肯德基家鄉雞 (KFC)

營業中

休息中

有腸, 有火腿, 還有一塊鬆餅, +飲 品 $16, 一個字扺原本想要雞塊, 腸 , 薯蓉 + 飲品$18, 但一早看到雞塊剛來自非州, 所以轉了, 希望下次會看到金黃色的雞腿啦

又有新餐~~去了一試~~~係黑椒大檸雞翼既至爆套餐~大擰~就係一粒超細的青擰~唔係好夠落成隻雞翼~!!酸酸辣辣~其實都幾好食~!不過唔係啖啖有酸味~~個包~!我like 多汁同塊番茄!!本來就係幾好食~(我都食過幾次)不過今次d 菜好老!!!個包又扁哂~!睇到都唔想食落去~可能做左好耐~~我諗係呢間既問題~!!唔通呢間kfc人流唔夠???加了$4.8要了一杯蘋果特飲～都幾清新～今次最好竟然係佢!!btw: 薯格少得可憐!

KFC既炸雞有誰不愛?由細路至老人，我公司上下都鍾意食，特別係辣雞，有時候食齋食得多我都會幻想有一堆炸雞砌成一座山等我食清，係熱氣係會肥但呢種罪惡感加重佢既美味~呢間分店平日Lunch幾滿但等一陣總會有位，夜晚當然如其他灣仔食店咁空空地~坐o係度可以o係一樓望落莊士敦道同修頓球場感覺都唔錯~

約了朋友食飯, 因等位等太耐, 突然要改地點, 沒辦法之下就對面家鄉雞算數. 灣仔食lunch, 一向人多勢眾, 好不容易才等到一個位子, 好不容易才從大隊中回頭端來一筒雞.$138一個大Combo, 基本上樣樣齊, 夠四個人食. 五臟俱全時, 只可惜了主角, 炸雞.....普通炸雞還可以, 但辣雞就有點不行, 干得有點難入口. 食東西, 除了薯條外, 最怕連肉汁水份也沒有的東西. 有一檯年青人認真唔化, 明知人山人海, 仲可以慢條斯理....三個人坐, 兩個食街外身, 一個食雞, "金助"D......到員工清檯....他們都絲毫不動.......

上次因為有新野。入左去試。點知叫左個2人餐。我覺得,普通既辣上比已經好味過呢個新既.........................................................................................

半年前同朋友仔黎過呢間KFC食，印象麻麻。今日重臨，要了一個tea set(no.5)加多隻巴辣雞上脾。tea set有一件雞和薯格。薯格是頗多但不脆，雞是雞全翼和一件明明是雞上脾但卻變成了雞側胸，2件都是從未試過的難食，既乾且燶，非常明顯是翻炸再翻炸。另外環境亦不見得很好，檯面即使是抹了都給人油膩的感覺，座位更是佈滿雞碎，地面亦有不少污垢。下次再雞癮發作，我都係行去cb或中環食吧。此店已blacklist了。

她，出身於叫人看不起的快餐連鎖店，不是流本地老店的「藍血」貴族。她，只是店中的小角色，命運，叫她永遠當不上女主角。她，沒有吹彈得破的滑滑臉蛋兒，只有一塊佈滿黑斑的厚顏。她，沒有「傳統」這魔咒的眷顧，只有落得「番邦魔女」之惡名。但，她那酥油鬆化，又具質感的撻皮，是前無古人的吸引。吉士跟蛋香滿溢的熱辣蛋漿，配上焦脆的糖面，是後無來者的誘人。那股異國風情，那股埋藏在心深處的內涵，又豈是一般尋常佳麗可能比爾？愛與不愛，吃與不吃，總有計算，總有原因。但，於我而言，一切，只因感覺。

已經連續3晚食呢個咖喱雞扒飯，KFC，少極兩個月都會幫襯一次，講真，邊有人去完老麥大快活KFC後會認真寫食評的。但連續食3晚梗有原因啦。老實話，佢Ｄ米當然唔係廣告宣傳的日本米；第二，佢個雞扒炸到既乾身又過火；第三，食日式咖喱冇理由食雞扒o者；第四，邊個國家的咖喱飯上面會有椰菜同栗米!? 第五，個汁勁少！之不過，佢個咖喱汁正合我口味，稍甜又不太甜。真係，有個個咖喱汁幾難食的食物都可以到肚。試唔試？你自己諗諗啦。

曾幾何時，灣仔仍未被快餐所入侵，那時還是樓上茶樓的天下。今時今日，該區已經商廈林立，未來肯定會成為快餐連鎖店爭奪的主要戰場。我已經過了沉迷快餐的年紀，但偶然貪方便仍是會幫襯一下。昔日雙喜樓變了今天的家鄉雞，今期推介還要是宮保雞丁卷，真的有點令人唏噓。這間分店可謂佔盡地利，位處灣仔心臟地帶，倚窗可望見修頓球場。該店的服務在水平之上，有次我打翻了汽水，店員除幫我馬上清理外，還免費替我換一杯新的。相比一般快餐店，這間的員工比較有人情味，唯一美中不足的是我每次買玉米時職員都只記得給牛油而忘了附餐刀，難道真的要用手指？講到今期個宮保雞丁卷，整體口感一般，上面放得太多青紅椒，卷皮也略嫌厚，不過總唔及上期隻香草雞笨，求期落多少少香料就收多人五毫子。

- 一代宮保雞: 配料有紅椒及青椒. 雞的份量比想像中多. 個汁辣味適中, 但比較咸!- 蜜蜜燒雞翼: 雞皮燒到脆卜卜, 好香口!