花花世界. (已結業)

見到YAHOO有團購, 見佢環境幾靚, lunch set都係$49.   就試下啦....   早一日打電話去book位, 接電話的侍應已經好有禮貌一一去解釋!  (因為小弟實在太多問題, 太多要求)去到餐廳,  好好禮貌帶入座, 送上餐牌.  食野都唔錯, 都幾好食... o係旺角朗豪坊附近有一間咁冷靜既cafe, 真係好唔錯. 以後都會再黎!  

七點九喺朗豪坊睇戲 就近近地喺朗晴坊食個快飯 收到傳單有間新嘅主題cafe 就去試吓啦入到去成間餐廳都係玫瑰🌹主題 有個千秋同啲props俾啲客人影相仲有兩個好似圖中間 少少似籠形狀嘅卡位 但係細節位睇得出仲係有啲簡陋叫咗兩個set dinner 餐湯味道一般 但係用個杯裝 睇落幾特別 instagramable😂主菜係羊架同埋黑椒炒煙鴨胸意粉 羊架就不過不失 反而意粉幾al dente幾好味😋餐飲揀咗巨峰提子梳打同埋玫瑰朱古力 杯玫瑰朱古力幾靚 又係Instagramable😂 因為趕時間所以坐咗一陣就走左 最後買單三百幾蚊 男朋友話性價比一般 其實依家香港百物騰貴 出街食飯成日都係差唔多呢啲價錢啦😪

一直都好想去呢間餐廳試下㗎啦，適逢生日男朋友就book咗呢間餐廳同我去試😀餐廳係位於朗晴坊，呢間舖頭應該係轉個過幾手嘅因為啲格調我都有印象😉講返呢間餐廳先一入到門口就已經見到好多花花牆同埋有兩個鳥窿嘅座位…好開心安排咗我坐鳥籠個座位真係好靚我哋嗌咗一個咖啡一個熱嘅百香果茶主食方便就嗌咗一個牛扒同埋一碟意粉，奉送兩個餐湯就好香濃係忌廉粟米湯食物就還可以，但環境就靚爆鏡好岩女仔去影相打卡

中學同學兼老友快將生日，於是便相約一起出來聚一聚。等𨋢時，發現這座大廈也有不少食店，希望下次可以去其他店試試看。朋友一早到了，並細心選了一個二人餐。小店內座位不多，普遍也是4-6位的枱，2人枱大概只有兩三張吧！所以，應該需要預約留位。店內以玫瑰絲花作裝飾，即使用Iphone 「人像」拍攝，也輕易拍出浪漫氣氛。前菜味道可以，若改用另一些容器，應該令賣相更佳。餐湯用上英式茶杯，加分！主菜尚有改善空間。朋友點的主菜不過不失。總括而言，地點方便是它最大賣點。

We were already impressed the moment we stepped into this newly opened café. You can see a lot of thoughts and efforts had been put into creating this beautiful place. Every corner is an opportunity for photos taking. The food is at a very reasonable price. We ordered beef truffle risottos and spinach salmon spaghetti, and they were both delicious, my personal favourite was the beef truffle risottos! The beef was not overcooked, and the aroma from truffles would surely make your mouth watering!

OT左成個星期,真係心力交瘁(╯︵╰,) ，難得星期五無太多urgent嘢,唔使ot 🎉🎊нαρρу fяι∂αу終於到我啦 ！ƪ(˘ᴗ˘)┐ 原本一早book左呢間cafe8:00pm到，於是試下打電話改提前7:00到，lucky地OK啊！📌先講講環境：餐廳既裝修都幾有心思, 有唔少打卡位,好適合同三五知己好友一路食一路傾,仲可以影埋相添📸📸，女仔大愛！另外，座位都好舒適，檯與檯之間又有足夠空間，起碼唔會俾人聽到同frd既是非八卦😂😂 ！📌食物質素：老實講，由細到大對於cafe都係抱住可以坐耐d，舒服d，至於食物......無咩大期望。😂😂有d喜出望外既係呢度既食物又OK喔！******************************有不少既套餐可選擇：1️⃣A級紐西蘭肉眼扒配紅酒燒汁 ᴴᴷ$198 +10%配是日餐湯（今日係粟米湯）湯不過不失,略嫌帶點酸味，怪怪地。肉眼扒七成熟，外面煎得香微脆，裡面粉紅色，保留了肉汁，一咬即開,肉質鮮嫩,食肉獸大愛❤️❤️而且茄汁及燒汁分開另上，夠細心！🉐️🉐️2️⃣香草白酒蜆肉意粉 ᴴᴷ$98+10%意粉韌度剛好，有口感之餘又唔會過硬，橄欖油令意粉滑身d，不過

係一間好岩中意影相既人黎既cafe 度度都係影相位 book位戈時request左可唔可以坐鳥籠戈張 戈度既職員都好有禮貌咁幫我安排左lunch野食比想像中便宜 2個人黎叫左lunch set 都係$132 叫左杯玫瑰咖啡 其實因為見人地影出黎好令 點知出到黎真係令 完全唔會有圖文不符既感覺🙈 飲落去都唔會太甜 有小小玫瑰味 幾好飲 朋友叫左杯茉莉綠茶 但係朋友話杯野飲冇乜茉茶味 同埋有d苦 可能個茶包浸得較耐啦 野食方面都唔錯既 好飽肚下值得一提係 我地比book位時間早左好多到 岩岩係佢地開門時間12點鐘 職員見到我地係門口等 都叫我地入去坐低先 唔似其他餐廳咁理都唔理等你入去先招待你 點餐既時候都因為佢地未開哂檔加埋得1個人處理樓面 所以慢左小小 不過職員都好有耐心咁同我地講番因爲未準備好有部分野食會遲小小到 唔會黑面或者嬲哂咁 依點係值得讚下整體黎講係一間值得再黎食既餐廳 下次會再黎幫襯

成間餐廳都係影相打卡位！有很靚的花牆，岩曬同一班女仔或同女友來。個日點了二人餐，食物不錯，牛扒同沙律好味，價錢也不貴坐在花的鳥籠造型的位置，桌上仲有玫瑰花裝飾，一整少女心大爆發

其實呢間舖我見都轉過三次名，因為喺旺角區返工，所以經常喺附近搵食，對上果間就真係麻麻，而今次轉名質素都好左喎！舖面雖然唔算大，但檯櫈唔會擺得密密麻麻，坐落亦都幾舒服，揀左幾款食物，質素真係唔錯，係令我地食完想再即時encore既，但唔記得左啲菜名最尾我地仲嗌左一款甜品要double，真係超正呀，仲有個芊鞦比人影下相添之後仲發現原來有團購做緊，因為喺食緊時都偷偷見到有團購客，但見人地啲野食賣相都好好，得閒都要留意下啲團購先得呢間野絕對有下次

裝修非常之靚 好適合鐘意打卡的朋友！ 之前食過lunch 已覺得味道很好👍🏻 聖誕帶同朋友黎 一致好評 值得再黎！！ 待應的服務態度也不錯， 一坐低就會介紹餐牌上的食物！特別推介松露帶子意大利飯，雞翼！！

係fb見到呢度環境好靚，所以冇考慮食物質素就約左朋友上黎食返餐，其實開頭只係諗住黎影相打卡，估唔到d野食又有驚喜。聽樓面推介這個"松露帶子雜菌意大利飯"，即管一試，黎到見到帶子上面有一匙羹黑松露，即時胃口大開，正當我諗緊一次過放入口還是松露帶子分開食既時候，已經被人一大啖食左粒我都唔理咁多即刻一啖過食，感覺好滿足，好重松露味另外，朋友叫左個大蝦田園沙律，開頭睇價錢覺得唔平，但黎到估唔到咁鬼大碟，淨食沙律都夠飽岩曬我減肥既朋友。之後叫左杯Mocha, 咁快就有聖誕氣氛呢 朋友叫左杯巨峰提子梳打，都好好飲，但冇影相 。最後當然周圍影影影 環境好，食物都有水準，下次可以再食呢