臺坊

營業中

休息中

今日難得出嚟太和做野，中午梗係要食返餐好架啦！行入太和廣場嘅頭幾秒，已經見到呢一間台式餐廳，雖然佢門面唔吸引，門口亦好細，但都無阻我地食呢間嘅決心！主因係佢有冷麵同拌麵供應，唔係淨得飯同湯麵~入到去發現餐廳比想像中大，餐廳設計以木紋磚做主調，呢樣亦係一貫台式餐廳嘅風格，俾人一種質樸、家常嘅感覺。之後，我地一行五人都揀左唔同嘅野食，有拌麵、冷麵同肉燥飯，配料不外乎炸豬扒同鹽酥雞呢類港人熱愛嘅食物。而我個人選擇左麻辣手撕雞冷麵($59)，麵食一嚟到嘅時候，佢個賣相即刻吸引住我，因為色彩鮮艷且分明，配菜嘅份量同擺盤亦恰如其分，好似一幅圖畫咁。味道方面，手撕雞有驚喜，佢係好正宗果隻麻辣微辣，好啱我胃口，所以我幾乎係愈食愈起勁 xdd 餐飲方面，佢本身係包一杯茶飲，但因為我每次去台式餐廳都會想飲珍珠奶茶，所以最後都加左$5 升級一杯珍珠奶茶，味道出色，拍得住街上嘅茶飲專門店。總括而言，$64可以食到一餐咁出色嘅台式午餐，真心覺得抵！

又係唔願煮飯嘅晚上，就諗住用外賣平台嗌附近餐廳嘅野食，近排都無乜食過台式，就揀左臺坊。鹽酥雞肉燥飯份量好足，飯面一半係雞，另一半有肉燥。鹽酥雞調味偏鹹，但保持到香脆算係唔錯，肉燥肥瘦都均勻，又有菜莆粒，加埋溏心蛋，送飯一流。仲有飯量都十分多，唔怕唔夠飽。特級牛肉燥飯都類同，只係換左做日式牛肉，甜甜鹹鹹嘅肥牛都係好好嘅下飯菜。伴菜係涼伴木耳、芽菜、手拍青瓜。認真黎講就唔算好入味，但成盒肉嘅飯有啲蔬菜清一清味蕾都係好事。凍百香果綠茶同凍檸檬紅茶唔會好甜，同埋本身係無冰但夠晒凍，十分欣賞。

經過太和，去左呢間台灣餐廳食野，四五點去都有好多人食緊下午茶🤓🤓太肚餓叫左午餐 手撕雞拌麵 跟餐有野飲🧋🧋叫左百香果綠茶😍😍餐廳幾闊落，坐得舒服，啲野食好快黎尼🤣個麵份量都好夠，啲料都多🤩🤩絕對夠撈哂成個麵，隻蛋好食😋杯野飲都唔錯，好清新🥰朋友叫左紅燒牛肉牛筋麵，湯底夠味，仲有好多配料，白羅白又軟又入味，大讚👍👍👍牛肉都好軟 絕對唔會咬唔開🤣🤣見到佢啲下午餐都唔錯，好多人叫蛋餅，下次再黎試下先😋😋

今日喺太和度想食台灣嘢， 就揀咗臺坊呢間餐廳。之前都食過幾次，都覺得幾好食👍🏻👍🏻👍🏻👍🏻所以今日決定繼續幫襯🤩🥳🤩🥳今日就嗌咗台灣牛肉麵同埋手撕雞肉燥拌麵👍🏻台灣牛肉麵湯底都好有牛肉嘅味道，但係亦都唔會話太鹹，見你成個面都有好多配料，有白蘿蔔、紅蘿蔔、牛肉、牛筋👍🏻👍🏻👍🏻👍🏻紅蘿蔔同白蘿蔔都好入味，而牛肉、牛筋都好冧好易入口🤩🤩😍😍手撕雞肉燥拌麵都唔錯，手撕雞份量多幾多，肉燥嘅味道都OK，而啲面都唔會話好硬身或者好冧，食落都幾好食👍🏻👍🏻👍🏻

夜晚同屋企人食飯，見太熱，唔想行太遠，係廣場選咗呢間。平時屋企人食開呢間多，叫開炸嘢食，或者餐牌特別高度推介個啲。但呢排疫情又復番，叫我費事喉嚨痛，於是叫咗個牛肉蓋飯。天氣又太熱，屋企人就食麻醬手撕雞冷麵。送嚟都覺得已經好大份，再配一杯免費臺式飲品，我都驚阿媽食唔晒。點知佢話一直都叫開，一個食得晒。你有無咁大胃啊？（利申，我無食，唔知好唔好食)驚喜，無諗過咁大份量，最後食唔晒。肥牛正常，飯多，但無汁，不過要食飽同要佢多汁，應該係中上之品。另外係包一杯免費臺式飲品，但無影相。３人食，埋單$182，不加一。依晚餐係商場來說，味道同價值係合理偏上。

話說呢間食店都喺樓下開咗一段時間，主打食台灣嘢。而我自己就覺得台灣嘢比較濃尾唔太啱自己嘅口味。所以一路都比較少食，今日又適逢要叫外賣做午餐。喺樓下逛咗一陣之後決定試吓呢間台食餐廳。今日點左手撕雞肉燥飯。首先講佢啲手撕雞，係真係撕到好碎，方便入口，雞味唔算太濃但亦都會食得出有雞味。肉燥就比較香口，配合白飯嚟食可以話一流。凍檸水少甜，我自己好怕飲台灣嘢因為全部都好甜。所以杯檸茶叫咗少甜，而佢嘅味道就係普通嘅凍檸水。

今日行過太和食午餐，見到呢間好多人排隊，應該都唔錯。等咗一陣好快就入得，叫咗個鹽酥雞肉燥飯，鹽酥雞炸得好香，而且都好多吓，肉燥肥瘦適中，撈埋啲飯食幾美味。朋友叫咗個紅燒牛肉麵，個湯底冇得頂，超級香濃嘅牛肉湯味，牛肉有幾舊，食落去好鮮味，蘿蔔都係好新鮮，唔錯。另外叫咗兩樣小食，海苔炸魷魚鬚，呢個好好味，又好邪惡，由於有啲紫菜喺上面，佢鹹鹹地而且好香脆，煙煙韌韌唔覺唔覺就食咗好多。炸花枝丸都揸得好好，雖然得五粒，但係每粒都好大粒，揸到入邊熱辣辣，咬落去好彈牙，送埋台式飲品好好味！我仲叫咗香芋珍珠奶茶，香芋味好濃郁，同奶茶好夾。

🐥鹽酥雞拌麵$62份量剛剛好，雞粒算多，麵既質地軟硬適中，味道不過不失，小編覺得落少少辣油，反而仲好味😋好味指數：7.2/10———————————————————————🏠 臺坊 (大埔)📍大埔太和路12號太和廣場1樓121號舖#香港美食 #吃貨 #打卡 #相機食先 #大埔美食 #大埔 #台灣美食 #炸雞拌麵#taipofood #taipo #hongkong #hongkongfoodie #hongkonggoodfood #food #foodssss___

有日去開太和做野，見到有間裝修都算乾淨既台灣野，見佢價錢又唔算貴，就入左去試晚餐套餐都係$60-$70左右，今次叫左佢既鹽酥雞蒜汁冷麵同埋濃香奶綠（$59），食物係好味既，鹽酥雞都好有台灣味道，似係岩岩炸起無耐，冷麵既蒜汁都好夠味。套餐份量好大份，女仔一個人食一個餐食唔晒，打包一半第二日做晏晝飯岩岩好實在太飽食唔落甜品，有機會下次會試下佢既仙草凍芋圓但飲品就好難飲，奶太多，無咩綠茶味，唔推薦

太和抵食午餐@台式味道台式炸豬扒肉燥飯配珍珠奶茶$64豬扒大大件啱啱炸起～外脆內軟肉好淋身有肉汁帶少少肥膏勁香配埋個流心蛋肉燥飯一齊食揀直係完美組合整體《環境，食物，服務態度》都好好下次可以再幫襯仲有其他分店😙😙😙

雖然係外賣自取但依然咁高質❤黑色飯盒容量幾大 可以裝唔少飯雖然取餐過程有啲意外 誤將鹽酥雞粒整咗做鹽焗雞絲 店員好好咁幫我換番個餸👍有幸地食到幾條雞絲嘅我可以話鹽焗味係幾足 係雞絲un咗啲xd平均呢度嘅餐都$60up 但跟埋小菜+飲品 性價比幾高🤩絕對可以有下次 試埋佢啲小食。。。🦔👉鹽酥雞肉燥飯 $64晚餐免費跟 珍珠奶茶珍珠飯粒煙煙韌韌好有嚼感😆成兜飯量都幾多下 食哂實超飽！肉燥醬都唔少 絕對係夠撈飯嘅份量 而且口感濕濕綿綿的 唔係好dry嘅肉粒 又唔會好大嚿肥膏 介乎中間 面頭仲有啲菜甫粒👍至於重點鹽酥雞！細細粒都幾多嚿 但唔知係咪外賣cum咗一陣先食 無想像中咁酥🤡同埋唔係厚肉嗰種 口感略乾 但其它餸拉補！🥗每個飯仲有跟小食  小膠兜入面裝嘅份量都唔少！非常爽口嘅青瓜之上係唔少嘅芽菜仔 唔小心咬到啲辣椒絲有種好麻嘅感覺🤪jenggg 本身個sauce都好惹味🥤珍珠奶茶想減糖的我本身request三分糖🤣但佢得少糖/微糖揀 點知少糖出黎嘅茶味都幾濃 整體味道幾平均 唔會好死甜 珍珠唔少又大大粒 夠哂軟糯煙韌 整體我覺得average以上喲🤓

小編番學之前都會食啲野，有時經過公司附近既呢間台式餐廳覺得下午茶都幾抵🥰芝士煙肉蛋餅配珍珠奶綠（下午茶） $42+$5台式既蛋餅真係好難令人抗拒🥰上到枱時好得意咁用個細煎pan仔上碟～打卡一流😬啲芝士已經溶到流左啲出黎，一啖放入口，好幸福既感覺🥰望落好細份咁，但其實蛋餅都好厚身，食晒都幾飽下😬😬杯珍珠奶綠都幾好飲～珍珠QQ der 🤩咁樣計落40幾數就食到呢個set，都幾唔錯架😝可以一試👍🏼

年初五嘅Lunch揀咗呢間台灣野，叫咗紅燒牛肉麵同埋手撕雞胡麻醬冷麵，免費嘅台式飲品都有五款任你揀，包括水蜜桃紅茶、百香果綠茶、檸檬紅茶、古早奶茶同埋香濃奶綠，我哋兩個人都揀咗百香果綠茶，仲可以揀三分甜，幾正。紅燒牛肉麵d紅燒牛肉好大件，炆得好淋好入味，個湯底同面底都唔錯，另外舊蘿蔔好入味好好食，幅相其實係食到一半先記得要影，所以其中一舊紅燒牛肉已經比我食咗。個手撕雞胡麻醬冷麵就麻麻哋，啲雞好”un”，麻醬唔夠，而且佢用隻咁嘅碟裝住，令到我好難撈勻啲麻醬，下次似乎食湯麵或者拌麵安全啲。

終於有時間試吓呢間係太和商場既台灣菜啦，台灣野總係唔會令人失望😜😜入到去間舖都算幾大😊環境幾好又坐得舒服👍🏽👍🏽都幾適合三五知己喺度傾偈食嘢😌😌不過今次得我一個人😂下次先同朋友食啦😜由於我好肚餓嘅關係😆就叫咗一碗麵加一個小食仲有一杯嘢飲添😝估唔到最後竟然食唔晒🤪睇吓張相你就會知🙈手撕雞麻醬冷麵🐔嚟到我都打咗個特😳😳個麵竟然大到咁🙈😅非常足料👍🏽味道唔錯😌本身個面都有做到調味😏加埋佢甖辣椒油，真係不得了☺️辣椒油好香，有少少麻辣味🙈正！甜不辣🐟我超級鍾意食呢個！！！炸過嚟，做到外脆內軟，而且勁煙銀，有少少魚香味，簡直好食到停唔到口🤩🤩🤩仙草奶茶🥤平時都係飲開珍珠奶茶多，難得呢度有得叫仙草奶茶，梗係要叫黎飲下，係台式奶茶啦，加上滑滑嘅仙草😋😋唔錯唔錯😜整體來講呢間都幾滿意，坐得舒服👍🏽，食物又OK🥳而且又大份，有機會都可以再嚟🤩

價錢唔算特別平但包埋野飲～撈麵幾好食 鹽酥雞炸得岩岩好個皮又唔會郁過厚 調味又岩岩好 加埋蟹柳絲同青瓜絲感覺會fresh 啲👍🏻普通台式奶茶唔洗加錢 我叫左杯芽奶茶+$5整體分數：7.4