自家製韓國刀削麵 (駱克道)

營業中

休息中

The Korean spicy mixed noodles here should definitely be featured in the Culinary Class Wars, I’m not joking. This huge scrumptious bowl of beautiful knife-cut noodles are freshly handmade in house every day. The noodles are super chewy and springy, each strand is perfectly covered in a slightly sweet, vinegary, spicy red sauce, with obvious flavour of sesame oil, as well as some cucumbers, bean sprouts and salad lettuces.There are also a mountain of toppings: crispy Korean seaweed, egg floss, s

之前一路都好想試吓呢間韓國刀削麵，今日趁天氣有少少轉涼，啱晒食碗熱辣辣嘅湯麵啦，餐廳主打唔同嘅韓國刀削麵有湯同埋撈等等，而且枱面上面亦都有唔同嘅調味料，包括佢哋嘅招牌辣醬同埋胡椒粉等等，今日就叫咗朋友同我一齊試✌🏻✌🏻韓國海鮮湯刀削麵使用海鮮高湯作為基底，感受到海鮮嘅鮮甜。自家製嘅刀削麵嘅口感果然非常之彈牙，同海鮮湯底嘅精華好夾，湯裏面嘅材料都非常豐富，其中包括，唔同嘅貝殼類、青口、原隻蝦、原隻大魷魚，蟹等等。食極都仲有，正啊！韓國海鮮辣刀削麵湯材料上面大致上同頭先嗰碗一模一樣，但係呢一個係一個辣嘅版本，但係唔知係咪遷就返香港人嘅口味，所以不太辣，好彩隔離有佢哋自家製嘅辣醬，如果唔夠辣嘅話可以加辣，掂！泡菜蒸餃子以韓國泡菜為餡，風味獨特。餃子皮薄而有彈性，包裹著豐富嘅餡料，一咬就滲透出滿滿嘅泡菜酸辣同香氣。用蒸製方式處理後嘅餃子仲可以保持住多汁，食落口感滑嫩，搭配醬油醋，進一步提升咗韓式傳統風味。

未有機會再次去韓國旅行，今日就先去一間韓國餐廳感受一下韓國的氣氛 😛🔸辣拌刀削麵 $78辣醬很香又不會太辣，刀削麵很有咬口軟硬適中，面上的牛腱肉質很軟很有牛味 😍 配搭紫菜和蛋絲一齊吃超級香！🔸花蛤刀削麵 $78湯底十分鮮甜！超級好味 🤩🤩🤩 花蛤份量好多，完全沒有沙 👍🏻 有湯的刀削麵口感比拌麵會軟一點點 🤏🏻🔸大豬肉餃子 $58這個應該是我吃過的韓國餃子之中最好吃 ❣️ 餃子餡料調味剛剛好，配搭送上的柚子醋，微酸又有少許清新柚子香味，真的很好吃 🥰🤤發現這間的泡菜比其他韓國店的不同，店員說是每日新鮮醃製的，吃下去會比一般泡菜更為爽口 😋 超級推薦！

對韓國嘢嘅印象偏辣同埋濃味，而家香港都有走健康清淡路線嘅韓式餐廳啦！🔅海鮮湯麵 · $128真係俾佢嘅海鮮湯麵震撼咗！材料好有誠意，分別有大蝦，帶子、水蟹、青口、原隻章魚，仲有海量蔬菜同瓜❤️湯底加咗蒜蓉清淡得來又有海鮮味，唔油膩，而呢款配既面係幼麵，幾彈牙😛🔅花甲刀削麵 · $78朋友叫左花甲麵，花甲都俾得幾多，而每一隻都係開口嘅😀呢一款加咗蛋絲同紫菜，湯底有少少唔一樣，花甲嘅鮮味好出😀而呢一款用咗粗麵🫶🏻如果想食濃味少少，可以落胡椒粉調味🔅雙拼餃子🥟 · $58印象中嘅韓國餃子非常之飽滿同多餡料，呢度嘅餃子都唔例外，一辣一唔辣，兩種味都可以食晒☺️

銅鑼灣嘢食選擇好多，依間係親民又大份！首先叫左韓國海鮮湯刀削麵 ($128)，濃濃嘅海鮮湯底，飲一啖湯已經飲到湯底嘅鮮甜，配合大量嘅海鮮，例如有蜆、青口、魷魚、蟹、蝦、貝殼類，加上店家自家製嘅刀削麵，口感彈牙之後仲叫左炸醬麵 ($78)，食落一啲都唔鹹，面底啱啱好吸收醬汁，食落唔會太淋又唔會太乾，好有韓國風味！小食試左泡菜蒸餃子 （$58），諗住平時都係同香港餃子size差唔多，一上枱發覺原來四隻好大隻，餃子皮薄，入面內餡好多泡菜，所以夠哂味！飲品就叫左濟州柑桔汁 ($18)，飲落嘅時候會有濃濃嘅柑橘香氣，但唔會太甜。另外試埋濟州青蘋果汁 ($18)，口感清新，青蘋果味豐富，飲落非常解渴

近日韓式刀削麵掀起一波熱潮，而呢間由尖沙咀開到灣仔，仍然人氣高企！繁忙時間要排隊才能吃到的韓國刀削麵，絕對不能錯過的！今日試咗兩款麵食同埋水餃，整體評價十分不錯。牛骨湯刀削麵湯底以牛骨熬製而成，麵質煙韌彈牙。牛鍵肉腍滑，配有紫菜、雞蛋絲。大豬肉餃子餃子餡料飽滿，蒸餃能夠鎖住肉汁，內有粉絲及豬肉配料。炸醬麵雖然醬汁好深色，但食落係香香甜甜嘅。汁料內有薯仔、洋蔥同鵪鶉蛋，可與刀削麵混和進食。🛎️必試指數：9/10🔆

昨日放工後，我同朋友嚟到呢間近期人氣高企嘅自家製韓國刀削麵。除咗呢間位於鵝頸橋附近嘅店鋪之外，佢哋喺元朗同尖沙咀都有分店。鍾意食韓國菜嘅朋友絕對唔可以錯過。
🐙 海鮮湯麵 $128 海鮮湯麵有各種海鮮，包括蝦、蟹、青口、八爪魚、蛤蜊同其他貝類等，搭配蔬菜同麵條。其中最出色嘅係滑溜溜嘅麵條，吸收咗海鮮湯嘅精華。
🍜 炸醬麵 $78 味道適中，唔會過鹹，令人一口接一口停唔到口。炸醬嘅味道濃厚，同麵條完美結合，每一口都充滿咗韓國傳統嘅風味。
🥓 五花肉泡菜煎餅 $68 煎餅中夾雜咗一塊塊嘅五花肉，味道十分出色。煎餅外脆內軟，五花肉配泡菜超正，吃完十分滿足。🍊 Fraisjus 濟州柑橘汁 $18 濟州柑橘汁清新爽口，甜度適中，飲落去有濃濃嘅柑橘香，非常適合配搭韓國菜。
🧃 Fraisjus 青蘋果汁 $18 青蘋果汁口感清新，甜度適中，飲落去有濃濃嘅蘋果香，係一款非常解渴嘅飲品。

之前同朋友係尖沙咀食過呢一間韓國刀削麵，一直念念不忘，今晚約埋朋友嚟灣仔呢一間分店再食過😆辣海鮮湯麵 $128海鮮份量超多，有蝦、扇貝、蟹、青口、蜆同魷魚，每款海鮮都有幾件，淨係食餸都已經好滿足，加上湯麵係揀咗辣湯底，味道香辣惹味，非常開胃🌶️海鮮湯麵 $128原味嘅海鮮湯麵嘅海鮮量同樣十足，加上有翠玉瓜同蔬菜配合，令味道帶點清爽，原味湯底鮮甜，配埋Q彈煙靭嘅手打刀削麵，鍾意食海鮮嘅朋友一定唔可以錯過海鮮韭菜煎餅 $68韭菜煎餅煎得非常香脆，內裡有少少Q彈，魷魚粒彈牙，口感豐富📌自家製韓國刀削麵 (駱克道) (銅鑼灣)地址：銅鑼灣駱克道397號金禧大廈地舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #香港第一間韓國刀削麵#부자칼국수自家製韓國刀削麵 #銅鑼灣 #海

全港第一間韓國刀削麵🫡啱啱開嗰陣時大排長龍，而家銅鑼灣都開咗分店，分散咗啲人流。🦑🍜 辣海鮮湯麵 $128 份量勁澎湃，勁打卡🤑勁多海鮮鋪滿咗個麵👻我要咗辣味，口味都偏辣🌶️🌶️唔食得辣嘅朋友可以揀返原味海鮮。🐮🍜 牛骨湯刀削麵 $78佢味道唔算好濃，但係飲到啖啖嘅牛骨湯味，同埋佢刀削麵嘅麵質係真係好食啲😚麵條較粗，口感硬少少，比較有咬口🍜🥟🥟 雙拼餃子 $58粒粒餃子餡料都勁飽滿，又大隻👍🏻雙拼餃子係豬肉餃同泡菜餃，兩隻味比較，我反而鍾意原味豬肉餃多啲，泡菜味有啲太搶🤣

身為香港人，今日反而由韓國朋友帶路去灣仔食韓國麵。這間香港第一間韓國刀削麵餐廳，主要供應三樣食物：韓國麵、煎餅和餃子。裝修簡約，好像在韓國街頭隨便進入一間家庭式麵店一樣。雖然只有三樣，但都有不同款式，例如花蛤刀削麵、牛骨湯刀削麵、辣拌刀削麵、豆汁冷麵等，價錢由$58起，有辣有不辣。煎餅和餃子也有幾種口味。我的韓國朋友食得辣，我也不怕辣，於是我們各點了一款湯麵和拌麵，都是辣的，加個煎餅，豐富又好食。🏅辣海鮮湯麵（$128）🏅辣拌刀削麵（$78）🏅牛肉蔥煎餅（$68）韓式刀削麵口感彈牙，無論是放湯還是涼拌都好食。海鮮麵有青口、大蝦、大魷魚、貝類和蟹仔，湯底鮮甜帶少辣。拌麵有牛𦟌、紫菜、蛋絲等，辣度溫和。兩碗麵都大碗份量足，加入了洋蔥和蔬菜，惹味開胃。煎餅煎得香脆可口，牛肉較碎，香蔥絲好吃。平日食韓國菜大都是燒肉、炸雞、部隊鍋、石頭鍋飯或是壽司卷，今次簡簡單單食碗麵，我覺得非常好，下次再來試它的餃子。

收工經過灣仔鵝頸橋底，發現咗間新開韓式自家製刀削麵～ 都全場滿座，所以立即入黎食番餐。 整體都幾大份抵食，值得支持🔥辣海鮮湯麵配料同種類都多，有啲感覺差一點就會滿瀉碗麵。蝦、扇貝、青口、原條大魷魚🦑樣樣都好味😋 紅卜卜嘅辣湯其實唔算太辣，唔會搶走海鮮味道。刀削麵微微彎曲，咬口煙韌Q彈👍🏻 果然真係好食過平時嘅都條🥢牛骨湯刀削麵上面輕輕有幾塊牛展。本身牛味已經濃郁，感覺很養生～ 如果仲想加強效果，輕輕加入韓鹽，牛味重覆刺激令個味蕾，牛味直衝上腦，大大提升味道層次。麵嘅份量過份多😂其實覺得一碗🍲已經夠兩個女仔食了🐙海鮮韭菜煎餅熱辣辣外層脆卜卜，加埋韓式醋，咸咸酸酸，非常惹味開胃👍🏻

位於駱克道的韓國餐廳，到店時全場爆滿，等候了10多分鐘才可以入坐。看來應該蠻好吃吧。一入座，店員就每人奉上了每人一小碟泡菜，可無限量refill。餐廳採取掃描QR Code點餐，我們原本想點他們的海鮮刀削麵，可惜點餐時不能點選，我還不死心的問店員，原來真的售罄了🥲。只好點其他了，最後選了其他兩款的刀削麵，價錢卻更便宜🫠，而且份量很大。店員有提醒選不同的刀削麵可以加一點桌上的不同調味料（海鮮：胡椒粉／牛骨：辣醬）。✴️花蛤刀削麵 $78刀削麵是粗粗的，非常爽口彈牙。湯底非常鮮甜，完全將花蛤的精華都帶落到湯裏面了，花蛤也不過熟，湯麵裏的大蔥／蛋絲／紫菜，令湯底味道更豐富。✴️牛骨湯刀削麵 $78刀削麵跟上面一樣，都是煙韌十足，湯底一喝已經感受到牛味好濃郁，可以說閉着眼也可以喝出來的，還有幾片牛𦟌肉，也是不錯，也是有大蔥／蛋絲／紫菜。✴️海鮮韮菜煎餅 $68煎餅非常酥脆，也吃得出韮菜的爽甜，海鮮也是非常鮮甜，魷魚鬚好脆好新鮮。總結，韓食好多時比人感覺沒那麼精致，不過這家刀削麵，𣎴會過多調味，挺吃得到食物的原味，難怪這麽旺場，可以回訪。

刀削麵唔只係中式先有，原來韓式都有刀削麵我今次就去咗依一間自家製韓國刀削麵佢嘅刀削麵係偏厚身更加似硬少少嘅烏冬而佢食物嘅選擇都好多，我就叫咗個辣拌刀削麵同埋海鮮刀削麵。辣拌刀削麵偏辣，而且醬都比較多所以好香口好惹味。而海鮮刀削麵佢嘅海鮮好豐富，有魷魚，海蝦同埋蟹，如果鍾意食海鮮嘅話就一定唔可以錯過而且佢亦都會有餃子同煎餅，我就叫咗個雙拼餃子，佢有泡菜味同埋普通豬肉味，個人覺得泡菜味更加香辣好食💓💓

今日約咗老公一齊嚟銅鑼灣食夜晚，揀咗之前見到嘅香港首間韓式刀削麵！😆佢嘅lunch 套餐價錢都幾抵，60到七十幾就有一份，下次中午同同事嚟試吓先！我哋今晚就叫咗一份牛骨湯刀削麵，個牛骨湯飲落去都幾creamy ，又唔會好油膩，入面嘅刀削麵好彈牙！湯底仲有菇片添👍👍另一個就嗌咗辣嘅刀削麵，上面一樣有都幾重牛味嘅牛腱，個辣醬其實都幾辣，不過食食吓真係好惹味！凍嘅拌麵食落去更加煙靭，同熱湯刀削麵口感唔一樣，值得嗌嚟試下😍😍另外亦都嗌咗一份五花肉泡菜煎餅😇食落去少少泡菜酸，配埋五花肉食又幾夾！呢度仲有汽水或者韓式燒酒飲，非常適合同朋友一齊嚟添！#香港第一間韓式刀削麵 #自家製韓式刀削麵 #銅鑼灣美食 #灣仔美食

食物 👑👑👑👑環境 👑👑👑服務 👑👑👑抵食 👑👑👑👑特色 👑👑👑👑再來一次 ✔️ 銅鑼灣 灣仔交界嘅一間吾太顯眼嘅舖頭～一行入去就聽到一枱韓國人高談闊論，韓國人認證嘅感覺🤣 都見到吾少一個人黎食嘅客人，感覺好家庭式 好似香港魚蛋河感🍜 餐牌選擇吾多，得麵類同埋餃子 價錢都吾貴，嘢食都大份好食，好正宗嘅韓式小店🎎 雙拼餃子🥟大大隻嘅韓式蒸餃，粉絲餡料飽滿，外皮有口感，絕對要試‼️ 牛骨湯刀削麵🍜湯底清甜 味道吾算濃郁，如果食開重口味人士可能未必啱食，作為吖婆代表 就好滿意 吾重味 又冇乜味精，食落好舒服 炸醬麵🍝不敗經典，正宗嘅味道 同時 維持一貫風格，吾會太過濃味，食就感食曬都完全吾會覺得鹹或者膩 ****誤會大了👧🏻 ar ummmm👨🏻‍💼 👋 👧🏻 haha ummmm👦🏻 你做咩👧🏻 佢好似吾識廣東話👨🏻‍💼 你好想食啲咩？👧🏻 🫣🫣🫣 #自家製韓國刀削麵 (駱克道)銅鑼灣駱克道397號金禧大廈地舖 #刀削麵 #韓式 #銅鑼灣 #灣仔 #炸醬麵 #餃子 #牛骨湯 #大份量