興記

營業中

休息中

昨晚係酒店睇完波已經七點幾，原本打算搭個巴士出去屯門市中心那邊睇下有咩好吃的，經過三聖邨的時候見到有間大排檔好多人吃，於是我地計劃不如變化，直接落車去睇下有咩吃😀好多人係自帶海鮮過來加工，因為我個人不太喜歡海鮮，所以我地睇餐牌落單，要了一份例牌燒鵝，椒鹽豆腐，蝦乾小炒皇，白飯一個。燒鵝皮脆肉滑唔錯😋，椒鹽豆腐外脆里軟，好味👍，出人意料的係小炒皇，份量好多，內容很豐富，跟我之前吃過的完全不一樣🤣，味道也還OK的。平時叫三個餸剛好的份量，尼餐居然吃撐了還有剩，叫兩個應該都夠曬了😅😅

食個午餐食物差不得至，仲要職員態度惡劣，師傅用粗口問候客人。啫係咁，我都知到燒味好睇彩數，但D燒鵝第一次就比全部骨，第二次就全部都係膏加骨，仲要個師傅超大聲係廚房講粗口，問候客人，仲叫客人唔好食啦，雖然唔係貴，$65蚊你可能話唔好要求咁多，但咁嘅態度，係連對人基本尊重都無，實在太過分！！！！！建議大家嚟食嘅時候小心D，如果係被虐狂，嚟間餐廳十分適合你！

Seafood is so yummmmmm!!!!! 超級超級滿足的一餐😃專誠搭車入來屯門同朋友慶生，雖然路程好很遠，車費很貴，但吃完這些美味的海鮮覺得非常值得！朋友生日所以我們開大餐，瘋狂嗌海鮮～ 這裡的蝦貝類種類很豐富！而且我們還點了燒鵝，味道超棒！價錢貴，不過預了海鮮價差不多啦！外面有很多海鮮任你挑選，即揀即撈起，又生猛又新鮮！特別推介隻燒鵝！！！！勁多汁，唔會好乾！大家吃完一定會覺得沒有推介錯！

熱愛海鮮既我，要食新鮮靚海鮮當然要去屯門三聖。我地係三聖自己買左啲海鮮去餐廳加工，有大大隻既瀨尿蝦、聖子、花蟹、東風螺，另外係餐廳叫左份燒鵝，同埋炒西蘭花。呢間餐廳好多客人都係買海鮮去加工，佢地唔會呃料，炒啲海鮮炒得幾好，燒鵝都燒得唔差，好香，但略為肥左啲，三聖係中意食海鮮既人一個不錯既選擇。

大部份都無乜問題，係買咗斤半九節蝦去開邊蒸，蒸完出嚟有大半碟都變咗基圍蝦，（圖中畀芫荽遮住果堆）明明買果陣隻隻都腳趾公咁粗，蒸出嚟得返手指尾咁，買果陣果缸蝦無一隻係咁幼嘅，點會咁魔幻蒸一蒸畀人射咗縮細燈咁呢。其時食咗一半，唔方便同人對質，真係唔好受。上網睇返啲食評，先見到原來之前有個拎條老鼠斑去，蒸完都係縮晒水咁，大家買料去整，真係好好留意住自己拎咗啲乜嘢去。最好影晒相，咁佢地就無得走雞啦。其餘買嘢去嘅都無咩大問題，全部都有佢應該有嘅味道同色香，

侍應無文化無禮貌，見你一個人尼又唔係食海鮮，個態度可以衰到叫你坐門口食都得，對住啲去食海鮮既客就烚熟狗頭咁樣，尼尼尼位置任揀？味道唔評論，果度間間差唔多，不過呢間興記（燒味檔）果邊啲大陸啊嬸侍應態度真係差到一個點！

今日去开三聖邨，見几间酒楼都冇开门，於是去幫襯興记。兩个人叫左碟炒粉面加个烧䳘例牌。点知碟烧䳘旧旧都係肥膏.食左两三旧已经經唔想食，成碟留返低。同伙计反影话啲几肥下，佢话係咁架啦！咕唔到興记啲水凖淪落成咁，真係冇下次！

早前同朋友一齊去興記食晚飯，由於好多朋友都有介紹呢間，所以都好想試吓，果然係唔錯。我哋叫咗燒鵝、象拔蚌、椒鹽瀨尿蝦、豉椒炒蟶子、芝士焗龍蝦意粉、鮑魚、蟹、炸蠔等。我哋先去另一間買海鮮，然後由興記處理，各樣食物都煮得好好食。椒鹽瀨尿蝦都整得好出味，鮑魚又唔會煮得太靭。碟蟹都好正，調校啲味道啱啱好，我哋個個都食得好滿意。芝士焗龍蝦意粉不錯，因為有啲會整芝士焗龍蝦時，會整到啲芝士太肥膩，會食到好滯。但佢依度都算整得唔錯。整體上，我哋都好滿意，所以我哋一定要再來依間encore。

第一次到訪三聖邨食海鮮我哋喺三聖邨海鮮街買海鮮,然後將煮法話比餐廳知,比佢地處理，加工費大概係$75/斤,價錢都算合理？油鹽水花甲：粉絲底goooood! 象拔蚌刺身：Fresh 又爽口,最好味係呢個😋豉汁聖子好新鮮肥美,冇沙, 米粉底幾夾+好食.第一次咁食. 不過豉椒炒會香口啲好味啲（因為同行有人唔食得辣 所以叫左豉汁）辣煮花螺妹我一向麻麻地鍾意食咬好耐既野, 所以螺/鮑魚/響螺都不太感興趣🤣不過係幾香辣嘅椒鹽瀨尿蝦炸到好似軟殼蟹咁脆,好惹味燒鵝熱辣辣,但肉質有啲「鞋」 ,有啲失望

興記 (屯門)屯門三聖村熟食亭地下2號舖伏！😨經過見咁多人食，開枱開到出晒門口，以為好西，點知真心貴得嚟唔好食！🤦🏻‍♀️唔通真係因為交通方便/ 檔口開得闊落而吸引到人去？😳💲茶芥 每位$10 💲💲需另加一服務費💲馳名燒鵝 (半隻) $290皮脆，鵝脾位 (7-8嚿左右) 確實啖啖肉！但半隻燒鵝嘅其餘斬件，一係就瘦到得皮連骨 (無鵝肉) 、一係就肥到得塊皮連住嚿肥膏 (都係無鵝肉)….🤦🏻‍♀️😂換言之，$290 半隻燒鵝，雖然驟眼望落大碟份量足，但實際食得只有7-8嚿燒鵝肉…..😅🥲椒鹽鮮魷 $128又係驟眼望落大碟，炸漿大嚿又厚，夾起仲滴緊油😂只食呢碟椒鹽鮮魷炸衣，已經夠飽濟😂炸漿內實質的鮮魷片是薄切，連魷魚鬚真身都係勁幼幼、細細…….😿小評：食物標價進取，以單點半隻燒鵝為例，連加一要$319，只食得7-8嚿鵝肉，性價比十分低！而且基本上小炒係貴得嚟唔好食！😰市場上，收取相等價錢而質素較好、裝修乾淨企理或更有風味的店家唔難搵，唔洗去呢間🙅‍♀️

好耐無黎食海鮮喇今日再黎開餐好幾年前黎過興記加工都覺得幾好今日再來呀~果皮蒸鮑魚呢個真係過火左呀食落好UND果皮黎到見到係黃晒失望呀~蒜容蒸開邊蝦呢個其實OK不過海鮮店話要用大蝦覺得無細蝦咁好食不過蒜容味係幾香的~辣酒煮花螺揀左細螺口感都OK呀而且個汁整得好香好惹味朋友唔食得辣佢都覺得好食呀~蒜容粉絲蒸蚌蒸得剛好個蚌唔會UN粉絲蒜容加埋一齊食PERFECT~蒜容西蘭花想食碟菜平衡下呀揀左西蘭花係炒得幾香不過好大件呀

附近買海鮮去加工，入座時無講過有限時交枱。我地先食海鮮，之後加單小菜啤酒，不夠兩小時，一名態度極惡劣女職員走過黎吩咐我地：「兩小時到，要交枱」，惡女講完呢句，頭也不回走左去。於是我地跟職員及找了該名惡女理論，話入座時無講過有限時？職員話出面無冷氣開張枱比我地喎，惡女惡劣態度亦更上一層樓，就係鬧人要埋單。 本人感到皇恩浩蕩，唔駛錢？乞衣施捨個位？仲要受氣？於是，酒未飲完小菜未食完，大家成吐氣都飽，決定即時埋單離去。「有限時要講明是常識吧？」「三聖得你一間？」棟食客行為極之可恥。

今日去咗屯門三聖村買海鮮，攞去興記加工，其中一條蘇鼠班一斤半，點知蒸完之後上枱條魚縮晒水，細條咗三分之一，我立即叫經理嚟,我話條魚不是我的,我條魚一斤半點解出嚟會細條咗咁多,同埋啲肉又實又嚡。點知經理俾我一個意想不到嘅答案，佢話條魚一定係你嘅，因為全場得你一條魚，仲叫我入廚房睇（我當堂o咀，眼見每枱都有食魚，點解可以咁樣回答，真係當我傻）跟住就話魚蒸出嚟係會縮水，再講話你條係海魚，所以係嚡嘅，真係當啲客冇食過魚。哩間無良店，以後都唔會去。

去咗三聖興記大排檔，一行四人。先去海鮮街買咗澳洲龍蝦一朿聖子，石斑，南非鮑魚，大賴尿蝦，奄仔蟹；一共$2000。去到南記就叫咗半隻燒鵝，燒鵝非常好食皮好脆，澳洲龍蝦就加咗伊麵底煮，聖子我哋買咗一束但係豉椒炒出嚟之後變咗大大碟🤣🤣🤣，大賴尿蝦就椒鹽，我次次都食到個嘴損晒。鮑魚同蒸魚都蒸到啱啱好，非常到位。奄仔蟹4隻，有2隻蟹膏非常甘香甜美。加工費共$1200。果晚我地book左06:30pm入到去都已經full晒，所以建議大家可以預先book位加留定燒鵝。

食到一肚氣 總之垃圾 發現佢呃秤 之後仲要大聲夾惡 燒鵝等成半個鐘又 餸黎錯哂 同女老老闆娘投訴 極無沒禮貌 答係咁家啦 成間鋪污煙漳氣 提提大家 埋單記得check 單 佢地亂計數 不過命係個句有