12
0
0
| 餐廳: | 良茶隅 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵南昌站 A 出口, 步行約2分鐘
繼續閱讀
付款方式
其他資料
無障礙設施
詳細介紹
以上資料只供參考, 請與餐廳確認詳情
本月三日下午大約三時，本人與剛放學的六歲兒子途經此店舖。由於本人想去洗手間，所以着兒子先坐下等我一會兒。我離開兒子的時間不足3分鐘，回來後看到兒子站起來正在哭泣，並正想拿起書包，然後我問他發生什麼事。他驚恐地說：「有位姨姨鬧我……」並開始大哭起來。然後我疑惑地問他：「什麼姨姨？她跟你說什麼？」他說：「她說我不能坐在這裏……」他不停哭泣著。我左望右望，才發現椅子左側貼了一張像手指般幼及短的標籤標示這座位是給貴店顧客坐的。然後我對他說：「我明白了，應該是姨姨告訴你不能坐，是我們不對。她不是很兇惡吧！」他哭得更加淒厲地說：「佢好惡咁鬧我啊！佢仲話我《呢個學生真係唔聽話……你耳仔係咪聽唔到嘢㗎 ？》……」然後他說不下去了。之後，我見這位姨姨不停在附近踱步及講電話，亦留意著我們，我便一直替兒子抹眼淚及直接站在店舖門口。等那位姨姨傾完私人電話回來後，我直接問這「姨姨」職員：「頭先係咪你同我仔仔講唔可以坐喺度？我知道坐喺度唔啱，但係我留意唔到你張標籖。就算真係唔小心坐咗，你都唔應該對我仔仔咁惡吧？」她極力否認說：「我冇好惡鬧佢喎，我淨係問佢點解坐喺度咋！」「我仔仔仲話你話佢《耳仔聽唔到嘢喎》！你使唔使咁樣對個小朋友呀？」佢繼續否認：「我冇咁講喎！你仔仔對耳仔咁靚點會聽唔到嘢啊？」呢位姨姨好明顯早有準備如何回答我問題。由於我們有事趕着離開，所以無暇跟她爭辯。作為母親，我感到十分憤怒。1. 若座位屬於貴店的，煩請貼一張大大的字條告訴經過的途人勿坐，而非貼一張小小的標籤在旁邊不起眼處。那標籤是要坐下後向左望才望到的。2. 貴店的職員質素真是相當低，竟然可以兇狠地責罵一個因不小心坐錯貴店椅子及未懂事的六歲小朋友。莫說服務態度，連基本的待人接物態度及同理心也沒有。3. 若貴店職員真的沒有「兇惡地」斥責我兒子，他不會在短短3分鐘內，便淒厲地哭泣，並打算拿起書包離開。若我不是3分鐘內出來，而我兒子走失了，貴公司如何負責？當然貴公司可以推說家長沒有看管兒子，而非貴公司的責任。4. 貴店職員做錯事後還矢口否認，完全沒有歉意，對貴公司品牌失去信心。
繼續閱讀
又黎到附近上堂 未夠鐘就周圍行下 Vwalk真係好多新嘢本身都冇諗住買嘢飲 經過見到呢間茶店就入嚟行吓睇吓 啲飲品好特別 平時飲台式珍珠奶茶就飲得多 呢間店嘅茶就未聽過 玫瑰花陳皮普洱玫瑰🌹 陳皮普洱玫瑰花香 加上陳皮嘅甘甜 飲落去唔會好甜 全天然 無防腐劑 無人造色素 無人工調味 好健康同個店員傾開先知道原來第一間店係2013年沙田嘅時候開嘅 （唔怪得我未見過）原來個品牌都開咗有6年😅 店員好好吹水 係咁同我介紹邊款茶啱我🤣 都唔貴 下次可以再試下其他 有益身體👍🏻
繼續閱讀
上次我經過見到呢間舖頭一開始我仲以為係普通台式飲品店黎，點知今日再次經過睇真啲原來係一間涼茶舖黎架！我一行埋去睇下有咩好飲嘅時候，個銷售姨姨就好熱情咁招呼我，為我介紹下成間舖有咩好飲，仲同我詳細介紹過每一種涼茶有咩功效，邊一隻岩飯前飲，邊一隻岩飯後飲，仲同我介紹左成個品牌嘅歷史!無諗過一個銷售姨姨都可以咁熟識自己做野嘅品牌, 係佢帶動下,我買左洛神花同幾枝冷泡茶飲, 冷泡茶真係幾香幾濃, 30幾度嘅下晝買番枝飲,飲完成個人都都爽啲, 跟住洛神花茶一飲成個人又係醒神晒！而且無額外加糖，飲落更健康
繼續閱讀
時代變遷，連涼茶鋪都要與時並進～有日行開街，經過呢間小巧又吸睛既鋪頭，一望之下原來係賣各式各樣既涼茶！即係平時街鋪嗰啲一碗碗既涼茶！但呢度有啲唔同，就係佢唔係用碗去裝既，係用好靚既玻璃樽去裝～又時尚又環保～因為天時暑熱又想養下生，所以就同朋友研究下買咩飲好～結果叫左玫瑰花陳皮普洱茶同白蘭花茶（各$30）佢係人工製作既，兩支飲落去都係好清淡，感覺佢係少糖健康為主。普洱茶呢支既玫瑰花既清，陳皮既咸同普洱既香相輔相成👍白蘭花茶就好甘香～清熱消暑岩晒！
繼續閱讀
覓食V Walk的第二撃，食完一餐西餐未夠喉之際，看到一間幾特別的飲品店叫「良茶隅」，好吸引的門面，好特別的店名，覓食之餘也要長知識，查核一看這個「隅」字，原來是角落的意思，那就是良茶角落的涼茶店，而原來這間深水埗分店已是第五間分店，以為涼茶應該只有火麻仁，廿四味，五花茶咁，原來佢地還有冷泡茶。叫了玫瑰花陳皮普洱茶如酒瓶一樣的樽裝非常吸引，甘香清甜，玫瑰香味較清啖，反而普洱茶味比想像中清香，在V Walk 有這間人工茶分店，是推介給老中青的時尚茶品👍👅美味: ⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆♂️服務: ⭐️⭐️⭐️/5
繼續閱讀
您可能會有興趣的...