影片
以上資料只供參考, 請與餐廳確認詳情
食評 (49)
試業被邀請食飯. 重新裝修後,骨子同光猛咗. 亦加自己嘅洗手間, 同多咗一間房間,今日被安排坐房😁房間可以最多放兩張12人枱. 可以做生日,百日宴, wine dinner都唔錯.食物方面,試咗燒鵝,叉燒, 沙律明蝦球,醬蘿蔔,新式蠔餅,生炒骨,炒飯,炒麵,菜同紅豆沙.食物都有水準嘅,侍應有D新手,但都盡心服務.呢度現時係免開瓶費,有正常酒杯,亦提供冰筒. 對於喜歡自携美酒嘅朋友仔就好適合啦👍另外亦提供海鮮來料加工服務,同埋私房菜. 等休魚期後一定要再去,試吓海鮮嘅水準😁
繼續閱讀
今日跟同事前往葵興工作, 一出葵興站即搵到呢間餐廳, 印象中, 幾年前來過一次, 估唔到咁多年, 都好似無乜加價👍 仲是維持係50左右, 一坐低看餐牌, 都好多選擇, 同事叫了一個燒味飯, 我就叫了西芹炒鮮魷🦑烏冬, 食完後, 感覺不錯, 是即炒的, 熱騰騰🔥🔥🔥的上抬, 份量也多, 味道也不錯, 真是性價比高.下次有機會都會再來.🤭
繼續閱讀
本身幫襯開鮮茄蛋飯，份量一直超足料，所以成日食但係今日叫外賣發現啲料少左一半，以前啲蛋鋪滿成個飯，今日打開係好明顯少左好多，打返去同餐廳反映，一句下次補返多啲比你就cut左我線好失望，又少一間餐廳可以食
繼續閱讀
夜晚外賣乾燒伊麵，叫屋企人幫手去攞嘅時候已經覺得份外賣好輕，返到屋企打開睇得半盒！由於住附近以往都會喺哩間餐廳外賣，所以亦都知一貫嘅份量,於是打電話去餐廳同佢講,佢竟然話只係換咗個盒睇落少,份量同以往一樣, 我話比平時下午茶份量更少, 佢話唔覺得有咩問題以後唔會再幫襯！！！
繼續閱讀
今晚約咗朋友，又喺度糾結食咩好，朋友就推薦食呢間，因為佢之前都買過外賣返屋企，覺得ok，所以今晚就決定堂食，呢間舖頭已經開咗好多年，以前喺附近返工，佢都已經喺度，估唔到經過疫情都依然屹立不倒，入到去就叫咗兩個小菜，一個係八珍豆腐煲，一個係薑蔥焗魚腩，因為夜晚又唔係好肚餓所以決定唔要飯，八珍豆腐煲入邊有冬菇啦，鮮魷，炸完再炆嘅嫩豆腐，唔係太鹹唔使送飯都ok，薑蔥焗魚腩都做得幾好，先用粉拍一拍表面，再煎，用薑蔥爆香就唔會有腥味，雖然係用咗腕魚腩，但係雨骨都仲係會有少少，都係要慢慢食。晚餐又搞掂了。
繼續閱讀