良友快餐 (已結業)

食慣快餐店嘅朋友，都應該知道快餐店咩所有食物係咩嘢嘅貨色，由於今日公事繁忙，所有冇辦法抽空出外食飯，只可以打電話叫外賣，咁我就唯有叫快餐店嘅外賣，叫咗一個黑椒牛扒飯+凍飲，total：$40元，好老實講，個人覺得如果黑椒汁係食唔到黑椒本身嘅辛辣味，其實就真係好唔合格，不過點都好過其他嘅快餐店，將黑椒碎灑落D茄汁裡面就當係黑椒汁，真係太過兒嬉，所以呢度嘅出品都唔算係太差，但就冇咩味道可言，牛扒用食粉醃得有D過咗火位，咬落雖然肉質係淋，但就食到一陣好苦嘅食粉嗰種味，而且牛扒係雪藏嘢，肉味肯定欠奉，飯粒就可以，杯凍奶茶夠凍，甜度、奶味同茶味都過得去，所以叫親快餐店嘅外賣，其實都只係因為貪方便，三十幾四十元一個飯餐，已經算係咁，不能太過苛求

常常經過都好想入去買個飯，睇落好似好夠鑊氣，點知望真啲，入面個個廚師不輪男女都係咬住支煙黎煮嘢，有時有點著，有時就咬住唔點著，畢竟都係食店，見到入面咁嘅境況真係唔多想買，好驚會食到煙灰

呢間野每次經過都想試一下，但每次都食野時間都遺忘左佢....佢係啲舊式快餐外賣店，門面唔太起眼...今日終於記得佢喇，就買個外賣番去試試！睇左一陣，決定唔叫佢個快餐，叫左個味菜牛柳絲炆米味道不過不失啦！但好有鑊氣架！但晌旺角...三十幾蚊晚餐..仲想點？！唯一可能會令人卻步啲..就係好多油呀😂不過有下次架，夠抵食！

若然 Anthony Bourdain未仙遊, 相信他會坐在舖前, 拍攝幾個 shot.  這裡就像他喜愛的重慶森林的外賣店, 不過更加地道, 更未被發現.下著大雨的悶熱早晨想來一杯凍鴦鴛, 時間緊迫亦不能選一家茶記吃接近$40一份的早餐. 路過天橋底下這店, 覺得應該衝出 comfort zone試"新嘢", 大不了只浪費一個早餐 quota.$28有凍飲,有雪菜肉絲米, 味道正常, 價錢合理. 我喜愛這家孤芳自賞的重慶森林.

外賣一流屬於香港人的快餐店炒粉麵飯好好食 選擇極多尤其是西炒飯我個人喜歡滑蛋叉燒河鍋氣夠 外賣有速度 品質有保證即是「快靚正」價錢係宜家算平仲係三十尾 四十頭送埋外賣咁嘅價錢仲想點？奶茶、茶走都好飲 夠茶又夠奶早餐冇飽餐，但我會散叫散叫黎講貴過麥當勞但奶茶或包都好食過m記鋪都開左好耐，難免衛生會差少少老鋪都係咁樣啦鋪頭唔休做，所以星期日唔開職員都係香港人態度😂Ok啦利申：由細食到大，希望佢屹立不倒，長做長有

食咗呢間幾年，一直都平平無奇，沒有什麼特別但過去一年，食物離奇地難食了早兩三個月，突然煮食的都轉了一班新晉的班底他們都比較後生，煮出來的食物是好食好多好多到今日，落去買野食，發現班底轉返D老臣子返到屋企食，咸到死，要自己加水沖淡少少，但已經入咗味的沖唔到幾多我大哥更頂唔順，只食咗幾啖就唔食LU總結︰要食既話，似乎等煮食既係年輕人先好食

食o左呢間快餐成個月水準都好穩定出餐又夠快份量又夠多菜遠牛肉飯$ 22 - 汁多 肉夠軟熟但有咬口 飯份量亦足夠午餐 $20 菠蘿魚柳飯 - 菠蘿用扒爐熱過 魚柳炸都外脆內軟 厚度亦好足 跟好多茄汁唔會乾身 黑椒洋蔥牛肉飯 - 牛肉夠多 汁夠香 洋蔥亦覺得新鮮唔澀魚香茄子客飯 $29 - 汁多 餸份量夠 不過食都最底先食都咸魚 算係美中不足飲品方面亦有一定水準等外賣仲可以睇個廚炒功老闆講o野又夠風趣!

番緊PART TIME肚餓同埋另一個同事叫外賣叫開個間唔聽電話於是就試試呢一間啦叫左一個洋蔥豬同埋一個咖哩滑雞連兩杯凍OT TOTAL要$57我就唔覺得平啦.可能因為住係深水步大把飯盒平過佢十五分鐘左右送到我同事一打開佢個洋蔥豬打左個突因為唔係跟洋蔥汁......我自己個個既咖哩就幾好係D雞差左少少都唔係滑雞.....只係普通有骨雞塊有D失望凍OT就不過不失可以接受

今日上午去左睇牙醫，跟住就趕返工 所以就無得坐得舒服d咁食個午餐啦落左火車就行左黎呢間「外賣店」度買外賣~ 未到前，我已經諗定食d咩 這是我第一次來幫襯，行到店前，見到個疑似老板既男人...佢個造型都幾嚇人架...不過，當我問佢有無我想order既野時就發覺...原來佢都幾nice既 最終，我買左﹕「滑蛋肉片炒河粉」，$ 26﹕都唔錯噃 肉片都幾好食，唔會太硬，又唔覺落左好多鬆肉粉，pass 滑蛋獻都唔錯丫，滑嘟嘟咁 起碼唔會漿住個口 整體既味道都幾好，份量都唔少架「蛋治」，$ 8﹕以呢個價買到既蛋治，蛋既厚度、味道已到可以接受兼有找既程度啦~下次如果又要買外賣返「工廠」，而家有多個好選擇了

行過買左個廈門炒米($18)加多2蚊仲有埋例湯湯渣唔少而且味精唔算重廈門炒米新鮮即叫即整叫佢少油真係做得好好配料份量剛剛好有芽菜,火腿絲, 肉絲,雞絲,味菜等等加埋茄汁甜甜酸酸好開胃不得不讚佢地服務雖然order多但唔會粗聲粗氣伙頭大哥又會每煮一個就洗下鑊先煮十分乾淨企理

(2/6)紅雨的日子都唔知道去邊度食好!?據聞良友快餐出名快速送外賣,咁就試一試先….叫左乾炒牛河加個紅豆冰,埋單都是廿幾蚊到,低到爤啦!重有埋送貨….由Order到我面前都不需8分鐘,真是唔知佢點做,有如此的速度!不過送外賣果位哥仔的態度應該要改善一下,佢”惡形惡相”咁!好似嚴氣我叫得少野咁禍….,不過我都唔理佢啦….這個乾炒牛河實在是好食,有鑊氣之餘油量不多,牛肉不韌,河粉夠彈牙,最後嘆番杯紅豆冰,感覺實在妙不可言!

12月22日沒有叫好景之後,凌晨時分就只有良友還在營業,相比之下,無論食品既質素,以致接外賣那位人兄的態度,都比前者優勝,飯盒最抵價:十六元便有一盒,加二元就有埋熱飲,真係平通旺角,某天剛剛出了薪金,決定豪一豪佢,叫了二十二元的醬爆椰菜什會走辣加例湯,約十五分鐘後便送來了,立即急不及待打開來吃,嘩!一盒飯再加一盒「食送」,熱辣辣啊!!味道是棒的,而且份量是兩人前,用平靚正來形容也不為過,不過,正所謂:「龍肉食得多都無味」,何況我不是食龍肉,而且已經食了兩星期有多,每次要叫吃時,也是苦惱萬分,未來日子還是要繼續吃它,再好吃也會麻木吧!!

公司在旺角, 有時叫良友外賣的下午茶餐.個人推介炸雞脾加菠蘿冰果個餐, 隻雞脾勁香, 仲只係十五元.(但好似分開叫仲平, 隻雞脾都只係八元, 菠蘿冰都係六元)佢飯款, 飲品同埋小食真係平通街, 真係幾蚊就有交易, 食飯飲埋野都係廿蚊有找.

非正式統計，良友同家家樂係本地兩大平價快餐店的表表者，油尖旺深水步上環西環都有佢地踪影。早排落油麻地、旺角影野，都幫襯過呢度同油麻地良友的外賣飯盒幾次，未講食物質數，價錢是平霸無敵價，無論乾炒牛河、肉絲炒麵、星州炒米都係15蚊，炒烏冬就貴些少要20蚊。另叫熱飲只4蚊，涷飲多1蚊。日日都有特價午市飯盒，真係平通全港九。雖然味道只一般，但要出外勤，快快手求其一餐的話都不失為好經濟的選擇。