良品

營業中

休息中

夜晚難得一個人食飯，叫左個期待以久既小邊烤魚(可選鲩魚、魽魚)，我選了魽魚，貪佢D肉應該會滑D。食落雖然冇預期既滑，不過不失。，如果想食大啖肉可選鲩魚。我選了麻辣小辣，好味, 夠野味同辣，不過少配菜(得好少黃芽白，少少蔥 ，多蒜，岩我呢個蒜怪，烷茜)。另加配菜每款要$18，我加了木耳，量也不太多，剛好可食晒所有野連骨都完成。一個人剛好食得飽飽，賣單$166，滿足。如果有人陪，天口熱，叫番支啤酒啤啤佢仲爽。

酸菜烤魽魚🐟($218)侍應推薦既烤魽魚，魚骨比較少，食得放心👍🏻，可惜魚肉偏硬，口感麻麻。而個酸菜湯底仲衰，酸菜得個鹹字，辣度又冇😫，個湯唔夠重口，連帶魚肉都唔入味。-藥材雞煲🐔($138)藥材雞煲上枱既時候見到好足料，點知滾起之後試飲一啖，冇味啊大佬😂，得個樣！好彩雞件半隻都幾足料，滾完之後啲肉夠滑夠肥美😍，彌補返湯底啦。-只係叫左炸芋頭做配料，等左半個鐘都未有，最慘係乜？咬落去係酸臭既🙂。仲慘係乜？侍應丫姨堅持話冇問題，係司令食唔慣芋頭陣味😂。冇下次啊唉！

其實好耐前都想試呢間川菜，但上次嚟見水靜河飛就即刻走人，今次又經過見都有幾枱客喎，即本試吓啦！店員推介孖寶好抵食，咁就食孖寶啦！本來佢哋SET係雞配蒸魚($218)或者係烤魚配花甲／蝦($238)，但我哋想食烤魚配蒸龍躉頭腩，店員話無問題，價錢都係收($238)！！真太好！另再加多個辣子雞($78)！！酸菜烤魽魚 － 魽魚煎炸得非常香口，肉質滑溜，魚骨魚頭都好入味。雖然湯底揀小辣但都幾辣吓，味道濃郁。配菜有大豆芽，木耳，少量萵筍，如果可以配埋薯粉會更加好。食到咁上下，個湯汁越來越濃，配菜吸晒精華，所以變得頗咸，其實佢餐牌都有不少火鍋料，如加料打埋火鍋應該不錯，不過我哋得3個人，所以都係留番下次先啦！蒸龍躉頭腩 － 呢個出乎意料之外喦嘅好食，魚肉非常滑溜，味道調配得唔錯，帶有鮮甜味，伴有木耳蒸魚，可以減低油膩感覺。辣子雞 － 味道可以，但又唔係話好出色，辣味唔夠多，呢個辣子雞直頭係雞件，唔係雞丁，我個人覺得大件咗D。可能係雞件關係，會覺得炸得唔夠香脆乾身，如乾身一D應該會比較惹味香口。另外呢度仲有其他小菜同串燒，下次多D人再試試！

12月31日，打算去吃烤魚興祝新年~ 記得這家“良品”! 剛好這家裝修，說要1月1日才開! 後來致電老闆，他也答應提早一天營業^^ 開心死了!! 這是烤魽魚^^ 這是火鍋底，點了小辣，但辣度很夠了，再辣就吃不了。味道湯底做得不錯，未吃都流口水＞＜ 不過，魽魚比較無魚肉，魚骨香口，但就無肉感! 感覺就是魚骨魚骨跟魚骨 條魚貴了一點點~~這個一定要點來吃!! 我叫了2碟了!! 這是紅薯粉~~ 粗的才好吃~~ 放入辣湯入面煮一煮，1分鐘食得^^ 滑滑地，不會“un”，好好味啊^^~配左碟牛肉食，片數好少，又好貴!! 肉質係唔錯，脂肪分佈都唔錯了，比出面打邊爐都比較好吧!! 但不值得叫來吃~~這是配角，隨便吃的~ 還是好吃的吧! 牛柏葉不建議吃這麼多~ 不健康這是咕嚕肉，這家的咕嚕肉做的不錯啊! 色澤，味道都很不錯! 熱騰騰的上菜，即叫即做^^ 這些肉都沒骨，很有肉感，挺好的吧!

一心諗住黎石塘咀食魚鍋，點知黎到，轉左手，唯有膽粗粗試下啦！先叫左啲小吃先一試，又唔錯喎，全部都大大碟，價錢又唔貴！如果飲酒人士，重點推介，辣子肥腸，送酒一流！魚鍋出場，我地六個人，所以叫左要大邊，黎到真係好大條，真係物超所值！味道野味，配料又夠！6個人都係食左4百約蚊，超抵！！！