芝味鳥 (已搬遷) 新店位置

今日諗緊晏晝食乜好我向班friend提出左pizza and chicken落單個時 只聽見很有禮貌 我地個邊真係嘈到... 佢都好有耐性地聆聽order左星期一至五套餐 要啖啖肉批+$10 意粉那類轉為百里香燒排骨+6 餐飲全也轉為炸雞 12點20分送到誰知? 12點15分已到達 (十分準時)因為到左之後有打到比我一打鍾我便衝了下去 看見外賣品 交收後心想:真重=_=拆開 一眼便知是對版 心本想 雞鎚會否很細? 那會 兩類也是加大碼的啖啖肉批 真係超多肉 眼花撩亂 咬了一口 想象不到 4個也齊呼好味肉多得難以分解...炸雞 朋友吃完pizza已飽肚 比他的那份也給了我 正真係比KFC還好食 大大件不再講 肉汁多 皮脆 但朋友卻說過多油百里香燒排骨拼薯角 食得最{呢hea} 因為無分開到 而且無刀...我朋友便像億年前的原始人般 戴上手套後把排骨分拆分左兩舊 第一舊無乜肉 第2舊可多得驚人整體好滿足!! 不過一餐入面食得太多肉 實定會再叫!!4個人叫 轉左甘多樣都係136!! 一個先$34平靚正!!搵日到餐廳那裏再品嚐一番

尋晚同朋友係附近自修室溫書溫到餓就去食，叫左個開心套餐，仲有焗飯！我地係堂食 ge，點知等好耐先有人黎清台，仲要張成台炸雞碎掃落地下就算，好油呀搞到地下！開心套餐有pizza、薯皇、炸雞、麥樂雞塊。炸雞：不過不失...pizza：蟹柳、粟米就千島醬整。唔係好夾，又唔夠脆，好麻麻！薯皇：凍 ge...麥樂雞塊：無特別..咖哩焗飯：.d 飯好爛，d 味又唔夾，唔好食！

呢日放學之後，黎呢度買外賣返屋企食。叫左個三人餐，有個pizza、焗飯同四件炸雞。都係一百二十蚊到，唔係太貴。忌廉湯幾好飲既，料又算多。不過返到家已經唔夠熱，要翻叮。香辣pizza都算幾好食，pizza焗得好脆。料係辣辣地，有青椒、辣肉腸。材料唔係最重要，重要既係pizza辣辣地好惹味架。炸雞都係咁多汁，肉質鮮嫩啖啖肉。不過返到去食個味道係差小小。三文魚焗飯都算幾多三文魚，個飯好多芝士。忌廉汁同個味都好重。呢餐都唔錯既，不過都係堂食會好食好多。

一個寒冷既下晝途經安定村一朝未食過野正係飢寒交迫入左呢間pizza and chicken見到門面只有幾個客唔算好熱鬧不過D員工就好忙好多電話要接好多單要落然後我叫左一個皇牌套餐$28.5 （學生再平$3）有一舊炸雞有碟長通粉有個湯雞炸得好脆而且唔硬唔錯油係多少少不過冇乜所謂個長通粉同湯都唔算特別可能我太餓出面太凍一下子乜都食晒但一入門就聞到好香既芝士味睇黎薄餅應該幾香下下次再試本來想拎張外賣紙之後可以叫外賣點知個員工話派晒哈哈、好生意成咁但廿幾蚊一餐如果唔係黎開屯門用太多車馬費反而不美

尋日黎左呢度食，雖然係星期日，但人都唔算太多既。可以坐得舒服，今次就食個開心套餐，好多野食既。開心套餐有好多野食，有pizza、薯皇、炸雞、麥樂雞塊。炸雞依舊咁好食，皮薄同肉好多汁。好好味既炸雞。而pizza就有蟹柳、粟米而且係用千島醬整。好好味。薯皇係薯角黎，都唔錯同好有薯味。而麥樂雞塊就無乜特別。整體上都唔錯，又唔係太貴。可惜既係，我唔係學生，唔係既可以平多小小。

呢日行開呢頭，就黎呢度啦。點知太早黎到，就出去行過圈先過番黎食飯啦。忌廉湯都係好飲既，次次都有好多粟米個湯到，好正。炸雞新鮮炸既，皮脆肉嫩。個雞肉好多肉汁，次次黎都會食佢既。海鮮長通粉好重奶味，忌廉味好襯個通粉。海鮮就無乜特別既，我覺得只係個名而已。實有下次既，因為真係幾平同好好食。

題目是PIZZA AND CHICKEN VS CHEESE PIZZA , 顧名思義是將兩間比較. PIZZA AND CHICKEN 開了很久, 因價錢宜人, 味道好 , 吸引了不少安定 , 友愛的居民和附近中學生前往.而CHEESE PIZZA 是半年才開的, 因地理位置好, 也吸引不少人.而兩間的模式也大同小異, 所以今天就來個比較吧! ( CHEESE PIZZA 食評早前已寫,請自行參考) 外賣了一個迷你泰式香辣雞 ( THAI'S CHICKEN ) , 承惠甘拾四元. 而CHEESE PIZZA 迷你批則要甘拾六元. 當然, 價錢不是首選因素, 食物質素, 味道才是最重要的. 泰式香辣雞材料有泰式辣醬, 洋葱,青椒,磨菇, 雞肉,加倍芝士.看相片也知對板, 不像CHEESE PIZZA 寫就寫得多,落就D D 多. 芝士毫不吝嗇 , 而且芝士味頗香 , 又有咬口 , 比起CHEESE PIZZA 那些香得多, 這才是芝士!! 另外泰式香辣雞也有頗多黑椒 , 加上濃濃泰式辣醬, 和洋

雖然呢日係平安夜，不過出街之前都黎呢度食個午餐。呢日係平安夜，所以人都唔算太多。可以食個午餐都係一件好事呀。忌廉湯都係咁好飲，好重忌廉味。湯裡面都有d粟米等既料，都幾唔錯既。炸雞雖然只係一舊雞鎚，但都係咁好食。炸粉唔太厚，d肉又多汁，好好好好味。牛肉長通粉個白汁好重奶味，牛肉粒都有幾多。長通粉整得好淋，好味。二十幾蚊食個午餐，有咁多野食，真係好抵。

唔講唔知, 原黎屯門真係幾多好野食 .. 特別係友愛安定果邊! 今日同男朋友又係屯門區搵食 .. 黎到呢間店舖 .. 從門口望入去 .. 唔係好多人! 而且環境幾清潔 .. 雖然比較細 .. 得6~7張台~ (1張大約坐到4~5人) 不過見幾平 .. 就入去試下! 叫左二人套餐($85)，包一個pizza, 一個焗長通粉, 3隻炸雞, 一碗粟米忌廉湯 同一罐可樂!「千島pizza」：係menu 度見到佢話有「加倍芝士」.. 一上枱個pizza 真係幾夠芝士!! 好惹味 .. 仲有d 波羅、千島sauce、粟米 .. 味道比起pizza hxt 有過之而無不及!! 份量係有4 舊既~~ (pizza size 為6吋)「蒜香牛肉長通粉」：牛肉都算多夠料 .. 仲有磨姑果d .. 唔好睇佢細細兜 .. 因為佢都幾重白汁同埋芝士 .. 我地最後食呢個果時真係有d 膩-_-" 「炸雞」：個皮勁脆! 不過可能落多左少少炸粉... d 雞皮同d 脆皮係分開左@.@ .. 肉汁幾多，趁機食真係一流! 「忌廉湯」：個人覺得叫可樂會抵d .. 個湯分量好細! 好快就會飲完 .. 不過真係幾好飲，好香忌廉

呢一日放假，就黎呢度食午餐。都係叫左二人套餐，因為又唔係貴，而且真係幾好食架。好彩早黎到，唔係就會好多人。忌廉湯好好飲，好香忌廉味，個湯又幾足料。炸雞皮脆肉滑，個炸雞又辣辣地。肉汁又多，真係好juicy。又唔會炸到過哂火，認真唔錯。蒜香牛肉通粉呢個都幾好食，好香忌廉味。而通粉整得幾彈牙，面頭又有芝士，唔錯唔錯。泰式辣香雞pizza雖然細細個，但pizza依然足料。個汁酸酸地，幾好味。個雞既味道又幾得意。而芝士既份量又幾多，個批又好脆口，好正。雖然呢間既環境係細，但食物既質素真係唔錯。又唔係好貴，所以點都有下次既。

呢間一食就斷斷續續食左兩年，之後荃灣同大圍都開左分店。而呢間都算比較細間，放飯果陣會坐得迫。不過唔緊要啦，炸雞真係好正。忌廉湯雖然好普通，但個湯真係好好飲。好滑又多料，絕不欺場。炸雞好食過KXC既，雞肉又多汁唔會韌。而且啖啖肉，炸雞真係唔知邊度仲好食過佢。燒雞螺絲粉估唔到個粉咁重奶味，真係幾好食架。唔好睇佢份量咁小，其實食完都幾飽架。食物真係好有水準，比起連鎖餐廳，呢間真係好認真。雖然環境爭小小，不過食物咁好食，點都有下次既。

睇完一輪食評兼朋友頂力介紹,懶洋洋的星期日終於有機會同bf試一下pizza and chicken2個人叫o左個大胃A餐: (星期日晚, 需等一HR)接線生好似超忙,好急速咁問完即收線不過個送外賣staff又幾好禮貌o家!1.) PIZZA-環遊世界外表幾得, 餡料比PIZZAHUT多, 而且味道唔錯, 同"超級至尊"有得比不過餅皮偏軟, 外圍偏硬--->扣分!他們主張用橄欖油, 是否因為落得太多, 我覺得整體個PIZZA都偏油--->扣分!2.) 小食-3件炸雞炸雞好多人都話正, 但亦係最令我失望之作哦!雞皮香脆,而且大大件, 就連個雞鎚都大過肯X基成倍呀!肉質嫩滑,仲熱辣辣o家不過....................我嫌佢唔夠味, 好似比較淡口--->扣分!最大問題係唔知點解有一陣"SO味"--->扣分!我同BF都覺得怪怪地,真係好唔得, 究竟佢用o既係咩雞呢?好衰唔衰將3罐汽水換埋3件炸雞(FREE)同bf每人食左3件唔好食o既雞,想c......3.) 夏威夷焗豬扒飯LEE個味道唔錯, 而且大大盒, 豬扒分量足夠, 一個人食真係好飽(第日我拎

去過幾次, 通常都係叫一人餐 / 二-四人餐,d pizza / 飯 /意粉 都算幾好味,一分錢一分貨, 當然你唔可以期望佢係意粉屋既質素啦.值得一提的是 ribs, 可惜有時會燒得太乾 (還是pepperonis的ribs好食)

上個星期第一次試這間pizza,七點打電話,八點就送到,可能平日會快d,因為上次試過打去要等好耐至送,所以無叫. 今次叫左個95元套餐,一個普通批--特色燒烤,夠熱,唔油膩,味道亦較另外兩間簿餅店(hut/box)淡,bbq汁甜甜地幾好,唔會食完勁口渴.一個香草烤雞螺絲粉,一罐汽水,一個栗米湯,味道很好,唔會好咸. 所以今次我好滿意,下次會再叫外賣.

朋友生日，於是叫了Pizza and chicken 外賣。炸雞是蠻出色的，外面很脆、香口，雞肉也算嫩滑呢。反而Pizza 和飯就比較失色。我們叫了環遊世界和千島風情，但是環遊世界的味道有點奇怪，千島相對以言比較好。煙三文魚飯，比較鹹了點，但是都算可以接受的。