良之冰室 (已結業)

今日行完山好肚餓,入去冰室填肚,見到有人食星洲炒米,非常靚仔,就叫一碟試下.用咗大約十分鐘送到,係即炒嘅,賣相非常吸引,米粉夠濕潤唔會好似一般店咁乾爭爭,又多料:有叉燒、火腿、芽菜、雞蛋、鮮蝦、香葱、洋葱、紅椒等等,味道又恰到好處,香料炒得好均勻,唔會一舊舊咁黐喺米粉上面,分量夠大,食到飽飽.係我食過最好味嘅星洲炒米,亦令我今天變得特別完滿~必食推介!!良心食店!!與凍檸檬茶絕配!而朋友第二次吃的豬扒米粉餐,也十分有水準!

Geo條👅評分：⭐️⭐️⭐️ ⭐️ (5⭐️最高）雪菜肉絲米配芝士火腿奄列 $43凍鴛鴦 +$3尖椒炒腩肉片飯 $52凍奶茶 +$3唔講大家唔知(nobody cares😂🤣)其實我喺上水粉嶺大，所以見到呢間黃到金嘅良之冰室就嚟結業(做到2月🥲)，當然要特登入去支持吓💛我叫咗個雪菜肉絲米，呢個雪菜肉加咗指天椒，辣辣哋又幾鬼惹味，仲要幾多雪菜肉絲，每啖米粉都有雪菜肉絲🤤奄列不過不失，個鴛鴦幾好飲咖啡同茶嘅比例都啱啱好👍🏻朋友食尖椒腩肉片飯，有尖椒炒勁惹味，腩肉片唔算太過肥👍🏻👍🏻同埋好似小菜咁上，$50幾蚊食到小菜嘅質素，又幾抵食😛

喺佢啱啱開果陣已經想試，不過佢個lunch menu唔吸引我，所以無試過。今次黎到果陣係下午茶時間，中意食炸脾嘅我即刻揀左佢，而男朋友就點左星洲炒米。炸雞脾配薯條 $38 兩樣都係新鮮炸出黎，熱辣辣；雞脾肉質唔叫滑，但又未到鞋，骨位見紅未熟；調味鹹左d。熱即磨咖啡 餐加 $2呢個咖啡除左聞落好香，入落都好正，深深吸引我。星洲炒米 $43下午茶，分量唔多，男仔當lunch唔會飽。炒米炒得夠乾身，而且有d鑊氣，配料唔少，個人幾中意。值得一提，呢度d員工工作態度好好，即使忙，但語氣依然好。

難得去到粉嶺，就試下新開嘅茶餐廳- 良之冰室雞翼沙律好好味，雞翼啱啱煮好，熱辣辣。邪惡西多士，勁惹味。入面好多粗粒花生醬， 食完好想encore!!吞拿魚牛角酥都好新鮮，好好味凍檸茶嘅茶底，令到我飲晒成杯。以咁嘅價錢來講，真係性價比極高。The only disadvantage is that they are not closed to the mtr station, and need to walk a few minutes before we get there. But it definitely worth to go and have a try of this kind of colloquial restaurant in hong Kong !

入到粉嶺想搵間平平記既茶記醫肚 依度真係幾抵食星期一至日午市套餐一樣價錢 $50有找套餐包例湯同野飲 仲要日日都有6-7款揀見佢無論堂食定外賣 人流都好多證明佢真係抵食先咁多客啦不過因為真係多客 侍應們都會比較忙1️⃣焗豬扒意粉(可跟飯)真係好後悔叫左意粉意粉淋得好緊要可以話一叉一卷就會即碎～斷哂比較特別既係 除咗番茄之外入面放左罐頭雜果 又幾得意豬扒方面唔係特別厚 但至少唔會係薄過紙2️⃣咖喱海鮮炒飯D咖喱調味既份量做得幾好 唔會話太過濃亦都唔係太淡我覺得適中 岩我口味而且海鮮嘅份量都幾多 貨真價實啊（影相嘅時候 已經食左一半）總括嚟講 用$50有找嘅價位來講仲要日日有咁多款式揀 呢間茶記真係算抵食啦

黎到粉嶺，今日又嚟咗呢間食早餐一聽個名同埋一入門口就知咩料啦😉早餐來講佢嘅選擇都算多，食物質素就中規中矩，唔會令你失望嘅，下晝同夜晚就無食過喇，下次又試下先！會諗起呢間野就係諗起佢個多士係可以轉做菠蘿包，不過今次食嘅菠蘿包麻麻哋luu🙂btw, 佢個炒蛋係唔錯架😆第二樣值得讚嘅就係佢嘅咖啡可以揀即磨咖啡，質素當然比一般茶記嘅咖啡好啦 🥳其他食物就係正常一般茶餐廳嘅質素啦，不過不失，不過服務的確係比其他餐廳好👍🏻☺️結論：經過咪入去試吓，支持同路人囉

本身想去飯飯包掂食漢堡😋點知下午茶17:00就完了😢可惜，唯有下次再食🤪最後轉戰良之冰室嘆個靚tea😚$38炸雞髀配薯條🍗🍟超大隻生炸雞髀😍😍😍雞髀多汁肉嫩😋薯條熱辣辣🤤脆卜卜🤤🤤茄汁另上🥫$43豉油皇龍鬚炒麵🦑🍝呢個價黎講炒麵分量少咗啲，但炒得夠乾身有鑊氣👍🏻魷魚鬚有咬口☺️本身諗住叫魚柳🐟因為見到隔離枱食有大大塊🤤🤤🤤但又想食雞髀🍗所以向雞髀屈服☺️唯有下次再試😋

第一次幫襯，感覺幾乾淨企理，店員服務態度都唔錯，座位有啲迫，不過食個快的早餐就算啦。叫了基本早餐沙牛通粉配太陽蛋雙蛋，本來想要跟餐的菠蘿包，不過剛好賣晒，牛油多士都唔錯，是厚多牛油均勻，ok好食，可惜個煎蛋太hea, 完全唔係太陽蛋樣，好彩唔算太熟，只能說還可以啦😛沙牛亦只可以叫合格，份量算多，算係咁。杯奶茶好味，抵讚！可以再來俾多次機會，希望早啲幫襯會遇到菠蘿包，同下次會試炒蛋，見隔離枱個炒蛋幾靚仔😋

小插曲 星期日滿座但一入到餐廳 就見到有一張四人枱兩位顧客 起身埋單A侍應就隨即去清理枱面我大住個肚 就諗住企喺門口當時冇任何聲招呼我哋樓面忙 冇人招呼 唔緊要我諗住等A侍應 清潔好 我先入座等待期間 聽到有人入餐廳 佢哋係四位B侍應 就問我地幾多位我答2位 後面答4位佢竟然同個4位講 張枱執緊 好快有得入座Whatttttttt!? the FUC....作為一個大肚婆 情緒係可以起伏好大忍唔住同B侍應講 我哋嚟先ga wor佢先同我講 有張2人枱好快會埋單如果你一開始同我講 我會冇咁嬲 我會理解好想即刻走人 老公即時氹我 叫我唔好嬲Fineeeeee...因為呢間野開咗一段時間作為街坊 我都未試過 深住呼吸等未幾 就可以入咗所謂嘅二人枱笑了 貼住四人座位做咗兩個小菜 中湯冇味精菠蘿咕嚕肉上枱啲汁唔好 遇到剛剛好 汁包住嚿肉咕嚕肉係用咗豬腩肉位置去整好明顯見到佢豬皮小建議可以切走豬皮 留返肥肉同肉因為豬皮炸完之後有點韌咕嚕肉 廚師煮得幾好食 所以清晒剁椒蒸雞 賣相係幾靚仔雞嘅份量都好足夠 蒸到剛剛好碟蒸雞上枱之後 老公係先夾豆腐卜俾我因為豆卜係精華所在 索晒啲汁就正如去到酒樓 雞扎

相信不少北區友聽過呢間茶餐廳，連開張第一日都有tommy 阮民安去剪綵。頭兩三個月差唔多日日都有人排隊等堂食或買外賣。難得有一日見到冇咩人等位，小編緊係入去試下食物質素如何XO醬海鮮炒飯1️⃣海鮮主要急凍蝦、青口、魷魚2️⃣飯係炒得幾乾爽，但冇鑊氣3️⃣飯既量幾多，但就冇乜餸4️⃣唔係好食得出XO醬既味熱檸茶又苦又澀，好難飲，沖番淡d會更好整體來講，食物質素有待改善，味道係普通茶記，如果要排隊就唔會去。

作為北區人，食過咁多間食肆，我覺得要出嚟平反下。首先呢度檸茶真係做足少甜少冰又有茶味，對得起茶記呢個名。個椒鹽鮮魷掛住食唔記得影相，鮮魷夠厚又唔老夠Q彈。隔離枱個蠔餅大過兩個人個臉，我下次一定要試埋佢！至於服務，阿叔阿姐都好好聲氣喎又！我漏低左支酒精阿叔仲提我拎，大家有講有笑無問題喎，有人情味😎雖然咕嚕肉係老咗啲，但佢無臭豬味而且夠晒大啲份量，最尾我哋食淨左兩粒😉總括來講張枱唔笠，啲櫈仲好新淨，枱同枱之間空間都幾大，周圍乾淨企理，食得開心俾錢俾得開心

一月底與同事去咗公司附近新開嘅茶餐廳食lunch，餐廳入面有連豬及Pepe蛙壁畫👍🏻印尼海鮮炒飯（$45）炒飯賣相和味道都好一般，只屬一貫茶餐廳水準😐蔥油霸王雞飯（$58）霸王雞賣相唔算吸引，味道係可以，但雞肉唔嫩，所以都食剩不少；跟配嘅油飯有好濃椰香味，但口感偏硬，又係食剩😐另侍應上菜時手指掂到油飯😓熱杏霜/ 熱奶茶兩杯熱飲味道正常，不過不失！食物質素好一般😐而且可能新開張關係，感覺有啲混亂，就連餐具都無分類，放埋一堆就算😐希望餐廳嚟緊可以改善及提升食物質素！

試左早餐，沙爹牛肉麵，味道都ok, 但落單時，因為講錯左，要阿姐寫過，就面露不悅，之後一路食，幾個阿姐就輪住來執野，我自問食野都係快手快腳既人，唔係慢慢歎果種，但食個早餐，就來執左幾次野，好想快啲趕你走咁，我見出面有人開始等位，但我地唔係坐係度嘆茶唔走，根本野都未食完，已經有好大壓力感。收銀果阿姐定唔知老闆娘，一路好大聲講野，真係有點。。。趕客。沙爹牛肉麵ok，Coffee可以， 奶茶一般，午餐肉同雞排唔好食。午餐肉好粉口，雞排應該落左d粉炸，唔岩我口味。座位都舒服，但阿姐服務態度要改善一下。

又再特登搭車過黎食 上一次過黎食岩岩開 下晝黎好多野都賣晒 上次食左炸脾都夠脆，夠大隻，夠入味 ！見佢個餐牌好多野食架 好多野都想試茶記竟然有水煮系列 又有廣東牛什粉麵晚市又會有小菜所以決心會再返黎 今次有常餐啦 食左沙嗲牛米 個沙嗲味真係幾好 牛肉都足料 火腿奄列都唔錯 佢原先係跟芝士火腿奄列 但我麻麻食芝士同個職員講 佢都好細心幫我走左芝士個多士就唔個係咪我哋坐正個風口位好快凍左感覺上可以再脆d $42蚊一個常餐 夠抵啦 呵呵~同埋叫左個星洲炒米星洲炒米一黎就聞到好香 有d辣 夠惹味色香味俱全 凍檸茶同奶茶就正常啦茶記黎講坐得舒服呢個價錢呢個質素覺得好值呀 會再返黎！

見到聯和墟有新開將嘅餐廳，於是同朋友們去幫襯一下⋯首先，在門外排隊等位，有d混亂，希望餐廳有所改善一下⋯其次，在內叫嘢食落單嘅時間比較長，雖然店內有好多人手，但等waiter過嚟落單時間比較長，等了差不多10分鐘，先有一個waiter過嚟落單⋯然而，等待食物嘅時間又等了差不多45分鐘有多，食物質數普通，不過不失⋯期望餐廳改進一下以上問題⋯