茶匠 (已結業)

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗🤗當然要嚟支持下黃店，呢間仲要黃到發金！🙌🏼店面真係超有型，尤其係幅畫，真係好正！🍴芝士奶蓋烏龍茶加珍珠（700cc）微糖、少冰個芝士奶蓋勁厚，整得好好味，鹹香又夠滑，因為勁多奶蓋，就算700cc 咁大杯，飲到尾都仲有芝士奶蓋，勁正！烏龍茶都好香，一D都唔「鞋」，仲要珍珠好煙韌，飲完勁開心🥰店外有好多唔同種類嘅文宣，自由訂價！好多人都貼上支持筆跡🤩

話說，荃灣台飲店很多，但本人獨愛就是這間了。點解咁講?作為台飲店，香港大把。但能夠創新同追隨潮流既，又有幾多間。400次咖啡盛行，此間立馬推出400次抹茶同咖啡系列。當然，我都沒叫到400次系列，因為……我更愛其他系列。所以本人叫左盆栽奶茶同布丁奶茶加珍珠。盆栽奶茶上層用左oreo碎，還加上薄荷葉裝飾。每一口都是oreo碎，感覺特別。布丁奶茶每一口都是滑嘟嘟既布丁同珍珠。對於仍未食晚餐既人來說，飲完兩杯都幾飽

好少可去荃灣去路得圍附近食街就梗咖啦！😋😋😋😋😋😋😋店面咁七彩繽粉就梗係吸引啲Cashier大大張日本草莓poster對於草莓奶控既我簡直係不能抗拒🍓🍓🍓🍓🍓🍓🍓🍓先唔講味道淨係賣相已經一流草莓醬掛杯邊倒入香滑既鮮奶再加邪惡既cream中間仲要放原粒草莓飲緊既時候亦都不時飲到果肉不枉我由港島長征入荃灣下次要試其他PS:我見到除咗一般野飲，仲有而家好興既400 coffee同400抹茶！去荃灣又多個理由了😍

路德圍極黃茶飲店「茶匠」，今日下午經過，被大大個自由女神海報吸引，就決定懲罰下佢先。唔知點解冇乜人幫趁，可能因為好多公司Home office，大家都傾向叫外賣掛茶匠D野飲好抵，有好多選擇，最尾我揀左寒天冬瓜茶，有常溫揀～讚冬瓜茶甜而不膩（其實係微甜），好大杯，700ml都只是24蚊，寒天好足料，佔左成杯1/3，咬落好煙韌，又夠飽肚，但比較低卡路里，係減肥佳品店內有免費漂白水派，響呢個艱難時期，要更加支持黃店呢！

早幾日同老公去咗荃灣海旁，散下步，傾吓計，食吓飯，再食下飯，再食甜品，再搵下嘢飲。之後經過呢間，無意中見到有士多啤梨奶，立即叫來試試🤣！.士多啤梨奶（$30）🍓🥛，平時只可以喺超級市場搵到日韓牌子，見到已經覺得好感動，點會諗到有得飲新鮮嘅💕😋..用新鮮士多啤梨🍓+ 士多啤梨果醬🍯製成，好清甜士多啤梨味，混合鮮奶🥛，口感濃厚，味道濃郁，經開值得試吓🥰🍓🍓🍓🍓..P.s 現時醫護去飲免費.

聽屋企人講呢間黃店好好飲, 今晚食完飯行過買杯試下 😝見到有 Memo 寫住醫護人員免費送一杯咁岩我可以享受到呢個優惠所以我同朋友一人一杯變相買一送一 😎買左珍珠奶茶同芝士奶蓋烏龍茶 價錢好平, 仲好大杯, 非常抵飲 👏🏻👏🏻👏🏻果然, 真係好好飲~唔會太甜唔會太淡唔會太多冰珍珠口感岩岩好係我鍾意既 *平時出面飲果 d 有時太淋或太硬幸運地我住荃灣, 下次行過會再幫襯 👍🏽一班年青人開既店比野飲時仲叫我加油, 辛苦晒!你地都要加油呀~

路過想買杯珍珠奶茶之後，個收銀員女仔聽唔清楚好惡咁問：「咩話？」態度咁差嘅收銀員都有😒🙄之後我重復同佢講一次佢先落單出杯果陣個男店員仲離譜!!!一D禮貌都冇!

某夜 , 到荃灣捐血站去捐血 , 之後就見到這間 「黃到發金」的 台式茶飲店 , 於是去幫襯買杯飲料 , 懲罰一下佢 ~茶店的裝修和佈置都極具政治意味 , 同路人&手足們一定會歡喜 , 當然 "對家" 就未必懂得欣賞 ~老實講一句，我確實未去到淨係幫襯「黃色店舖」的境界，偶爾在冇選擇情況底下都會幫襯到「藍店」.... 但只要有得選擇，我一定會支持 - 黃店 ~仙草冬瓜茶 (大) $22 : 仙草大大件，口感滑嘟嘟，有濃厚仙草味道，跟味道甜蜜的冬瓜茶非常夾，味道清香甜蜜 , 正合我口味 ~本篇完 ~

十二月第二個星期五晚上，荃灣。下班後在公司等待上健身房，百無聊賴之際友人說他也剛下班，就跟我到去荃灣去。到達以後經過手搖店，以前是叫幸福周末的，也是賣台式飲料，不過沒有光顧過。這晚天氣又冷，友人建議買一杯熱的暖暖身，偶爾喝喝也不錯的。他們家的飲料種類很多，除了一般珍珠奶茶還有特色的比如盆栽奶茶，岩鹽鮮奶，雪沙布丁等等。我們點了一杯栗子朱古力牛奶，熱飲只供應大杯裝的，蓋上杯蓋前有一塊白朱古力的可愛貓貓圖案放在上面，店員建議先吃，不然會融掉。裡面會喝到朱古力碎碎，甜度剛好，栗子跟朱古力的平衡做得恰到好處，而且插在喝口處是迷你心形的，我們都覺得非常可愛呢。

又一間黃店，老闆堅持要店員離開先，自己一個撐住間鋪。面對而家經濟艱難時期，撐得就撐。🥛【黑糖珍珠岩鹽鮮奶$30】面頭有濃厚嘅岩鹽奶蓋，充滿美感嘅黑糖掛杯，黑糖珍珠越嚼越香，濃郁嘅黑糖味，配埋明冶鮮奶就誕身一杯完美嘅黑糖珍珠岩鹽鮮奶。

荃灣而家開咗好多珍珠奶茶店，咁熱嘅天氣緊係要買返杯飲吓啦，呢間開咗冇幾耐，所以試吓呢間小店，珍珠奶茶做特價，20蚊勁大杯，珍珠都幾煙韌，唔會太淋，奶茶味都幾香滑。