肯德基家鄉雞 (KFC)

營業中

休息中

好耐都無食過呢間肯德基, 因為之前食過, 覺得D炸雞好似放左好耐無人買咁, 得個油字, 但係唔脆, 辣雞又唔辣...尋日路過見到有新出ge黑椒脆雞, 又忍唔住試左...我外賣拎到返屋企, 都仲暖暖地, 最重要係D皮仲係脆ga, 舊雞又真係夠黑椒味, 好食過普通辣雞好多, surprised!唔知係咪8pm D雞清得快D, 所以無擺咁耐, 好食D呢~

本人都幾愛食雞...柴灣呢間算唔錯!!起碼唔會放左好耐-0-試過食小西灣..D 雞超硬))總括黎講...當然少食比較好!!雖然好味>3<"但係好肥!!!!

因為有新野出, 所以晚上決定去kfc食晚餐試下佢地個新產品先...叫左一個宮保雞卷套餐包埋一件雞及粟米一支..個宮保雞卷真係有少少失望..個包唔似中東包咁好正..而且個饀料又唔會有少少辣個汁又無咩味...加上個卷又唔熱又細件...真係無咩特別...覺得佢地之前出既北京雞卷仲好食d..可以不試.

尋日終於有機會試o下KFC新出o既香草蒜脆雞,炸得夠脆,淡淡香草味!少許\\\蒜頭味!不會蓋\\\晒成件雞o既味道!配合得幾好!我覺得好食過原味o既家香雞好多!

八達通club贈送的飲品，因就到期，所以局住要食雞雞，例牌要了薯蓉、格格薯、餐湯和蜜糖鬆餅，還有贈飲。食物唔多講，冇心特別，不過格格薯凍冰冰的，其實想叫佢換過，但因遲了lunch，趕時間，費事煩！想講那杯贈飲，味道ok，但蜜糖太多，搶了薑汁的味道，同時也甜了一點，蘆薈肉勁多，好開心，唔知散買要幾多錢呢？有機會都想飲多次，一定要少蜜糖，才能飲真薑汁味！

行到想休息, 我就會買個鬆餅入去坐一回. 講開我真係好欣賞kfc既蜜糖鬆餅(即買即食好食d), 個餅好鬆軟面頭既honey又唔會太多但又同個餅好夾, 比起佢以前既牛油鬆餅仲配合.

一向對雞佬冇乜信心，一來貴，二來污糟，三來雞佬同m記一樣都係垃圾食物代表。早幾日因為悶悶地，走去幫襯雞佬，結果食到一肚氣。我要的是雞脾下午茶，已講埋餐no.收錢果個已經是經理，隔離俾野果個居然仍俾錯雞翼，仲要約無其是收我錢，忍唔住終於出聲，得到的答案是：「你要係雞脾咩？雞翼同雞脾未又係一樣！」雞脾同雞翼係一樣，雖然價錢冇錯係一樣，但翼同脾點會一樣，你當我百痴定係傻。更住個經理就冷冷地方：「換番俾佢囉」，結果換了隻脾...但皮就爛爛的...仲要好細隻...食落就軟「淋淋」，即係擺咗好耐果啲！好想叫佢換，但唉...鬼叫住係柴灣...如果唔係實投訴佢。呢間野...以後唔會再去。

這星期有幾天來吃lunch，發覺食開o既如薯茸、粟米、格格薯(細)…都加了$0.5，雖然不算高，但卻令人想到香港經濟真的好轉了這麼多嗎？實在不敢苟同。說回食物，試了新出o既楓糖葡撻，味道比以前o既較甜，奶味偏重，其他都是一般，值得一說是粟米，真係唔掂，食到黐晒牙，搞到勁狼狽。見到新出o既沙律，實物size同份量跟相片不相伯仲，真係要試下至得。

今日跟同事出來LUNCH，但由於處處都超多人，最後還是無懼禽流感，來了吃雞雞。食物唔想多講，因為質素沒大改變，但想講一講限定推出磨菇湯，湯底好稠濃，忌廉味亦很重，加上大量迷迭香、磨菇和雞肉，令口感十分豐富，雖然散買要$12，但跟餐就非常抵，若跟現在的LITE套餐只是加$3，跟普通餐就要加$6，個人覺得值得一試。

11月5日17:30和小魔怪看完手球賽後，回到柴灣他要求到這裡吃點東西。分別要了炸雞配格仔薯塊和田園黃金沙律。炸雞：保持水準格仔薯塊：比一般炸薯條有口感。田園黃金沙律：生菜、青瓜…車喱茄和數件炸雞堡，感覺幾清新。KFC比麥記貴，但食品和食味有所不同。但個人仍偏愛賣少見少的哈斯。

一向對垃圾食物反感，事關咁多好野好食，又配額寶貴，無需花在這等垃圾食物上~你估仲細，又或者係鬼佬，無得選擇咩？但耐何太座非常喜歡吃炸雞，因我的關係，佢都好幾年沒有吃了。在她再三要求/拒議之下，始終都‧終於又‧無奈地，食番次。可能我記憶還停留在廿年前，總覺得肥佬上校的炸雞唔平。但原來家陣一個套餐，有九件雞，兩支粟米、兩個cloeslaw、兩個鬆餅，仲有兩支汽水，都只係92蚊，又幾平。雞，一大桶，有辣，有唔辣，有翼，有胸肉，有上脾，有下脾。老實講，唔明有咩好食，仲要食到一手油。可以話我老土，其實去求其一間燒臘舖斬半隻油雞正好多，當然太座，吃得津津有味；粟米加牛油當然沒有難吃的道理，配上個甜甜地的蛋鬆餅，填肚都可以；cloeslaw出晒水，味道一味甜，叫做食多d菜落肚咁解。個人而言，如無必要，真係唔會再食。不過平心而論，幾抵食，因為都食得幾飽。

見有新，特登唔帶飯走落去試，點知極度失望。要了香脆魚柳烤餅餐，個烤餅細到無倫，魚柳又薄又細塊，而撒了芝士後味道極奇怪，我覺得都幾難食。

今日lunch 前，同事唔知o係邊到load o左coupon落o黎，那張coupon是買coupon上指定的set便可作$5使用，那個set係5集巴辣香雞翼、細格格薯和中汽水，其實唔知係咪真係好抵，不過突然間想食，又無謂o左張coupon，所以便前去。 其實一直覺得巴辣香雞翼唔夠辣，但勝在隻隻雞翼飽滿多肉，炸得都好香口；格格薯今次都keep到水準，只是可能放得太久，腍了一點。

上星期六來lunch，發現呢間分店真係唔錯，是次要了薯蓉、格格薯、牛油粟米同蜜糖鬆餅。 薯蓉依然滑溜，不過今次個sauce 太少；格格薯好大塊，分量比上兩次多了，外脆內軟，yummy非常；牛油粟米夠熱，半溶o既牛油與熱辣辣的粟米交融，是最match o既組合；最後要一讚鬆餅，香濃的牛油味，口感鬆軟o既餅身，蘸上蜜糖，滋味零舍不同，但記得要叫店員俾多蜜糖啊！

昨天lunch 是有帶的，但心血來潮想加料，便來言兒買了一份大格格薯和巴辣香雞翼回公司跟同事share。 一直都很喜歡吃她的格格薯，雖然唔夠薯條咁香脆可口，但比薯條更有薯味，加上冊了唔知甚麼香料同炸，更加惹味，不知是甚麼原因呢間分店o的格格薯特別腍身，但又唔係唔熱，很奇悝的；至於巴辣雞翼，一直覺得最大問題係細隻，炸完後都冇乜肉可吃，似你炸粉多o的，同埋始終覺得唔係好夠辣！