肥哥哥餐廳 (已結業)

轉眼已經 5 年 11 個月零 10 日無試肥哥哥手藝，今餐要食返夠本！光芒四射廚技超群閃閃生輝，忌廉蘑菇湯加辣椒蒜頭蜆肉意粉拼黑椒汁紐西蘭西冷扒，全部都是我的！全部清掉飽飽滿足。紅咖哩雞，香濃咖哩重重的番茄酸甜味，食得到茄肉濕綿搭洋蔥絲，陣陣印式香料味十分醒神！煎炒過的雞件格外香口，有雞髀有雞胸有點肉咬下，還有粉甜的薯仔呢！紅咖哩雞意粉，用上小號的意粉，用叉捲作一團連大量咖哩汁塞入嘴仔。辛辣香甜彈牙意粉，意粉夾著雞肉、意粉夾著薯仔，各具特色但同樣惹味！熱齋啡，西餐的基本味道，不過不失唔抗拒，如果有即磨咖啡會更具油份更香濃。蘑菇濃湯，像麥皮一樣綿密的蘑菇濃湯，每一啖都係蘑菇肉，味道都似麥皮。每個餐都跟湯一碗，飲完一碗再一碗，全身暖笠笠。黑椒汁紐西蘭西冷扒，大大隻鮮番茄襯著黑醋，甜酸清新醒胃醒腦，當然整隻消滅。擺盆沒什麼特別之處，正正常常普普通通。巨型西冷扒牛味有點偏淡，味道全靠黑椒碎扶助，再由黑椒汁作主導，食味蠻不錯！啖啖肉不乾硬，嫩口有嚼勁有肉汁。首次遇上炸原隻薯仔，感到非常新奇！有趣有趣、有脆有脆，外脆內綿，粉甜香口。辣椒蒜頭蜆肉意粉，強烈蜆味香噴噴，濕滑的蜆肉意粉充滿海水味撞蜆鮮

喺大埔谷見到人推介呢間餐廳，叫咗幾個朋友一齊去試吓食lunch。餐牌好似好多選擇，但又好似樣樣都差唔多，個名有啲似頹can嘅扒飯餐。.🍽️是日餐湯 南瓜湯 🌝🌝🌝🌜🌚有驚喜！好好飲！仲有南瓜蓉的！（成餐飯最有記憶點嘅食品。）.🍽️ 香煎西冷牛扒配飯 （$88）🌝🌝🌚🌚🌚朋友叫咗五成熟，塊扒都幾大塊，賣相都幾唔錯，切開咗見到中間真係pink pink的。食落都好淋，但感覺係鬆肉粉嘅淋，唔係真係肉質淋。.🍽️安格斯牛肉漢堡配薯條（$75）🌝🌝🌝🌚🌚賣相都係幾好，食落個漢堡都好夠味，係太高身好難咬。薯條比較乾身，我鐘意👍🏻.🍽️黑松露醬雞肉天使麵（$73）🌜🌚🌚🌚🌚重❗️頭❗️戲❗️來了🌝本身想試Fish Burger，但因為最近熱氣就叫咗天使麵，結果嚟咗碟「炒米粉」(இдஇ ，唔單止賣相似，味道都好似，淡到唔知食緊乜。松露味係有，但完全無咸味，最後加少少鹽就好啲，但真係無下次了。.食後感 🌝🌝🌚🌚🌚本人叫中炒米粉真係好sad，上返open rice 見到個fish burger 好正咁，我真係10級後悔，因為我應該唔會返嚟再試了。.🪖頭盔：非專業食家，人稱垃圾脷，通常食唔出「高級食材」有咩分別，食評僅供

呢間餐廳喺一條小街度，所以唔容易發現佢嘅存在，但我自己好中意睇Openrice無乜食評果D餐廳，因而發現到佢🙊。雖則食評唔多，但唔代表唔值得食，今次就應驗左呢個道理😏。星期五晚六點零到達，到我食完離開都唔滿座。晚市餐牌選擇唔少，飯、粉、扒、漢堡、PIZZA都有提供，最平$72已經有個套餐，包餐湯及餐飲，仲要無加一，以晚市食西餐嚟講，真心抵。其實朋友1年前嚟食過LUNCH，佢話當時食牛扒，印象麻麻地。而我自己就從未食過，睇過餐牌後，就揀左比較多人討論嘅原條魚柳漢堡😌。點餐後職員送上是日餐湯及餐包 (漢堡係無餐包)餐湯係磨菇湯，食得出粒粒磨蓉，質地較稀，而且鹹左少少。原條魚柳漢堡配薯條 $88我嚟呢度最大嘅誘因都係佢，雖然其他餐廳都有原條魚柳包，但咁大條嘅魚柳真係唔多，而且性價比仲要咁高，唔食真係對唔住自己🤣!!魚柳新鮮炸出嚟，炸衣好脆，魚肉夠滑唔乾；個他他醬都好正，內有唔少青瓜粒、酸酸地，啱我口味；麵包烘到脆，而且好鬆軟；所有野夾埋一齊食真係無野好挑剔😋。煎牛柳配薯菜 $188牛柳點左5成熟，熟度我地覺得啱啱好，血水唔多，肉質好淋唔痴牙；牛味雖然唔重，但有肉香；牛柳已經有輕輕調過味，如果

夜晚去,附近餐廳都無人,成條街好靜又好黑沈。所以入去食 完全唔需要等位。 只有3台食客。唔好食, 點左個什菌雞肉意粉, 佢可以整到味道完全唔match.身雞肉仲有雪味。 pizza, 唔夠熱,又唔脆皮, 好似食紙皮咁。 想點!!!整體唔會再食, 無食西餐感覺。

8月中嘅星期日，同家人西貢玩完水後，番大埔食晚飯，我哋去咗肥哥哥到食西餐，我哋叫咗巴馬火腿芝士忌廉汁伴闊麵，芝士忌廉夠味，每人食少少幾合適，野菌意大利粉，好多汁，小朋友好喜歡，香煎美國豬扒，有二大塊，不過比較乾，唔駛一百蚊嘅餐，唔會有高要求。牛肉漢堡配薯條，買相級引，有新鮮生菜蕃茄，牛肉就比較穌。每個晚餐有包一個磨菇忌廉湯，我冇試，見小朋友好鍾意飲，應該唔差。仲叫咗一個薄餅，係餅底薄嘅款式，味道唔錯，料亦足夠。

呢間街坊食堂之前經常轉手，直至「肥哥哥」出現，呢到就一直經營 我都一路支持💪🏻原因好簡單，野食大大碟 環境舒適，店員服務態度好佢午餐餐牌有好多選擇，意粉、焗飯、扒飯應有盡有。選擇困難既你一定會揀到今日叫左燒汁豬扒飯$72，佢地既飯係炒飯底，側邊有個蕃茄同少少沙律菜配酸醋汁另外，叫左黑松露蘑菇闊條麵$68，好大碟同個汁都好濃郁，好多菇。最啱我菇類愛好者！😋係鄰近有間西餐確實不錯，大家黎開大埔都可以試下

-{大埔平民西餐🍝}今次黎左間環境唔錯嘅西餐食左lunch set☺️黎左兩次！！🤤炸魚柳漢堡配薯條🤤 ($75)成塊魚柳大過個包好多😂😂😂😂份量好多 魚炸粉厚度正常 但入面好嫩滑🥳面且包塊係脆嘅😋👖褲評: 8/10 🤤黑松露醬蘑菇闊條麵🤤 ($62)黑松露好濃🤩醬奶香亦好重😌意粉好吸汁 蘑菇嘅份量好夠🤟👖褲評: 8.3/10 🤤香煎紐西蘭西冷牛扒配燒汁薯菜🤤 ($88)性價比極高🥰😋咁大塊扒只係88略嫌黑椒味有啲重但份量算多😛😛薯菜係成嚿炸薯仔上不過都脆邊😌👖褲評: 7.8/10 🤤安格斯牛肉漢堡配薯條🤤 ($88)牛肉打碎左咁食落有啲散 勝在牛味夠😋同樣咁足料👖褲評: 7/10 lunch set包湯同野飲 凍飲唔洗加錢😆環境好靚 近附近嘅可以揸車去試去🥳性價比: 8.5/10服務: 8.5/10環境: 8.5/10🚩 肥哥哥餐廳 🚩地址: 大埔大埔墟仁興街29號華興樓地下 #fuudjai #fuudjai西餐 #fuudjai大埔

今日黎到肥哥哥餐廳食lunch，位置係火車博物館附近，行完博物館肚餓，黎醫肚食番個豐富午餐午飯時間1點幾黎到都算多人，8-9成滿座，午餐menu好多選擇 ，唔怕揀唔岩，西餐為主。今次揀左原條魚柳漢堡拼薯條好快就黎左餐湯蘑菇湯，我好鐘意呢個湯，飲落去食到一粒粒蘑菇碎主菜原條魚柳漢堡拼薯條，魚柳真係好大塊，長度係差唔多係漢堡既兩倍，炸粉唔算好厚，睇得出絕對冇偷工減料，非常有誠意，味道都冇令我失望，今餐非常滿足，$75唔洗加1，仲包埋餐飲，抵食

呢間隱世西餐廳真係唔去過都唔知咁抵食 只不過係大埔鐵路博物館行落少少就見到🚇不過近排大埔爆得咁勁都係遲啲先黎拜訪啦😬環境幽暗得黎有點氣氛 外面陽光照入店內時又增添唔少生氣 服務員都好殷勤 唔會覺得被忽視 即使下層滿座 上層都有唔少位 餐牌款式甚多 由飯、意粉、pizza都有 食過幾次嘅我敢話性價比之高係回頭率高嘅其一原因😉因為唔係好多人知呢個位置人流唔會太多 貪佢夠偏僻 又坐得舒服。。。🦔👉原條魚柳漢堡配薯條 $75成塊炸魚柳長過個大碟 又長過我塊面(懂的會懂🤫我諗呢啲先叫真正嘅性價比極高haha 炸魚柳好高質的厚肉 咬落可見一絲絲白嫩魚肉 愛魚之人包你食呢個burger食魚食到厭😂配埋唔少他他醬唔驚食到乾口 另外大大塊蕃茄加沙律菜都幫忙解膩 想讚揚下佢burger嗰包完全唔hea🤩有麵團嘅質感又不失種烘過嘅感覺 🍟份量唔少 個人好鍾意嗰種咬落有些少粗鹽嘅質感☺咸味剛好 唔洗一百蚊食到咁高質嘅burger就係呢度搵到🤭。。。🦔👉黑松露蘑菇闊條麵意粉 $68每條麵條都被沾滿黑松露醬💕但食落係淡淡嘅黑松露味🤣無想像中咁濃郁 相比下白汁味道出啲 但成碟overall質素滿高的 闊條麵煮得好有

「週末放縱食爆佢」系列之無敵fish and chips burger 上週去至愛既肥哥哥，佢係一間local 小店，經常幫襯但從未寫食評，因為衰私心想獨食（其實大埔友都知呢間係好嘢，所以生意幾好）。今次趁機會係過年前幫佢寫返篇啦。肥哥哥招牌例餐湯，mushroom creamy soup 香滑濃仲帶少少mushroom蓉，好味仲要真材實料，次次都想飲多碗…. 原條魚柳漢堡配薯條，每次都必叫，條魚柳每次都炸到香、鬆、脆、多汁，仲要條大大條、啖啖肉，加左啲甜酸沙律醬；配埋薯條同煎到香香脆脆既burger 同中間新鮮既生菜蕃茄，個份量仲要係男人都飽呀！簡直完美！咖啡唔記得影，必點，好香濃回甘，值得一試。屋企人個黑松露醬鷄肉天使麵好入味好正！希望佢長做長有，次次去唔使等位啦⋯⋯

同母親大人去附近行街市，順手就係道食個lunch la~咁去到都好彩快有位嘅叫咗兩個餐上菜到黎，睇落真係好似某S字頭連鎖意大利粉餐廳咁上下質素……係杯咖啡都還過得去啦…um...只能夠講，依家茶記都要5,60蚊先有個飯呢度貴茶記少少咁多所以個出品係咁嘅質素都唯有算數但唔會有下次

lunch time黎左呢度食，餐廳鄰近大埔火車博物館🚃，假日去都會比較多人👥。同同事都係俾牛類食品吸引🐂，唔知叫西冷🥩定安格斯牛肉漢堡🍔好，最後我叫左芝士安格斯牛肉漢堡配原個薯仔🧀🍔🥔，同事揀左西冷。lunch set 包餐湯🥘，即磨咖啡☕或茶🫖。份量好大份，好足夠。漢堡包啲材料好豐富，連啲伴菜沙律菜同番茄都好夠份量🍅🥬，仲配個好大個既薯仔。其實個原個炸薯仔先吸引到我。出面其他餐廳未食過。係好好味❗好好味❗好好味❗（重要野講3次🤭）薯仔煮得好熟好林，外層炸得好薄好脆，唔似食薯片咁簡單，仲有輕煎炸既香味，本身個薯仔亦好夠薯味！！咁大份量最後成碟清哂～～就證明個好食程度啦 🈵️

舊墟中的一間西餐 沒有奢華的裝飾 簡單輕鬆的報置讓家人好友靜靜的聚會 好好的放鬆晚餐款式十分多牛扒 豬手 春雞 意粉 意大利飯 Pizza 等等晚餐款式比一般西餐選擇更多 晚餐已包 餐湯 餐包 飲品今晚餐湯係磨菇湯 十分香的菇味 而且入口有質感並非一般罐頭湯 餐包並非一般嘉頓餐包是法式餐包 有數片燕麥在包上 店員十分細心 加熱餐包 餐牛油放入包中即溶配上餐湯 真係十分美味食完餐包 飲完湯 已經飽左一半 牛扒款式有西冷 肉眼 牛柳 今次選擇了肉眼扒 $208牛扒表面煎得香脆 內裡五成熟 肉汁豐富 配上炸薯一個日常薯菜是薯條原隻炸薯少見 而且同樣香脆另外 意粉意大利飯 更抵食$118-138 已有大量選擇大埔舊墟中一間高質西餐店

下晝食飯叫個「大蝦天使麵」，點知黎左兜米粉。先唔講啲蝦齋烚，食西餐黎兜壽x牌米粉，已經唔係味道既問題，而係掛羊頭賣狗肉。真係唔明點解會有人話係高質西餐，但出兜咁既垃圾俾我。或者你地要去架話唔好叫意粉類，完全係外行。就算我fd叫左個唔會伏既黑松露寬條麵，都只係黑松露醬+清烚意粉，咁翻屋但煮麵食麵得啦。唯一頂到既係扒類入面既薯仔煎得香，但都係正常擺得入口。扒類好乾，要求唔高都可以食下，但70蚊大把選擇好過宜間假西餐。

之前在這條街，只吃過前少少的大埔旭日，原來這兒，除了眾多車行，竟然有間挺為別緻的西餐，看看餐牌，又有意粉，又有漢堡，這次終於一試。內裏相當閑適、有格調，少許暗燈，最內裏就是廚房部份，出邊都可以坐不少客人，閑適到叫人忘了這裏是大埔的邊皮位置。甘筍忌廉湯，忌廉湯弄得夠濃厚，比較杰身，是相當不錯的質地長形炸魚漢堡，這個炸魚漢堡可以令到不吃牛肉的人都吃到漢堡，炸魚極之長，凸出來的部份極多，賣相很好，炸魚炸得夠香脆，肉都不少漢堡亦都輕輕煎過，因此，有點牛油味道，亦都有點香脆，相當不錯，配料亦都有菜絲以及蕃茄。之前看食評見到其他食評都是粗條型的薯條，但原來得到的只是普通大條薯條，有點失望，但是薯仔肉夠多，都算味道不錯叫奶茶的話，它會給你一個壼，配以兩包立頓紅茶茶包，自行將茶倒到杯中，然之後調配奶茶味道