肯德基家鄉雞 (KFC)

營業中

休息中

呢個時勢我都唔打算晚晚出街食飯，但今晚想食KFC，所以唯有自己出街買外賣番屋企歎雞啦⋯⋯一股勁的衝番屋企，打算同愛人一齊分享熱騰騰、火辣辣的香香雞🤪一打開，睇落都唔錯黃金色既香脆外皮，已經令我垂涎三....不過呢個時候可怕嘅事情就係咁樣發生，愛人拎起一夠香脆黃金外皮計，佢竟然上面有一層不知名嘅粉末，，一食落有啲甜甜地就好似係毒藥個開頭總係帶點甜！唉，今次就話好彩係芝士粉，唔係啲咩奇怪嘅嘢，但總之食囉就係好奇怪！再嚟，我就真係要講下呢一個飯啦！睇落簡直就係你晒譜啊！有乜理由咁大個桶得個小小飯，佢係咪當我乞丐！其他空間係咪俾我攞嚟嘔？我啱先已經講過我喺老遠咁樣走過來為咗食佢個香口蘑菇飯，點知佢比同咁樣嘅我，大失所望

見有一排冇食炸雞咁星期四晚特登去kfc，因為知道之前已經有啲特價套餐推出，今次叫左三件雞餐，我今晚大概八點幾去到，點知畀錢嗰時個收銀員同我講啲雞要等20分鐘，原味雞，辣雞，燒雞所有都冇，只係得避風塘新口味，咁我問佢三件雞套餐可唔可以轉，佢又唔畀，咁當然我冇理由等20分鐘啦，因為可能等20分鐘後又未必真係得， 我個人覺得啲服務有啲奇怪，唔係啲雞臨冇之前就要準備嘅咩？點解會一件都冇嗰時先離開始炸？又吾係臨收工時間。我見前面兩個人都係想食原味雞同埋燒雞，喺度等緊。即我已經吾知係第幾個被話要等嘅人。最離奇係我見到一班員工企入面對住D客大聲又講又笑，仲每人一杯軟雪糕。咁都得？

MOStown街坊價早餐基本上只有M記同KFC, 而M記每況愈下嘅衛生情況加上薯餅都可以淋上黎講, 自然幫襯常有coupon用嘅KFC, 食過幾次, 製作認真, 值回票價.>厚切午餐肉炒蛋芝士漢堡 (HKD19.5)用HKD2 e-coupon個餐20蚊都唔使. 雖然只係一個包加一杯飲品, 但咬第一口已經感覺用心製作: 包係軟熟口感嘅芝麻bun, 炒蛋鋪滿午餐肉而有厚度, 至於午餐肉當然無店外廣告版咁厚, 係正常厚度, 熱溶芝士係bonus.>飲熱奶茶多奶, 真係多原裝嘅奶, 而唔係M記嗰種加多一個奶仔就算, 唔會斟定哂, 入口還是熱的👍🏻.>Staff大部分係姨姨, 店內衛生各樣keep得好.

KFC終於都有蕃薯波啦！勁鐘意食台灣既地瓜球但香港無乜地方有🙈KFC呢個個款好似吖，就一於試下啦🤗佢呢個有三款配搭，包括薯條×蕃薯波、雞粒×蕃薯波同雞粒×薯條，都係$18，如果跟桶餐就可以加配蕃薯波($10)，其實如果可以直接單買一杯蕃薯波而唔使配其他野就更好🤣同台灣果款唔同既係佢地呢款係實心既，雙色蕃薯波分別係黃蕃薯皮配紫薯蓉同紫薯皮配黃蕃薯蓉，外皮都做到煙煙韌韌既口感👍，中間既蕃薯蓉甜度剛好，又唔會話好添加，食到蕃薯天然既味道，不過如果份量多啲就更好😝 .

好耐都無食 KFC 既桶飯餐，所以就去咗幫襯，印象中 $22 跟埋飲品 ; 今日再幫襯睇咗一陣都搵唔到個餐，原來依家要 $26 先食得，同埋以往可以揀蘑菇汁或者雞皇汁，依家得返一款鴛鴦汁，不過都無所謂兩個汁我都食既，不過咁啱蘑菇汁無哂，變咗全個都係雞皇汁，另外再用 KFC 優惠卷 $11 兩件葡撻。本身覺得 $11 兩件葡撻有啲貴，但原來唔用 KFC 優惠券買一件要成 $8.5，即刻覺得 $11 兩件真係好抵。😂 😂喺茶餐廳求其食個粉麵都要三十幾仲可能未必飽，食個飯都要五十蚊，而家全部加埋都只係 $37 蚊，真係超抵。

行行下街口痕搵野食，兩點零鐘但又未夠三點三，好多食店都未有下午茶餐。想起KFC兩點三就有下午餐推出，即刻走去睇下有咩岩食先。只係口痕想食個輕盈下午茶，睇中左茶餐滋味盒，貪佢細細份得黎又可以食到幾款食物，最後揀左S2芝士扭扭粉茶餐。S2芝士扭扭粉茶餐 ($25) 有芝士扭扭粉，狂野香燒雞下髀，馬鈴薯蓉加飲品，飲品揀左熱蜜糖綠茶。芝士扭扭粉真係幾好食，半溶芝士撈埋D火腿落扭扭粉度，相當惹味。狂野香燒雞下髀令人又愛又恨，狂野香燒雞係KFC咁多款唔同雞入面我最愛的一款，偏偏不愛家鄉雞，獨愛狂野香燒雞可惜今次件雞下髀超級無敵縮水，縮到得返匙羹咁細，實在令人失望。今次件雞細得好離普，不如叫雞鎚啦下午餐配的馬鈴薯蓉是迷你SIZE，味道不過不失。飲品揀左熱蜜糖綠茶，熱蜜糖綠茶有驚喜，一D都唔雞肋，蜜糖淡香甜甜地，配上熱綠茶又幾好飲。S2芝士扭扭粉茶餐 ($25) ，相當抵食，口痕必選下午茶之一。

$236！沒聽錯！是$236元！現在買kfc 愈來愈便宜有十二件雞兩個飯四個薯蓉四個葡塔一個薯格以前我記得kfc都是比較貴的現在外送服務真的得車惠而且最重要的是-準時送到！令炸雞保持最新鮮、最脆口的口感雖然外送不比堂吃但食物的温度還是能保持！這是值得稱讚的！我最喜歡吃他微辣的炸雞香脆的食物配辣辣是最匹配的！味道足夠而且不太咸如果上班沒有帶便當又不想吃公司的餐廳當然要叫kfc外賣！#堂食 #外賣 #炸雞 #脆卜卜

今日為心臟健康去左跑步，跑10k,今朝4點幾就起身，眼瞓到嘔~~~~夜晚仲要打波約左8至10，中間時間我地返左屋企瞓覺~~~跑完去左搵野食，啱啱11點有炸雞食，唔洗淨食早餐!雖然呢間店個自助機，八通達機好廢~~但係呢間店啲炸雞好好食!!好新鮮制作~~~今日試左款「越式牛油雞」味道都幾好，好有食薯片既感覺(即係味精味)總之好味啦！!同埋個巴辣香雞翼真係幾鬼辣，但夠惹味，我喜歡!!!!!!!仲試埋杯越式檸檬七，好味道呀！好夠檸味，好開胃可以消膩

馬鞍山有2間KFC，一間係迎濤灣，一間係新港城！我食左2次迎濤灣個間真係唔多掂，飯好林，炸雞勁乾身，對新港城重開，我都有d期待！希望味道會去到同沙田個間一樣😮收工夜晚無飯食就約埋老友去食！見出左新野就試試佢 - 爆谷脆雞🍗家下出既野係你想像唔到既mix and match!!叫左個二人餐，其中指定爆谷脆雞外，另外兩件雞可以轉其他味，我地就選左香燒雞😋😋😋講個主角，爆谷脆雞，外面炸得幾脆口，加上爆谷粒有d大舊，但脆！易咬唔太硬，唔驚整損牙肉！雞肉有肉汁，唔鞋口！終於好食過另一間啦~~~🤩 試過沾焦糖，我覺得麻麻地，有d畫蛇添足，用糖漿口感一般，個人覺得可能用焦糖粉代替漿會好d整體二人餐抵食，除左老麥，家下多個選擇

商場裝修期間, 有段時間KFC店舖只在離商場遠遠的店舖, 很不方便, 常掛住這間的炸雞件和燒雞翼, 舊年KFC再在新港城再開店, 對個人來說, 真的覺得雀躍, 覺得這品牌炸雞是香港炸雞連鎖店最抵食也是最好味, 價錢也非常合理划算。 最近KFC和麥包記的商業攻略, 愈鬪愈激烈, 由電視廣告至海報平面廣告的slogan (廣告口號) 也令人會心微笑, 最受惠的是可令大家以超抵價大快朵頤, 我們今晚就選了優惠餐$50/6件雞, 這優惠最新推出的初期, 大部份人也用上1小時至1.5小時才可取到餐, 因為人手不足客人多, 樓面只有1人, 顧得收錢幫客人落單, 又顧唔到出餐, 人龍超長, 當時既情況好混亂 聽聞當日係員工編假不當的原因, 令人手不足, 今次已是第3次的優惠價, 買餐情況已得到改善, 等大約幾分鐘已可取餐。 講番正題, 優惠餐$50共有6件雞 (包括3件雞上脾、3件雞下脾), 雞件大大件, 外脆內軟, 雞肉好嫩滑, 雞肉加上其秘密的11種香草/香料調味, 雞件又夠熱, 非常可口, 每人食3件雞已經好飽肚, 既簡單又經濟的一餐, 也可以食得滿足。 另一半一邊食得津津有味, 一邊問點解雞

叫個外賣，等左40分鐘，年初一店面得3-4個工作人員，我理解。等得耐都算，翻到屋企，個飽係又硬又凍。點食呀😡😡😡😡咁耐無食，令人好鬼失望。😡😡😡😡😡

Wow! MOSTtown(怪怪的🤨T)開返KFC呀🤩, 工人姐姐放假一於買返屋企食✌🏻. 自助order機好方便, 等左一陣就有野食. •M2. 香辣脆雞餐 (HKD44.5)個餐有一隻辣炸雞脾🍗同雞胸, 配格格脆薯塊, 飛車返到屋企開黎食都仲係熱🔥辣辣架👏🏻. 今日件件雞都啖啖肉, 皮勁脆, 佢間舖有好多人幫襯所以啲野食都係勁新鮮炸起唔會擺好耐👍🏻. 格格薯塊都係大大塊der! 食KFC就係為左佢ja.•香蜜鬆餅 (HKD8)甜甜地嘅鬆餅, 加上薄薄一層蜜糖, 口感鬆軟好味•雪碧 (餐)個人認為佢嘅冰量真係無M記咁離譜, 起碼飲到大半杯先見冰👍🏻