肯德基家鄉雞 (KFC)

營業中

休息中

KFC推出「肯！快脆」早餐系列同星期一至五供應嘅「平日肯抵DEAL」早餐！🙋🏻‍♀️平時返工返學要快靚正就啱晒！今次新增多款包類早餐，包括網民大愛「芝心火腿脆卷」，仲推出「$22起 平日肯抵DEAL」超值早餐套餐🤫，全部都$30有找💸：-1️⃣「 K5芝心火腿脆卷餐🌯🧀($22)」(包 芝心火腿脆卷+香滑奶茶)脆炸墨西哥餅皮超香脆，仲有紙包住，邊行邊食都好方便🤪，餡料係半溶狀態嘅優質芝士同火腿🧀🐖，超惹味，芝士味濃; 香滑奶茶由錫蘭紅茶沖製，飲到茶記嘅風味‼️～Cheesy ham Mexican wraps-2️⃣「 G2 肯抵香脆薯餅蛋包餐🍔($22)」(包 香脆薯餅蛋包+香滑奶茶)(只限星期一至五, 公眾假期除外)薯餅香脆乾身，配好似玉子咁嘅厚焗蛋 🍳🤪同適量嘅蕃茄醬~Tamago and hash brown burger

紅日懶得落街見外賣平台有優惠諗住咁耐無食幫襯下叫左個二人餐，外賣平台無事，準時送到啲員工做野都好唔認真下薯條：打開直至食完成個餐都搵唔到薯條果個咩Fing粉本身都有啲期待咩黎無粉都算啦又唔俾茄汁算啦薯條照食不過薯條份量都keep到 - 得好少炸雞：揀左個原味家鄉雞先大鑊俾左啲好深色既雞我一咬落去啲皮同肉都咸到要狂飲水先食得落以後炸雞都係唔去KFC😓成個餐係得啲凍左既粟米係正常唔計百事可樂要200字先可以俾評分

用個Broadband公司個優惠卷。買咗個勁辣黃醬雞卷餐，加$10巴辣雞翼。原價$58。用咗優惠卷，只需付$18。個黃醬雞卷好好味。雞肉卷夾生菜。通常係印式菜。另外個薯條混入巴辣粉。放入袋去搖滾。再取出既薯條已經變成巴辣口味薯條。味道微辣。新奇。巴辣雞翼好香脆。雞肉鮮嫩。誠意推介。

自己本身冇咩食早餐習慣通常午餐都係第一餐香港人早餐通常就整個包一係就沙嗲牛面d 茶記野咁岩今日做野行過kfc見佢早餐有炒蛋食就試試佢成個餐有雞排 炒蛋 鬆餅 腸仔咁仲有杯野飲 三十幾蚊 香港地呢個物價算係咁炒蛋偏熟 食落去都香蛋味 不過覺得實的的咁好似叫蛋餅岩d 雞排加埋果汁好香 又唔會好大份好油早餐食呢個雞排就岩岩好鬆餅就偏乾 如果有d jam 搽下一齊食相信會好食d, 不過我自己就拎黎點雞排汁一齊食 令佢冇咁dry, overall 呢個早餐滿足既

買完外賣番到屋企發現俾少咗葡撻，打電話番去問職員，佢講曬唔好意思叫我落去拎番，已經話佢知咁我宜家落嚟拎。落到去又話要等15分鐘，喺電話到又唔叫我唔好咁快嚟拎住。然後就叫我一喺轉嘢食一喺等15分鐘。好心啦，無咁快有得拎就講我知啦。真喺如果再買外賣要一盒盒打開check清楚先好走。重點喺冇咁快有你要講個客知，我買得外賣喺住附近，去間餐廳好快㗎咋！

今日 睇戲前老公話好耐冇食kfc,就入嚟坐低食我哋平時都係叫外賣自取真係冇諗過咁恐怖首先完全係冇人執枱收嘢有人坐位全部都係未收嘅廚餘盤, 人人都係要幫上手執㗎喇，如果唔係就冇位坐 冇人坐嘅位 上面已經放曬 4，5份嘢擺喺度，完全冇人執檯面黐立立油淋淋， 如果唔係我老公堅持話想食嘅話真係想即刻九秒九走人 誇張到係連有一個俾人外賣自取嘅架，上面都放滿曬呢啲食完嘅托盤，真係覺得好過份偏偏又冇一個位畀人放托盤回收好啦，我哋自己執咗上一手嘅嘢，去垃圾桶上面嘅位置雞件今次正常size，唔得別細都唔特別大，不過仍然係超乾建議要食外賣好了堂食真係好恐怖唔知係咪淨係今日先係咁，定係日日都係咁總之我今次就係咁樣， 5月30日如果其他日子係乾淨嘅，麻煩大家都可以寫個食評

突然好掛住KFC葡撻，所以就買番2件葡撻番屋企食🤣🤣但最後除左葡撻仲買多左幾件雞🤦🏻‍♀️🤦🏻‍♀️🤣🔹3件香辣脆雞；2件狂惹香燒雞香辣脆雞今次唔錯🤣🤣入面竟然仲有汁外皮依然好香脆，好鐘意食外皮😍😍狂惹香燒雞今次比較乾，但個味都之前都係一樣🔹2件葡撻我覺得KFC葡撻係必食，葡撻係好食過雞🤣🤣次次食KFC都會叫埋葡撻，就算個餐冇都會額外買🤣葡撻外皮酥脆，餡係甜甜同滑😍😍

之前未買過KFC嘅早餐，今日朝頭早唔知食乜，所以就走咗去買呢個所謂嘅早晨套餐，除咗嗰碗通粉係熱之外，其他都係凍左嘅，嗰塊多士真係好鬼硬又乾，個薯餅簡直就好似炸過龍咁，又係唔熱又乾又硬，唔知係咪喺微波爐叮定乜嘢，塊薯餅仲係側邊冇左一忽。我肯定呢一個早餐，係咁多個快餐店早餐嘅劣食第一名。仲要40幾蚊，如果隔離左右有其他茶餐廳，真係唔好買呢一個早餐，買個沙嗲牛肉麵都好食過佢好多，只此一次，唔會再買。🤮咁嘅食物質素，遲下對面開快樂蜂，佢真係等執笠。

叫了外帶的T1及T3餐，候餐時間長達十分鐘先拎到。回家後先發現比漏咗蘑菇飯同薯蓉！最搞笑係明明見到個女職員問個男職員「個餐齊未？」個男職員仲信誓旦旦咁樣答佢：「齊！」返屋企見到少咗咁多嘢，系中伏的心情中又諗起佢嗰個心不在焉嘅模樣，發現自己真係唔可以信啲咁Hea嘅職員們。結論：大家去kfc外賣真的不要掉以輕心，記住一定要親眼check下。唔好俾佢嗰啲職員小劇場呃到💦💦💦KFC出餐員工可唔可以做認真啲？

經過屋企附近間KFC，見到個招牌廣告好吸引。一進門看到好多款茶餐推介。我揀咗T1茶餐。有蘑茹飯、燒雞翼、葡撻及中百士。加多$5買埋牛乳雪糕。總值$28。抵食。個環境好乾淨。職員同我講可以攜單之後再取雪糕。個職員好貼心。擔心我支雪糕溶咗。個蘑茹飯足料好食，個飯好熟好軟身。但份量好細。燒雞翼有蜂蜜味，唔使去BBQ都食到蜂蜜雞翼。肉質鮮嫩。葡撻食到有澳門風味。食落帶點微温。唔駛去澳門都食到澳門風味葡撻。杯百士好飲。最後去枱前取回之前買下的牛乳雪糕。香滑好食。商場食牛乳雪糕公價要$42。係KFC食可以加$5就食到。

車鐵海布現宣傳這款KFC鹽酥雞。今日專登去買個套餐食。個餐包中可樂、薯蓉、鹽酥雞兩件。個薯蓉一般好食。兩件鹽酥雞好重台式口味。食落雞肉好嫩。一咬落去雞油滲出。好味。加上杯冰凍百士可樂。好飲。個套餐$44。

話說當日出咗新出的鹹蛋味，作為粉絲的我立刻走去嘗試，當日還超多人 外賣都等咗成半個鐘！ 誰知道一吃超失望！ 和平時的辣炸雞根本完全有分別！ 兩件炸雞蛋黃味不足，嚴格來說只有那圈起來的部份有鹹蛋味，作為粉絲的我表示十分失望！

KFC推出呢個「薯片脆辣雞」都已經有一段時間，終於有時間可以去食到😪咁次講到明用到Lay’s薯片，無理由不試😏🔹薯片脆辣雞套餐$48.5 ：跟以往出新口味一樣，套餐包括有一件葡撻、一客飯、兩件雞及汽水一杯😯廢話少講😏講重點！！外觀跟平時食嘅脆辣雞無太大分別.....至於味道方面🤔除咗口感比較脆口之外...我feel唔到薯片囉...😑說好的Lay’s係邊呀😭同平時嘅完全冇乜分別....未試嘅你...其實都可以唔使特登去試....😓評分味道：2/5性價比：2/5

今日到了kfc點了一個家鄉雞下脾茶餐。有一個馬鈴薯蓉，一件原味雞下脾，一個經典葡撻，一杯阿拉伯咖啡。馬鈴薯蓉正常野個蘑菇汁都足夠，薯仔味幾好。原味雞下脾炸得過左火，雞既汁冇晒，乾晒。食落口感就冇晒，味道正常野。經典葡撻夠熱算好好味不過大縮水。阿拉伯咖啡唔夠香，咖啡味嚴重不足。

午餐時間唔算太肚餓，所以叫一個3件雞餐加杯百事就外賣拎走返公司食。百事少冰咁冰量少左就岩岩好了。如果唔係太多冰基本上冇野飲兩下就飲完。3件雞係3個雞唔同位置，雞脾當然係最正啦，辣雞辣辣地都好味道。