食過，諗住反正諗唔到食乜就入去食碗雲吞麵平平哋，又搞掂一餐。我就覺得味道同埋質素方面都係唔錯嘅！但係…同店員姐姐講要碗「細蓉」🦸🏻店員竟然聽唔明…😂佢問我係啲咩嚟😂😂😂一時之間我都唔知點答佢好😂😂😂啲雲吞都算唔細粒 味道正常 口感爽口個面就正正常常咁樣啦其實就真係正常發揮不過店員聽唔明細蓉真係太令我surprise了😂😂😂

【油尖旺區】【肥仔記麵家】呢間嘢我喺土瓜灣食過，覺得算可以啦，於是之後我都叫咗一次外賣。但係我叫外賣呢一次嘅分店係尖東呢間，好似都係開咗冇耐嘅。咁我叫嘅嘢係各 $38 嘅「淨鮮蝦雲吞」同「淨鳳城水餃」，質素都可以啦。外賣盒 $4 不過外賣九折，埋單 $72，合理。咁大家都知我寫 1am紅館 系列係特別認真嘅，呢個係女同事喺好多年前對我嘅認同，冇計，因此我點都會親身去堂食佢一次。咁去得呢啲麵館就食麵唔食飯啦，叫咗個「全日粉麵套餐」嚟食，揀好麵底就可以配唔同嘅餸，麵底我就一如以往揀返粗麵嚟食。餸我揀咗三個，分別係魚皮餃、手打墨魚丸、白灼鵝腸，加 $5 要埋紫菜。味道正正常常冇乜特別，維持生命嘅選擇。加 $16 要咗套餐，有埋「豆漿」同埋油菜，我揀「生菜」，加埋就 $75，合理價錢囉。事後先知佢哋喺尖沙咀都幾多分店，應該都差唔多。。。（地址：尖沙咀加連威老道98號地下G1號舖）