膳藝餐廳 (已結業)

之前在下午茶時間試過甜品套餐，已令我覺得在大埔的地方竟然有酒店水準的食品，再膽粗粗叫到會做做冬食品，竟然再有意外驚喜。頭盤的帶子卷物勁好＂趙＂頭，再加一個香草羊架，又香又"林"，最快被人搶曬。水牛城雞翼亦是至愛，個汁勁得，唔使講就係最愛的甜品：木糠布甸，朱古力波夫，香蕉班戟，小朋友食到好似去咗酒店自助餐，勁多款。真係又一驚喜之作，唯一要改善的係提供餐具不足

今次再臨﹐ 只因想回味那些甜品。上回經老闆娘推薦﹐ 試了個2人套餐﹐ 內有5款甜點﹐ 同老公﹑亞囝分。每樣少少﹐ 因為唔係太甜﹐ 啱晒我們。星期六﹐ 老公和亞囝話要再去﹐ 於是泊好車﹐ 2仔爺就衝了上餐廳。我就遲少少去。當去到時﹐ 他們已清了一客午飯及一客 Puff。但我實在太想再試那款 Combo, 便詢問他們會否幫我一把﹐ 他們竟亳不懷疑地贊成。Combo 到了之後﹐ 亞囝已搶了杯「木槺布甸」﹐ 一去不回頭。老公也第一時間取了一個 puff﹐ 我就選了杯「焦糖燉蛋」﹐ 正﹐ 不太甜﹐ 而且好滑﹐ 細細杯﹐ 容易食。不消半個鐘﹐ 一碟美味下午茶﹐ 大功告成。下次唔知又有什麼新款呢？

琴日同朋友打完波，唸住揾地方坐低傾計醫肚，去到大元邨膳藝餐廳 Food Arts Cafe，就被佢窗廚既下午荼甜品tea set相吸引住。佢既tea set真係好好味！又好抵！5款甜品只係$48，係其他地方肯定要過百，而當中既木糠布甸、焦糖燉蛋簡直係水準之作，老板娘仲好有禮貌地問我哋意見，完全感覺到佢地既誠意！且原來佢地既廚師之前係洲際酒店做左20年，唔怪得d甜品咁出色！只可惜個甜品tea set只得sat,sun先有，不過，就會每個星期轉唔同既甜品！正！我地另外亦試左:豬扒包--豬扒林得黎又有肉味！個包係佢地廚師自制既，好鬆軟！真係冇得彈！雞扒蕃茄湯麵--雞扒都好得，好濃既蕃茄湯底，我連湯飲埋！水牛城雞翼--有少少辣，但好香！唔食得辣既我，都忍不住食多隻，但我朋友食開辣就話唔夠辣！因為我冇預期佢d野咁得，所以冇影相，不過，我係佢網址copy左d相比大家睇！

那次路經見到新開張, 見到寫住個飽係自制, 便入去點了個下午茶 - 豬扒飽餐, 個飽端上來時好整齊, 豬扒煎到剛好, 唔乾身, 有肉汁, 加埋2 塊大番茄及少許生菜, 感覺唔油膩, 個飽比想像中特別, 唔似出面的豬仔飽, 唔痴牙, 有口感. 個餐都係 $18- 我在工廠區番工, 平時的下午茶豬扖飽都只係 擦牛油加塊豬扒, 都一樣要 $18- 雖然係一個簡單下午茶, 但都覺得個廚係用心去整食物比客人囉. 路過此地, 不坊試吓. 我還見到有 Combo 的甜品, 但我一個人食唔晒, 下次要約埋人一齊去試吓 ! 下次我也要試下個魚柳飽先.

不嬲去開大元村食早餐, 見到有新餐廳, 入去試下, 坐落見個menu無咩特別, 都係粉, 煎蛋, 火腿, 麵包, 飲品等... 叫左個早餐, 一黎到就比塊麵包吸引住, 原來係佢地自製既麵包, 食落真係好好味, 好軟熟, 唔似普通reheat既麵包. 通粉表面又係平平無奇, 食落竟然有d意外, 好有番茄鮮味, 我連湯都飲埋. 不過最意想不到, 就係杯奶茶, 好有茶香, 唔知係咪真係有用絲襪黎沖呢? 我又唔好意思問wor! 之後又去食左一次tea, 估唔到tea set仲驚喜. 10幾蚊都有, 西芹雞翼配搭得好正, (可能係我好鐘意食西芹la). 我見仲有香蕉pancake, 但真係好飽, 食唔落, 下次試完先再講la. so far我對呢間餐廳都幾滿意, 我2個小朋友就勁鐘意, 梗係la, 有咁多甜品佢選擇wor, 不過我就怕肥, 每次試一樣炸. hehe..