芝味屋 (已搬遷) 新店位置

平時真係好少寫食評，因為我唔係食家，亦都唔識食好嘢！但係呢間餐廳真係差到我唔寫食評都唔得！先來介紹第一道菜，韓式香濃芝士雞飯，睇相韓式你會諗到辣辣地甜甜地，唔好意思冇！芝士都冇!會唔會係我唔係神之舌，食唔出佢微妙嘅韓式芝士味呢？！我淨係食到鹹鹹地既汁！我一定係失去左味覺！加埋佢茶餐廳嘅雞柳，係有皮同埋肥膏嘅！再睇埋賣相，就知道佢係大大鑊一早煮好左再淋上面嗰啲啦！不過KFC嗰啲都好食過佢！啲怪味食完都徘徊喺個口入面好難頂!原來我仲有味覺嘅！好再黎第二道菜，黑松露野菌意粉，又睇相！好一睇相，我諗大家都明白咩事！都係茶餐廳式嘅意粉，即係煮到好鬼𣺉，求期𣺉啲汁上去嗰啲！你仲諗住有黑松露？罐頭草菇就有！裝修到咁靚，好心啲食物俾返啲誠意啦！10個伏！以後唔會幫襯！味道仲要夾硬要我比一星，真係一粒都唔想比！以後都係去返友愛村食算啦！完！

裝修舒適，幾好坐，有卡位。因為帶埋三歲阿仔去，座位高度啱啱好畀阿仔坐定定食嘢，唔使加BB 凳，幾方便帶小朋友去食。而且啲位夠闊落，坐落唔會覺得迫。價錢實惠，晚餐都係$43 起跳到$68 左右。下午茶都好宜人。推介食佢嘅芝士焗雞扒長通粉，佢可以配飯或意粉，但長通粉可以載住佢融化咗嘅芝士，啲芝士真係好正，雞扒味道剛剛好，我一定會帶埋成家人同阿仔嚟返兜。炒烏冬略鹹，但唔係難食嘅，所以唔中意鹹嘅朋友就最好要留意下。

份量極少  3啖食哂  熱飲加5蚊  凍飲加9蚊  crazy 牛扒得3分一塊 食水極深 食完好似冇食過野咁 味道又唔係好 完全搵笨 諗住新開 試食一次 中哂伏 永久backlist......

無下次最差早餐食物質素係極度差！開業第三日咪去試下1) 兩份早晨 除左個漢堡扒暖暖地外其他食物 : 煎蛋，腸仔，粟米，火腿都都係凍！！！！！個4隻蛋既蛋白起馬半隻蛋白係生既拉絲狀重要用粟米 方包遮住d拉絲蛋白，完全唔係餐牌話"焗蛋"，係根本無焗過兩碟一樣既餐，一碟蛋有落香草一樣又唔落，到底個廚房攪咩呢！2) 兩杯奶茶極多油漬浮面。3) 餐牌寫"牛油多士", 黎到變左"牛油方包"，落單又無同我地講改左"方包". 我地問下餐牌寫多士？個亞姐就理直氣壯咁話 "係呀。。賣哂啦。。。改左方包架啦"即態度係不要問,只要食！寧願佢地答 多士爐壞左 或轉左黎個餐包 都好過話賣哂多士都係將方包烘下但而家係有"方包"而賣哂"多士"個答案真係莫明其炒！4) 不停咁聽到待應同客人講 "通粉賣哂啦。。。食米粉囉" 如果而家係晚上10點話賣哂好合理 早上10點喎。。。。。lee樣又話賣哂 個樣又係賣哂 到底有咩有得叫？