良記餐廳(老鳳冰室) (已結業)

之前喺YouTube睇xx男女 决定要去深水埗幫襯老鳳我嗌左蝦多士+焗芝士海鮮保齡球+波波冰鎮奶茶蝦多士脆卜卜 同千島醬好夾好好食保齡球有蝦仁同魚片喺面 白飯喺底 可以點芝士食 不過我太飽啦 所以無食個農夫包😢奶茶好好飲 茶香奶滑😋👍🏻順帶一提 嗰度嘅menu同裝修都別具特色 menu設計到好似信封咁 牆身寫住「老鳳調理農務」😂😂😂

波波奶茶，飛仔華田，雪糕紅豆冰...呢啲都係老鳳冰室嘅招牌，飲品賣相非常吸引 ，而我亦都係畀呢啲嘢飲嘅買賣相吸引咗入去。老鳳冰室裝修懷舊有特色，但坐位唔多， 一般要等齊人先畀入座。 我哋大概等咗15分鐘左右就入到坐，唔算太耐。除咗裝修之外，佢嘅擺設，餐牌，都好有老香港嘅感覺。食物質素都唔錯， 我叫咗焗芝士海鮮保齡球。 焗飯質素屬於中上，面頭舖滿濃厚嘅芝士，好邪惡。另外個焗飯係用個包裝住，個包外皮焗到好脆， 可以用另上既芝士汁點黎食。 加埋杯有三個奶茶冰球嘅波波奶茶，實在係大滿足。有機會我應該會再食老鳳冰室，試下佢都好多人叫既芝士撈丁系列同埋其他特飲。

今日放工要過去深水埗呢邊，突登open rice下想搵特色野。睇到D想都覺得好吸引了～一行到入尼，人都好多好彩唔洗等位！！入邊裝修好有特色，D字好搞笑。唔多講自己睇！同個朋友兩個人食，一人叫左杯野飲波波奶茶同雪糕紅豆冰波波奶茶ge冰全部都用奶茶冰去整架，我地突登去試左舊冰咩味道！紅豆冰賣相好高質，岩晒我個港女fd拎住野飲影左10萬9千張相！份量好足料，入邊仲有蘿米慈食～先尼ge係雞翼 ！！冰室份量好大份呀，個醬汁又辣又酸，好開胃我地再叫左豬頸肉撈公仔面同炒安格斯牛河。牛仔面個芝士醬汁好濃芝士味，配埋煎左ge豬頸肉係match!安格斯牛河係個新派製作，個牛肉香都仲留到係河粉到！成餐份量好足料，叫咁多野根本係可以3個人食到，價錢又抵，每人唔過100蚊都出到門口啦！

今晚又來到「老鳳冰室」吃晚飯。脆皮德國鹹豬手伴薯角$98 （送例湯）很吸引，熱騰騰的咸豬手夠份量，外型又吸引，豬手肉甘香，味濃而不鹹，只是略嫌皮不夠脆，尚有少許進步空間，墊在豬手下有美味薯蓉和爽脆鹹菜，伴豬手還有香脆薯條、沙律菜和開胃麻醬汁，$98一客德國咸豬手伴薯角，只此一家吃得到呵！ 每次必吃芝士豬扒撈一丁$48 奉送半件厚多士，因為芝士迷說：「好食又抵食，點解要捨棄？！」 蜜焦薯仔牛柳飯$59，薯仔是「走過油」，特別香口，配埋蜜焦汁嫩滑牛柳片餸飯，個汁可以添多碗飯！豬扒包食$26，有醬汁和洋葱粗絲的豬扒包，包脆肉嫩汁鮮美！又一好食又抵食之選！有信件收，雖然係餐牌在信封內，但信箱信件都是我們生活的一環，有親切感！所以，值得我們安哥、安哥、再安哥.........   

老鳳冰室 - 深水埗這天我約了朋友在深水埗吃晚餐，我們看到網上的介紹，發現人們對這間懷舊冰室的評價不錯，便決定去試一試，店內環境清潔衛生，餐牌上的選擇很多，店內的客人非常多，我們需要等候一會兒才可入座，而店內的設計十分懷舊，餐枱上的調味料亦很齊全xo醬鮮菠蘿海皇炒飯($68)魚十分新鮮，泰式魚餅軟彈煙韌，蟹柳軟綿綿，xo醬炒飯，味道微辣，將原個菠蘿挖空，再放入炒飯，帶出菠蘿的鮮甜味，十分有心思泰式蝦餅($42)沙津爽口微彈，給人感覺十分健康，蝦餅十分厚身，用新鮮蝦肉炸成黃金色的蝦餅，非常新鮮，這樣的配撘很創新，沙津給我感覺健康，十分抵食芝士豬頸肉撈一丁($48)用大量的芝士醬來撈出前一丁，芝士味非常濃郁，豬頸肉軟彈煙靱和新鮮，這個定價非常合理黑松露炒蛋多士($38)炒蛋非常嫰滑，黑松露很清新，烤多士十分脆口，這樣的配撘很完美懷舊雪糕红豆冰($16)芒果糯米滋，芋頭糯米滋，花奶红豆冰，啤牌餅很特別，是可以吃的，賣相很吸引，非常冰凍，最適合這炎炎的夏日消暑之用忌廉哥溝牛奶姐($14)忌廉汽水溝牛奶，這樣的配搭延特別整體來說，食物的質素非常高，食物的選擇很多，食物的份量非常多，食物的用料非常

呢間餐廳玩香港懷舊風格，個裝修真係好靚。啲牆上面掛咗好多香港舊時嘅poster，而且仲作咗好多打油詩，好搞笑 lol啲嘢食都好特別。特別係嗰杯雪糕紅豆冰，上面插咗一塊啤牌 ( 蛋白餅嚟 )，好搞笑，好得意。呢杯紅豆冰上面仲有三粒雪米糍！28蚊咋喎，真係平到笑！叫咗個蝦多士。呢個又真係整得幾好食，啲蝦膠超多，超濃，幾彈牙。另外叫多咗個黑松露海鮮炒飯。 呢一個炒飯就真係冇咩特別。黑松露係多，但係我覺得啲海鮮唔夠新鮮。

平日去食下午茶，叫左炸雞脾同雞扒包，雞脾中間未熟，血肉模糊，包就一般，比較乾同硬，同朋友只吃一半就走了，冷氣開好大，座位都好逼。侍應一句：姐過坐過d，一邊拍我椅背，感覺好怪，俾人罵的感覺中伏之選希望大家好運

那日下午，我們去了這間茶餐廳，內裡花盡心思的裝修，牆壁掛住一幅幅畫像、霓虹燈牌，彷彿呈現了舊時香港冰室的模樣，同時播著不知是什麼年代的懷舊金曲，其中一首Bee Gees 的歌曲 Words 這感覺帶點傷感又懷念。除咗食物嘅味道，感覺餐廳留有不少人情味，幫襯的大部分都是街坊，老人家，慶幸還有一間這樣的冰室，經開深水埗的朋友要繼續支持一下懷舊的餐廳！豬頸肉撈丁配厚多士，啖啖芝士，超邪惡厚多士，炸得香脆可口流沙奶黃西多士，無需配糖漿亦有甜甜的奶黃味，感覺新奇！大大杯熱檸水 用粒粒方糖

周五晚，黎到深水埗一間懷舊主題冰室食一頓fushion晚飯。門外已經貼滿老鳳冰室嘅招牌菜，食物種類都幾多。懷舊食物配上新穎配搭，創意又滿足。入到餐廳雖然唔算闊落，但懷舊嘅招牌佈置，加上7-80年代嘅配樂不禁令人放下腳步慢慢用餐。牆上貼滿懷舊海報！除左主餐牌外，仲有5款日日不同是日晚餐供應。價錢由$48-98～款式望落似是誠意之作。雪菜豬扒上海湯麵 $38 配肉夾饃 +凍檸茶$3肉夾饃包嘅外皮比較煙韌，似酒樓食到生煎包嘅口感，餡料就似加入台灣肉燥！豬扒份量偏少，得兩條。除豬扒外，幸樂田有大量肉燥及雪菜拌勻加左櫻花蝦湯底食都幾滋味。芝士豬頸肉撈丁 $48配牛油厚多士呢道港人經典美食，已經接近十年無接觸過！多士烘得剛剛好，外脆內軟。有經調味嘅豬頸肉有大概7-8塊左右，拌勻芝士嘅口感彈牙嘅一丁真係無得彈。生炸雞脾焗薯泥 $38炸脾勁大隻，配羅宋牛尾湯口味嘅薯泥又幾特別。雞脾炸粉唔厚。外皮炸到脆卜卜，但肉質都爆汁嫩滑。+$16 懷舊雪糕紅豆冰 造型可愛，插住食得嘅裝飾啤牌！味道好有童年回憶，入面除唧左一層忌廉外仲有3粒雪糕糯米糍（荔枝味及香芋）兩個人埋單食左甘多野都唔洗$150，值得推介。

專登黎試奶茶波波，因為只係飲嘢所以揀咗個少人啲的五點左右幫襯。原味奶茶做的波波溶咗又唔怕影響茶味，而且當雪糕咬又十分過癮，似食緊奶茶甜品多過飲嘢。杯身比一般大，一杯約有三粒波波，飲完成杯奶茶啲波都未溶得曬，gimmick 為主。

日日要諗今晚食乜送，真係頭都痛，今日罷工一天！見到朋友去過老鳳冰室70年代主題幾得意，今日都試吓。門口招牌好似電影海報呢個綠色信箱入面封信係餐牌！以茶餐廳嚟講都好寬敞，樓底高加了好多主題裝飾原味波波冰鎮奶茶（食野+$14）比預期好很多，以為奶茶冰只係靚，飲落奶滑茶香濃，入面有3粒波波冰，飲到尾都好夠凍飛仔華田（食野+$14）飛仔之名來自有張啤牌，係一張食得的米餅啤牌，華田底上面有不同的谷物脆脆，下次會少cream~蝦多士 $38賣相好工整，蝦多士幾厚蝦膠，包糠好脆，有即炸的感覺，包唔會太油，分量好夠芝士焗生炸雞脾飯 $48食得出他們的出品都係即做，炸脾度度都有，但比心機即炸已經唔同哂，外脆內嫩。焗飯金黃色芝士香濃仲有拉絲芝士豬頸肉撈一丁 $48一睇到咁多芝士已經好開心，仲有厚多士，如果想再芝士啲，仲可以加芝士粉！小冰室職員好有禮貌，值得一讚～

懷舊和創意好像是沖突的詞語，但在這間冰室裏兩者都體現了出來。在深水埗基隆街，大半條街道都在賣蔬菜水果或肉類，但在街尾開了一間老香港主題的冰室。除了招牌養眼，店內裝修佈置亦非常醒目。大量的懷舊掛畫，海報，燈光字牌掛滿整間舖頭。餐牌封面設計成如信封，還插在布製的郵箱內，造得相當仔細，所以說懷舊得來不失創意。因那天比較衝忙，只能吃一些能夠快上菜快吃完的食物，兩個人點了<亂炒一通>系列的黑松露海皇炒飯及日式燒汁洋蔥玉子豬扒飯，另外一杯波波冰鎮奶茶 （+$14）和熱檸水（+$8）。黑松露海皇炒飯個黑松露味非常出味，飯亦粒粒分明，加上料方面一點也不馬虎，裏面有一塊塊的魚柳，蝦也不是細細的蝦仔，配上一些沙律菜，Good!!!豬扒飯一上枱，外觀極似大阪燒因為上面放了燒汁、沙律醬和木魚絲而個碟外型就似個籃子 ，外觀好得意。豬扒煎得脆脆地，個蛋都滑，配埋個汁真心正熱檸水就沒什麼好說，就是正常的檸水。波波冰鎮奶茶就好靚，用一個螺型貝殼杯裝，杯內有三大粒圓形奶茶冰，比人一種誠意和用心的感覺。另外，同枱的食客叫了燒豬手都好好好靚仔，下次一定要encore試試

與男友經過老鳳冰室，因已吃飽了，未能入內幫襯，但我們都好想一試的波波冰奶茶，便叫了一杯外賣。等了約5分鐘便有外賣的波波冰奶茶。我們都是第一次飲，奶茶味好香濃，而且共有三粒波波冰我們一邊行去旺角一邊飲，即使冰溶掉了，仍有足夠香濃的奶茶味十分推薦！

復活節長假期，同屋企人到深水埗添置電腦用品。途經基隆街，見一餐廰名老鳯冰室，名字有點特別，加上有點肚餓，便入內試試。冰室裝修主打懷舊風，非常特別。二人點了松露醬炒蛋多士、蝦多士及肉夾膜。飲品則點了肥仔華田及巨峰梳打。松露醬炒蛋多士份量大，炒蛋亦算滑，松露醬落得重手，整體OK。蝦多士炸得鬆脆香口，蝦肉非常彈牙，加些千島醬，味道更上一層樓，整體水準之上。肉夾膜則普普通通，肉碎味道略鹹。肥仔華田賣相吸引，忌廉落得非常多，加上一磈用威化造成的啤牌，非常吸睛，豪不猶豫立刻打卡及影相。巨峰梳打則非常一般。整體來說，這餐下午茶算不錯。

深水埗一向都多傳統ga平民美食，但估唔到e個蝦多士真係聞名不如見面，可以令我喜出望外！蝦多士係即叫即整，上枱時重熱辣辣，每一舊麵包包住蝦膠ga比例係一半一半，真材實料，再加埋沙律千島醬，味道係非常配合，令你食完一舊又想再食下一舊🙈其他ga, 黑松露炒蛋多士丶芝士豬頸肉撈一丁丶海鮮芝士焗飯都有唔錯ga水準，以茶餐廳的水平去計，雖然未必可以令你留底有好深刻ga印象，但絕對合格有餘，而且價錢又夠平民化，絕對值得下次再黎幫襯。