肥叔叔自家菜

營業中

休息中

係屋企唔想出去買嘢食，所以叫外賣～係電話叫外賣嘅時候職員都幾親切～😮‍💨野食嚟到，溫度只係暖，唔算叫熱🥹肉醬意粉嘅味都有啲怪🫠同埋好淡味🫠仲叫左杯奶茶🤔飲落去有少少酸味同怪味🫨開頭仲以為係自己錯覺，之後叫咗屋企人試吓味🫨兩個屋企人都話，啲味好怪🥹同唔好食🥹價錢方面都叫平民價錢～但係食物對唔住個價錢，個食物質素比起中學放lunch去附近茶餐廳食嘢再差啲🥹都唔會再叫下一次了😮‍💨

因為幫同事叫外賣有好多選擇，但往往發覺外賣平台無法提供update而有用的食評，openrice始終係最好的食評平台。每次都很好奇呢間肥叔叔，但發覺唔係日日有得叫，更添好奇。睇過過往食評都話飯超多，口味偏淡口。估唔到幾年後依舊！能讚既係佢真係好平，性價比中上，平時一個panda/roo既外賣都要60蚊，佢只係40，對於糧尾人士確係一個選擇，一定夠飽。由於我係代叫外賣，只能以第三身去描述同事既評語：西式四寶飯：飯超級多，佔盒裡面2/3有多，四寶有腸仔，兩隻蛋，火腿兩塊，一塊餐肉對切。味道正常無咩特別，價格黎講算好平！焗雞扒飯：味道淡，飯有顏色但又唔似炒底，整體佢覺得較差肉醬意粉（無相，$39）：味道正常，偏淡，意粉煮得比較軟焗豬扒飯有相但同事無comment～睇樣其實焗得不錯！可能餐廳整體口味比較偏淡，但價格相宜。希望為遇到同樣疑問既你帶來參考價值！

價錢合理，款式不少，味道可以的海濱外賣小店，白飯份量比正常多像我一樣胃口不大的人，叫少飯會比較好。快餐，雙餸飯，焗飯也試過，個人覺得快餐特別抵食，而且因爲做街坊生意員工都幾有禮貌。

我記起第一次是“誤打誤撞”之下找到這店，入來一看地方不大，但食物質素不錯，令我一試難忘，所以每次到荃灣海濱長廊閒逛前一定必吃，已光顧了很多次，日後都會繼續支持，因每次進來都feel到有人情味。今次再到，點了焗雞扒意粉，雞扒和意粉份量恰到好處，沒有吃不盡，但是水份多了點。我會把這小店推薦給住荃灣的朋友們。

荃灣西真係美食沙漠，連鎖店都唔多見，好唔容易先搵到呢間.叫左芝士焗魚柳意粉，調味樸實、恰到好處，真係「自家菜」，食得出落左番茄，唔係茄膏.除左番茄，仲落左紅蘿蔔，焗出黎超好味.魚柳分量好多，火候剛好，好嫩。調味同樣出色，唔似坊間咁重口.有個細路路過仲叫左聲「肥叔叔」，好得意 😂

我一星期起碼有三日享肥叔叔裏食早餐… 他們的早餐是即叫即煮… 而且他們的早餐配搭亦比外面的多了一款餸… 外面的通常是一個麵加兩款餸… 例如腸蛋餐腿等等…… 但肥叔叔裏是有三款送的…… 例如餐腿蛋或 漢堡扒加雙蛋 …仲有免費多士，而且加埋凍飲嘅價錢 只不過係31蚊！ 我相信好難響其他地方度搵到 仲要係啲食物全部是熱辣辣的， 而且亦幾好食 ！他們也好有人情味……款式是可以改的！唯一較為不好的地方，就是這裏的抽風系統比較差， 所以堂食時會有少許油煙味 不過 ……總括而言 ……他們是絕絕對值得推介的！

我係第一次去食既，經朋友介紹，但去到之後佢個度啲職員真係好有禮貌，而且佢啲野食都好大份，老闆仲堅持即叫即整既原則，所以極力推薦呢間餐廳希望大家有機會都去呢間餐廳度試下