芝味屋

營業中

休息中

晚餐時段去咗建生附近搵食，見到芝味屋價格親民好抵食，而且款式吸引，就入去食下先黑松露海鮮意粉 $68濃郁既黑松露醬好好味，青口新鮮大隻，意粉仲好彈牙，真係好抵食好大碟3重芝士炸雞鍋 $78炸雞即炸熱辣辣，炸得剛剛好，而且外脆內軟保留雞肉鮮味，點上3重芝士醬食果然叫芝味屋仲配埋粟米，西蘭花中，唔會啖啖肉可以中和油膩感追加小食--芝士薯條$15薯條夠粗身，而且好大盆份量好足+$8升級--巨峰提子紅茶 --芒果梳打餐廳性格比極高，晚餐每人$100唔使，仲食到好飽，捧住個肚咁走服務態度仲好好，又搵到一間飯堂

芝味屋 (屯門) 位於屯門良德街11號寶怡花園地下G33A號舖. 如乘輕鐵前往可選擇在田景站或建生站下車,步行約五分鐘即可到達. 我幫襯過芝味屋兩次,上一次點了是日晚餐中的三重芝士炸雞鍋 ($78), 今次試了新口味: 蛋包飯配馬蘇里拉雞扒 ($65), 另加蜜糖芥末雞翼(5隻) ($38), 招牌邪惡薯條(半份) ($15), 最後凍央(+$3). 蛋包飯賣相華麗, 由巨大型號肥大肉厚雞扒置頂, 配以香滑炒蛋, 上高再舖了一層木魚花, 材料之豐盛, 令人完全無法看到底下的白飯. 木魚花在蛋包飯熱辣辣上枱時充滿動感,好像向你招手,叫你好好品嚐! 蜜糖芥末雞翼勁大隻, 剛上枱時簡直錯認了它是五隻炸雞髀, 難以置信它原來是五隻雞中翼, 蜜糖及芥末亦絕配, 惹味非常!半份的招牌邪惡薯條沐浴在芝士醬中, 份量足, 記住要即到即食, 看著邪惡芝士拉絲至幾尺長又長,不禁心滿意足!

芝味屋 (屯門)地址 : 屯門良德街11號寶怡花園地下G33A號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：三重芝士炸雞鍋/招牌邪惡芝士薯條/溫泉蛋煙肉卡邦尼意粉/鹽酥雞等候時間：0分鐘芝味屋，顧名思義就是以芝士為主題的餐廳，喜歡吃芝士的朋友當然要專程去試一試！餐廳設計以簡約舒適、座位非常寬敞、生氣活力，適合年青人、一家大細來幫襯！因為很喜歡芝士，所以專程去芝味屋試一試！晚上七時左右，幾乎座無虛席。是日晚餐三重芝士炸雞鍋豐厚味濃，芝士鍋份量十足，配上大大塊金燦燦炸雞、香甜粟米、新鮮西蘭花。芝士鍋裡有三種以上不同的芝士，喜愛芝士的人客必定要試！😄😄😄.溫泉蛋煙肉卡邦尼意粉造型非常精緻、份量十足、正宗卡邦尼意粉，意粉稔香軟彈，煙肉煙韌，配上溫泉蛋，容易入口，非常推介👍👍👍招牌邪惡芝士薯條招牌菜之一，芝士濃郁、垂涎三尺、小朋友至愛！🥰🥰🥰鹽酥雞香脆可口、不油不膩，細細件容易食，再配上生菜，大大減輕油膩感！😋😋😋凍檸茶大大杯、有三大片檸檬、甜酸適中、充滿茶味！凍鴛鴦濃濃的烘焙咖啡加上清甜的奶茶，另有一番風味！正！

真係好難食，未試過食咁難食嘅芝士炸雞。心血來潮，想食炸雞。經過見到餐牌見到寫住三重芝士炸雞鍋，雖然知道呢啲嘢係堂食最好，但想返屋企靜靜地咁食，於是揀咗外賣，點知就係惡夢嘅開始。一返到屋企打開蓋，一兜就係一劈白色嘅汁液，入面有啲芝士粒，成兜嘢就好似嘔吐物咁。另一兜就係炸雞正正常常咁，仲有一兜就係西蘭花同粟米但個樣望落去唔勁飽滿。賣相已經奇差，但食落去味道重難頂。嗰度嘔吐物，食落去就只有少少鹹味完全冇芝士嘅香味，炸雞又乾，西蘭花同粟米都係冇味嘅。食到一半頂唔順食落去？最最最離譜嘅係，呢個餐外賣居然賣$80，食到一肚氣！等外賣又等咗四個字，結果換來啲咁難食嘅嘢！好難會再幫襯！

第一次真係嬲到寫食評。見鋪入面坐得舒服，試下佢個早餐，但食到一肚氣。店入面只有兩枱客，佢地已經係食緊。我坐落就落單，過左五至十分鐘左右就有2個人落單叫外賣。到我等左15分鐘追佢，佢話整緊外賣，但我落單先都未有，外賣已經整左一半。等左20分鐘都未到諗住埋單走，話30秒到。終於都到LA，個雪菜公仔麵正常，但個腸仔同蛋燶到一個點，仲要好油，腸仔切皮都仲食到，蛋真係放唔到入口，又燶又油。怪唔知得成日都無人食。你話等得耐，你地用心做既都接受，真係差到一個點。仲有，職員態度又係差到一個點，話埋單走先落力跟下，仲要黑口黑面，所以去食唔只食佢D燶既野，仲要受埋D員工氣。

本身係翠寧既芝味屋，早排就搬左去寶怡花園。既然佢係主打芝士，就當然要試下佢既主打-三重芝士雞扒焗飯啦。芝士的確落得幾重手下，亦都算有誠意係炒底。唯獨塊雞扒細左d。服務方面就大致ok，侍應知道我無叫飲品，都主動拎杯水比我。

一開始見個名叫芝味屋，咁應該係食芝士或西餐類有關嘅野食出色，點知成間舖都不知所謂，叫個麵食，又咸又苦，完全入唔到口。同其他寫食評嘅各位一樣，價錢幾十蚊，若不太過份難食，理應接受，但侍應又冇禮貌，又唔主動幫手，得嗰幾枱客都話忙，唔知以為佢服務緊成村人。要杯熱水，鐵杯遞上嚟完全唔燙手都知道係凍的，但都係唔會有意識換返比你。唔知收銀係咪老板，做野又慢，人多剩係識企喺收銀機整喱整路，飲食業個個都親力親為架啦，咁矜貴唔好做餐廳，你再咁做生意落去，一年內必定執笠。

想講呢之前同啲同事黎吃飯，嗰態度差到你。我哋搵到位之後想叫嘢食，舉手舉咗好耐都未有人落單，要大大聲叫先有人嚟。跟住嗰staff話要等一陣先，我哋都冇講到啲咩。落單嗰陣佢撳部點餐手機撳咗成幾分鐘，我哋都冇催佢。一路落單一路發憫憎，落完之後仲要俾說話我哋聽，話佢有幾辛苦。我想講同一開始我哋都冇催佢，佢自己就喺度嬲佢。

好耐無食過芝士撈麵啦🧀🍜（因為太邪惡🤣）咁啱經過 見到呢間新搬過嚟嘅💛芝味屋💛 午市時間⏰門口仲排咗幾個人 就排隊試吓佢啦招牌芝士雞翼撈麵 $49 +🍇巨𡶶提子梳打 $14食落去芝士汁略嫌味道唔夠濃 感覺好似白汁撈咗啲芝士咁麵底唔會太淋 有咬口 雞翼炸得好香脆肉嫩整體OK 不過不失🫠黑椒牛脷粒飯 $56黑椒味同樣唔算太濃 唔會太辣牛脷粒軟腍爽口 不過太多黑椒汁真係有啲漏💛 芝味屋 @cheesehouse2017📍屯門良德街11號寶怡花園地下G33A號舖#芝味屋 #屯門黃店 #黃店 #黄色經濟圈 #屯門 #屯門美食 #黃店推介 #懲罰黃店 #相機食先 #良心小店 #食好西 #打卡 #午餐 #芝士控 #cheese #hkig #Tuenmun #foodblog #hkfoodie #foodie #foodieblogger #foodiehk #blogger