肯德基家鄉雞 (KFC) (已結業)

M記派coupon，佢地又派coupon搶客。於是阿媽就買了外賣做tea。買咗一個巴辣雞腿包餐 + 2隻curry 雞翼($7) + 脆魚粒($5)。第一次食脆魚粒，之前賣$11.8得6粒，又細粒，超唔抵食！而家$5就差唔多，根本就唔值咁貴。粉漿唔太厚，但無魚味又無魚肉的口感，比M記的魚手指差。curry 雞翼都係第一次食，完全唔知有curry 口味。以為淨係得辣 & 唔辣之分。估唔到又幾好食，咖哩味很出，很香，不太辣。巴辣雞腿包阿媽話仲好味過freshness burger。面包很軟熟，蕃茄新鮮多汁。生菜加埋千島汁味道清新。塊雞size 都唔會太細，不過個炸漿都幾厚。肉嫩，唔會炸到乾晒，微辣only。一啖包一啖汽水，好爽！

上星期五放學之後趕去旺中，又肚餓又趕時間，買個快餐頂肚先。要一個蜜蜜燒雞翼套餐，有汽水，兩隻蜜蜜燒雞翼, 薯格, 磨姑飯同棉心朱古力批。蜜蜜燒雞翼依然都係咁好食，唔會燒得太乾，又甜甜地，好好食。薯格都好味，好食過薯條。磨姑飯就一般，唔夠汁，d飯又太淋。棉心朱古力批一d都唔特別，又唔係特別好食。個批都唔係脆，淋淋地，味道仲要咸咸地，超怪！又無棉花糖味，真怪。總括黎講，舊食品依然好食，但新野就真係試一次就夠。蜜蜜燒雞翼同薯格番分，今次俾個笑面啦。

今日去左買葡撻同香蜜鬆餅食葡撻真係次次買都咁好食..熱辣辣又夠蛋味~甜甜地~~正!不過個鬆餅就差左好多.....太硬...一d蜜糖味都冇有排都唔會買黎食lu

還有一個呢! 係旺角和同學食完大救駕之後就找親愛的和她行行街散散心~因為今朝游完水,行到累累地去了旺中附近的KFC坐低休息一陣想起以前曾經激嬲過親愛的就買蜜蜜雞翼去哄她今日重施故技~$18兩隻雞翼都幾貴, 不過重要係親愛的喜歡親愛的咬了一口, 認為鹹了一點, 我又試試, 係比以前鹹了點, 蜜糖味還可以可能唔同分行, 接受到的. 不過親愛的試試換隻新看看會唔會好d都無咩分別 =__=”” 不過都可以吧! 最緊要係食得開心~抵讚的係肯換俾我地, 所以服務加一分吧!

黑椒特檸大雞翼套餐$29.5爆雞粒、巴辣香雞翼、薯塊、可樂、磨菇飯所謂新推出的黑椒特檸雞翼：完全不吃不出那檸味！！！何來特檸？！只見雞面佈滿好多黑椒粒，但又唔見得辣喎。。。

噢撈!~小弟到肯德基點了個白汁雞皇飯餐,仲叫多個葡撻,不過個飯真係好失望呀!因為一食落口,全部都係飯焦,食到我好似咬石頭咁,多多改善啦,我仲介紹左個素食提議俾大家,我都支持kfc的..但今次就...唉!

之前我和朋友去kfc食晚飯,我經常選海鮮飯套餐,忌廉粟米湯,很好味,重有萄撻,我鍾意食, 燒烤雞有蜜糖和原味,很好吃,~~可惜現在加貴,我很少幫襯,唔是天天,下次我會買新推介食物