肥高美食 (已結業)

睇到d食評話沙拉汁好正, 一心試下, 不過無驚喜....叫左以下食物:-海蜇: 唔爽,偏淋, 不過都夠凍, 涼拌小吃黎講都算大碟沙拉雞球:沙拉汁普通, 只有少少芒果味, 雞肉切得太細, 細到係雞粒, 太多粉, 搞到好似係沙拉粉團...梅菜扣肉:過咸,唔送飯唔掂, 無肥個d肉唔夠淋,用生的生菜鋪底係ok, 都但係麻煩用d靚d, 有d邊黃左, 有d好似擺左好耐咁, 會影響賣相.怡香蝦:呢個係我唯一會推介俾大家的菜式, 個酸辣汁唔錯, d蝦肉ok爽, 但係細隻左d, 大隻d好d.阿姐D服務好好如果下次去, 會試沙拉班塊, 鴨舌

朋友說他於這小店訂了菜, 叫齊各方好友聚首一堂, 一試心機小店的菜式卧虎藏龍 - 小店的美味....而且價錢是經濟實惠. 吃畢很欣賞此店的誠意, 沒有收天價, 沒有富麗堂皇的裝修, 但每一道菜都吃到廚師的心機.先來是了幾個冷盤, 鴨舌配芥蘭, 海蜇, 凍筍, 醉雞伴一大碟類似'風生水起"的...哇..份量好足..鴨舌配芥蘭: 鴨舌味濃, 下酒的話一流. 芥蘭也調了小許辣味. 入口不會嗆喉, 惹味得很...海蜇: 這裡的海蜇, 是粗粗的, 吃起來爽脆....調味也做得好, 散上芝麻增加了香味,味道佳.. (除了在家吃媽媽弄的海蜇是這樣粗..沒有試過其它地方的海蜇是這樣粗..). 感受到小店的誠意.醉雞: 夾起散發陣陣酒香. 酒味夠, 雞肉浸得很入味. 伴碟乃幾款的蔬菜如芹菜、蘿蔔絲, 沾上了醉雞的酒, 吃起來冰冰涼涼, 感覺清爽, 而且添了酒味, 格外清新.人參燉雞湯 (預訂): 聞到好濃的人參, 紅棗味. 是晚的湯喝起來是濃厚的人參味道, 煲得很清澈，火侯很夠. 材料足...連喝 2 大碗.豉汁蒸鮑魚: 鮑魚是新鮮貨, 有半個手掌大...豉汁沒有蓋過鮑魚的鮮味, 而且這麼大的鮑魚都唔韌

見這間肥高在openrice中得到不少好評，價錢又唔係貴，決定去試下。其實這間小店不難找，不過地方就真係細了一些，如果客人稍為多一點，都好容易會「爆棚」呢！這裡最出名的應該是各種沙拉菜式，在openrice中幾乎每個評價過這裡的人都必定會提到。好，就叫個「沙拉斑塊」，加多個老婆仔最喜歡的「咕嚕骨」做餸開餐啦。個「沙拉斑塊」的沙拉汁聽說是用芒果汁調成的，味道果真不錯，帶有一陣芒果味，非常開胃。班塊都做得不錯，外面脆，內裡都算嫩滑。不過個「咕嚕骨」就比較遜色，肉不太多，而且也炸得乾身了點，酸甜獻汁亦偏少了些，如果能下多點會比較好。兩碟餸的碟頭都不算大，不過我們兩個人還是吃不完，可能是兩碟餸都比較膩吧！這裡的老闆服務態度是很不錯的，結帳前有位女店員還問我們對於這次吃的餸菜的意見，我們也有把意見反映出來，希望他們可以參考參考啦。

個日朋友仔生日~~一大班人去左食~~~fatｇｏ～～～～～～～本來我無咩期望家～因為我好少吃呢種類型既食店～～～不過～超出我ｅｘｐｅｃｔ～～～因為好多樣野都好好食！！！！！佢好似唔係開左好耐家ｊａ～～～睇落去　都幾ｃｌｅａｎ～～我一定會再去吃～～＾＾＾＾＾其實叫左好多野家!!!!!不過我將我最like個d post上泥啦~~~~

今日同幾個車友踩完車後正思考今晚食咩好時，好快就諗起"不如去肥高"，於是就走左佐敦"試菜"!上一次沙拉雞拎走，外皮冇左脆感，今次堂食，第一口食落去... 點解可以咁好食...

Really good service, initially when we first arrived they didn't have a table inside because they were full so they sat us outside, which wasn't too bad except that I was a little bit picky so I said to the server please seat us inside when a table become available, and several mins later a table did become available, and they immediately asked us to move inside even though there were other customers who were asking for the same table, so I thought they were really kind and it was a good start a

已經係第三次到肥高食野，一坐底二話不說就先來一個沙拉班塊<--一種會令人心掛掛的味道!香脆的班塊外皮，又軟又滑的魚肉，加上秘製沙拉出奇地渾然天成 平時看似簡簡單單的一味餸竟然會有如此震撼力，好期待下一次~今次仲試左香辣雞丁，感覺上好開胃，雞丁一點都唔會覺得老，辣味剛剛好，沒有鳳尾蝦的那種辣，用來餸飯一流! 大家千萬不要不吃那些蒜芯，好好味~另外肥高今次介紹左一個簡單炒飯- 蛋炒飯，感覺不錯，飯身乾但不硬最後我地仲叫左一味沙拉雞打包拎走，再開盒時需然外層沒有脆感，不過味道仍在，沙拉汁都流到盒底，食之前記得要撈一撈先~

等bf放工時去廟街睇hair product 經過一間小店,見門口放的招牌小菜相片幾吸引,, 於是即刻用手機上網睇下食評.雖然只得幾個食評, 但係全都是 good comment 吸引到我一試唔想坐街, o係門口等位, d staff 都好好招呼, 話飲茶俾我地同叫我地坐低慢慢等.2個人食左沙拉牛仔骨, 奶油津白同招鹽3拼沙拉牛仔骨- 好好味奶油津白同招鹽3拼都唔錯.最後老板俾左2張9折card 我地, 仲即場俾9折我地 舖位新淨, 細細但唔會坐得迫, 食物有水準, 服務好, 適合2-4人食小炒

我本身唔食肉，只食海鮮，初時擔心到肥高會無野食，點知最後食到超級滿足咁走，實在係非常驚喜！食物：由於只有2人，所以只點左3道菜：- 沙拉斑塊：強力推薦!!! 為左呢道菜而諗緊邊日再黎~ 芒果製成ge 沙拉醬汁沾滿每一塊斑塊，但斑塊依然脆口而又唔覺熱氣，裡面ge 肉質水份保持。沙拉醬芒果味不重，味道卻非常特別同美味，未試過响其他餐廳食過。總之就係震撼到讚口不絕。- 豉椒花甲：豉椒味道很濃烈，有d 蓋過花甲本身ge 海鮮味道，不過花甲好新鮮，整體好惹味。- 鳳味蝦：配合酸辣汁都好味環境：雖然餐廳不大，但坐得都好舒服，餐廳貼滿食物ge 相片，一目了然，可以一路食一路睇一路計劃下次黎再試咩好服務：同其他食家一樣，覺得服務好nice，會好熱情咁傾計、介紹同問意見，加分~~~

第二次到肥高美食啦! 8個人食了12個菜和1湯, 啤酒加汽水, 極豐富.記憶中有:栗米魚肚羹, 涼瓜菜圃炒蛋, 麻辣鴨舌, 茄子牛仔骨, 羅漢上素, 蒜香三色椒, 豉椒炒花甲 , 涼拌海蜇, 牛油芝士焗中蝦, 椒鹽三寳, 咕嚕雞和炸大腸. 戰鬥碗飲哈爾濱啤酒. 味道全是有水準之作. 掛住食 影少了相. 店主高先生為人隨和好客與客人有傾有講, 飲飲食食坐了三個鐘有多, 真不好意思阻住人做生意, 高先生毫不介意. 食客有中西人士, 有些還互打招呼, 推薦那個菜好味. 更有遊客話明天再幫襯. 大家不妨去試吓.

上星期朋友比左段youtube我介紹呢間菜館，我心諗有無咁勁呀，搞到有片咁誇張..於是同男朋友去左試食..我地去到時大概8點左右，唔係好多人，不過幾乎台台都係外國人！格局都幾乾淨企理既，同埋都幾好招呼，我同男朋友搵左個門口位坐，叫左梅菜扣肉、沙拉骨同支哈爾濱。佢地真係比個戰鬥碗我地飲，好似電視劇果d古裝人，好好笑！個沙拉骨好味又好juicy, 有小小肥既老闆話好多人中意食呢個送，不過嫌唔夠汁，所以整多d汁比大家送飯wor..我諗佢地係講真既，因為佢每台都有同客人傾計，又用中文又用英文，都真係幾nice...食食下多左d香港人入黎食，都係有叫呢2碟送，我諗真係佢地招牌菜講番個送，個汁真係好好味，有小小酸小小甜，個骨入面有好多肉汁，沙拉骨入面咁真係少見...個梅菜扣肉都好好味，不過覺得梅菜味唔夠濃同多，托底既生菜淋左小小...總括來講都唔錯既

間鋪頭唔算大間，亦沒有特別的裝修，一個黑漆漆的招牌，如果大家係食裝修，所以唔入去的話，你就真係走寶啦~~肥高的小菜，味道卻可以妣美米之蓮 michelin星級之選 ~大家有機會真係要去食下，唔係下次真係比米之蓮 michelin評為星級食肆時，真係想找位都難 ~因為我沒有預到佢真係咁好食，所以沒有影相~ 但我一定會再去~~推介美食: 沙拉骨肥高的的沙拉骨，真係唔講得少，我好掛住你d沙拉骨呀 ~~ 真係第二度都食唔到架~

整體食物都OK好味, 幾樣菜色樣子雖然不算吸引, 但食落竟然意外的好味道~梅菜扣肉, 味道OK, 但底下啲梅菜鹹左啲, 可能係我地叫唔夠飯, 齋食的關係, 如果叫呢味菜, 記得叫白飯, 同埋要撈埋梅菜一齊食~最值得一讚的是老闆好好人, 服務態度很好~!

店仔細細，門面好似唔起眼，不過我最鍾意幫襯，每次來佐敦我唸我都會揀佢..價錢大眾化，$38、$48、$58咁上，之前來幫襯店主仲自己試緊菜，食客滿意先擺落menu，單係呢份誠意應該要加分啦..而家已經好多菜式啦！牛仔骨：200分誠意推介，而家加咗個好多新菜式，廚師係之前響酒店做過嘅，呢個牛仔骨係史上食過最好味，最外脆內軟同最香嘅！試完呢間唔好食搵我算賬！豉汁黃立倉：惹味香口肉質剛剛好，剛剛可以離骨，同之前生魚比適合多ｄ怕骨嘅人，一樣好食過加零一！仲叫左個西蘭花雞柳，埋單三個人每人$64！飽飽滿足..飲酒可以用戰鬥碗！型到爆！飲勝！！

星期日路過佐敦，見佢新開張無幾耐，於是入去試下。我地5個人叫左好多野食：公仔麵餐($20)：呢個好抵，20蚊居然有3餸,，仲包野飲。可以選香腸、餐肉、煙肉、蛋、肉丁……都幾多選擇，質素唔錯。其中，沙爹牛肉同雪棻肉絲最好味。本來我地最初只叫一個，後來都忍唔住再order多個，因為真係仲抵過自己煮。沙拉骨($48)：見到有檯外國客讚好味，猛話「very good」，於是叫來試下。真係幾好食，個汁好特別，聽到老闆講用「mango」做汁。呢個幾正。水餃($18)：水餃好自家風味，個湯底係白色的，店主話係自己餚豬骨湯，無味精，當堂覺得店家好有誠意。糯米飯($15)：係蒸糯米飯，比一般炒的軟熟。我本身唔太喜歡食糯米飯，但都覺得呢個好味。碗仔翅($15)：入口比較杰身，有肉絲、木耳，但無粉絲的，唔似一般食開的碗仔翅。友人覺得奇怪問老闆。老闆話佢地唔同一般做法，係用魚唇代替。嘩！十五蚊有魚唇食，又幾抵。鹵水鴨舌、乳鴿：鴨舌肥美，乳鴿肉質好嫩。但個人覺得個汁可再濃味ｄ，如果鹵得入味ｄ會更加好食。5個人食左二百幾蚊。總括來說，幾好食同幾抵食，有下次。