英王麵包店

營業中

休息中

最近去咗A1 Bakery，買咗$26六個迷你系列，真係一個好正嘅選擇🍞 呢個系列可以自由配搭，我揀咗2個朱古力麻糬波波球、2個芝士麻糬波波球、1個咖啡朱古力麻糬波波球同1個車打芝士迷你酥。每一款都有自己嘅特色，真係值得一試😋朱古力麻糬波波球真係唔錯，入面有朱古力粒粒，仲有濃郁嘅朱古力醬，食落去真係好滿足🍫 芝士麻糬波波球就稍微遜色啲，芝士味唔太突出，反而有啲麵粉味，但整體嚟講都唔錯🧀咖啡朱古力麻糬波波球嘅咖啡味幾香，食落去有種特別嘅感覺，幾好食☕️ 不過，最令我驚喜嘅係車打芝士迷你酥，係咁多款入面最好食嘅一款！雖然放耐咗冇咁酥脆，但面頭個芝士溶溶地，真係超好食，絕對會再幫襯🧀

A one嘅蛋糕同麵包都好出名，基本上每行過地鐵站都仲係會經過一間，嗰一次路過佢轉觀塘綫，見到變化點走入去買咗幾粒麻糬波波食(｡･ω･｡)ﾉ🍡而家越來越多麻糬波波賣，所以對麻糬波波嘅要求都越來越高。A one嘅麻糬波波食落去感覺佢用嘅木薯粉比較多，令到成個麻糬波波嘅口感比較煙靭，但係佢嘅煙靭係過咗龍，唔太好咬，同時間多咗嘅份係會搶咗啲味Σ（ﾟдﾟlll）我買咗抹茶味、莓味、同朱古力味，剩係得朱古力味比較出，其他就唔係好出味