芯記甜品小食

營業中

休息中

天水圍街坊介紹呢間格仔餅好好食，咁就即管試試。因為坐低食，除左格仔餅仲叫左碗腐竹糖水。嗱，個格仔餅係真係世一，佢係鬆脆路線唔係煙韌路線，輕力已咬開，多花生醬好滿足，暫時未食過其他格仔餅有相同嘅質感。天水圍咁遠真係都唔知幾時再有機會可以食到。但碗糖水就真係麻麻，你見根本就係糖水加腐竹，腐竹都無煮溶，完全無腐竹味，都真係好吃力先食得晒成碗。間舖衛生亦都麻麻，席間見有小昆蟲，怕嘅外賣會比較好。好評只係俾格仔餅。

每次去親天水圍都一定會叫呢間甜品舖嘅格仔餅不過近排加咗少少價$20/1份喺出邊從來都唔食格仔餅但呢間你唔叫會覺得蝕咗🤣其實佢仲有好多綿綿冰系列新式甜品同埋傳統糖水系列亦都有其他熟食小食佢嘅格仔餅做到外脆內軟而且真材實料如果住附近唔使擔心佢買到返屋企都仲係脆卜卜而且會漏油😋😋排緊隊嘅時候隔籬左右都係叫緊格仔餅不過佢得壹個爐係整格仔餅如果你要食就要等等我仲試過佢嘅榴槤特色糖水上邊嘅雪糕球係額外分開獨立包裝返到去再擺上去都未遲仲有佢嘅特級魚肉燒賣比起出邊嘅係有啲貴$12/6不過大大粒魚肉味亦重好味

🌹12 December 2021去開新北江又即刻會唸起呢間小店所以晚市時去叫左幾樣野食小店不大 入面有三張枱幾次黎 都係得一個人負責落單 整野食 同收錢辛苦你了🙏呢段時間 錢都不易賺講番叫左咩先叫左一份腸粉（4條）$12一份燒賣 （6粒）$10一份格仔餅 $181） 腸粉+燒賣 $22想講 份量都唔少呢同埋呢間好既地方係佢落既醬都好多令到口感更豐富🌹腸粉黎到係熱騰騰的喔食落口係滑的唔會好似其他小店咁 食落係粉的😹😹證明佢地都係好fresh岩岩整起😜燒賣方面食落無肥肉味😜2）格仔餅 $18呢間食格仔餅 唔算平因為旺角食過 12-14$一份都有交易但我覺得呢間係貴得有道理首先佢係即叫即整的黎到係脆卜卜嫁 唔會好似出面咁整到好淋😹中意食脆口野既人一定要黎試除左脆卜卜外佢中間落既醬都好多令到成個餅既味道再提升呢之後再行開新北江 都會黎幫襯🌹

夜晚無聊聊落街行下行下，行咗去新北江商場，平時都係上一樓食其他餐廳，原來樓下有一間開咗好耐嘅糖水舖-芯記甜品…我平時比較鍾意食中式糖水，咁啱佢呢度有薑湯湯圓，咁就買咗幾碗返屋企同屋企人食😜薑湯糖水（$25）好夠味，微辣，飲落去暖粒粒，我鍾意一飲落去個心即刻暖哂嘅感覺，而湯圓一碗有六粒，全部都係芝麻湯圓，一咬落去個皮好煙韌，而且入邊芝麻餡有流心嘅效果，好好食，細細粒一啖一粒。下次有機會都試吓其他先…

之前已經覺得唔好食，唔會再有衝動去買，今晚屋企人心血來潮想食糖水，買埋返屋企，諗住有人買返唔好嫌三嫌四揀邊間糖水舖，點知返到泥，又係失望收場我家老細話以後唔駛旨意再去，咖哩蘿蔔豬皮、黑椒雞翼尖同榴連河粉，咖哩無味連鹽都嘥返、蘿蔔無味之餘仲要有澀味、榴連河粉入面兩舊蚊形榴連係爽嘅，甜味欠奉，河粉係淡嘅無甜味，淡奶俾啲水溝稀晒難食到一個點係唔寫食評唔得最正常反而係黑椒雞翼尖，睇過其他食評，話好食嘅多數係格仔餅，今次似乎係太天真，以為間舖頭叫芯記糖水，叫錯食物品種

$16格仔餅，即整，熱辣辣。上次食已經係上年喇，今日心水來潮專程去買~等5分鐘就有喇，脆脆地，入邊滿滿花生醬，沉左落底度，好正！不過同之前比，醬量都係少左一dd。質素係維持到有水準。

餐廳：芯記甜品小食（天水圍）地區：天水圍地址：天水圍天湖路1號嘉湖新北江商場地下A147-148號舖日期：18/9/2020 時間：19:45人數：2人 等位：15 mins 價錢： $35咁啱食完麗江雲南米線之後喺商場行下，因為唔係住喺附近所以唔太熟悉呢個商場，行到商場地下咁啱經過芯記諗起之前睇YouTube有個YouTuber 介紹佢嘅格仔餅，所以就嗌左佢哋嘅‘招牌爆脆格仔餅’黎試下，當時咁岩都有幾批人喺度等緊外賣，所以都大約等咗15分鐘左右。果然格仔餅外脆內軟，入面啲花生醬爆多超好食，即使佢嘅價錢要$16都覺得超值👍👍我哋食完格仔餅之後覺得有少少口渴所以就睇咗佢哋嘅單張望下有咩嘢飲，咁啱見到芒果乳酪沙冰幾吸引，所以就嗌咗呢一款，而姐姐都有再同我哋介紹另一款用新鮮芒果打造嘅沙冰但當時我哋只係為求解渴所以就嗌咗款比較平啲嘅芒果沙冰，但冇諗過平啲嘅芒果乳酪沙冰都咁好飲😆下次會再試下嗌用新鮮芒果打造嘅沙冰。

自從小弟搬咗去天水圍之後，就開始去探索下周邊有乜好食，之前睇過上網d片話呢一間嘅格仔餅好食，但係我比較中意食雞蛋仔，所以就吖一底15蚊雞蛋仔試下，出面大部分嘅雞蛋仔為咗慳時間求方便，同驚嗰客等得耐就整定曬，搞到一底原本好脆好熱嘅雞蛋仔變到腍曬，好難食，但係呢間係唔會整定曬，而係即刻整俾你食，等咗15分鐘就有得食（相信有心想食好嘢嘅人唔怕等一陣），好脆好熱，好味呀。其實即叫即整雞蛋仔已經越來越少，仲要係平民價錢，唔洗排長龍去食嘅雞蛋仔(嗰d雞蛋仔名店)，只係用你15分鐘嘅耐性，換嚟一底又脆又熱辣嘅雞蛋仔，真係好值得去食。P.S.其實對雞蛋仔唔係超有研究點樣為之好食，小弟只係覺得即叫即整雞蛋仔/格仔餅已經好食

#格仔餅 #原味小編真係好鐘意格仔餅喱樣野食，因為入面有齊煉奶同花生醬，喱兩款小編好鐘意食既醬!!!🥰😋但正正因為咁，小編對格仔餅又愛又恨…因為實在係太肥啦😣但係想食格仔餅既話，平起宜加新興既一D特別味，小編依然覺得原味係冇得輸!最好味!!💯而芯記喱度既格仔餅又香又厚，比起出面有D “薄切切”既，喱度因為厚身仲可以做到外脆內軟!!!正~👍🏻👍🏻同埋芯記格仔餅一份只係HK$15，整餅個姐姐落醬完全唔手軟、唔孤寒，真係大件夾抵食啊!!大家有機會經過，真係可以試一試! 😉♥️.🏆 「豬」味指數：8/10📌 溫馨提示：因為太多醬既關係，食個陣會流到成個袋都好，大家要小心整到成手 “痴笠笠” 😹同埋一份好大個，一個人食曬會飽!如果係食完正餐想買黎試下，就搵埋朋友仔share一人一半比較好! 👭

第1次黎呢度食甜品, d 位好窄, 坐得好迫.. 叫左個綠茶味雪花冰; 配料可以要2款, 點左咖啡魔芋& 水晶珠; 水果要左哈密瓜; 而sauce 就要左奇異果醬..等左~3mins, 個雪花冰就黎左~ 但味道實在令我大失所望!!! 個雪花冰一d 都唔甜之餘, 綠茶味仲太濃去到苦!!! 配料又冇味!!! 奇異果醬落左好似冇落咁, 少到食唔倒有!!! $30 又細份又難食!!! 真係勁後悔黎左呢度食....!!! 服務態度又差, 冇禮貌又想你快d 食完快d 走咁!!! 免費都唔會再黎!!!

每周都叫一二次的甜品,通常20MIN 就到, 有時最快吾使10分鐘就到(住天耀邨), 黑椒翼尖 必食,,,,,芯記的 杏汁木瓜 和 鷄蛋杏仁茶 係冬季才有得食,超正......不太甜, 食左 ..喉嚨好舒服,有D可以消寨添(剛食完.).. 正正正不過,K蛋仔和#仔餅 如果外賣就 不脆了, 堂食好正, 好脆, 食左幾飽......

今日同同學一齊溫書，見溫到又悶又累，而時間又夠鐘食下午茶，所以打電話去落 ORDER叫外賣。打到去，落 ORDER 個個人話外賣要耐少少先送黎，咁因為我地都想食，所以等下。本身諗住佢「耐少少」既音思係三十分鐘左右，點知等左一個鐘仲未送到外賣黎，打電話問佢，我地落既外賣送左出去未，佢竟然答我：「整緊，未有人送出去。」我地落既只係六樣野食，而且都係唔駛整好耐既野食，有司華力腸、腸粉、奶醬多等等，就算要整，理應好快！計埋佢舖頭多人，但都冇理由呢啲野食要整一個鐘掛？等左個半鐘，終於送到黎。黎到個啲野食全部都凍冰冰，完全唔係因為天氣凍而變到咁！因為之前有一日夜晚好凍，我去外賣自取拎番屋企都仲熱！打開份奶醬多，成塊包都好硬，硬都咬都咬唔開，我同學食左一半就已經無再食。另一個同學既腸粉，講明話要豉油，但係咩都無，仲要好硬！總括黎講，真係好差好差！可能堂食同外賣自取都會好啲啦，但係外賣速遞一定唔好！以後都唔會再叫佢既外賣！！！！！！！

之前收過 d 傳單 , 都叫過佢地 d 糖水外賣 , 都 ok , 價錢亦都唔算貴 , 所以今次行過就入去試下 , 係門口見到 d 雪花冰相 , 都幾吸引咁 , 一坐底就問下 d 雪花冰點叫架 , 個伙計比左張紙 , 叫我o地自己選冰味, 配料同生果 , 一睇見有榴槤味雪花冰 , 當然要試下啦 . . . . 未送到台面已經傳來榴槤味 ( 好香 ) , 食落好有榴槤種感覺 . . . . 但又沒有食榴槤肉咁"張" 住個口 . . . . . 真係幾好味 . . . . . 分量都幾多夠 2 個人食添 。如果鍾意食榴槤既 , 這個真係值得推介 !!

星期六行完日本城 , 在門口傳來好香煎野味 , 行前附近見到有間舖頭門口煎緊雞翼尖同煙鴨胸 , 好香 所以行了入去食野 , 入到去間舖頭都幾細 , 得幾張枱 , 見到餐牌有午市優惠 , 幾平喎 , 所以同個 friend 一人叫了一個餐再加小食 奶醬多 + 凍椰香紫米露 ~ 奶醬多是2 片面包 ( 我叫了多醬 ) 幾 ok , 個紫米都好大碗 , d 椰汁好香 , 甜味適中 , 紫米都煲得幾好 , 幾好味 煙旦治 + 珍珠泡沫奶茶 ~ 煙旦治 d 煙肉幾好味 , 隻旦就熟了一d , 杯 tea 就 ok 喎 , 好似係台灣飲到過 d 咁 , 幾正 然後是雞翼尖 ( 跟克椒汁) 好野味 , 克椒汁好香但又唔係好辣 , d 翼尖鹵過好入味 食完 真係幾飽 , 價錢都好抵食 , 下次經過一定會再幫襯 , 試下其他糖水

之前買過雞蛋仔同埋格仔餅.今晚食埋佢既甜品. 食左咁多次應該夠資格寫食評 格仔餅同雞蛋仔都用同一樽蛋醬,所以都係無乜蛋味....好重粉味,同埋唔脆....簡單D講好粉~芒果涼粉: 都ok gei,芒果都甜芒果西米撈: 除左芒果外,D西米好似飯咁~但都係無味.....如果肯做返好D,會好好多