肯德基家鄉雞 (KFC)

營業中

休息中

見有新口味專登去試下。WASABI雞翼味道真係唔錯，不過只係wasabi粉, 好攻鼻, 不過就冇醬咁好味,如果用真正既wasabi 醬點住黎食就更加好個雞皇飯真係好味到死, 呢個月我已經食左好多次黑椒雞翼都幾好食，唔係太辣，但係就夠香, 食極唔厭雖然幾好食，不過好多阿叔阿婆霸左個位又唔係食野，想坐都冇得坐大大打消我幫襯既意慾，有時都係買外賣番屋企食

上星期日本來想外賣pizza~不過coupon 用唔到~就轉食kfc~~一樣咁滿足~!!皇牌一桶分享9隻雞，3隻雞翼，3個飯，2個薯蓉，2個沙津，4個葡撻，2支汽水，仲有薯格真係好多~~~3個人食都食到好飽~~沙津醬應該唔係就咁用奇妙醬的~仲有d 配料好少係家中既沙律食到~~味道不錯~~~呢2年好鐘意食kfc既雞~~今次食左3隻雞胸~~都係唔辣好食~~用多好多香料的~~Ps: 平均一人四十幾蚊又真係唔貴!!!

星期日 lunch 去食, 好多人.巴辣雞粒是脆脆地, 不過超多粉, 食落去超個一半都係麵粉. 冇肉食.只係得7粒, 唔抵.雞皇飯唔夠汁. 如果多番少少就好喇.薯格凍晒.

平時吃開的KFC炸雞雖然好脆，但總嫌內裡太硬，沒有肉的口感。可今次吃的巴辣雞粒外脆內軟。我特別喜歡外面的「粒粒」，比一般炸雞脆得多。裡面的雞肉嫩滑，一點也不硬，值得一讚。

2007年12月23日，肯德基今朝去看早場I am Legend（幾好睇呀）之前，為了用掉贈，去了吃肯德基的早餐。薯蓉：本來叫了輕鬆餅，但俾錯了。雞扒：嘩，幾鹹喎。點解平時唔係咁覺，是否因為朝早個口淡D，特別覺得？雞柳番茄通粉：味道OK喎，雞柳得幾粒喞。特濃熱朱古力：都夠濃，不過太甜。

依排出左個新產品,叫香酥雞腿配芥蜜醬,d 廣告賣到好勁,終於去試下!!個香酥雞腿完全唔掂,凍冰冰的,又無黎味道,個芥蜜醬同麥當奴個蜜糖芥末醬完全無分別,毫無可取之處!!!

決戰四方城之後，雖然都食左唔少糊，但係大家都有儔意，所以黎醫肚，四人叫左個全桶餐($98)有粟米二件、薯蓉二件、蘑菇飯、雞皇飯、二枝汽水同埋九件雞。+$4.5轉晒o的雞做黑椒炸雞，食別要左雞上脾同雞下脾。 急不來及待試試新出既黑椒炸雞，發覺入中有好香既黑椒味，真係唔錯。其他野都維持水準。 收銀員個樣好似一位同學，服務態度都唔錯，好有禮貌，抵讚！

2007年6月10日。肯德基。因為野生牛肝菌汁雞扒扁意粉賣o西,所以叫了這個咖喱吉列雞扒飯。看上去與那個sauce很假, 吃起來D咖喱味唔係好香,不過都無諗過要求D乜。不過D米都係珍珠米，而塊吉列雞竟然幾好食；我最憎食吉列，因為多數D餐廳都整得很難食。個吉列外層都係叫脆，不過就硬了點。裏面雞肉就很嫩，最緊要係成個飯和雞都夠熱嘛。OK。今日用埋贈券，只付了4元，當然抵啦。

2007年6月10日。肯德基。因為野生牛肝菌汁雞扒扁意粉賣o西,所以叫了這個咖喱吉列雞扒飯。看上去與那個sauce很假, 吃起來D咖喱味唔係好香,不過都無諗過要求D乜。不過D米都係珍珠米，而塊吉列雞竟然幾好食；我最憎食吉列，因為多數D餐廳都整得很難食。個吉列外層都係叫脆，不過就硬了點。裏面雞肉就很嫩，最緊要係成個飯和雞都夠熱嘛。OK。今日用埋贈券，只付了4元，當然抵啦。

說的是將軍澳中心分店.薑餅人情繫炸雞叔叔, 我倆也無試過這裡的早餐, 所以今天一嘗.叫左一個1號和一個17號早餐:1.提子熱香餅拼炒滑蛋- 滑蛋唔香滑, 熱香餅似鬆鬆的蛋榚.2.炸雞扒+ 鬆餅+ 腸仔片雞絲粟米粒通粉- 雞扒外皮香脆, 醃得入味, 鬆餅外鬆脆內軟, 唔錯, 通粉偏淡, 比較失色.餐飲熱奶茶幾香甜, 唔落糖也不錯, 好過老麥.

由細到大都幾鐘意食KFC,不過品質真係冇保證!!!尤其外賣,番轉頭追都好麻煩!!! 試過將餐其中一件轉雞全亦, 竟然俾隻雞中亦我!!!!??番到屋企一睇真係哭笑不得!!!!上個星期五,(3/11),散叫左兩件雞,因為$7一件,加個蘑菇飯,都係$22.8,但個飯只係得3粒蘑菇!!又係哭笑不得!!!到7/11又食,叫8號餐個包包,得丁屎咁多醬!!!=.= 轉ICE LEMON TEA要加$3, 好似多左D!!!以上全部都係同一間....無耐我鐘意食!! 不過愈來愈貴....

話說前幾日叫左個餐有個雞皇飯我係叫外賣點知一睇全部都係汁飯就得個小小完全係同湯飯一樣點食呀簡直就似垃圾

試左新野凱撒烤飽($12.8)，都幾似雞卷，係個飽厚左同埋多左d芝士碎咁啦，出左呢個凱撒烤飽就無左雞卷，我就覺得雞卷好食d呀!!!

香蔥燒雞翼真係幾好食, 但其餘那兩隻唔係太好食,因為太淡了我的叫法係咁的:六隻雞翼, 一個大薯格, 兩杯大汽水總共66蚊, 每人都係33蚊,抵過叫餐題外話1有個阿姐好懶,唔肯執野,佢推俾第二個阿姐, 人地第二個阿姐係出面執緊野, 入面得佢又唔執題外話2有次食到充滿血水的雞, 同個經理話佢即刻搶左去掉左, 換過第二隻俾我...驚死我找佢算帳

雖然明知雞翼係一眾減肥人仕o既大忌，但實在忍唔住，靜靜雞買o左一隻蜜蜜燒雞翼同香蔥燒雞翼當晚飯。蜜蜜燒雞翼依然好味，夠香夠juicy；至於隻新口味香蔥燒雞翼，少o左甜味，雖然見到蔥粒，但唔知點解蔥味唔夠香既，just okay啦。價錢方面，散買$8.5一隻，比東西燒貴五毫，抵唔抵食就見仁見智喇；跟餐order或買bulk pack當然抵食D咁啦！順帶一提，呢間KFC都幾好座，地方大又唔算迫人，靜靜地座下睇下書咁座好耐都得，環境唔錯。