肥仔銘茶餐廳

營業中

休息中

今日去咗新蒲崗，試下區內好出名嘅茶餐廳，要留意佢個營業時間係早開早收，大概兩三點就會閂門，現時嘅朋友記得留意時間🕐，而且佢會比較平民貼地啲嘅， 得三四張枱，會坐得比較擁擠。沙嗲牛肉公仔🐮🍜 （$38）沙嗲牛肉夠濃味，啲汁可以掛面，可能我自己食嘢偏淡味，就覺得鹹咗少少，而且個份量都幾多都有頗多嘅牛肉，夠晒飽肚😊熱香餅🥞 （$+2）可以加兩蚊轉熱香餅，早餐必食，成塊面咁大🤩，佢個熱香餅係比較橙色嘅，帶有蛋香，口感濕潤，本身已經帶有甜味，如果嫌唔夠甜可以再另外加啲糖漿熱奶茶☕️茶底夠濃，夠滑，唔澀口😊

即興話去新蒲崗食晏，記得新蒲崗有不少我尚未發掘嘅小店，然後又咁啱loop到，感覺好新鮮就捉左男朋友去試。等左一陣有位，可以坐街邊食，享受自然風，果刻有種懷念疫情不曾到來感😌晏左黎好多野都賣晒，加上疫情，老闆娘話d貨到唔到，所以選擇少啲，不過唔緊要，我地重有選擇😊野食好快到，好有風味，就是喜歡這種鑊氣，杯熱華田有啲淡，但食物味道夠，不過不失。喜歡有種人情味，老闆娘會專登問我地好無食🙂 重會閒談兩句，幾有暖意。聽朋友講返有一排我地係附近做社區壁畫，佢話都係呢間小店俾紙蛋盒我哋作調色盤咋，感謝🙏🏼❤️

素聞此間人氣茶餐廳，都係一間爆場食店，所以在4月6日星期三，早上八點十五分左右，便同靚媽到達此店攞位食早餐，果然/了約十至十五行鍾，才獲工作人員安排我兩人，入座，當日合共點咗，熱香餅，跟煎旦熱檸水及红腸煎旦麵加凍奶茶，兩個早餐，先講個麵茶，杯涷奶茶外觀非常有好感，茶色夠濃，但飲落口卻完全無茶味，連基本茶餐廳水準都無嘅一杯劣奶茶，而碗紅腸煎旦麵及件奶油多士，亦係坊間一般茶記水準，另外個熱香餅早餐，三樣食品都令人毫無驚喜，係杯熱檸水D檸檬聞到幾香，總結此店出品，平平無奇，不值得為食佢嘅出品在門口，呆等位講完

新蒲崗依個地鐵站都冇嘅小區最近開始熱鬧起嚟👯‍♀️原本打算堂食肥仔銘茶餐廳🥞不過星期六中午時分堂食滿座👨‍👩‍👧‍👦連等外賣嘅人都唔小🥡所以都係決定外賣😆見到小店多咗人幫襯都開心嘅💛干炒粒粒通粉 $52一打開外賣盒 香濃嘅醬油味撲鼻而來🤤食落鑊氣十足🔥雖然睇到好深色但調味冇過鹹🧂配料份量十足 有火腿 紅腸 芽菜等🥓雖然係一枝匙羹搞得掂嘅頹飯🥄但食落一啲都唔頹🤪不過食哂應該會膩 建議同朋友分享👥香蔥豉油豬扒煎雙蛋飯 $52豬扒連骨有成個外賣盒咁大塊🐖預先已經切件 方便食同埋同朋友分享🍴煎荷包蛋唔會過熟有流心蛋黃🍳蔥油調味略嫌小小過鹹🤏🏻下次會想試吓肥仔銘嘅沙嗲牛肉麵🐄熱香餅🥞同炸雞髀🍗😂

📍新蒲崗良心茶記‼️· 大過你塊面嘅熱香餅🥞 -- 肥仔銘茶餐廳👦🏻☕️·一直聽聞肥仔銘嘅沙爹牛麵同熱香餅唔錯，前排就專登去咗新蒲崗試下🤩雖然舖頭位於內街，但當日星期六朝早嚟到鋪頭都已經坐滿人，不過好彩翻檯快，等咗10分鐘到就入得啦🙈Menu有多款常餐選擇，我哋緊係要咗沙爹牛啦！🤩------------------------------⭐️沙爹牛肉米粉 配 熱香餅 $40 (4.4/5)呢個餐本身係跟牛油餐包，但聽唔少人講佢哋熱香餅唔錯，所以就+$2轉咗🙈沙爹醬汁濃厚惹味，而且唔係死鹹！牛肉口感軟腍無筋，配埋爽口嘅米粉好match!!!熱香餅厚身大塊～建議同朋友share食🤩食落口感軟熟濕潤，本身pancake已經自帶甜度，所以我覺得就咁搽牛油已經好夠味🥰不過唔夠喉嘅朋友仔可以叫店員拎糖漿比你咖！👻------------------------------賣相：3/5味道：4.4/5性價比：3.5/5回頭度：3.5/5------------------------------店舖資料名稱：肥仔銘茶餐廳地址：新蒲崗錦榮街9號地舖

店內放滿龍珠公仔，看來老闆對龍珠卡通片情有獨鍾；侍應和人客打成一遍，有説有笑，看得出很多也是熟客；她還調皮的和我說，要好好抱好我的背包，就像抱女友一樣，認真幽默🤣。早前老闆推介這裏的豬扒麵，今日就一於來試試。豬扒另上不會被熱湯浸腍，抵讚；外皮炸至金黃色，酥脆乾爽又不失肉汁；肉質有一定厚度不會過薄；出前一丁軟硬度煮得剛好，爽彈而不過腍；如可另上一包麻油，就更滿足了。熱奶茶香滑有茶香，比上次沖得更出色。#肥仔銘茶餐廳 #招牌豬扒麵 #熱奶茶 肥仔銘茶餐廳地址: 新蒲崗錦榮街9號地舖電話: 35425028

新蒲崗肥仔銘茶餐廳出晒名夠鑊氣。每次見到差唔多台台都食呢個粒粒炒通粉就知佢咩料啦！咁今次我又再寫一次真係要寫佢呢個粒粒通粉有咩咁厲害，見到佢有芽菜紅腸火腿洋蔥都係啲普通野，但係唔知點解俾肥仔明炒埋一碟之後，個個都搶着食，跟住佢杯奶茶呀、炸墨魚餅啊、豬扒飯啊都係必食㗎啦，仲洗講咁多？人哋每日做到3:30就收工啊，咁用咁精準嘅時間做最精準嘅嘢，就係香港人嘅特色囉，總之嚟到肥仔銘食嘢知道叫乜嘢啦，總之每食一次，就好想快啲識下一次，因為每次冇嘢叫太多嘢，食唔晒㗎嘛係咪！咁大真係好鬼好食喎！咁就快啲期待下一次嚟啦！

🫖肥仔銘茶餐廳🥞雖然依家潮流興去cafe打卡但我都係鐘意去食貼地啲嘅茶記美食啫肥仔銘個名我就聽得多成日見foodie們介紹佢哋嘅炒通粉同熱香餅"(⌯︎¤̴̶̷̀ω¤̴̶̷́)✧︎係少見嘅茶記之選所以專程嚟新蒲崗試下是日有啲風識坐一定坐出面有少少陽光但唔太曬夠哂chill喺陽光輝映下通粉粒粒分明油光滿滿熱香餅上嘅糖漿晶凝剔透٩(๛ ̆ 3 ̆)۶♥︎成個畫面有如廣告中嘅美食咁可口🐷炸豬扒XO醬公仔麵🍜招牌炸豬扒食落唔會乾柴調味不過重識食之人一定知最好食係嚿連骨位公仔麵上加上秘製XO醬有如施展咗法術令平平無奇嘅公仔麵變得香口🧅炒通粉🍲有個人好自私唔準我食佢個通粉因為好味到佢要獨佔(╬︎☉︎д⊙︎)但我最終都成功爭取到幾大啖通粉煮得剛好先攞去炒唔會太鹹炒得香口出色！🥞熱香餅🍯飯後嚟個甜點食落好home made feel可以取代金拱門話說我係堅持唔食金拱門嘅～我唔好Mirror係腦細嘅福氣꒰ •ॢ ̫ -ॢ๑꒱✩︎☕️茶走🥛夠滑夠厚唔會澀到嚡口茶底香濃係一杯好奶茶🍹檸檬茶🍋無飲唔知咩味打完我開始懷念杯茶走了肥仔銘幾時開分店？d(๑꒪່౪̮꒪່๑)b

一路都想食肥仔銘的美食，今日刻意專程來到，終於係要等位。好味餐廳要等係好正常啊！一入到去見到水牌寫住三款午餐，問亞姐邊樣好食？姐緊係話樣樣都好食，然後再話今日雞好靚🤣🤣🤣咁我就叫貴妃雞飯係啦！一來到見到碟飯係開心嘅，件件雞都超滑，不過如果飯再熱D就更好食。奶茶都高分，好飲啊！值得再試啦！

呢間餐廳嘅外貌係10分普通不起眼的一間餐廳，每一次經過見到的時候，都見到好多人在門口等位，而且也有給當時坐喺門口吃的。所以十分之好奇，究竟一間如此不起眼的餐廳，擁有的是什麼味道呢？終於和朋友試了，不用等位，坐在店內。佢有每日嘅午餐選擇， 見到隔離枱有幾個人都點了炸雞髀，賣相10分吸引，就10分快的決定了選擇炸雞髀醬汁方面，因為想吃咖喱，就選搭了咖喱汁配炸雞髀。侍應也說了，他們是新鮮即炸的，而且咖喱汁也要煮，所以等的時間比較奈。不過前後好像等了10多分鐘，也是非常之快的時間。這個炸雞髀真的很出色，份量很大，如圖中所見，可以蓋過了大部份的飯，而且非常之新鮮滾熱辣。最重要是不乾身，有汁嘅，再配搭上咖喱汁，少少辣， 10分惹味， 10分開胃，整碟飯吃光光！差不多吃完的時候，有一些新來的客人想點炸雞髀，侍應告訴他們賣光了心中暗喜，好彩今日早嚟，可以吃到

自從唔食某連鎖快餐店，好耐無食過熱香餅😂今次係週末，慕名而來，店舖比較細，坐位不太多。去到已經有6,7個人排隊～等左二十分鐘左右😝呢個熱香餅餐，去肥仔銘係必食😍，大大塊，偏薄身，有少少脆邊😆好好味～ 好少茶記有熱香餅，去到一定要食❤️白咖哩豬扒飯，賣相都幾吸引，雖然咖哩味唔算好突出，但豬扒煎得香口又唔會過乾，肉質鬆軟，唔錯～一場黎到，試埋炸墨魚餅，幾彈牙，外層似炸魚角口感👍期待下次再黎食👍🥰

【#肥波茶記系列】🎈星期六要返工嘅社畜一直都好想試肥仔銘，直至早兩日見到肥仔銘IG寫住14號會營業🈺️個心就一直諗住我今次一定食到喇‼️🎈放假就梗係帶埋媽媽食好嘢啦！一行三人大概晏晝一點去到，等左10分鐘左右，不過人太多要分兩檯坐😂我地叫左：波媽：熱香餅餐🥞+凍檸檬茶 💵$39肥波：沙嗲牛肉通粉🍲+熱香餅🥞+熱檸水 💵$39肥成：沙嗲牛肉麵🍜+火腿蛋多士🥪+凍奶茶 💵$39🎈黎呢度重點就梗係熱香餅🥞啦！熱香餅軟綿綿，搽滿牛油🧈同淋左一大野蜜糖🍯上去塊餅上面，咸咸甜甜好鬼正💛以前其實我係唔食熱香餅架，因為食過老麥啲熱香餅覺得啲餅好麵粉味好重&蜜糖味好怪，所以怕左😂但我會再黎呢度食，因為真係軟綿綿好好味😋連媽咪都話好食👍🏻🎈沙嗲牛通/麵都幾好，沙嗲味幾濃（同我平時經常食嘅加力有得揮‼️），牛肉份量足，有咬口，唔會係用鬆肉粉嗱到淋patpat嗰種👍🏻麵湯比較少，變得有啲沙嗲撈麵feel，正呀！一麵兩食🍜🎈等位嗰陣見到人地食嗰個炒飯好吸引⋯然後又見到炒粒粒通粉仲吸引⋯🥲📍肥仔銘茶餐廳 @fatmingrestaurant 📍新蒲崗錦榮街9號地舖#黃店 #黃店系列 #黃店推介 #黃店推薦 #黃店茶記

建議：記得留意番收舖時間 🕟作為#通粉控，知道肥仔銘有干炒通粉已經好想試😌 難得避開午飯時間黎到唔洗同人迫👍 去到舖面已經有幾個人係門口等緊，好彩堂食流動都算快，好快就有得入😋今次試左：▫️粒粒干炒通粉 (HK$49)炒通粉炒飯既大部份都係單點，如果要加野飲 (熱飲HK$6/凍飲HK$8)，另外加HK$8 可以加埋XO醬🌶️ 落左單好快就有得食，有鑊氣之如仲好香。食落係干炒牛河既色水😋👍 配料有紅腸粒、香腸粒、牙菜、韭黃 同洋蔥等等。整體份量正常。可能係因為紅腸粒＋香腸粒😌 所以味道有啲偏咸 ，另外每啖都比較油淋淋，食完碟底有一層油🤣 聽講XO醬豬扒飯係肥仔銘既招牌，下次會再去試下🐽 另外，要留意番餐廳下午茶後就差唔多收舖 (開07am 收4:30pm)

可能係沙爹牛肉麵既皇者早餐E沙嗲牛肉麵 可轉褔麵 熱奶茶 華田 另加招牌pancake每份茶餐包火腿煎蛋麵包一碟 沙牛麵個汁好濃好香 入口沙爹汁甜又濃香 牛肉份量多 入口鬆軟 個汁拌麵食一流仲有少少辣更加惹味熱香餅加牛油已經好好味 好似食緊雞蛋仔既味道 幾特別奶茶夠濃滑 茶底香濃新蒲崗錦榮街9號地舖消費$70評分8/10

食茶記 快靚正最緊要！ 快閃新蒲崗見到有間黃店茶餐廳 就拿拿林去試下。老闆應是龍珠fans, 成間餐廳有好多隻都係龍珠模型肥仔銘茶餐廳原本應該是食麵餐為主，不過都有啲炒粉麵飯選擇。 雖然左右隔離啲人都係食麵餐 幾香。但今次試左星洲炒米，食落去都重獲氣 仲要唔係太濕 材料都幾多 食得出有洋蔥叉燒蝦仁蛋 等等必須嘅材料