影片
港鐵調景嶺站 A1 出口, 步行約5分鐘
繼續閱讀
付款方式
以上資料只供參考, 請與餐廳確認詳情
屋企樓下呢間自家烏冬，間唔中都會去食，多數都係晏晝自己一個踢拖落去食。服務算唔錯，就算啲servers幾忙都好，態度都好友善，唔會俾人唔好嘅感覺，不過當然有好大嘅進步空間啦。食物質素值得一讚，至少我食咁多次，水準都好平均，好好又未至於啦，但本身都唔係為食山珍海味而去，只可以話不能要求更多。最欣賞係個掛烏冬，整體配合得好好，個麻醬幾爽口，烏冬夠彈牙,係唔錯嘅選擇。
繼續閱讀
今日突然好想食烏冬 呢間開咗咁耐真係第一次係到食 呢間好特別係自家同板長聯營 第二間係咪咁就唔知 但勝在可以order下啲壽司唔駛咁dry啦 我哋每人叫了個烏冬 但份量並不多 吃了亦不會覺得飽 上面係吉列豬扒咖哩湯烏冬 咖哩味好淡 而豬扒亦炸太耐好硬身 下面係海鮮蕃茄湯烏冬 蕃茄味亦不久 青口有點苦 而烏冬質感亦不久彈性爽口 整體烏冬水平普通一般除了烏冬 亦叫了幾款壽司分別有親子丼(三文魚厚身 幾鮮甜) 火灸三文魚 火炙醬油三文魚(第一次食挺好味的 可以一試) 香芒軟殼蟹卷(香芒好酸 無咗香芒仲好食 但無意思了)另外仲叫了個海鮮沙律 蟹子頗多 落足料 係個不錯既開胃菜!!!
繼續閱讀
在冷凍的天氣下,任何時間都想來一熱辣辣的食物.令到身體更暖笠笠,所以我多會在冬天吃麵類,米線,鳥冬,拉麵,米粉,最重要是配上熱辣辣的湯底.1)特價午餐-照顧不同客人的口味,有烏冬/定食/炒飯等,熱的烏冬只有2款.2) 乾淨的餐具3) 套餐內包括有三文魚壽司和飛魚籽壽司.4) 豚肉辛辣湯烏冬-我要的主角來了,來一口湯先,帶有少少的辣味和濃濃的豬骨湯,立即胃口大增,而豚肉好嫩和淋身,再來一口湯,飲出蔥的香味.烏冬入口彈牙,喜愛這裡的烏冬,難怪那麼多人要吃烏冬5)牛肉番茄湯烏冬-像肥牛的牛肉比較肥了一點,但牛肉都滿多的,加上有數塊的番茄.而番湯更是酸甜甜的,識合不吃辣的客人和小朋友都吃得到.6)二人午餐的帳單
繼續閱讀
同事一行三人，中午時間1：30去到，望入去人唔多，只得8成人左右，但係都要等成15分鐘先至有位，唔知點解。坐低左之後發現樓面只得3個人做野，睇完menu跟住想落單，叫左個午餐咖啡漢堡扒飯跟汽水，我另外兩個同事叫左其他午餐，炸雞烏冬，落完單之後，我兩個同事分別等左15鐘同20分鐘先至到，我叫的咖啡漢堡扒飯要成30分鐘先至送到，真係唔知點解，咁簡單嘅食物都要等咁耐。碟飯送到面前，多左個味噌湯，以為係餐跟埋，諗住先食飯之後再飲，一食碟飯，淋嘅，一舊舊痴埋一齊，個咖哩又冇味，最惨係個漢堡扒竟然係又凍又硬，心諗已經唔會再有下一次幫襯 ，食左2/3，已經放棄了，冇幾耐，跟住有個女仔走埋問我收唔收得碟飯，我叫佢收左佢，點知一時冇留意（睇緊手機）佢收埋我仲未飲個味噌湯，佢行轉背，我已經叫住佢唔好收，點知佢好似聽唔到咁，已經行左入廚房，之後我叫另外一個女仔同佢講話佢同事收左我仲未飲個味噌湯，跟住佢行左入廚房，之後就一直都冇人理我。我開始火滾了，好大聲咁叫左個應該係高級小小嘅女仔同佢講呢單野，之後佢行左去，再返轉頭同我講話，我個餐應該係冇味噌湯，所以唔會比返我，跟住我先知道原來第一次個女仔夾硬收左我個味噌湯係因為佢地發現比多左個味噌湯我但係又唔好意思拎返，於是就趁我食完飯就走埋黎收野，諗住順便收返比多左我個味噌湯。其實你拎多左黎，咪直接同我講比多左我跟住扲返囉，唔好當我儍，一個就叫佢當聽唔到，另外一個就走左去冇理你。呢間自家烏冬之前已經聽朋友講出左名等野食等得耐，宜家仲要啲侍應生勁冇禮貌。一句講晒冇下次。
繼續閱讀
同朋友都想食日本野，行開見到就入左去，有壽司有烏冬都唔錯，叫左個蕃茄湯底嘅烏冬，朋友就叫左個有天婦羅嘅烏冬，湯底都算濃，個烏冬嘅口感本人幾鍾意，但朋友個天婦羅就好似細隻左少少，其他整體都可以，午飯跟餐有汽水，不錯。
繼續閱讀