良友冰室

營業中

休息中

琴日去深水埗咁岩路過見到間冰室好似幾靚，就行咗入去食晚餐，味道真心唔錯，我叫左個瑞士雞翼，色香味俱全，上菜又快，極力推薦👍👍👍下次應該仲會去幫襯！唯一問題冷氣吾算好涼，但應該係成個深水埗算係唔錯嘅餐廳！

其實我是住附近的，恆常都有叫外賣的習慣今日亦一樣我選擇了呢間良友冰室，12:11pm落單，點了常餐要吉列豬扒另外個麵加＄4轉出前一丁凍檸檬茶少甜，跟著12:20pm打電話同我核對地址話宜家送來，結果12:50pm送到(其實來我屋企不到5分鐘路程)，當我打開個外賣時我發現杯凍檸茶是沒有冰的而個麵已發脹、無湯、無色、無麻油，還沒完，當然即時致電投訴,接電話個阿姐,非常不耐煩地回應得啦、知啦，做過比你.....收綫！出奇地快10分鐘我門鐘已響，當下我很欣慰，個外賣阿姐還不好意思前唔好意思後，不過好笑的在後，當我打開原來呢間野所謂做過的是一杯凍檸茶(正常有冰)及一碗淨湯另外加一包麻油！係深水埗區一個常餐收$50唔係問題，問題是比D乜野收得起呢個價，一間餐廳錯做或遲做小不免，但連做過一個麵都咁小家我都係第一次見，結果當然我係唔會辛苦自己，還打算寫完此評後送番個麵請佢地食！

我係住樓上既，有時就懶得行或者趕時間就逼不得已食哩間野。佢新開張既時候不知幾差，落錯單、漏單、服務差，仲話XXX賣曬，根本就唔夠材料，參差不齊。之後我隔左好耐先食翻哩間野，雖然佢的確有改善，服務好左少少，但我覺得真係唔值得咁貴囉LOL。另外，我時不時都會見到d餐牌好痴lublub，台其實都唔係話maag得特別乾淨。最重要既係，到哩刻，佢仲會漏單，等野食等到食完都未到！！！如果佢降價或者我都會覺得抵食既 因為味道又冇話好差。>

每一間餐廳除咗食物質素之外，其實服務都好緊要的，冇諗到只是一間茶餐廳，都可以有這樣的服務，前幾天老公帶了我去這間冰室，初初都唔覺有什麼特別，所以都沒有特別影相，我們點了麻辣雞煲(少辣)因本人唔係好食得辣，另叫了黑椒薯仔牛柳粒。當食第一啖雞煲時已覺得有辣的感覺，因煲住個雞煲所以會越食越辣， 後來老公便和老闆講個雞煲真的很辣呀？ 老闆真的好好人第一時間說那我換過個雞煲給你們吧？ 再解釋給我們聽因師傅是用大陸的做法， 所以他們做的方法會稍為辣的， 還不停說不好意思呢? 老闆還送了兩杯飲品給我們啊！ 至於薯仔牛柳粒都幾好味呀！ 當食完後老闆再問我們今次個雞煲仲辣不辣呢？ 仲講多一次不好意思！ 另外坐我們隔離枱的人好像落錯單， 而老闆竟說冇所謂啦既然都落錯了就請你們食吧? 雖然這間只是一間茶餐廳但老闆非常友善服務態度比酒店還要好呢？ 果然叫良友冰室冇改錯名！

星期六難得放假，便一早外出去食個靚早餐，去左呢間新開既茶記。當時茶記唔算full house,被"阿姐"安排坐左廚房出餐位附近，坐底不久Menu還未睇完便被催落order,等左十幾分鐘還未上餐，連忙叫"阿姐"跟單，"阿姐"聽到然後腳都無停，一支箭直衝去第二台送餐，見佢行來行去完全唔似有跟過我張單，隔多5分鐘我又催多佢一次，今次又係腳都無停一支箭直衝去搞其他野。火都來埋，我直接去廚房問有無落order,佢地話無。後尾有其他職員見到先過來再問我食咩野。Thank God 終於有碟食得下既蕃茄牛通送來，碟蕃茄牛通得過4塊牛，都是但喇，又聽後面廚房出餐位班伙記為送餐吵吵鬧鬧，打仗咁款，都算，我只係想快手食完就走，點知原來仲有高潮位，食食下既時成個背脊比個阿姐用杯熱水倒濕左，我已經唔知講咩好。。大佬，食個早餐都可以咁多"驚"歷,呢間野真係要"高度推介"比鐘意驚吓野既朋友去一戰。

又是不能推的飯局，又想去又想不去，矛盾得很！ 未到步前聽到同一番說辭說這間冰室超好吃，超抵，超xx… (沒其他形容詞了嗎 ) 去吧去吧～伙記十分熱情招呼，剛坐下就問我們要中湯還是西湯（好像是叫什麼餐都有~）中湯是佛手瓜紅蘿蔔湯，材料豐富，清清甜甜西餐就是羅宋湯，但味道稍酸~黑椒牛扒腸仔伴飯~ 普普通通，牛扒挺軟的但沒吃出有啥鬆肉粉味呢蝦頭油韭菜花炒腩片~ 份量不算大，但我吃都絕對夠飽。我之前未吃過蝦頭油的餸菜呢，吃下去充滿蝦的香味。薄薄的腩肉也預先略煎過，兩邊都煎成脆脆的金黃色，只是韮菜花稍為有一點點老，如果換些嫩的就perfect了豉椒班腩炒麵~ 炸完的炒麵淋上豉椒汁，脆口又惹味，加上軟軟的班腩，還有豐富的配菜洋蔥青紅椒，挺不錯吃飯中途，某人說今次沒上次那麼大碟那麼好吃那麼xxx … 倆人還差點為旁桌魷魚鬚的份量而吵起來呢…其實這冰室裝修明亮，座位尚算寬敞，星期五晚也不太爆（不會催你走），伙記熱情招呼，食物質素中上，我覺得是一個談天吃飯的好地方。唯一缺點是距離地鐵站有一點距離。放假想不到去那hea時可能會再來

今朝約左班同事去良友食早餐，平日食lunch就多，未試過食早餐，原來都幾多早餐款式～價錢$22-38不等～可以接受～叫左個典型早餐，火腿通粉配腸旦多士，多士有少少驚喜，係蒜茸多士上面再加左d香草～～賣相不錯～都ok好食

下午茶時間黎左呢間食tea,一入到去無乜人，周圍望下個裝修又唔錯喎，好新淨~我點左炸魚柳併蒜茸多士加熱奶茶，個蒜茸多士唔夠蒜茸唔夠味，但個炸魚柳都幾厚，第一次食呢個厚度既炸魚柳咯!~奶茶都唔錯，All in all, 係會再幫襯嘅~

市面上突然出現極多冰室，深水埗已見老爺、老鳯、南昌，這又叫良友冰室。蝦醬豆卜蒸腩仔，大碟白飯配幾片菜，坐在大間茶餐廳內吃大碟飯，感覺自己活像地盤工友🙄。資料顯示這家餐廳不算新開張，但質素及份量算是頗為均真，腩肉挺多，足以伴吃大碟飯，不瘦半肥，但又不算肥膩到滴出油或吃到呆滯。茶走的味道也是相當不錯，茶味夠濃郁，煉奶不算太多，不會變得非常之甜。座位舒適，卡位寬敞也不強迫你搭桌。質素不錯，礙於附近太多選擇，再臨機會還是不大。

我叫了個E餐早餐，等了半個鐘，面和茶一早到了，但包蛋點叫都係無，由于遲到，不停等，服務九流，平日食早餐絶不能去這間，講真,今日真係多人，人手不足，好多人八點幾先返工，有無搞錯！

落單又慢，又漏單，又成日落錯單，食物水準一般，價錢又貴侍應服務態度差，叫極都扮聽唔到，睇唔到，遲遲都唔過嚟落單唯一可取嘅係可以用八達通埋單，同埋新開張，裝修比較乾淨