花園酒家 (已結業)

裝修之前已經成日同同事去花園飲茶,雖然唔算平,但d點心真係幾好食喎,豆苗餃&燒腩仔&流沙奶黃飽&蒜蓉鮮魷&雞翼&蝦餃....都係我地必叫,不過裝修之後就無去過飲茶,反而夜晚去左打邊爐,68蚊一位(好似9點後58蚊),連埋加一茶芥,都係每人88蚊,真係淨係收你88蚊嫁!!!唔似其他酒樓,又加一又茶芥又湯底,加加埋埋就舊幾水一個人,雖然任叫既都係普通野,但勝在夠新鮮夠乾淨,仲有庶汁&酸梅湯都係任飲嫁,湯底又唔洗另外計錢喎,我地叫左個醉雞鍋湯底,個鍋一到就即刻聞到大一陣酒味,仲另上半隻雞比你自己放落去,好足料好正~仲每枱送一份珊瑚蚌&魷魚&帶子,平均每人每款都食到1-2大舊嫁~優惠期間10蚊有6罐嘉士伯啤酒,低到爛!!我地唔多飲既,都忍唔住要叫返6罐,我地4個人去食,食完4個都話下次要再去呢~~p.s.仲有我地係坐卡位,食得好舒服,張枱又好夠大,唔洗迫住晒,又無人係身邊行離行去

呢間酒樓d食品品質一向都好唔錯,伙計都好勤力,佢地會留意食客0既茶壺係咪就黎無水而主動加水,唔需要你打開蓋.呢樣野真係唔係間間酒樓都做得到,所以我都係呢間酒樓0既長期擁躉.不過…佢有一項好要命0既弱點真係好離譜,相信大家飲慣茶0既朋友都未必會遇到咁0既情況.先講樣無咁嚴重0既問題,平時埋單係唔係可以出櫃位比錢,呢個問題,佢地一向都已經無咩準則,行到出櫃位都要你坐番埋位先好比,呢個情況已經見怪不怪,有時上一個客被叫坐番埋位埋單,下一個客出櫃檯埋單,又照收架啵,你真係估佢唔到.未必個個客人都可以接受咁0既對待架嘛,不過對我黎講都唔係太大問題.(可能我已經習慣左),10月份裝修後問題開始嚴重tim,平時搞錯單時有發生,街坊都成日講呢個問題,不過我就好彩真係未試過,但小妹最近就遇到咁0既情形,比一般搞錯單仲要嬲.果一餐食完,望過下外面有無人出去埋單,先走出櫃位,出到去又話要我番埋位先好比,咁聽話啦,唔好要人難做勒,(其實都唔知邊個為難邊個),埋完單,後去完洗手間出到酒家門外,前前後後都有成10分鐘,出到門外等家人,都企左1分鐘左右,竟然突然有個伙計行出黎酒樓門外問我找左數未,未黎得切答,佢第二

我住付近既~ 一有時間就落街同屋企人飲茶架啦~間酒樓d野幾好~都幾抵食~晚市都好ok~

以前同同事飲茶會去熊貓酒店, 但發現花園酒家<br />d 野食仲好過前者, 兼且平過佢, 所以依家多數都去花園飲茶喇~~正野推介有流沙奶皇包, 花枝球, 擂沙湯圓, 蘿蔔絲穌餅, 炒米粉同千層糕等.呢度d 點心應該係即叫即蒸, 所以樣樣都好熱辣辣好新鮮.