英王麵包店

營業中

休息中

好耐冇寫過都忍唔住寫下...個明太子包用鱈卵屋嘅明太子，姐係銅鑼灣有間野專食明太子嘅，又係好好食！食左幾次呢個包，入面好多醬，保證每一啖都有，上面仲有芝士同少少紫菜，啲芝士仲多過芝士棒，咁我不如食呢個🥰丁番熱佢黎食真係好好食，用叉慢慢吉住黎食，呢個早餐食到唔想做野哈哈...鐘意明太子嘅人唔好錯過，唔鐘意嘅會覺得好腥，但唔鐘意食嘅應該都唔會買黎食🤣...為對抗疫情，宜家每個包都預先入好左袋，望落乾淨衞生。...加油💪🏿

朋友上月已推介，不排除是期間限定，加上今天剛好經過太子站A1 bakery，即買godiva 同A1 crossover 的朱古力蛋糕品嚐。買了2件，送了兩張godiva 朱古力coupon，蛋糕掌心般大小，每件售$40，拆開封條揭開透明蓋，一匙羹就戵破那塊小巧的朱古力牌，香脆加濃厚帶咖啡香的朱古力味，內裡是tiramisu般但沒咖啡味的朱古力海綿加慕絲的層次蛋糕，不會太濕爛的質感，都是那種濃香朱古力及奶油香，就是那種滿足肥死的邪惡。

最近同事升職請大家食野，就買左呢幾款蛋糕黎請我地食。大家一見到呢幾款蛋糕就非常之開心，外觀實在太靚太吸引啊！望落去一啲都唔乾又唔硬，好似好軟熟咁，大家都好期待好想快啲食。大家都即刻衝上前揀食咩味，全部款都好想食。今次有呢三種味既千層蛋糕，分別係焦糖、黑糖、同埋抹茶味。焦糖味既千層蛋糕上面有一層類似啫哩狀既，我自己就覺得怪怪地，唔太喜歡。而黑糖味就最受歡迎！好多同事都好鍾意食，有少少甜，但食落唔會覺得漏。正！唔知係咪黑糖味既蛋糕插左個award牌仔既關係，覺得特別好食！至於抹茶味一直以黎都有唔少同事係抹茶控～任何抹茶味既食物都一定會衝埋去第一時間食，都係非常之好味。整體黎講，全部同事都食得好開心！個個都覺得好好食，好快就食晒，真係想買多打黎食啊。

同阿媽去金鐘食完 brunch， 再行咗陣街叫佢先返屋企， 佢以為今年母親節就咁慶祝完。哈哈，我早兩星期已經去A1訂咗個細蛋糕啦！依家啲蛋糕盒，設計得越嚟越靚！ 我個蛋糕細細，唔知點解用個咁大個盒嚟裝？！當我拎個蛋糕出嚟嗰陣，阿媽有啲喜出望外， 冇諗過慶祝活動有part2！ 我揀呢個 "黑森林之戀" 蛋糕， 貪佢個樣成熟高貴嘛! 外表了得，味道如何？！ 櫻桃新鮮，果味濃，配搭朱古力好夾，忌廉夠滑溜！真好，part 2……成功過關！抖一抖 ， 又要諗諗父親節有乜搞作啦！

好多年前，食過A1嘅一個蘋果批，覺得幾好食，最近心血來潮，又想試返，不過發現已經無出啦！差唔多類型嘅就有幾種唔同口味嘅芝士蛋糕，有原味、朱古力味、抹茶味。今次我就揀咗原味芝士蛋糕，真心覺得佢性價比都幾高，只係$58，佢嘅味道唔會太漏，上面層焦糖脆卜卜，又唔會太甜，幾個人食，一人一舊，好快就食完。不過我發現唔係間間分店都有芝士蛋糕賣，九龍灣嗰間分店好大間，但都冇得賣，反而太子呢間細細地就有得賣。下次有機會試埋其他味先！

今日經過太子，見到a1啲cake好似好靚🍰🍰，就忍唔住簡舊試下，其實都a1啲cake都算好多款😍😍，價錢都唔係好貴，平均30蚊左右都有舊，但我一個人正係食得落一舊，所以都簡左成5min先決定到買邊款😂😂最後決定買一款算係難啲中伏既原味千層蛋糕$32🍰🍰🍰🍰千層蛋糕啲千層皮雪得硬左少少，所以食落變左無咁滑😞😞而且覺得啲cream都唔係話好滑，味道較為一般，好彩既係佢甜度適中😂😂😂

A-1 Bakery 種類好多.而且有創意，一d都唔古板.最鐘意食係迷你蛋糕仔😋.今次試Donut 🍩.以為會好普通.點知好QQ😍 幾好味.買唔到Mister Donut可以食住呢個先🤤.賣相幾得意，幾有創意.綠色部分會比較甜.反而入面個餡正常d.成個哈密瓜咁，味道都係.不過都係Donuts🍩好味d.詳情請到: foodiebuddy18 😊.英王麵包店 (太子)太子港鐵太子站PRE16-17號

早幾日，朋友請左我食呢個蛋糕，覺得唔錯～所以放學後途經麵包店我又買了一個梳乎里芝士蛋糕，番屋企慢慢食梳乎里芝士蛋糕 $19好中意A1既芝士波波，原來佢地既芝士蛋糕都唔差😚～～size比「X籐家」大少少~輕身軟熟，彈呀彈呀～質感綿密濕潤，口感輕盈，食落唔會太濟，芝士味唔算太濃郁，但都有微微芝士香❤️但會見到個蛋糕分左兩層，中間部分會較creamy，底部就乾身少少～原本諗住番屋企慢慢食，但唔覺唔覺係車食晒🙈

唉，人生不如意事十常八九講得啱嫁，好多嘢，人係控制唔到，未放工，已拿準目標今日放工一定要買件蛋糕氹自己，想沖淡吓人生既苦同無耐。唔想買美x同東海x, 但屋企附近就無其他靚靚餅店，就買去A-1 bakery 買，第一次響依度買cut cake.見到藍苺芝士蛋糕，千層蛋糕,黑森林等都好想食, 選擇唔到, 最後選擇左脆皮朱古力蛋糕,面層鋪上香濃松露朱古力和幼滑的生朱古力, 他們使用了比利時調温朱古力, 濃濃的朱古力忌廉配上豐富朱古力忌廉蛋糕，内裹有合桃及脆脆的朱古力粒，富層次的組合,集結了朱古力的幼滑、甘苦與甜美!這蛋糕就像人生經歷，有苦有甜，有不同層次，要不放棄不驕傲，這才能好好成長！

放工之後要去上堂，由於時間太趕，唯有經過地鐵站時買個麵包當晚餐。經過了太子站內的A1 BAKERY，呢度啲麵包賣相相當吸引，種類也多。最後被魚柳包吸引，買左。麵包份量較小，只有手掌心般大。中間夾有一塊吉列魚柳，可是和麵包一樣又凍又硬。中間的的他他醬下得吝嗇，小得可憐，令整個包都乾巴巴。非常差。下次都係買返啲軟包穩陣啲。

買個包做早餐,a1的包很鬆軟,而且幾飽肚。 提子合桃包, 提子同合桃都幾多架, 合桃脆卜卜, 我覺得相當唔錯。 17蚊有個包, 同一樽野飲。個包其實係一個長嘅大包,切開一半嘅, 份量做早餐都夠嘅。 飲品味道就比較普通,係化學嘢味,味道又過甜,比較差。

可能因為係人馬座，我從來都唔喜歡長期食一樣野，早餐如是，好多時一起身，一路坐車都諗食乜早餐。 今日放工經過 A 1 Bakery,入去望望，見到有新年魚仔，不過太貴了，又薄又細條，我該我要兩三條先夠,咁咪要廿幾蚊？所以再睇，先睇到呢個關西拉麵包。包被包裹得幾乾淨結實，行完街返到屋企再迫地鐵返起公司都唔散仲係靚仔。 返到公司，我叮左一叮個包， 麵條都幾柔軟，唔係好夠味道，無嗰啲鐵板炒麵嗰啲燒汁味，包油份較多但都夠軟熟既。不過都幾有新鮮感吖，唔洗淨係食腸粉燒賣普通麵包蛋撻咁～

媽咪一向都鍾意食A1麵包,特登落地鐵站都要買，佢通常食五穀包，黑糖包等等。今日陪媽媽日，就陪佢落去買。 店內有個幾靚既聖誕節Corner, 有氣氛的deco加上聖誕theme既包。 我就選擇左咖啡朱古力包。佢係朱古力粒包而不是包係朱古力味。包外面係硬的，但裏面都唔見得係軟， 朱古力粒唔多, 零咖啡味道，對於朱古力愛好者這不是好的選擇，而且好dry, 麵包都唔見得香，可能只係我唔識得欣賞吧！

To be honest, this Maple pudding custard roll is more like a danish swirl.Anyway, the texture and taste is basically like a danish and I couldn't see any custard but the maple taste was strong and very sweet.Other stuff they have at this branch:

 路經太子港鐵站發現A1-Bakery進駐模糊印象中曾吃過一次他們的鬆餅 但味道經已完全遺忘於是在嘗新心態驅使下踏進他們的店子A1-Bakery門面感覺較為高尚隨之而來是價錢相對高一些 然而麵包又比一般小在店子裡轉上兩圈也下不了手不是付不起錢而不敢買 而是款式不多又無驚喜價錢略貴 而且麵包看起來吃一個也不夠飽兜兜轉轉最終勉強選上兩個選擇吞拿魚粟米燒餅的主要原因是它看起來至少有一般吞拿魚包的大小但飽肚感則比吃一個普通吞拿魚包低還好我機智買了兩款當早餐(ง •̀_•́)ง味道質素不差 但就是吃不出來與一般有別原本$8可買到的東西賣$12就完全不值了提子鬆餅既沒有牛油香 而且稍微乾過頭不會難吃 但頂多作為粗糧談不上是一種享受今天一試終於記住了味道不敢說以後一定不會光顧 但機會確實很低尤其鬆餅應該不會再買再說$21差不多足以吃一個連帶飲料的早餐了