興記潮州滷水飯店

營業中

休息中

午飯時間隨便地進了一家潮州滷水館，一坐下未叫野，已有例湯送上來，即係要我食硬你，點了滷水鵝飯，送例湯（不加味精），店內有電視，有得望下無咁悶，鵝肉脂肪也比較多，我估食緊下半身，咬落腍滑，滷水味不夠陳，不醇和不鹹，可以用「無味」地形容，飯粒都軟，幸好我喜歡食軟飯。埋單30幾元

今日(29-5-2011 Sun)爸爸買餸返屋企,佢o係o度買o左盒椒鹽雞翼返o黎,我又打開偷食,好似少o左啲,冇以前咁滿o既?我問爸爸,佢話佢都覺得係,今次比平時快啲.我問係咪唔係平時o既亞姐畀?佢答係.我數吓先,得8隻,以往係10隻,o衣o家少o左2隻,係加o左價定呢個亞姐畀少o左?咁就好貴喎,成$3.13一隻,唔係,係一件,因為雞中翼同雞鎚係斬開o既.而味道呢,o衣o家睇返以前o既食評,原來最近食o既幾次都唔經唔覺咁......冇o左咖哩味.今次重少o左添,睇o黎爸爸以後要少啲幫襯喇.

爸爸尋日(24-12-2010 Fri)買o左椒鹽雞翼同豬扒返o黎,我見有辣椒就驚,爸爸話唔係好辣,咁我試吓先食雞翼,真係唔太辣,味道除o左有椒鹽外,重有啲咖哩味,好豐富.雞翼肉質唔太硬,可以.而豬扒呢,同樣有咖哩味,但肉質實o左啲,感覺呢個差過雞翼.到今日(25-12-2010 Sat),爸爸又買返o黎,但今次多o左蝦,份量都幾多吓,我拎上手時已經知道霉霉地,食落,果然係.不過學男友話齋,炸o野點會用新鮮料咁o徙?如果呢啲新鮮炸起應該唔錯o既.而爸爸話,咁樣一盒賣$25.00,唔理你揀邊幾樣.

尋晚(29-9-2010 Wed)返屋企食飯,見一盒啡啡地色,而煮熟o既家禽,問爸爸係咩o黎?佢答滷水鴨.啊.開飯喇,試吓先,先唔蘸任何汁料食,頭一,兩件冇乜問題o既,蘸啲醋食時,又覺得可以,酸酸地咁;之後又蘸佢再附上o既汁,就覺得鹹.而食到底o個啲,我完全唔蘸任何汁料食,都覺得勁鹹,甚至要倒o左啲汁.而半隻鴨o既份量都唔係好多,鴨仍唔肥.冇問爸爸呢個餸幾錢.

2010年5月4日 ( 3-3 ) ( 興記潮汕滷水專門店 - 1 ) 飲食過程：( 翠華餐廳>夢野家阪燒雪糕專門店>興記潮汕滷水專門店 )荃灣新滷水專門店，久未嚐滷，今晚加料作餸，每斤56元，選購半斤，揀了豬腩肉、牛肚、牛筋及豬腸。你們的滷水汁味道都幾好，食材質素可以，但牛筋唔夠腍，幾款滷物都唔夠入味！( 3分 )鹹酸菜5元一盒，酸酸地又好爽呀！( 3 .2 分 )